ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ತನ್ನ ವಾರ್ಷಿಕ ಹೆಲ್ತ್ ಡೈನಾಮಿಕ್ಸ್ ಆಫ್ ಇಂಡಿಯಾ (ಮೂಲಸೌಕರ್ಯ ಮತ್ತು ಮಾನವ ಸಂಪನ್ಮೂಲ) ವರದಿಯನ್ನು ಬಿಡುಗಡೆ ಮಾಡಿದೆ. ಈ ವಾರ್ಷಿಕ ವರದಿಯನ್ನು ಹಿಂದೆ "ಗ್ರಾಮೀಣ ಆರೋಗ್ಯ ಅಂಕಿ - ಅಂಶಗಳು" ಎಂದು ಕರೆಯಲಾಗುತ್ತಿತ್ತು. ಈ ಸಮಗ್ರ ವರದಿಯು ಎಲ್ಲ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ (ಯುಟಿ) ಆರೋಗ್ಯ ಕೇಂದ್ರಗಳು ಆರೋಗ್ಯ ನಿರ್ವಹಣಾ ಮಾಹಿತಿ ವ್ಯವಸ್ಥೆ (ಎಚ್ಎಂಐಎಸ್)ಯ ಪೋರ್ಟಲ್ಗೆ ಅಪ್ಲೋಡ್ ಮಾಡಲಾದ ಮೂಲಸೌಕರ್ಯ ಮತ್ತು ಮಾನವ ಸಂಪನ್ಮೂಲಗಳ ವಿಭಜಿತ ಡೇಟಾದ ನಿರಂತರ ಹರಿವನ್ನು ಆಧರಿಸಿದೆ.
ಈ ವರದಿಯು ಸ್ಥಳೀಯ ಯೋಜನೆ, ಕಾರ್ಯಕ್ರಮಗಳ ಸುಗಮ ಅನುಷ್ಠಾನ, ನಿರ್ವಹಣೆಯನ್ನು ಉತ್ತಮಗೊಳಿಸುವುದು ಮತ್ತು ದೃಢವಾದ ಮೇಲ್ವಿಚಾರಣೆ ಮತ್ತು ಮೌಲ್ಯಮಾಪನ ಪ್ರಕ್ರಿಯೆಗಳನ್ನು ಜಾರಿಗೆ ತರುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇದು ಆರೋಗ್ಯ ವ್ಯವಸ್ಥೆಯ ವಿವಿಧ ಹಂತಗಳಲ್ಲಿರುವ ಸಂಬಂಧಿತ ವ್ಯಕ್ತಿ, ಸಂಸ್ಥೆಗಳಿಗೆ ಪ್ರಮುಖ ಸಾಧನವಾಗಿ ಕೆಲಸ ಮಾಡುತ್ತದೆ. ಪ್ರಸ್ತುತ ಆರೋಗ್ಯ ವ್ಯವಸ್ಥೆಯ ಸ್ಥಿತಿ, ಸಂಪನ್ಮೂಲ ಹಂಚಿಕೆ ಮತ್ತು ಯಾವ ಕ್ಷೇತ್ರಗಳಲ್ಲಿ ಇನ್ನೂ ಸುಧಾರಣೆಯಾಗಬೇಕಿದೆ ಎಂಬೆಲ್ಲ ವಿಚಾರಗಳ ಮೂಲಕ ಅವರನ್ನು ಸಶಕ್ತಗೊಳಿಸುತ್ತದೆ.
ಈ ಸಮಗ್ರ ವಿಧಾನ ಮತ್ತು ನವೀಕೃತ ಮಾಹಿತಿಯ ಮೇಲಿನ ಅವಲಂಬನೆಯ ಮೂಲಕ, ಈ ವರದಿಯು ಆರೋಗ್ಯ ವ್ಯವಸ್ಥೆಗಳನ್ನು ಸುಧಾರಿಸಲು ಮತ್ತು ರಾಷ್ಟ್ರವ್ಯಾಪಿ ಪುರಾವೆ ಆಧಾರಿತ ನಿರ್ಧಾರ ತೆಗೆದುಕೊಳ್ಳುವಿಕೆಯನ್ನು ಉತ್ತೇಜಿಸಲು ಗಮನಾರ್ಹವಾಗಿ ಕೊಡುಗೆ ನೀಡುತ್ತದೆ. ಮಾರ್ಚ್ 31, 2023 ರ ಹೊತ್ತಿಗೆ, ದೇಶದಲ್ಲಿ ಒಟ್ಟು 1,69,615 ಉಪ ಕೇಂದ್ರಗಳು (ಎಸ್ ಸಿ), 31,882 ಪ್ರಾಥಮಿಕ ಆರೋಗ್ಯ ಕೇಂದ್ರಗಳು (ಪಿಎಚ್ ಸಿ), 6,359 ಸಮುದಾಯ ಆರೋಗ್ಯ ಕೇಂದ್ರಗಳು (ಸಿಎಚ್ಸಿ), 1,340 ಉಪ-ವಿಭಾಗೀಯ / ಜಿಲ್ಲಾ ಆಸ್ಪತ್ರೆಗಳು (ಎಸ್ಡಿಎಚ್), 714 ಜಿಲ್ಲಾ ಆಸ್ಪತ್ರೆಗಳು (ಡಿಎಚ್ ಗಳು) ಮತ್ತು 362 ವೈದ್ಯಕೀಯ ಕಾಲೇಜುಗಳು (ಎಂಸಿ) ಇವೆ.
