ಲಂಡನ್: ಹೆಚ್ಚುತ್ತಿರುವ ಭೂಮಿ ತಾಪಮಾನ, ನೌಕಾಯಾನ, ಗಣಿಗಾರಿಕೆ ಕೂಡ ಹೆಚ್ಚುತ್ತಿದೆ. ಇದರಿಂದ ಸೈಬೀರಿಯಾದ ಹಿಮಹಾಸಿನಿಂದ ಆವೃತ್ತವಾಗಿರುವ ಪ್ರಾಚೀನಾ ಝೊಂಬಿ ವೈರಸ್ ಬಿಡುಗಡೆಯಾಗಬಹುದು. ಇದು ಹೊಸ ಸಾಂಕ್ರಾಮಿಕತೆ ಆರಂಭವಾಗಬಹುದು ಎಂದು ವಿಜ್ಞಾನಿಗಳು ಎಚ್ಚರಿಸಿದ್ದಾರೆ.
10 ಸಾವಿರ ವರ್ಷಗಳಿಂದ ಸೈಬೀರಿಯಾದಲ್ಲಿ ಹಿಮದ ಹೊದಿಕೆಯಲ್ಲಿ ಹೆಪ್ಪುಗಟ್ಟಿರುವ ವೈರಸ್ ಮೆಥುಸೆಲಾ ಸೂಕ್ಷ್ಮಜೀವಿಗಳು ಎಂದು ಪರಿಚಿತವಾಗಿದೆ. ಇದು ಮನುಕುಲಕ್ಕೆ ಹೆಚ್ಚಿನ ಅಪಾಯ ತರಬಹುದು ಮತ್ತು ರೋಗದ ಹರಡುವಿಕೆಗೆ ಕಾರಣವಾಗಬಹುದು. ಭೂಮಿಯಲ್ಲಿ 2023 ಅತ್ಯಂತ ಶಾಖದ ವರ್ಷವಾಗಿ ದಾಖಲಾಗಿದೆ. ಈ ಹವಾಮಾನ ಹಿಂದೆಂದಿಗಿಂತಲೂ ಈಗ ಝೊಂಬಿ ವೈರಸ್ ಬಿಡುಗಡೆಗೆ ಕಾರಣವಾಗಬಹುದು ಎಂದು ದಕ್ಷಿಣ ಫ್ರಾನ್ಸ್ನ ಐಕ್ಸಿ ಮರ್ಸೈಲೆ ಯುನಿವರ್ಸಿಟಿ ಸಂಶೋಧಕರು ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ದಕ್ಷಿಣ ಪ್ರದೇಶದಿಂದ ಸಾಂಕ್ರಾಮಿಕದ ಬೆದರಿಕೆಯಿದ್ದು ಇದು ರೋಗದ ಉಲ್ಬಣತೆಗೆ ಕಾರಣವಾಗಲಿದೆ. ಇದು ಉತ್ತರಕ್ಕೆ ಹರಡಲಿದೆ ಎಂದು ವಿಶ್ಲೇಷಿಸಲಾಗಿದೆ ಎಂದು ಜೆನೆಸಿಸ್ಟ್ ಜೀನ್ ಮಿಷೆಲ್ ಗ್ಲಾವೆರಿಯಾ ತಿಳಿಸಿದ್ದಾರೆ. ಇದಕ್ಕೆ ವಿರುದ್ಧವಾಗಿ ಉತ್ತರದಲ್ಲಿ ಇದು ಉಗಮವಾಗಿ ಬಳಿಕ ದಕ್ಷಿಣಕ್ಕೆ ಪ್ರಯಾಣಿಸಬಹುದು. ಈ ನಿಟ್ಟಿನಲ್ಲಿ ಕೊಂಚ ಹೆಚ್ಚಿನ ಎಚ್ಚರಿಕೆ ನೀಡಬೇಕಿದೆ. ಮಾನವರಿಗೆ ಸೋಂಕು ತಗುಲಿಸುವ ಸಾಮರ್ಥ್ಯವನ್ನು ಹೊಂದಿರುವ ಅನೇಕ ವೈರಸ್ಗಳಿದ್ದು, ಹೊಸ ರೋಗಕ್ಕೆ ಇವು ಕಾರಣವಾಗಬಹುದು.
ಇದಕ್ಕೆ ಸಹಮತ ವ್ಯಕ್ತಪಡಿಸಿರುವ ರೊಟ್ಟೆರ್ಡಮ್ನ ಎರ್ಸ್ಮಸ್ ಮೆಡಿಕಲ್ ಸೆಂಟರ್ನ ವೈರಾಲಾಜಿಸ್ಟ್ ಮರಿಯನ್ ಕೂಪ್ಮನ್ಸ್, ಹಿಮಹಾಸಿನಲ್ಲಿ ಮಲಗಿರುವ ವೈರಸ್ಗಳು ಯಾವುದು ಎಂಬುದು ನಮಗೆ ತಿಳಿದಿಲ್ಲ. ಆದರೆ, ನಿಜವಾಗಿಯೂ ಅಪಾಯವಿದೆ. ಪೊಲಿಯೋದಂತಹ ಪ್ರಾಚೀನ ರೀತಿಯ ರೋಗವೂ ಹರಡುವ ಅಪಾಯವೂ ಇದೆ ಎಂದಿದ್ದಾರೆ. ಈ ರೀತಿ ಆಗಬಹುದು ಎಂದು ನಾವು ಅಂದಾಜಿಸುತ್ತಿದ್ದೇವೆ ಎಂದಿದ್ದಾರೆ.
