ಹೈದರಾಬಾದ್: ಋತುಚಕ್ರ ಎಂಬುದು ಮಹಿಳೆಯರಲ್ಲಿ ಸಾಮಾನ್ಯ. ಈ ಸಮಯದಲ್ಲಿ ಪ್ಯಾಡ್ ಬಳಕೆ ಮಾಡಲಾಗುವುದು. ಆದರೂ ಈ ಸಮಯದಲ್ಲಿ ಸೋರಿಕೆ ಸಮಸ್ಯೆ ಕಾಡುವುದು ಸಹಜ. ಈ ಸಮಯದಲ್ಲಿ ಮಹಿಳೆಯರಲ್ಲಿ ಮನಸ್ಥಿತಿ ಬದಲಾವಣೆ ಮತ್ತು ಆರೋಗ್ಯ ಪರಿಸ್ಥಿತಿಗಳು ಏರು ಪೇರಾಗುತ್ತಿರುತ್ತದೆ. ಇದರ ಜೊತೆಗೆ ಸೋರಿಕೆ ಸಮಸ್ಯೆ ಮತ್ತಷ್ಟು ಕಿರಿಕಿರಿ ಮೂಡಿಸುತ್ತದೆ. ಪ್ಯಾಡ್ ಬದಲಾಗಿ ಮುಟ್ಟಿನ ಕಪ್ ಬಳಕೆ ಇದಕ್ಕೆ ಪರಿಹಾರ ನೀಡಲಿದೆ. ಅಲ್ಲದೇ, ಇದರಿಂದ ಯಾವುದೇ ಅಡೆ ತಡೆಯಿಲ್ಲದೇ, ದೈನಂದಿನ ಕೆಲಸದಲ್ಲಿ ಯಾವುದೇ ಸಮಸ್ಯೆ ಎದುರಾಗದು.
ಮುಟ್ಟಿನ ಕಪ್ ಪ್ರಯೋಜನಗಳೇನು?:
ಬಹುತೇಕ ಮಹಿಳೆಯರು ಮುಟ್ಟಿನ ಸಮಯದಲ್ಲಿ ಸ್ಯಾನಿಟರಿ ಪ್ಯಾಡ್ ಬಳಕೆ ಮಾಡುತ್ತಾರೆ. ಇದು ಅನೇಕ ಬಾರಿ ಅವರ ದೈನಂದಿನ ಚಟುವಟಿಕೆಗೆ ತಡೆಯನ್ನು ಹಾಕುತ್ತದೆ. ಈ ಹಿನ್ನಲೆ ಮುಟ್ಟಿನ ಕಪ್ ಸಹಕಾರಿಯಾಗಿದೆ ಎನ್ನುತ್ತಾರೆ ತಜ್ಞರು. ಮುಟ್ಟಿನ ಕಪ್ ಸೋರಿಕೆ ಸಮಸ್ಯೆ ಜೊತೆಗೆ ಹಲವು ರೀತಿಯಲ್ಲಿ ಪ್ರಯೋಜನಕಾರಿಯಾಗಿದೆ. ಇದರಿಂದ ಅನೇಕ ಆರೋಗ್ಯ ಮತ್ತು ಆರ್ಥಿಕ ಪ್ರಯೋಜನ ಲಭ್ಯ.
- ಪ್ಯಾಡ್ಗಳು ಮರು ಬಳಕೆಯಲ್ಲ. ಇವನ್ನು ಒಂದು ಬಾರಿ ಮಾತ್ರ ಬಳಕೆ ಮಾಡಬೇಕು. ಜೊತೆಗೆ ನಾಲ್ಕು ಗಂಟೆಗೆ ಒಂದು ಪ್ಯಾಡ್ ಬದಲಾಯಿಸಬೇಕು. ಇಲ್ಲದೇ ಹೋದಲ್ಲಿ ಅದು ಪರಿಸರ ಮತ್ತು ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ.
- ಮುಟ್ಟಿನ ಕಪ್ ಬಳಕೆ ಮಾಡಿದಲ್ಲಿ, ಇದು 10 ವರ್ಷಗಳ ಕಾಲ ಬಳಸಬಹುದು. ಅಂದರೆ, ಒಂದು ಮುಟ್ಟಿನ ಕಪ್ 2,500 ಸ್ಯಾನಿಟರಿ ಪ್ಯಾಡ್ಗೆ ಸಮ.