ಹೆಲ್ತ್ ಡೈನಾಮಿಕ್ಸ್ ಆಫ್ ಇಂಡಿಯಾದ ಮುಖ್ಯಾಂಶಗಳು: "ಹೆಲ್ತ್ ಡೈನಾಮಿಕ್ಸ್ ಆಫ್ ಇಂಡಿಯಾ (ಮೂಲಸೌಕರ್ಯ ಮತ್ತು ಮಾನವ ಸಂಪನ್ಮೂಲಗಳು) 2022-23", ಈ ಹಿಂದೆ "ಗ್ರಾಮೀಣ ಆರೋಗ್ಯ ಅಂಕಿ ಅಂಶಗಳು" ಎಂದು ಕರೆಯಲ್ಪಡುತ್ತಿದ್ದ ವಾರ್ಷಿಕ ವರದಿಯಾಗಿದೆ.
ಜಮ್ಮು ಮತ್ತು ಕಾಶ್ಮೀರ (556), ರಾಜಸ್ಥಾನ (466), ಕರ್ನಾಟಕ (451), ಗುಜರಾತ್ (413), ಅಸ್ಸಾಂ (310) ಮತ್ತು ಉತ್ತರಾಖಂಡ (307) ರಾಜ್ಯಗಳಲ್ಲಿ ಪ್ರಾಥಮಿಕ ಆರೋಗ್ಯ ಕೇಂದ್ರಗಳ ಸಂಖ್ಯೆಯಲ್ಲಿ ಗಮನಾರ್ಹ ಹೆಚ್ಚಳ ಕಂಡು ಬಂದಿದೆ.
ವಿಭಾಗ IV, ಕೋಷ್ಟಕ 6 • 2023 ರ ಮಾರ್ಚ್ 31 ರ ಹೊತ್ತಿಗೆ ದೇಶದಲ್ಲಿ 25354 ಪಿಎಚ್ಸಿಗಳು ಕಾರ್ಯನಿರ್ವಹಿಸುತ್ತಿವೆ. ಉತ್ತರ ಪ್ರದೇಶ (3055)ದಲ್ಲಿ ಅತ್ಯಧಿಕ ಪಿಎಚ್ಸಿಗಳಿದ್ದು, ರಾಜಸ್ಥಾನ (2179), ಕರ್ನಾಟಕ (2132), ಮಹಾರಾಷ್ಟ್ರ (1906), ಬಿಹಾರ (1519), ಗುಜರಾತ್ (1483), ಮಧ್ಯಪ್ರದೇಶ (1440) ಮತ್ತು ತಮಿಳುನಾಡು (1419) ನಂತರದ ಸ್ಥಾನಗಳಲ್ಲಿವೆ.
ಗ್ರಾಮೀಣ ಪ್ರದೇಶಗಳಲ್ಲಿ, ಉಪ - ಆರೋಗ್ಯ ಕೇಂದ್ರಗಳು ಸರ್ಕಾರಿ ಕಟ್ಟಡಗಳಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಇದರ ಹೊರತಾಗಿಯೂ, ಬಾಡಿಗೆ ಕಟ್ಟಡಗಳು ಮತ್ತು ಬಾಡಿಗೆ ಮುಕ್ತ ಪಂಚಾಯತ್ / ಸ್ವಯಂಸೇವಾ ಸೊಸೈಟಿ ಕಟ್ಟಡಗಳಲ್ಲಿ ಈಗಲೂ ಅನೇಕ ಉಪ-ಆರೋಗ್ಯ ಕೇಂದ್ರಗಳು (52116) ಕಾರ್ಯನಿರ್ವಹಿಸುತ್ತಿವೆ. ಬಾಡಿಗೆ ಕಟ್ಟಡಗಳು ಮತ್ತು ಬಾಡಿಗೆ ರಹಿತ ಪಂಚಾಯತ್ / ಸ್ವಯಂಸೇವಾ ಸೊಸೈಟಿ ಕಟ್ಟಡಗಳಲ್ಲಿ ನಡೆಯುತ್ತಿರುವ 52116 ಉಪ ಆರೋಗ್ಯ ಕೇಂದ್ರಗಳ ಪೈಕಿ ಆಂಧ್ರಪ್ರದೇಶ, ಬಿಹಾರ, ಕರ್ನಾಟಕ, ರಾಜಸ್ಥಾನ, ಉತ್ತರ ಪ್ರದೇಶ ಮತ್ತು ಪಶ್ಚಿಮ ಬಂಗಾಳದ ಪಾಲು ಸುಮಾರು ಶೇಕಡಾ 60 ರಷ್ಟಿದೆ. ಹಾಗೆಯೇ 1882 ಪಿಎಚ್ಸಿಗಳು ಮತ್ತು 78 ಸಿಎಚ್ಸಿಗಳು ಬಾಡಿಗೆ ಕಟ್ಟಡಗಳು ಮತ್ತು ಬಾಡಿಗೆ ಮುಕ್ತ ಪಂಚಾಯತ್ / ಸ್ವಯಂ ಸೇವಾ ಸೊಸೈಟಿ ಕಟ್ಟಡಗಳಲ್ಲಿ ಕಾರ್ಯನಿರ್ವಹಿಸುತ್ತಿವೆ.
