ಕೀವ್(ಉಕ್ರೇನ್): "ರಷ್ಯಾ ಉಕ್ರೇನ್ ಮೇಲೆ ಕ್ಷಿಪಣಿ, ಡ್ರೋನ್ಗಳ ಮೂಲಕ ನಡೆಸಿದ ವೈಮಾನಿಕ ದಾಳಿಯಲ್ಲಿ ನಾಲ್ಕು ಜನರು ಪ್ರಾಣ ಕಳೆದುಕೊಂಡಿದ್ದು, ಒಂದು ಡಜನ್ಗಿಂತಲೂ ಅಧಿಕ ಜನರು ಗಾಯಗೊಂಡಿದ್ದಾರೆ. ಜತೆಗೆ ವಿದ್ಯುತ್ ಸೌಲಭ್ಯಗಳನ್ನು ಹಾನಿಗೊಳಿಸಿದ್ದು ನಗರ ಕತ್ತಲಲ್ಲೇ ಕಳೆಯುವಂತೆ ಆಗಿದೆಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ದಾಳಿಯ ಭಯಾನಕತೆಯನ್ನು ವಿವರಿಸಿದ್ದಾರೆ.
ನೂರುಕ್ಕೂ ಅಧಿಕ ಕ್ಷಿಪಣಿಗಳು, ಅಷ್ಟೇ ಪ್ರಮಾಣದ ಡ್ರೋನ್ಗಳು ಮಧ್ಯರಾತ್ರಿ ಆರಂಭಿಸಿದ ದಾಳಿ ಮುಂಜಾನೆವರೆಗೆ ಮುಂದುವರೆದಿದೆ. ಇದು ಈ ವಾರದ ರಷ್ಯಾ ನಡೆಸಿರುವ ಬೃಹತ್ ಹೀನಾಯ ದಾಳಿಯಾಗಿದೆ. ಉಕ್ರೇನ್ನ ವಾಯುಪಡೆ ಉಕ್ರೇನ್ನ ಪೂರ್ವ, ಉತ್ತರ, ದಕ್ಷಿಣ ಮತ್ತು ಮಧ್ಯಭಾಗಗಳಲ್ಲಿ ರಷ್ಯಾದ ಡ್ರೋನ್, ಕ್ಷಿಪಣಿಗಳು ದಾಳಿ ನಡೆಸಿದೆ ಎಂದು ತಿಳಿಸಿದೆ.
ರಷ್ಯಾದ ಹಿಂದಿನ ದಾಳಿಗಳಿಗೆ ಹೋಲಿಸಿದರೆ ಈ ದಾಳಿ ಅತ್ಯಂತ ಭಯಾನಕವಾಗಿತ್ತು. ಈ ಬಾರಿ ಸಾರ್ವಜನಿಕ ಮೂಲಸೌಕರ್ಯಗಳಿರುವ ಪ್ರದೇಶಗಳನ್ನೇ ಗುರಿಯಾಗಿಸಿ ದಾಳಿ ನಡೆಸಿವೆ. ರಾಷ್ಟ್ರದ ಖಾರ್ಕೀವ್ ಪ್ರದೇಶದಿಂದ ಮತ್ತು ಕೀವ್ ನಿಂದ ಒಡೆಸಾ ಹಾಗೂ ಪಶ್ಚಿಮ ಪ್ರದೇಶಗಳಿಂದ ಟಾರ್ಗೆಟ್ ಮಾಡಿ ಕ್ಷಿಪಣಿಗಳನ್ನು ಸಿಡಿಸಿದೆ ಎಂದು ಅಧ್ಯಕ್ಷ ಝೆಲೆನ್ಸ್ಕಿ ಹೇಳಿದ್ದಾರೆ. ಇನ್ನು ಉಕ್ರೇನ್ ರಾಜಧಾನಿ ಕೀವ್ನಲ್ಲಿ ಸ್ಫೋಟದ ಶಬ್ದಗಳು ಕೇಳಿಸಿದವು. ದಾಳಿಯಿಂದ ನಗರದಲ್ಲಿ ವಿದ್ಯುತ್ ಮತ್ತು ನೀರಿನ ಸೇವೆಗಳು ಸ್ಥಗಿತಗೊಂಡಿದೆ ಎಂದು ಉಕ್ರೇನ್ನ ಮೇಯರ್ ವಿಟಾಲಿ ಕ್ಲಿಟ್ಷ್ಕೊ ತಿಳಿಸಿದ್ದಾರೆ.
