ನವದೆಹಲಿ: ಗರ್ಭಕಂಠ ಕ್ಯಾನ್ಸರ್ನ ಮೊದಲ ಮುನ್ನೆಚ್ಚರಿಕೆ ಎಂದರೆ ಅದು ಎಚ್ಪಿವಿ ಲಸಿಕೆ ಆಗಿದೆ. 9 ರಿಂದ 14 ವರ್ಷದೊಳಗೆ ಈ ಲಸಿಕೆಯನ್ನು ನೀಡುವುದರಿಂದ ಈ ಅಪಾಯವನ್ನು ತಡೆಯಬಹುದಾಗಿದೆ. ಒಂದು ವೇಳೆ ಈ ಅವಧಿಯಲ್ಲಿ ಲಸಿಕೆ ತಪ್ಪಿಸಿದಲ್ಲಿ ಯಾವ ವಯಸ್ಸಿನಲ್ಲಿ ಲಸಿಕೆ ಪಡೆಯಬಹುದು. ಹೇಗೆ ಈ ಗರ್ಭಕಂಠ ಕ್ಯಾನ್ಸರ್ನಿಂದ ರಕ್ಷಣೆ ಪಡೆಯಬಹುದು ಎಂಬ ಕುರಿತು ವೈದ್ಯರು ಸಲಹೆ ನೀಡಿದ್ದಾರೆ.
ಹ್ಯೂಮನ್ ಪ್ಯೂಪಿಲೋವೈರಸ್ (ಎಚ್ಪಿವಿ) ಗರ್ಭಕಂಠಕ್ಕೆ ಕಾರಣವಾಗುವ ಸಾಮಾನ್ಯ ಮತ್ತು ಹೆಚ್ಚಿನ ಅಪಾಯಕ್ಕೆ ಕಾರಣವಾಗುವ ಸೋಂಕು ಆಗಿದೆ. ಭಾರತದಲ್ಲಿ 5 ರಲ್ಲಿ 1 ಅಂದರೆ ಶೇ 21ರಷ್ಟು ಮಂದಿ ಈ ಗರ್ಭಕಂಠದ ಕ್ಯಾನ್ಸರ್ ಅಪಾಯ ಹೊಂದಿದ್ದಾರೆ ಎಂದು ದಿ ಲ್ಯಾನ್ಸೆಟ್ ಗ್ಲೋಬಲ್ ಹೆಲ್ತ್ ವರದಿ ತಿಳಿಸಿದತು. ಜಾಗತಿಕವಾಗಿ ಈ ಗರ್ಭಕಂಠದ ಕ್ಯಾನ್ಸರ್ನಿಂದಾಗಿ ನಾಲ್ಕರಲ್ಲಿ ಒಬ್ಬರು ಅಥವಾ ಶೇ 23ರಷ್ಟು ಮಂದಿ ಸಾವನ್ನಪ್ಪುತ್ತಿದ್ದಾರೆ.
ಎಚ್ಪಿವಿ ಲಸಿಕೆಯನ್ನು 9 ರಿಂದ 14 ವರ್ಷದ ಮಕ್ಕಳಿಗೆ ನೀಡಿದಲ್ಲಿ ಅದು ಪರಿಣಾಮಕಾರಿಯಾಗಿರುತ್ತದೆ. ಆದರೂ ಈ ಲಸಿಕೆಯನ್ನೂ ಮಹಿಳೆಯರಿಗೆ 45ವರ್ಷದವರೆಗೆ ಶಿಫಾರಸು ಮಾಡಲಾಗುವುದು ಎಂದು ತಜ್ಞರು ತಿಳಿಸಿದ್ದಾರೆ.
