ದೈಹಿಕ ಚಟುವಟಿಕೆಗಳಿಂದ ಪಾರ್ಶ್ವವಾಯು ಪೀಡಿತರಿಗೆ ಹೆಚ್ಚಿನ ಪ್ರಯೋಜನ: ಅಧ್ಯಯನ

ದೈಹಿಕ ಚಟುವಟಿಕೆ ಕೇಂದ್ರಗಳ ಸಮೀಪ ವಾಸಿಸುವುದರಿಂದ ತಮ್ಮ ಫಿಟ್ನೆಸ್​ ವಿಚಾರದಲ್ಲಿ ಹೆಚ್ಚಿನ ಗಮನ ಹರಿಸುವಂತೆ ಪ್ರೇರಣೆ ಉಂಟಾಗುತ್ತದೆ ಎಂದು ಅಧ್ಯಯನವೊಂದರಲ್ಲಿ ಕಂಡುಕೊಳ್ಳಲಾಗಿದೆ.

ಸ್ಯಾನ್​ ಫ್ರಾನ್ಸಿಸ್ಕೋ(ಅಮೆರಿಕ): ಪಾರ್ಶ್ವವಾಯುಗೆ ತುತ್ತಾದ ಬಳಿಕ ಬಹಳಷ್ಟು ಮಂದಿ ದೈಹಿಕ ಚಟುವಟಿಕೆಯಲ್ಲಿ ತೊಡಗುತ್ತಾರೆ. ಅದರಲ್ಲೂ ಅವರೇನಾದರೂ ಫಿಟ್​ನೆಸ್​​ ಅಥವಾ ಮನೋರಂಜನಾ ಸೌಲಭ್ಯದ ಬಳಿ ನೆಲ್ಲೆಸಿದ್ದರೆ, ಈ ರೀತಿಯ ವ್ಯಾಯಾಮಗಳಲ್ಲಿ ತೊಡಗುವುದೇ ಹೆಚ್ಚು. ಈ ಕೇಂದ್ರಗಳು ಅವರ ಮೇಲೆ ಹೆಚ್ಚಿನ ಪ್ರಭಾವ ಬೀರುತ್ತದೆ ಎಂದು ಅಧ್ಯಯನವೊಂದು ತಿಳಿಸಿದೆ.

ಜರ್ನಲ್​ ಅಮೆರಿಕನ್​ ಸ್ಟ್ರೋಕ್​ ಅಸೋಸಿಯೇಷನ್​ನಲ್ಲಿ ಈ ಅಧ್ಯಯನ ಪ್ರಕಟಿಸಲಾಗಿದೆ. ನ್ಯೂಯಾರ್ಕ್​ನಲ್ಲಿನ ಕಡಿಮೆ ಮಟ್ಟದ ಪಾರ್ಶ್ವವಾಯುಗೆ ಒಳಗಾದ ಮಂದಿ ತಮ್ಮ ಸುತ್ತಮುತ್ತಲಿನ ಸ್ಥಳದಲ್ಲಿ ಮನೋರಂಜನಾ ಕೇಂದ್ರ ಅಥವಾ ಫಿಟ್ನೆಸ್​ ಕೇಂದ್ರಗಳು ಇದ್ದಾಗ ಅವರು ಈ ಸಮಸ್ಯೆಗೆ ತುತ್ತಾಗುವ ಮೊದಲು ನಿರ್ವಹಣೆ ಮಾಡುತ್ತಿದ್ದ ದೈಹಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿರುವುದಾಗಿ ಹೇಳಿದ್ದಾರೆ. ಮತ್ತು ಅದಕ್ಕಿಂತ ಹೆಚ್ಚಿನ ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡಿರುವುದಾಗಿ ಒಪ್ಪಿಕೊಂಡಿದ್ದಾರೆ.

ನಮ್ಮ ಅಧ್ಯಯನದ ಮೂಲಕ ಪಾರ್ಶ್ವವಾಯುಗೆ ತುತ್ತಾದ ಜನರು ಅವರಿಗೆ ಲಭ್ಯವಿರುವ ದೈಹಿಕ ಚಟುವಟಿಕೆ ಸಂಪನ್ಮೂಲವನ್ನು ಬಳಸಿಕೊಂಡು ಆಸ್ಪತ್ರೆಯಿಂದ ಬಿಡುಗಡೆಯಾದ ಬಳಿಕವೂ ಈ ರೀತಿ ಚಟುವಟಿಕೆಯಲ್ಲಿ ತೊಡಗಿಕೊಳ್ಳಲು ಸಾಧ್ಯವಾಗುತ್ತದೆ. ಇದು ಅಧ್ಯಯನದ ಪ್ರಮುಖವೂ ಅಂಶ ಆಗಿದೆ ಎಂದು ತಿಳಿಸಿದೆ ಎಂದು ಅಧ್ಯಯನದ ಪ್ರಮುಖ ಲೇಖಕ ಹಾಗೂ ಕೊಲಂಬಸ್​ನ ಓಹಿಯೋ ಸ್ಟೇಟ್​ ಯುನಿವರ್ಸಿಟಿಯ ಅಸಿಸ್ಟೆಂಟ್​ ಪ್ರೊಫೆಸರ್​​​ ಜೆಫ್ರಿ ವಿಂಗ್​ ತಿಳಿಸಿದ್ದಾರೆ.