- ಮುಟ್ಟಿನ ಕಪ್ಗಳು, 12 ಗಂಟೆಗಳ ಕಾಲ ಸೋರಿಕೆ ಸಮಸ್ಯೆಗೆ ಮುಕ್ತಿ ನೀಡುತ್ತವೆ. ಜೊತೆಗೆ ಇದನ್ನು ಬಳಕೆ ಮಾಡುತ್ತಿದ್ದರೆ, ನೀವು ಋತುಚಕ್ರವನ್ನು ಅನುಭವಿಸುತ್ತಿದ್ದೀರಾ ಎಂಬ ಭಾವನೆ ಬರದಂತೆ, ಇದು ಆರಾಮದಾಯಕ ಅನುಭವ ನೀಡುತ್ತದೆ.
- ಮುಟ್ಟಿನ ಕಪ್ ಬಳಕೆ ಮಾಡಿ, ವ್ಯಾಯಾಮ, ಈಜು, ಜಂಪಿಂಗ್, ರೋಪ್ ಸ್ಕಿಪಿಂಗ್ ಅನ್ನು ನಿಶ್ಚಿಂತೆಯಿಂದ ಮಾಡಬಹುದು.
- ಸ್ಯಾನಿಟರಿ ಪ್ಯಾಡ್ ಬಳಕೆ ಮಾಡುತ್ತಿದ್ದರೆ, ಸ್ರಾವಕ್ಕೆ ಅನುಗುಣವಾಗಿ ಪದೇ ಪದೆ ಪ್ಯಾಡ್ ಬದಲಾಯಿಸಬೇಕಾಗುತ್ತದೆ. ಅಲ್ಲದೇ, ನಾಲ್ಕು ಗಂಟೆಗೆ ಒಮ್ಮೆ ಪ್ಯಾಡ್ ಬದಲಾಯಿಸುವುದು ಅವಶ್ಯ. ಆದಾಗ್ಯೂ ಇದು ಮುಟ್ಟಿನ ಕಪ್ ರೀತಿ ಸಂಪೂರ್ಣ ರಕ್ಷಣೆ ನೀಡುವುದಿಲ್ಲ.
- ಮುಟ್ಟಿನ ಕಪ್ ಅನ್ನು ಗುಣಮಟ್ಟ ಮತ್ತು ಬಳಕೆಗೆ ಅನುಗುಣವಾಗಿ 6 ರಿಂದ 10 ವರ್ಷಗಳ ಕಾಲ ಬಳಕೆ ಮಾಡಬಹುದು
ಮುಟ್ಟಿನ ಕಪ್ ಬಳಕೆಯ ಮತ್ತಷ್ಟು ಅನುಕೂಲ:
- ಇದು ಯೋನಿಯನ್ನು ಒಣಗಲು ಬಿಡುವುದಿಲ್ಲ. ಇದನ್ನು ಹೊರ ತೆಗೆಯುವಾಗ ಉತ್ತಮ ಬ್ಯಾಕ್ಟೀರಿಯಾಗಳನ್ನು ಅಲ್ಲಿಯೇ ಬಿಡುತ್ತದೆ. ಫಲಿತಾಂಶವಾಗಿ ಯೋನಿ ಸೋಂಕು ತಗಲುವ ಸಾಧ್ಯತೆ ಕಡಿಮೆ ಇದೆ ಎಂದು ತಜ್ಞರು ತಿಳಿಸಿದ್ದಾರೆ.
- 2018ರಲ್ಲಿ ಪ್ರಕಟಣೆಯಾದ ಜರ್ನಲ್ ಪಿಎಲ್ಒಎಸ್ ಒನ್ ಪ್ರಕಾರ, ಮುಟ್ಟಿನ ಕಪ್ ಬಳಕೆ ಮಾಡುವ ಮಹಿಳೆಯರಲ್ಲಿ ಯೋನಿ ಸೋಂಕಿಗೆ ಒಳಗಾಗುವ ಸಾಧ್ಯತೆ ಶೇ 40ರಷ್ಟು ಕಡಿಮೆ. ನಾರ್ಥ್ ಕರೋಲಿನ್ನ ಡ್ಯೂಕ್ ಯುನಿವರ್ಸಿಟಿ ಸ್ಕೂಲ್ ಆಫ್ ಮೆಡಿಸಿನ್ನ ಡಾ ಡಬ್ಲ್ಯೂ ಸೇಥ್ ಪ್ರಕಾರ, ಟ್ಯಾಂಪೂನ್ ಬಳಕೆಗಿಂತ ಮುಟ್ಟಿನ ಕಪ್ ಬಳಕೆಯಿಂದ ಆಗುವ ಬ್ಯಾಕ್ಟೀರಿಯಾ ವಾಗಿನೊಸಿಸ್ ಅಭಿವೃದ್ಧಿ ಕಡಿಮೆ ಆಗುವುದು.