ಈ ಹಿಮಹಾಸು ಉತ್ತರ ಗೋಳಾರ್ಧದ ಐದನೇ ಭಾಗವನ್ನು ಆವರಿಸುತ್ತದೆ. ಇಲ್ಲಿ ದೀರ್ಘಾವಧಿಯಿಂದ ತಾಪಮಾನವು ಶೂನ್ಯವಿದೆ. ಅನೇಕ ಪದರಗಳು ಸಾವಿರಾರು ವರ್ಷಗಳಿಂದ ಹೆಪ್ಪುಗಟ್ಟಿದೆ ಎಂಬುದನ್ನು ವಿಜ್ಞಾನಿಗಳು ಪತ್ತೆ ಮಾಡಿದ್ದಾರೆ.
ಈ ಹಿಮಹಾಸುಗಳು ಕತ್ತಲು ಮತ್ತು ಆಮ್ಲಜನಕ, ಚಳಿಯಿಂದಾಗಿ ಜೈವಿಕ ಅಂಶಗಳನ್ನು ಪರಿಪೂರ್ಣವಾಗಿ ಸಂರಕ್ಷಿಸಿದೆ. ಇವು ಏಕ ಕೋಶದ ಸೂಕ್ಷ್ಮಜೀವಿಗಳಾಗಿದ್ದು, 2014ರಲ್ಲಿ ಸೈಬೀರಿಯಾದಲ್ಲಿ ಗ್ಲವೆರಿಯಾ ನೇತೃತ್ವದ ತಂಡವೂ ಇದನ್ನು ಗಮನಿಸಿದೆ. ಈ ವೈರಸ್ನ ಒಂದು ಮಾದರಿಯು 48,500 ವರ್ಷದಷ್ಟು ಹಳೆಯದಾಗಿದೆ.
ಇದರ ಅಪಾಯವು ಜಾಗತಿಕ ತಾಪಮಾನ ಪರಿಣಾಮವಾಗಿ ಬರಬಹುದು. ಸೈಬೀರಿಯಾದಲ್ಲಿ ನೌಕಾಯಾನ, ಟ್ರಾಫಿಕ್ ಮತ್ತು ಉದ್ಯಮದ ಅಭಿವೃದ್ಧಿ, ದೊಡ್ಡ ದೊಡ್ಡ ಗಣಿಗಾರಿಕೆ ಕಾರ್ಯಾಚರಣೆಗಳು ಹಿಮಹಾಸುಗಳ ಮೇಲೆ ದೊಡ್ಡ ಕಂದಕವನ್ನು ಮೂಡಿಸುತ್ತಿದೆ. ಈ ಕಾರ್ಯಾಚರಣೆಗಳು ಅಗಾಧ ಸಂಖ್ಯೆಯಲ್ಲಿರುವ ರೋಗಕಾರಗಳ ಹೊರ ಹೊಮ್ಮುವಿಕೆಗೆ ಕಾರಣವಾಗಬಹುದು ಎಂದಿದ್ದಾರೆ.
ವರ್ಲ್ಡ್ ವೈಡ್ ಫಂಡ್ ಫಾರ್ ನೇಚರ್ ವರದಿ ಮಾಡಿದಂತೆ ಆರ್ಕ್ಟಿಕ್ ಸರಾಸರಿ ತಾಪಮಾನವು ಮೂರು ಪಟ್ಟು ಹೆಚ್ಚಾಗಿದೆ. ಈ ಪ್ರದೇಶವು ಸರಾಸರಿ ತಾಪಮಾನ ಬದಲಾವಣೆಯ ಅಧಿಕ ದರವನ್ನು ಹೊಂದಿದೆ. ಕಳೆದ ವರ್ಷ ರಷ್ಯಾ, ಜರ್ಮನಿ ಮತ್ತು ಫ್ರಾನ್ಸ್ ವಿಜ್ಞಾನಿಗಳು ಆರು ಪ್ರಾಚೀನ ರೋಗಗಳು ಈ ಹಿಮಹಾಸಿನಲ್ಲಿ ಬಂಧಿಯಾಗಿವೆ. ಇದು ಜಗತ್ತಿಗೆ ದೊಡ್ಡ ವಿಪತ್ತು ತರುವ ಸಾಮರ್ಥ್ಯವನ್ನು ಹೊಂದಿದೆ ಎಂದಿದ್ದರು. (ಐಎಎನ್ಎಸ್)
ಇದನ್ನೂ ಓದಿ: ಹವಾಮಾನ ಬದಲಾವಣೆಯು ಅತಿಸಾರ ಕಾಯಿಲೆ ಹರಡುವಿಕೆಯ ಅಪಾಯ ಹೆಚ್ಚಿಸಬಹುದು: ಅಧ್ಯಯನ