ಮುಂಬೈ, ನವದೆಹಲಿ, ಚೆನ್ನೈ, ಕೋಲ್ಕತಾ, ಹೈದರಾಬಾದ್, ಬೆಂಗಳೂರು ಮತ್ತು ಅಹಮದಾಬಾದ್ ಸೇರಿದಂತೆ ಏಳು ಮಹಾನಗರಗಳಲ್ಲಿ ನಗರ ಸ್ಥಳೀಯ ಸಂಸ್ಥೆಗಳ (ಯುಎಲ್ಬಿ) ಮೂಲಕ ನಗರ ಆರೋಗ್ಯ ಕಾರ್ಯಕ್ರಮವನ್ನು ಜಾರಿಗೆ ತರಲಾಗುತ್ತಿದೆ. ಉಳಿದ ನಗರಗಳಿಗೆ, ನಗರ ಆರೋಗ್ಯ ಕಾರ್ಯಕ್ರಮವನ್ನು ಆರೋಗ್ಯ ಇಲಾಖೆ ಅಥವಾ ಇತರ ಯಾವುದೇ ನಗರ ಸ್ಥಳೀಯ ಸಂಸ್ಥೆಗಳ ಮೂಲಕ ಜಾರಿಗೆ ತರಬೇಕೇ ಎಂದು ರಾಜ್ಯ ಆರೋಗ್ಯ ಇಲಾಖೆ ನಿರ್ಧರಿಸುತ್ತದೆ.
ಮಧ್ಯಪ್ರದೇಶದಲ್ಲಿ 332 ಮಂಜೂರಾದ ಶಸ್ತ್ರಚಿಕಿತ್ಸಕರ ಹುದ್ದೆಗಳಿವೆ. ಆದರೆ, ಈ ಪೈಕಿ ಕೇವಲ ಏಳು ಹುದ್ದೆಗಳನ್ನು ಮಾತ್ರ ತುಂಬಲಾಗಿದೆ. ಬಿಹಾರ, ಗುಜರಾತ್, ಮಹಾರಾಷ್ಟ್ರ, ರಾಜಸ್ಥಾನ ಮತ್ತು ತಮಿಳುನಾಡಿನಲ್ಲಿ ದೊಡ್ಡ ಪ್ರಮಾಣದ ಶಸ್ತ್ರಚಿಕಿತ್ಸಕರ ಕೊರತೆ ಕಂಡು ಬಂದಿದೆ. ಕರ್ನಾಟಕದಲ್ಲಿ 45 ಹುದ್ದೆಗಳಿದ್ದು, ಕೇವಲ 16 ಹುದ್ದೆಗಳು ಮಾತ್ರ ಭರ್ತಿಯಾಗಿವೆ.
ಕರ್ನಾಟಕ ಪ್ರೊಫೈಲ್
ಜಿಲ್ಲೆಗಳ ಸಂಖ್ಯೆ: 31
ಗ್ರಾಮಗಳ ಸಂಖ್ಯೆ: 30715
| ಆರೋಗ್ಯ ಕೇಂದ್ರಗಳು | ಗ್ರಾಮೀಣ | ನಗರ |
| ಉಪ-ಆರೋಗ್ಯ ಕೇಂದ್ರಗಳ ಸಂಖ್ಯೆ | 8762 | 516 |
| ಪ್ರಾಥಮಿಕ ಆರೋಗ್ಯ ಕೇಂದ್ರಗಳ ಸಂಖ್ಯೆ | 2132 | 392 |
| ಸಮುದಾಯ ಆರೋಗ್ಯ ಕೇಂದ್ರಗಳ ಸಂಖ್ಯೆ | 182 | 30 |
| ಉಪ ವಿಭಾಗೀಯ / ಜಿಲ್ಲಾ ಆಸ್ಪತ್ರೆಗಳ ಸಂಖ್ಯೆ | 147 | |
| ಜಿಲ್ಲಾ ಆಸ್ಪತ್ರೆಗಳ ಸಂಖ್ಯೆ | 16 | |
| ವೈದ್ಯಕೀಯ ಕಾಲೇಜುಗಳ ಸಂಖ್ಯೆ | 19 | |
ಉಪ ಕೇಂದ್ರಗಳು (ಎಸ್ ಸಿ): ಮಾರ್ಚ್ 31, 2023 ರ ಹೊತ್ತಿಗೆ, ಕರ್ನಾಟಕದಲ್ಲಿ ಒಟ್ಟು 8,762 ಉಪ ಕೇಂದ್ರಗಳು ಕಾರ್ಯನಿರ್ವಹಿಸುತ್ತಿವೆ.
