ಹೈದರಾಬಾದ್: ಮಹಿಳೆಯರ ಋತುಬಂಧದಲ್ಲಿನ ಕಳಂಕ ಮತ್ತು ಲಿಂಗಾಧಾರಿತ ವಯೋಮಾನದ ಸವಾಲಿನ ಕುರಿತು ಆರೋಗ್ಯಕರ ಚರ್ಚೆ ಮಾಡುವ ಅಶ್ಯಕತೆ ಇದೆ ಎಂದು ಲ್ಯಾನ್ಸೆಟ್ ವರದಿ ತಿಳಿಸಿದೆ. ಅಂತಾರಾಷ್ಟ್ರೀಯ ಮಹಿಳಾ ದಿನದ ಹಿನ್ನೆಲೆ ಮೆನೋಪಾಸ್ (ಮಹಿಳೆಯರ ಮುಟ್ಟು ನಿಲ್ಲುವ ಅವಧಿ) ಕುರಿತು ಚರ್ಚೆ ನಡೆಸಲಾಗಿದೆ.
ವಯಸ್ಸಾಗುವಿಕೆಯಿಂದ ಮಹಿಳೆಯರಲ್ಲಿ ಉಂಟಾಗುವ ನೈಸರ್ಗಿಕ ರೂಪಾಂತರವೇ ಈ ಮೆನೋಪಾಸ್ ಆಗಿದೆ. ಮೆನೋಪಾಸ್ ಎಂಬುದು ಪ್ರತಿಯೊಬ್ಬ ಮಹಿಳೆಯಲ್ಲಿ ಭಿನ್ನವಾಗಿರುತ್ತದೆ. ಈ ಸಮಯದಲ್ಲಿ ಅನೇಕ ಮಹಿಳೆಯರು ಒಂದೊಂದು ರೀತಿಯ ಸಮಸ್ಯೆ ಅನುಭವಿಸುತ್ತಾರೆ. ಕೆಲವರು ದೀರ್ಘಕಾಲದ ಅಥವಾ ತೀವ್ರತರದ ಸಮಸ್ಯೆ ಅನುಭವಿಸಿದರೆ, ಮತ್ತೆ ಕೆಲವರಿಗೆ ಮಾಹಿತಿ, ಬೆಂಬಲ ಮತ್ತು ವೈದ್ಯಕೀಯ ಚಿಕಿತ್ಸೆಯ ಬೆಂಬಲ ಬೇಕಾಗುತ್ತದೆ.
ಈ ಸರಣಿಯ ಒಂದು ಪತ್ರಿಕೆಯಲ್ಲಿ ತಿಳಿಸಿರುವಂತೆ ಈ ಸಮಸ್ಯೆಯ ತೀವ್ರತೆಗೆ ಕೇವಲ ಒಂದೇ ಅಂಶವೂ ಕಾರಣವಾಗಿರುವುದಿಲ್ಲ. ಇದರ ಜೊತೆಗೆ ಮನೋವೈಜ್ಞಾನಿಕ, ಸಾಮಾಜಿಕ ಮತ್ತು ಸಂದರ್ಭಗಳು ಕಾರಣವಾಗುತ್ತವೆ. ಲ್ಯಾನ್ಸೆಟ್ ಪ್ರಕಾರ ಮೆನೋಪಾಸ್ ಸಮಯದಲ್ಲಿ ಕಾಡುವ ಸಾಮಾನ್ಯ ಲಕ್ಷಣ ಹಾಟ್ ಫ್ಲಶ್ ಮತ್ತು ರಾತ್ರಿ ಬೆವರುವಿಕೆ, ವಾಸೋಮೋಟರ್ ನಿದ್ದೆಗೆ ಅಡೆತಡೆ, ಯೋನಿ ಒಣಗುವಿಕೆ ಮತ್ತು ಸ್ನಾಯು ಮತ್ತು ಕೀಲು ನೋವು. ಕಳಪೆ ಮಾನಸಿಕ ಆರೋಗ್ಯದ ಜತೆಗೆ ಇದು ಸಂಬಂಧ ಹೊಂದಿದೆ. ಆದರೂ, ಈ ಅವಧಿಯ ಆರಂಭದಲ್ಲಿ ಖಿನ್ನತೆ ಅಪಾಯ ಹೆಚ್ಚಾಗುತ್ತದೆ ಎಂಬುದಕ್ಕೆ ಯಾವುದೇ ಪುರಾವೆ ಇಲ್ಲ.