ಅಧ್ಯಯನದಲ್ಲಿ ಸಂಶೋಧಕರು ಫಿಟ್ನೆಸ್​ ಕೇಂದ್ರ, ಈಜುಕೊಳ ಅಥವಾ ಜಿಮ್​ನಂತಹ ದೈಹಿಕ ಚಟುವಟಿಕೆ ಕೇಂದ್ರದ ನಡುವಣ ಸಂಬಂಧವನ್ನು ಗಮನಿಸಿದ್ದಾರೆ. ಅಧ್ಯಯನದಲ್ಲಿ ಸೌಮ್ಯ ಪಾರ್ಶ್ವವಾಯುವಿಗೆ ತುತ್ತಾದ ನ್ಯೂಯಾರ್ಕ್​ನ 333 ಜನರನ್ನು ಅಧ್ಯಯನಕ್ಕೆ ಒಳಪಡಿಸಲಾಗಿದೆ.

ಸಂಶೋಧಕರು ಪತ್ತೆ ಮಾಡಿದಂತೆ, ಪಾರ್ಶ್ವವಾಯುಗೆ ತುತ್ತಾದ ಒಂದು ವರ್ಷದಲ್ಲಿ ಶೇ 17ರಷ್ಟು ಭಾಗಿದಾರರು ದೈಹಿಕ ಚಟುವಟಿಕೆಯಲ್ಲಿ ಭಾಗಿಯಾಗುವುದಾಗಿ ತಿಳಿಸಿದ್ದಾರೆ. ಇನ್ನು ಶೇ 48ರಷ್ಟು ಮಂದಿ ಪಾರ್ಶ್ವವಾಯುಗೆ ತುತ್ತಾಗುವ ಮೊದಲಿನಷ್ಟೇ ಮಟ್ಟದಲ್ಲಿ ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡಿರುವುದಾಗಿ ಹೇಳಿದ್ದಾರೆ.

ಅಧ್ಯಯನದಲ್ಲಿ ಶೇ 57ರಷ್ಟು ಮಂದಿಯು ಹೆಚ್ಚಿನ ಮನೋರಂಜನಾ ಮತ್ತು ಫಿಟ್ನೆಸ್​ ಕೇಂದ್ರಗಳ ಬಳಿ ವಾಸಿಸುತ್ತಿರುವುದಾಗಿ ತಿಳಿಸಿದ್ದಾರೆ. ಇನ್ನು ಮೊದಲಿನಷ್ಟೇ ದೈಹಿಕ ಚಟುವಟಿಕೆಯಲ್ಲಿ ತೊಡಗಿರುವುದಾಗಿ ತಿಳಿಸಿದ ಶೇ 47ರಷ್ಟು ಮಂದಿಯು ಹೆಚ್ಚಾಗಿ ಫಿಟ್ನೆಸ್​ ಕೇಂದ್ರ ಮತ್ತು ಮನೋರಂಜನಾ ಕೇಂದ್ರದ ಸಮೀಪದಲ್ಲಿ ವಾಸಿಸುವುದಾಗಿ ಒಪ್ಪಿಕೊಂಡಿದ್ದಾರೆ ಎಂದಿದೆ ಅಧ್ಯಯನ.

ಅಧ್ಯಯನದಲ್ಲಿ ವಿಶ್ಲೇಷಿಸಿದಂತೆ, ಸೌಮ್ಯ ಪಾರ್ಶ್ವವಾಯುಗೆ ತುತ್ತಾದ ಜನರು ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳಲು ಹೆಚ್ಚಿನ ಸಂಪನ್ಮೂಲಗಳಿರುವ ಸ್ಥಳಕ್ಕೆ ಹೋಗದೇ, ತಮ್ಮ ನೆರೆಹೊರೆಯಲ್ಲಿ ಸಕ್ರಿಯವಾಗಿರಲು ಮಾರ್ಗಗಳನ್ನು ಕಂಡುಕೊಳ್ಳಲು ಪ್ರೇರೇಪಿಸುತ್ತದೆ ಎಂಬುದು ತಿಳಿದು ಬಂದಿದೆ ಎಂದು ಅಧ್ಯಯನದ ಸಹ ಲೇಖಕ ಜೂಲಿ ಸ್ಟ್ರೊಮಿಂಜರ್​ ತಿಳಿಸಿದ್ದಾರೆ.

ಇದನ್ನೂ ಓದಿ: ಸ್ಥೂಲಕಾಯ ಕಳೆದುಕೊಳ್ಳಲು ನೃತ್ಯ ಪರಿಣಾಮಕಾರಿ: ಅಧ್ಯಯನ