ಪ್ರಾಥಮಿಕ ಆರೋಗ್ಯ ಕೇಂದ್ರಗಳು: ಅದೇ ರೀತಿ ಕರ್ನಾಟಕದಲ್ಲಿ 2132 ಪ್ರಾಥಮಿಕ ಆರೋಗ್ಯ ಕೇಂದ್ರಗಳು ಕಾರ್ಯನಿರ್ವಹಿಸುತ್ತಿವೆ.
ಸಮುದಾಯ ಆರೋಗ್ಯ ಕೇಂದ್ರಗಳು (ಸಿಎಚ್ಸಿ): ಕರ್ನಾಟಕದಲ್ಲಿ 182 ಸಮುದಾಯ ಆರೋಗ್ಯ ಕೇಂದ್ರಗಳು ಕಾರ್ಯನಿರ್ವಹಿಸುತ್ತಿವೆ.
ಉಪ-ವಿಭಾಗೀಯ / ಜಿಲ್ಲಾ ಆಸ್ಪತ್ರೆಗಳು (ಎಸ್ಡಿಎಚ್ಗಳು): ಕರ್ನಾಟಕದಲ್ಲಿ 147 ಉಪ-ವಿಭಾಗೀಯ / ಜಿಲ್ಲಾ ಆಸ್ಪತ್ರೆಗಳು ಕಾರ್ಯನಿರ್ವಹಿಸುತ್ತಿವೆ.
ಜಿಲ್ಲಾ ಆಸ್ಪತ್ರೆಗಳು (ಡಿಎಚ್): ದೇಶದಲ್ಲಿ 16 ಜಿಲ್ಲಾ ಆಸ್ಪತ್ರೆಗಳು ಕಾರ್ಯನಿರ್ವಹಿಸುತ್ತಿವೆ.
ವೈದ್ಯಕೀಯ ಕಾಲೇಜುಗಳು (ಎಂ.ಸಿ): ಕರ್ನಾಟಕದಲ್ಲಿ ಗ್ರಾಮೀಣ ಮತ್ತು ನಗರ ಪ್ರದೇಶಗಳಿಗೆ ಸೇವೆ ಸಲ್ಲಿಸುವ 19 ವೈದ್ಯಕೀಯ ಕಾಲೇಜುಗಳು ಕಾರ್ಯನಿರ್ವಹಿಸುತ್ತಿವೆ.
ಆರೋಗ್ಯ ಕೇಂದ್ರಗಳಲ್ಲಿ ಲಭ್ಯವಿರುವ ಮಾನವ ಸಂಪನ್ಮೂಲ:
| ಮಾನದಂಡಗಳು | ಹುದ್ದೆಗಳು | |
| ಗ್ರಾಮೀಣ | ನಗರ | |
| ಉಪ-ಕೇಂದ್ರಗಳಲ್ಲಿ ಆರೋಗ್ಯ ಕಾರ್ಯಕರ್ತರು (ಪುರುಷ + ಮಹಿಳೆ) | 8930 | - |
| ಪಿಎಚ್ಸಿಗಳಲ್ಲಿ ಮಹಿಳಾ ಆರೋಗ್ಯ ಕಾರ್ಯಕರ್ತರು | 4783 | 1029 |
| ಪಿಎಚ್ಸಿಗಳಲ್ಲಿ ವೈದ್ಯರು/ ವೈದ್ಯಾಧಿಕಾರಿಗಳು | 2052 | 368 |
| ಪಿಎಚ್ಸಿಗಳಲ್ಲಿ ಫಾರ್ಮಾಸಿಸ್ಟ್ಗಳು | 1329 | 281 |
| ಪಿಎಚ್ಸಿಗಳಲ್ಲಿ ಲ್ಯಾಬ್ ತಂತ್ರಜ್ಞರು | 1625 | 306 |
| ಪಿಎಚ್ಸಿಗಳಲ್ಲಿ ಸ್ಟಾಫ್ ನರ್ಸ್ | 3982 | 602 |
| ಸಿಎಚ್ಸಿಗಳಲ್ಲಿ ಜಿಡಿಎಂಒಗಳು / ವೈದ್ಯಕೀಯ ಅಧಿಕಾರಿಗಳು | 168 | 20 |
| CHCs68 ನಲ್ಲಿ ಶಸ್ತ್ರಚಿಕಿತ್ಸಕರು | 16 |
68 |
| ಸಿಎಚ್ಸಿಗಳಲ್ಲಿ ಪ್ರಸೂತಿ ತಜ್ಞರು ಮತ್ತು ಸ್ತ್ರೀರೋಗ ತಜ್ಞರು | 128 | |