ಉಕ್ರೇನ್ನ ಪ್ರಧಾನ ಮಂತ್ರಿ ಹೇಳಿಕೆ: ರಷ್ಯಾ ಡ್ರೋನ್ಗಳು, ಕ್ರೂಸ್ ಕ್ಷಿಪಣಿಗಳು ಮತ್ತು ಹೈಪರ್‌ಸಾನಿಕ್ ಬ್ಯಾಲಿಸ್ಟಿಕ್ ಕಿನ್‌ಜಾಲ್ ಕ್ಷಿಪಣಿಗಳನ್ನು 15 ಉಕ್ರೇನಿಯನ್ ಪ್ರದೇಶಗಳಲ್ಲಿ ಸುಮಾರು ದೇಶದ ಅರ್ಧಕ್ಕಿಂತ ಹೆಚ್ಚು ಪ್ರದೇಶಗಳಲ್ಲಿ ಹಾರಿಸಿದೆ. ಮತ್ತೊಮ್ಮೆ ಇಂಧನ ಮೂಲ ಸೌಕರ್ಯವೇ ರಷ್ಯಾದ ಗುರಿಯಾಗಿಸಿಕೊಂಡು ಈ ದಾಳಿ ನಡೆದಿದೆ ಎಂದು ಉಕ್ರೇನ್ನ ಪ್ರಧಾನ ಮಂತ್ರಿ ಡೆನಿಸ್ ಶ್ಮಿಹಾಲ್ ಹೇಳಿದ್ದಾರೆ.
ಅಲ್ಲದೇ ಶ್ಮಿಹಾಲ್ ಉಕ್ರೇನ್ನ ಮಿತ್ರರಾಷ್ಟ್ರಗಳಿಗೆ ದೀರ್ಘ ಹಾಗೂ ಉತ್ತಮ ಶ್ರೇಣಿಯ ಶಸ್ತ್ರಾಸ್ತ್ರಗಳನ್ನು ನೀಡುವಂತೆ ಮನವಿ ಮಾಡಿದ್ದಾರೆ. ಅವುಗಳನ್ನು ರಷ್ಯಾದ ಮೇಲೆ ಬಳುಸುವಂತೆ ಅನುಮತಿ ನೀಡಿದ್ದಾರೆ. "ಉಕ್ರೇನ್ನ ಮೇಲಿನ ಹೀನಾಯ ದಾಳಿಗಳನ್ನು ತಡೆಯಲು ರಷ್ಯಾದ ಕ್ಷಿಪಣಿಗಳನ್ನು ಉಡಾವಣೆ ಮಾಡುವ ಸ್ಥಳವನ್ನೇ ನಾಶಪಡಿಸುವುದು ಅನಿವಾರ್ಯ" ಎಂದು ಶ್ಮಿಹಾಲ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕೊನೆಯಲ್ಲಿ 'ನಾವು ನಮ್ಮ ಮಿತ್ರರಾಷ್ಟ್ರಗಳನ್ನು ನಂಬುತ್ತೇವೆ ಮತ್ತು ಖಂಡಿತವಾಗಿಯೂ ರಷ್ಯಾ ಈ ದಾಳಿಗೆ ಬೆಲೆ ತೆರುವಂತೆ' ಮಾಡುತ್ತೇವೆ ಎಂದು ಸವಾಲೆಸಿದಿದ್ದಾರೆ.
ಅಮೆರಿಕ ಅಧ್ಯಕ್ಷರು ಹೇಳಿದ್ದಿಷ್ಟು: ಅಮೆರಿಕ ಅಧ್ಯಕ್ಷ ಜೋ ಬೈಡನ್, "ಉಕ್ರೇನ್ನ ಇಂಧನ ಮೂಲಸೌಕರ್ಯದ ಮೇಲಿನ ರಷ್ಯಾದ ದಾಳಿಯ ಅತಿರೇಕದ್ದು ಎಂದು ಕರೆದಿದ್ದಾರೆ. ಮತ್ತು ಉಕ್ರೇನ್ನ ನೆರವಿಗಾಗಿ ಅಮೆರಿಕದ ವಾಯು ರಕ್ಷಣಾ ಕ್ಷಿಪಣಿಗಳನ್ನು, ಯುದ್ಧ ಪರಿಕರಗಳನ್ನು ಉಕ್ರೇನ್‌ಗೆ ಕಳುಹಿಸಲಾಗಿದೆ. ಅಮೆರಿಕವು ಮೂಲ ವ್ಯವಸ್ಥೆಗಳನ್ನು ಸರಿಪಡಿಸಲು ಮತ್ತು ಉಕ್ರೇನ್ನ ವಿದ್ಯುತ್ ಉತ್ಪಾದಿಸುವ ಗ್ರಿಡ್‌ನ ಸ್ಥಿತಿಸ್ಥಾಪಕತ್ವವನ್ನು ಬಲಪಡಿಸಲು ಉಕ್ರೇನ್‌ಗೆ ಇಂಧನ ಉಪಕರಣಗಳನ್ನು ಹೆಚ್ಚಿಸುತ್ತಿದೆ' ಎಂದು ಇದೇ ವೇಳೆ ಅಭಯ ನೀಡಿದ್ದಾರೆ.