ಹೆಣ್ಣು ಮಕ್ಕಳು 9 ರಿಂದ 26 ವರ್ಷದೊಳಗೆ ಈ ಗರ್ಭಕಂಠದ ಲಸಿಕೆ ಪಡೆಯುವುದು ಹೆಚ್ಚು ನಿರ್ಣಾಯಕವಾಗಿದೆ. ಈ ಲಸಿಕೆ ಎಚ್ಪಿವಿ ಸೋಂಕಿನ ವಿರುದ್ಧ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸಲಿದೆ. ಆದಾಗ್ಯೂ, ಈ ಲಸಿಕೆ ಪಡೆಯದವರು 26 ಮತ್ತು 45 ವರ್ಷದೊಳಗೆ ಇದರ ಪ್ರಯೋಜನ ಪಡೆಯಬಹುದು ಎಂದು ಗುರುಗ್ರಾಮದ ಕ್ಲೌಡ್ನೈನ್ ಸ್ತ್ರೀರೋಗ ತಜ್ಞೆ ಡಾ ಚೇತ್ನಾ ಜೈನ್ ತಿಳಿಸಿದ್ದಾರೆ.
ಇಂದು ಯುವ ಜನತೆ ಹಲವು ಪಾರ್ಟನರ್ಗಳ ಜೊತೆ ಲೈಂಗಿಕ ಚಟುವಟಿಕೆಯಲ್ಲಿ ತೊಡಗುತ್ತಿದ್ದು, ಲಸಿಕೆ ಪಡೆಯುವ ಪ್ರಾಮುಖ್ಯತೆ ಹೆಚ್ಚಿಸಿದೆ. ಶಿಫಾರಸು ಮಾಡಿದ ವಯಸ್ಸು ಮೀರಿದ ಬಳಿಕವೂ ಯುವತಿಯರು ಮತ್ತು ಮಹಿಳೆಯರು ಈ ಎಚ್ಪಿವಿ ಲಸಿಕೆಯ ಪ್ರಯೋಜನ ಪಡೆಯಬಹುದು. ಸೋಂಕಿನ ವಿರುದ್ಧ ಪರಿಣಾಮಕಾರಿತ್ವತೆ ಕೊಂಚ ಕಡಿಮೆಯಾಗಬಹುದು ಎಂದಿದ್ದಾರೆ.
ಲಸಿಕೆಗೆ ನಿಗದಿಸಿರುವ ವಯಸ್ಸು ಮೀರಿದರೂ ಕೂಡ ಮಹಿಳೆಯರು ತಮ್ಮ 45 ವರ್ಷದವರೆಗೆ ಈ ಲಸಿಕೆಯ ಪ್ರಯೋಜನ ಪಡೆಯಬಹುದಾಗಿದೆ ಎಂದು ದೆಹಲಿಯ ಮಧುಕರ್ ರೈನ್ಬೌ ಮಕ್ಕಳ ಆಸ್ಪತ್ರೆಯ ಸ್ತ್ರೀರೋಗ ತಜ್ಞೆ ಡಾ ರಿಂಕು ಸೇನ್ ಗುಪ್ತಾ ಧಾರ್ ತಿಳಿಸಿದ್ದಾರೆ.
ಲಸಿಕೆಯ ಹೊರತಾಗಿ ಗರ್ಭಕಂಠ ಕ್ಯಾನ್ಸರ್ ಅನ್ನು ಆರಂಭದಲ್ಲಿ ಪತ್ತೆ ಮಾಡಿ ತಡೆಯುವುದು ಕೂಡ ಪ್ರಮುಖವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ. ಗರ್ಭಕಂಠದ ಕ್ಯಾನ್ಸರ್ ಲಕ್ಷಣ ರಹಿತವಾಗಿದ್ದು, ಇದಕ್ಕೆ ಸೂಕ್ತ ಚಿಕಿತ್ಸೆ ನೀಡದೇ ಹೋದಲ್ಲಿ ವರ್ಷಗಳ ಬಳಿಕ ಇದು ಕ್ಯಾನ್ಸರ್ಗೆ ಕಾರಣವಾಗುತ್ತದೆ ಎಂದಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ಗರ್ಭಕಂಠ ಕ್ಯಾನ್ಸರ್ಗೆ ತುತ್ತಾದ ಮಿಸ್ ವರ್ಲ್ಡ್ ಅಭ್ಯರ್ಥಿ.. ಮಹಿಳೆಯರನ್ನು ಕಾಡುವ ಈ ಕ್ಯಾನ್ಸರ್ ಬಗ್ಗೆ ಅರಿವು ಅಗತ್ಯ