| ಸಿಎಚ್ಸಿಗಳಲ್ಲಿ ವೈದ್ಯರು | 20 | |
| ಸಿಎಚ್ಸಿಗಳಲ್ಲಿ ಮಕ್ಕಳ ತಜ್ಞರು | 109 | |
| ಸಿಎಚ್ಸಿಗಳಲ್ಲಿ ರೇಡಿಯೋಗ್ರಾಫರ್ಗಳು | 112 | 19 |
| ಸಿಎಚ್ಸಿಗಳಲ್ಲಿ ಫಾರ್ಮಾಸಿಸ್ಟ್ ಗಳು | 175 | 33 |
| ಸಿಎಚ್ಸಿಗಳಲ್ಲಿ ಲ್ಯಾಬ್ ತಂತ್ರಜ್ಞರು | 277 | 47 |
| ಸಿಎಚ್ಸಿಗಳಲ್ಲಿ ನರ್ಸಿಂಗ್ ಸಿಬ್ಬಂದಿ | 1635 | 308 |
| ಎಸ್ಡಿಎಚ್ಗಳಲ್ಲಿ ವೈದ್ಯರು ಮತ್ತು ತಜ್ಞರು | 2006 | |
| ಎಸ್ಡಿಎಚ್ಗಳಲ್ಲಿ ಅರೆವೈದ್ಯಕೀಯ ಸಿಬ್ಬಂದಿ | 4965 | |
| ಡಿಎಚ್ ಗಳಲ್ಲಿ ವೈದ್ಯರು ಮತ್ತು ತಜ್ಞರು | 1086 | |
| ಡಿಎಚ್ ಗಳಲ್ಲಿ ಅರೆವೈದ್ಯಕೀಯ ಸಿಬ್ಬಂದಿ | 3208 | |
ಕರ್ನಾಟಕದ ಗ್ರಾಮೀಣ ಪ್ರದೇಶಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಉಪ-ಆರೋಗ್ಯ ಕೇಂದ್ರಗಳು, ಪ್ರಾಥಮಿಕ ಆರೋಗ್ಯ ಕೇಂದ್ರಗಳು ಮತ್ತು ಸಿಎಚ್ಸಿಗಳ ಸಂಖ್ಯೆ
| 2005 | 2023 | ||||
| ಉಪ ಕೇಂದ್ರ | ಪಿಎಚ್ಸಿ ಗಳು | ಸಿಎಚ್ಸಿಗಳು | ಉಪ ಕೇಂದ್ರ | ಪಿಎಚ್ಸಿ ಗಳು | ಸಿಎಚ್ಸಿಗಳು |
| 8143 | 1681 | 254 | 8762 | 2132 | 182 |
ಮಾರ್ಚ್ 31, 2023 ರ ಹೊತ್ತಿಗೆ, ಕರ್ನಾಟಕದಲ್ಲಿ ಒಟ್ಟು 8,762 ಉಪ ಕೇಂದ್ರಗಳು (ಎಸ್ ಸಿ), 2,132 ಪ್ರಾಥಮಿಕ ಆರೋಗ್ಯ ಕೇಂದ್ರಗಳು (ಪಿಎಚ್ ಸಿ), 182 ಸಮುದಾಯ ಆರೋಗ್ಯ ಕೇಂದ್ರಗಳು (ಸಿಎಚ್ ಸಿ) ಇವೆ.
2005 ರಲ್ಲಿ ಕರ್ನಾಟಕದಲ್ಲಿ ಒಟ್ಟು 8,143 ಉಪ ಕೇಂದ್ರಗಳು (ಎಸ್ ಸಿ), 2,138 ಪ್ರಾಥಮಿಕ ಆರೋಗ್ಯ ಕೇಂದ್ರಗಳು (ಪಿಎಚ್ ಗಳು), 182 ಸಮುದಾಯ ಆರೋಗ್ಯ ಕೇಂದ್ರಗಳು (ಸಿಎಚ್ಸಿಗಳು) ಇದ್ದವು.
ರಾಜ್ಯದಲ್ಲಿ ಹೊಸದಾಗಿ 619 ಉಪ ಕೇಂದ್ರಗಳನ್ನು ತೆರೆಯಲಾಗುತ್ತಿದೆ.