ಗುರಿಯಂತೆ ದಾಳಿ - ರಷ್ಯಾ ರಕ್ಷಣಾ ಸಚಿವಾಲಯ: ರಷ್ಯಾದ ರಕ್ಷಣಾ ಸಚಿವಾಲಯ ಉಕ್ರೇನ್ ಮೇಲೆ ನಡೆಸಿರುವ ದಾಳಿ ಬಗ್ಗೆ ಹೇಳಿಕೆ ನೀಡಿದ್ದು, ರಷ್ಯಾದ ಕ್ರಮವನ್ನು ಸಮರ್ಥಿಸಿಕೊಂಡಿದೆ. ರಷ್ಯಾ ನಡೆಸಿರುವ ದಾಳಿಯಲ್ಲಿ ದೀರ್ಘ-ಶ್ರೇಣಿಯ ಕ್ಷಿಪಣಿಗಳಿಂದ ನಿಖರವಾದ ದಾಳಿ ಮಾಡಲಾಗಿದೆ. ಉಕ್ರೇನ್ನ ಮಿಲಿಟರಿ-ಕೈಗಾರಿಕಾ ಸಂಕೀರ್ಣದ ಕಾರ್ಯಾಚರಣೆಯನ್ನು ಬೆಂಬಲಿಸುವ ವಿದ್ಯುತ್ ಶಕ್ತಿ, ಮೂಲಸೌಕರ್ಯ ಸೌಲಭ್ಯಗಳ ವಿರುದ್ಧ ಡ್ರೋನ್‌ಗಳನ್ನು ಬಳಸಲಾಗಿದೆ. ಈ ಮೂಲಕ ಮೊದಲು ಗೊತ್ತುಪಡಿಸಿದ್ಧ ಎಲ್ಲಾ ಗುರಿಗಳ ಮೇಲೆ ಅಂದುಕೊಂಡ ನಿಖರ ದಾಳಿ ನಡೆಸಲಾಗಿದೆ ಎಂದು ಅದು ಹೇಳಿದೆ.
ಇನ್ನು ದಾಳಿಯಿಂದ ಉಕ್ರೇನ್ನ ಪಶ್ಚಿಮ ನಗರ ಲುಟ್ಸ್ಕ್‌ನಲ್ಲಿ ಓರ್ವ, ಮಧ್ಯ ಡ್ನಿಪ್ರೊಪೆಟ್ರೋವ್ಸ್ಕ್ ಪ್ರದೇಶದಲ್ಲಿ ಓರ್ವ, ರಾಷ್ಟ್ರದ ಮಧ್ಯಭಾಗದ ಝೈಟೊಮಿರ್‌ನಲ್ಲಿ ಓರ್ವ ಮತ್ತು ಆಗ್ನೇಯದಲ್ಲಿ ಭಾಗಶಃ ಆಕ್ರಮಿಸಿಕೊಂಡಿರುವ ಜಪೋರಿಝಿಯಾ ಪ್ರದೇಶದಲ್ಲಿ ಓರ್ವ ಸೇರಿ ಒಟ್ಟು ನಾಲ್ವರು ಸಾವನ್ನಪ್ಪಿದ್ದಾರೆ. ರಾಜಧಾನಿಯನ್ನು ಸುತ್ತುವರೆದಿರುವ ಕೀವ್ನಲ್ಲಿ ಓರ್ವ, ಲುಟ್ಸ್ಕ್‌ನಲ್ಲಿ 5, ದಕ್ಷಿಣ ಮೈಕೋಲೈವ್ ಪ್ರದೇಶದಲ್ಲಿ ಮೂವರು ಮತ್ತು ನೆರೆಯ ಒಡೆಸಾ ಪ್ರದೇಶದಲ್ಲಿ ನಾಲ್ವರು ಸೇರಿ ಇತರ ಹದಿಮೂರು ಮಂದಿ ಗಾಯಗೊಂಡಿದ್ದಾರೆ ಎಂದು ಉಕ್ರೇನ್ನ ಸ್ಥಳೀಯ ಅಧಿಕಾರಿಗಳು ತಿಳಿಸಿದ್ದಾರೆ.
ಇದನ್ನೂ ಓದಿ: ಉಕ್ರೇನ್ ಮೇಲೆ ಬೃಹತ್ ದಾಳಿ ಆರಂಭಿಸಿದ ರಷ್ಯಾ: ಕನಿಷ್ಠ ಮೂವರ ಸಾವು - Russia attack Ukraine