ಈ ಮೆನೋಪಾಸ್ ಅವಧಿಯು ಮಹಿಳೆಯರ ವ್ಯಕ್ತಿತ್ವವನ್ನು ಮರು ಮೌಲ್ಯಮಾಪನ ಮಾಡಲು ಮತ್ತು ಋತುಚಕ್ರ ಮತ್ತು ಋತುಚಕ್ರದ ನೋವಿನಿಂದ ಸ್ವಾತಂತ್ರ್ಯರಾಗುವ ಸಮಯವಾಗಿದೆ. ಈ ಬಗ್ಗೆಗಿನ ನಕಾರಾತ್ಮಕ ಗ್ರಹಿಕೆ ಬದಲಾಯಿಸಬೇಕಿದೆ. ಈ ರೀತಿಯ ಗ್ರಹಿಕೆ ಇನ್ನು ಸಮಾಜದಲ್ಲಿದೆ ಎಂದು ವರದಿ ತಿಳಿಸಿದೆ.
ಈ ಸಂಬಂಧ ಮಹಿಳೆ ಮತ್ತು ಸಮಾಜಕ್ಕೆ ನೈಜ ಮತ್ತು ಸಮತೋಲಿತ ಸಂದೇಶವನ್ನು ನೀಡಬೇಕಿದೆ. ಮೆನೋಪಾಸ್ ಎಂಬುದು ಜೀವನದ ಬೆಳವಣಿಗೆ ಹಂತವಾಗಿದೆ, ಈ ಸಂಬಂಧ ಸೂಕ್ತ ಸಾಕ್ಷ್ಯಾಧಾರಿತ ಮಾಹಿತಿ ಮೂಲಕ ಸಾಮಾಜಿಕ ಮತ್ತು ವೈದ್ಯಕೀಯ ಬೆಂಬಲದೊಂದಿಗೆ ಯಶಸ್ವಿಯಾಗಿ ಮಾತುಕತೆ ನಡೆಸಬೇಕಿದೆ.
ನಮ್ಮ ಅಜ್ಜಿ, ತಾಯಿ ಸೇರಿದಂತೆ ಎಲ್ಲ ಮಹಿಳೆಯರು ಈ ಮೆನೋಪಾಸ್ ಅವಧಿ ಹೊಂದಿದ್ದಾರೆ. ಇದು ಜೀವನದ ರೂಪಾಂತರದ ಸಮಯವಾಗಿದ್ದು, ಮೆನೋಪಾಸ್ ಹಾರ್ಮೋನ್ ಥೆರಪಿಯನ್ನು ಫ್ಯಾಷನ್ ಆಗಿಸಲು ಸಾಧ್ಯವಿಲ್ಲ. ಪ್ರತಿ ಮಹಿಳೆಗೆ ಮನೊಪಾಸ್ ಅಗತ್ಯವಿಲ್ಲ. ಕೆಲವು ಲಕ್ಷಣಗಳೊಂದಿಗೆ ಆಸ್ಪತ್ರೆಗೆ ಬಂದ ಮಹಿಳೆಯರಿಗೆ ಇದರ ಚಿಕಿತ್ಸೆ ಅಗತ್ಯವಿದೆ. ಪ್ರತಿನಿತ್ಯದ ಜೀವನಕ್ಕೆ ಅಡ್ಡಿಯಾಗುತ್ತಿದ್ದರೆ, ಆಗ ಮಾತ್ರ ವೈದ್ಯಕೀಯ ನಿರ್ವಹಣೆ ಅಗತ್ಯ ಬರುತ್ತದೆ ಎಂದು ಮೆದಾಂತ್ ಆಸ್ಪತ್ರೆಯ ಯುರೊಗೈನಾಕಾಲಾಜಿಯ ಹಿರಿಯ ಕನ್ಸಲ್ಟಂಟ್ ಡಾ ಅಮಿತ್ ಜೈನ್ ತಿಳಿಸಿದ್ದಾರೆ.
ಎಂಎಚ್ಟಿ ರೋಗನಿರೋಧಕವಾಗಿದೆ. ಮೆನೋಪಾಸ್ ಸಮಸ್ಯೆಗಳನ್ನು ತಡೆಗಟ್ಟುವ ಔಷಧಿಯಾಗಿ ತೆಗೆದುಕೊಳ್ಳಲಾಗುವುದಿಲ್ಲ. ಇದು ದೀರ್ಘವಾದಿ ಮತ್ತು ಅಲ್ಪಾವಧಿಯ ಅಡ್ಡ ಪರಿಣಾಮವನ್ನು ಹೊಂದಿದ್ದು, ವೈದ್ಯರು ಸೂಚಿಸಿದ್ದಲ್ಲಿ ಅಗತ್ಯವಾದಲ್ಲಿ ತೆಗೆದುಕೊಳ್ಳಬಹುದಾಗಿದೆ ಎನ್ನುತ್ತಾರೆ ವೈದ್ಯರು.
ಇದನ್ನೂ ಓದಿ: ಮೆನೋಪಾಸ್ನಿಂದಾಗಿ ಅವಧಿಗೆ ಮೊದಲೇ ನಿವೃತ್ತಿ ಬಯಸುವ ಮಹಿಳೆಯರು; ಹೀಗಿರಲಿ ಕೆಲಸದ ವಾತಾವರಣ!