ಗ್ರಾಮೀಣ ಪ್ರದೇಶಗಳಲ್ಲಿ ಉಪ ಕೇಂದ್ರಗಳ ಕಟ್ಟಡಗಳ ಸ್ಥಿತಿಗತಿ:
| 2005 | 2023 | ||||||
| ಇಲ್ಲಿ ಕಾರ್ಯನಿರ್ವಹಿಸುತ್ತಿರುವ ಉಪ ಕೇಂದ್ರಗಳು | ಇಲ್ಲಿ ಕಾರ್ಯನಿರ್ವಹಿಸುತ್ತಿರುವ ಉಪ ಕೇಂದ್ರಗಳು | ||||||
| ಕಾರ್ಯನಿರ್ವಹಿಸುತ್ತಿರುವ ಒಟ್ಟು ಉಪ ಕೇಂದ್ರಗಳು | ಸರ್ಕಾರಿ ಕಟ್ಟಡ | ಬಾಡಿಗೆ ಕಟ್ಟಡ | ಬಾಡಿಗೆ ರಹಿತ ಪಂಚಾಯತ್/ಸ್ವಯಂ ಸೇವಾ ಸೊಸೈಟಿ ಕಟ್ಟಡ | ಕಾರ್ಯನಿರ್ವಹಿಸುತ್ತಿರುವ ಒಟ್ಟು ಉಪ ಕೇಂದ್ರಗಳು | ಸರ್ಕಾರಿ ಕಟ್ಟಡ | ಬಾಡಿಗೆ ಕಟ್ಟಡ | ಬಾಡಿಗೆ ರಹಿತ ಪಂಚಾಯತ್/ಸ್ವಯಂ ಸೇವಾ ಸೊಸೈಟಿ ಕಟ್ಟಡ |
| 8143 | 4460 | 2893 | 790 | 8762 | 4535 | 2183 | 2044 |
ಗ್ರಾಮೀಣ ಪ್ರದೇಶಗಳಲ್ಲಿ ಸಮುದಾಯ ಆರೋಗ್ಯ ಕೇಂದ್ರಗಳ ಕಟ್ಟಡಗಳ ಸ್ಥಿತಿಗತಿ:
| 2005 | 2023 | ||||||
| ಇಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸಿಎಚ್ಸಿಗಳು | ಇಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸಿಎಚ್ಸಿಗಳು | ||||||
| ಕಾರ್ಯನಿರ್ವಹಿಸುತ್ತಿರುವ ಒಟ್ಟು ಸಿಎಚ್ಸಿಗಳು | ಸರ್ಕಾರಿ ಕಟ್ಟಡ | ಬಾಡಿಗೆ ಕಟ್ಟಡ | ಬಾಡಿಗೆ ರಹಿತ ಪಂಚಾಯತ್/ ಸ್ವಯಂ ಸೇವಾ ಸೊಸೈಟಿ ಕಟ್ಟಡ | ಕಾರ್ಯನಿರ್ವಹಿಸುತ್ತಿರುವ ಒಟ್ಟು ಸಿಎಚ್ಸಿಗಳು | ಸರ್ಕಾರಿ ಕಟ್ಟಡ | ಬಾಡಿಗೆ ಕಟ್ಟಡ | ಬಾಡಿಗೆ ರಹಿತ ಪಂಚಾಯತ್/ ಸ್ವಯಂ ಸೇವಾ ಸೊಸೈಟಿ ಕಟ್ಟಡ |
| 254 | 207 | 0 | 47 | 182 | 182 | 0 | 0 |
ಗ್ರಾಮೀಣ ಪ್ರದೇಶಗಳಲ್ಲಿ ಎಸ್ಸಿ, ಪಿಎಚ್ಸಿ ಮತ್ತು ಸಿಎಚ್ಸಿಗಳ ಸ್ಥಿತಿಗತಿ:
| ಉಪ ಕೇಂದ್ರಗಳು | ಪಿಎಚ್ಸಿ ಗಳು | ಸಿಎಚ್ಸಿ ಗಳು | |||||||||
| (ಮಾರ್ಚ್, 2022 ರಂತೆ) | (ಮಾರ್ಚ್, 2023 ರಂತೆ) | (ಮಾರ್ಚ್, 2022 ರಂತೆ) | (ಮಾರ್ಚ್, 2023 ರಂತೆ) | (ಮಾರ್ಚ್, 2022 ರಂತೆ) | (ಮಾರ್ಚ್, 2023 ರಂತೆ) | ||||||
| ಒಟ್ಟು | ಸರ್ಕಾರಿ ಕಟ್ಟಡಗಳಲ್ಲಿ | ಒಟ್ಟು | ಸರ್ಕಾರಿ ಕಟ್ಟಡಗಳಲ್ಲಿ | ಒಟ್ಟು | ಸರ್ಕಾರಿ ಕಟ್ಟಡಗಳಲ್ಲಿ | ಒಟ್ಟು | ಸರ್ಕಾರಿ ಕಟ್ಟಡಗಳಲ್ಲಿ | ಒಟ್ಟು | ಸರ್ಕಾರಿ ಕಟ್ಟಡಗಳಲ್ಲಿ | ಒಟ್ಟು | ಸರ್ಕಾರಿ ಕಟ್ಟಡಗಳಲ್ಲಿ |
| 8757 | 4470 | 8762 | 4535 | 2138 | 1988 | 2132 | 2065 | 182 | 179 | 182 | 182 |
ಮಾರ್ಚ್, 2023 ರ ಹೊತ್ತಿಗೆ, ಗ್ರಾಮೀಣ ಪ್ರದೇಶಗಳಲ್ಲಿ, ಹೆಚ್ಚಿನ ಉಪ-ಆರೋಗ್ಯ ಕೇಂದ್ರಗಳು ಸರ್ಕಾರಿ ಕಟ್ಟಡಗಳಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಇದರ ಹೊರತಾಗಿಯೂ, 2193 ಬಾಡಿಗೆ ಕಟ್ಟಡಗಳು ಮತ್ತು 2044 ಬಾಡಿಗೆ ಮುಕ್ತ ಪಂಚಾಯತ್ / ಸ್ವಯಂ ಸೇವಾ ಸೊಸೈಟಿ ಕಟ್ಟಡಗಳಲ್ಲಿ ಈಗಲೂ ಬಹುತೇಕ ಸಂಖ್ಯೆಯ ಉಪ-ಆರೋಗ್ಯ ಕೇಂದ್ರಗಳು (4535) ಕಾರ್ಯನಿರ್ವಹಿಸುತ್ತಿವೆ.