- ಕೆಲವು ಸ್ಯಾನಿಟರಿ ಪ್ಯಾಡ್ ಮತ್ತು ಟ್ಯಾಂಪೂನ್ಗಳು ಬ್ಲೀಚ್ ಮತ್ತು ಡೈಕ್ಸಿನ್ ರಾಸಾಯನಿಕವನ್ನು ಬಳಕೆ ಮಾಡುತ್ತಾರೆ. ಈ ರಾಸಾಯನಿಕಗಳು ಅನೇಕ ಬಗೆಯ ಕ್ಯಾನ್ಸರ್ಗೆ ಕಾರಣವಾಗುವ ಅಂಶವನ್ನು ಹೊಂದಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಸಿದೆ.
- ಆದರೆ, ಮುಟ್ಟಿನ ಕಪ್ ಸಿದ್ಧತೆಯಲ್ಲಿ ಇವುಗಳನ್ನು ಬಳಕೆ ಮಾಡುವುದಿಲ್ಲ. ಈ ಹಿನ್ನೆಲೆಯಲ್ಲಿ ಭಯ ಎದುರಾಗುವುದಿಲ್ಲ ಎನ್ನುತ್ತಾರೆ ತಜ್ಞರು.
- ಕೆಲವು ಪ್ಯಾಡ್ಗಳು ರಕ್ತಸ್ರಾವದಿಂದ ದುರ್ಗಂಧ ಬೀರುವ ಸಾಧ್ಯತೆ ಹೆಚ್ಚಿರುತ್ತದೆ. ಆದರೆ, ಕಪ್ ಬಳಕೆಯಲ್ಲಿ ಈ ಸಮಸ್ಯೆ ಕಾಡುವುದಿಲ್ಲ.
- ಋತುಚಕ್ರದಲ್ಲಿ ಸ್ಯಾನಿಟರಿ ಪ್ಯಾಡ್ ಬಳಕೆಯಿಂದ ಅನೇಕ ಬಾರಿ ಕುಳಿತು ಕೊಳ್ಳುವುದು, ನಿಲ್ಲುವುದು ಅಥವಾ ಕಠಿಣ ಕೆಲಸ ನಡೆಸುವುದು ಕಷ್ಟವಾಗುತ್ತದೆ. ಆದರೆ, ಈ ರೀತಿಯ ಅನಾನುಕೂಲತೆ ಮುಟ್ಟಿನ ಕಪ್ನಲ್ಲಿ ಆಗುವುದಿಲ್ಲ. ಮುಟ್ಟಿನ ಕಪ್ಗಳು ಆರೋಗ್ಯದ ಜೊತೆಗೆ ಹಣ ಉಳಿಸಲು ಕೂಡ ಸಹಾಯಕಾರಿಯಾಗಿದೆ.
ವಿಶೇಷ ಸೂಚನೆ: ಇಲ್ಲಿ ಎಲ್ಲ ಆರೋಗ್ಯ ಮಾಹಿತಿ ಮತ್ತು ಸಲಹೆಗಳು ನಿಮ್ಮ ತಿಳಿವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೃತ್ತಿಪರರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿಯನ್ನು ಒದಗಿಸುತ್ತಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಪರಿಣತರ ಸಲಹೆಯನ್ನು ತೆಗೆದುಕೊಳ್ಳುವುದು ಉತ್ತಮ.
ಇದನ್ನೂ ಓದಿ: Menstrual cup: ಮುಟ್ಟಿನ ಕಪ್: ಮಹಿಳೆಯರು ತಿಳಿಯಲೇ ಬೇಕಿರುವ ವಿಚಾರಗಳಿವು..