2005 ರಲ್ಲಿ, ಗ್ರಾಮೀಣ ಪ್ರದೇಶಗಳಲ್ಲಿ, ಹೆಚ್ಚಿನ ಉಪ-ಆರೋಗ್ಯ ಕೇಂದ್ರಗಳು ಸರ್ಕಾರಿ ಕಟ್ಟಡಗಳಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಇದರ ಹೊರತಾಗಿಯೂ, 2893 ಬಾಡಿಗೆ ಕಟ್ಟಡಗಳು ಮತ್ತು 7 ಬಾಡಿಗೆ ಮುಕ್ತ ಪಂಚಾಯತ್ / ವೋಲ್ ಸೊಸೈಟಿ ಕಟ್ಟಡಗಳಲ್ಲಿ ಇನ್ನೂ ಹೆಚ್ಚಿನ ಸಂಖ್ಯೆಯ ಉಪ-ಆರೋಗ್ಯ ಕೇಂದ್ರಗಳು (4460) ನಡೆಯುತ್ತಿವೆ.
ಗ್ರಾಮೀಣ ಪ್ರದೇಶದ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ವೈದ್ಯರು/ ವೈದ್ಯಾಧಿಕಾರಿಗಳು:
| 2005 | 2023 | ||||||||
| ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ವೈದ್ಯರು/ ವೈದ್ಯಾಧಿಕಾರಿಗಳು | ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ವೈದ್ಯರು/ ವೈದ್ಯಾಧಿಕಾರಿಗಳು | ||||||||
| ಅಗತ್ಯವಿರುವುದು | ಮಂಜೂರಾಗಿದ್ದು | ನಿಯೋಜನೆ | ಖಾಲಿ | ಕೊರತೆ | ಅಗತ್ಯವಿರುವುದು | ಮಂಜೂರಾಗಿದ್ದು | ನಿಯೋಜನೆ | ಖಾಲಿ | ಕೊರತೆ |
| [R] | [S] | [P] | [S-P] | [R-P] | [R] | [S] | [P] | [S-P] | [R-P] |
| 1681 | 2237 | 2041 | 196 | * | 2132 | 2392 | 2052 | 340 | 80 |
ಮಾರ್ಚ್ 2023 ರ ಹೊತ್ತಿಗೆ, 2132 ವೈದ್ಯರ ಅಗತ್ಯವಿದೆ. 2052 ವೈದ್ಯರು ಕರ್ತವ್ಯದಲ್ಲಿದ್ದಾರೆ. 340 ವೈದ್ಯರ ಹುದ್ದೆಗಳು ಖಾಲಿ ಇವೆ.
ಗ್ರಾಮೀಣ ಪ್ರದೇಶಗಳಲ್ಲಿನ ಸಿಎಚ್ ಸಿಗಳಲ್ಲಿ ಒಟ್ಟು ತಜ್ಞರು
| 2005 | 2023 | ||||||||
| [ಶಸ್ತ್ರಚಿಕಿತ್ಸಕರು, ಒಬಿ&ಜಿವೈ, ವೈದ್ಯರು ಮತ್ತು ಮಕ್ಕಳ ತಜ್ಞರು] | [ಶಸ್ತ್ರಚಿಕಿತ್ಸಕರು, ಒಬಿ&ಜಿವೈ, ವೈದ್ಯರು ಮತ್ತು ಮಕ್ಕಳ ತಜ್ಞರು] | ||||||||
| ಅಗತ್ಯವಿರುವುದು | ಮಂಜೂರಾಗಿದ್ದು | ನಿಯೋಜನೆ | ಖಾಲಿ | ಕೊರತೆ | ಅಗತ್ಯವಿರುವುದು | ಮಂಜೂರಾಗಿದ್ದು | ನಿಯೋಜನೆ | ಖಾಲಿ | ಕೊರತೆ |
| [R] | [S] | [P] | [S-P] | [R-P] | [R] | [S] | [P] | [S-P] | [R-P] |
| 1016 | 843 | 691 | 152 | 325 | 728 | 451 | 273 | 178 | 455 |
ಗ್ರಾಮೀಣ ಪ್ರದೇಶಗಳಲ್ಲಿನ ಪಿಎಚ್ ಸಿಗಳು ಮತ್ತು ಸಿಎಚ್ ಸಿಗಳಲ್ಲಿ ನರ್ಸಿಂಗ್ ಸಿಬ್ಬಂದಿ
| 2005 | 2023 | ||||||||
| ನರ್ಸಿಂಗ್ ಸಿಬ್ಬಂದಿ | ನರ್ಸಿಂಗ್ ಸಿಬ್ಬಂದಿ | ||||||||
| ಅಗತ್ಯವಿರುವುದು | ಮಂಜೂರಾಗಿದ್ದು | ನಿಯೋಜನೆ | ಖಾಲಿ | ಕೊರತೆ | ಅಗತ್ಯವಿರುವುದು | ಮಂಜೂರಾಗಿದ್ದು | ನಿಯೋಜನೆ | ಖಾಲಿ | ಕೊರತೆ |
| [R] | [S] | [P] | [S-P] | [R-P] | [R] | [S] | [P] | [S-P] | [R-P] |
| 3459 | 3229 | 3100 | 129 | 359 | 3406 | 5249 | 5617 | * | * |
ಗ್ರಾಮೀಣ ಪ್ರದೇಶ-1 ರಲ್ಲಿನ ಪಿಎಚ್ ಸಿಗಳು ಮತ್ತು ಸಿಎಚ್ ಸಿಗಳಲ್ಲಿ ಮಾನವ ಸಂಪನ್ಮೂಲದ ಸ್ಥಿತಿಗತಿ
| ಪಿಎಚ್ ಸಿಯಲ್ಲಿ ವೈದ್ಯರು +/ ವೈದ್ಯಕೀಯ ಅಧಿಕಾರಿಗಳು+ | ಪಿಎಚ್ ಸಿಯಲ್ಲಿ ವೈದ್ಯರು +/ ವೈದ್ಯಕೀಯ ಅಧಿಕಾರಿಗಳು+ | ||
| ಮಾರ್ಚ್ 2022 | ಮಾರ್ಚ್ 2023 | ಮಾರ್ಚ್ 2022 | ಮಾರ್ಚ್ 2023 |
| 2078 | 2052 | 263 | 273 |
ಕರ್ನಾಟಕದಲ್ಲಿ ಮಾರ್ಚ್ 2023 ರ ಹೊತ್ತಿಗೆ, ಪಿಎಚ್ ಸಿಯಲ್ಲಿ 2052 ವೈದ್ಯರು + / ವೈದ್ಯಕೀಯ ಅಧಿಕಾರಿಗಳು + ಇದ್ದಾರೆ.
ಉಪ ವಿಭಾಗೀಯ ಆಸ್ಪತ್ರೆ, ಜಿಲ್ಲಾ ಆಸ್ಪತ್ರೆ ಮತ್ತು ವೈದ್ಯಕೀಯ ಕಾಲೇಜುಗಳ ಸಂಖ್ಯೆ
| (ಮಾರ್ಚ್ 31, 2023 ರಂತೆ) | ||
| ಉಪ ವಿಭಾಗೀಯ ಆಸ್ಪತ್ರೆ | ಜಿಲ್ಲಾ ಆಸ್ಪತ್ರೆ | ವೈದ್ಯಕೀಯ ಕಾಲೇಜುಗಳು |
| 147 | 16 | 19 |
ಕರ್ನಾಟಕದಲ್ಲಿ 147 ಉಪವಿಭಾಗೀಯ ಆಸ್ಪತ್ರೆಗಳು, 16 ಜಿಲ್ಲಾ ಆಸ್ಪತ್ರೆಗಳು ಮತ್ತು 19 ವೈದ್ಯಕೀಯ ಕಾಲೇಜುಗಳಿವೆ.
ಮೂಲ: ಹೆಲ್ತ್ ಡೈನಾಮಿಕ್ಸ್ ಆಫ್ ಇಂಡಿಯಾ (ಮೂಲಸೌಕರ್ಯ ಮತ್ತು ಮಾನವ ಸಂಪನ್ಮೂಲ) 2022-23 ವರದಿ
ಪಿಎಚ್ಸಿಗಳು: ಪ್ರಾಥಮಿಕ ಆರೋಗ್ಯ ಕೇಂದ್ರಗಳು
ಸಿಎಚ್ಸಿಗಳು ಗಳು: ಸಮುದಾಯ ಆರೋಗ್ಯ ಕೇಂದ್ರಗಳು
ಎಸ್ಸಿಗಳು: ಉಪ ಕೇಂದ್ರಗಳು
ಇದನ್ನೂ ಓದಿ : 'ಮನೋಬಿಂಬ-ಬೆಂಗಳೂರಿಗರ ಮನದಾಳದ ಮಾತು': ಬಿಬಿಎಂಪಿಯಿಂದ ಹೊಸ YouTube ಪಾಡ್ಕಾಸ್ಟ್ ಆರಂಭ - Manobimba BBMP YouTube Podcast
