ನವದೆಹಲಿ: ಹಣ್ಣು, ತರಕಾರಿ, ಬೀಜಗಳು ಮತ್ತು ದ್ವಿದಳ ಧಾನ್ಯಗಳನ್ನು ಹೊಂದಿರುವಂತಹ ಮೆಡಿಟರೇಯನ್ ಆಹಾರ ಪದ್ದತಿ ಒತ್ತಡವನ್ನು ನಿವಾರಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ ಎಂದು ಸಂಶೋಧನೆಯೊಂದು ಮಹತ್ವದ ಮಾಹಿತಿಯನ್ನು ನೀಡಿದೆ. ನ್ಯೂಯಾರ್ಕ್‌ನ ಸ್ಟೇಟ್ ಯೂನಿವರ್ಸಿಟಿಯ ಬಿಂಗ್‌ಹ್ಯಾಮ್‌ಟನ್ ವಿಶ್ವವಿದ್ಯಾನಿಲಯದ ತಂಡ ಈ ಅಧ್ಯಯನ ನಡೆಸಿದೆ. ಪಾಶ್ಚಿಮಾತ್ಯ ಆಹಾರಗಳಿಗೆ ಹೋಲಿಕೆ ಮಾಡಿದರೆ, ಈ ಮೆಡಿಟರೇನಿಯನ್ ಆಹಾರ ಕ್ರಮ ಒತ್ತಡ ನಿವಾರಿಸುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿದೆ ಎಂದು ಈ ತಂಡ ತಿಳಿಸಿದೆ.
ಒತ್ತಡವೂ ಮಾನಸಿಕ ಯಾತನೆಯ ಮುನ್ನುಡಿಯಾಗಿರಬಹುದು. ಮೆಡಿಟರೇನಿಯನ್ ಆಹಾರ ಕ್ರದ ಅನುಸರಿಸುವ ಮೂಲಕ ಈ ಒತ್ತಡವನ್ನು ಜನರು ಹೇಗೆ ಎದುರಿಸುತ್ತಾರೆ ಎಂಬುದನ್ನು ಕಾಣಬಹುದಾಗಿದೆ ಎಂದು ಅಸೋಸಿಯೇಟ್ ಪ್ರೊಫೆಸರ್ ಬೆಗ್ಡಾಚೆ ತಿಳಿಸಿದ್ದಾರೆ.
ಈ ಅಧ್ಯಯನವನ್ನು ನ್ಯೂಟ್ರಿಷಿಯನ್ ಅಂಡ್ ಹೆಲ್ತ್ನಲ್ಲಿ ಪ್ರಕಟಿಸಲಾಗಿದೆ. ಇದರಲ್ಲಿ ಮೆಡಿಟರೇನಿಯನ್ ಆಹಾರವೂ ಮಾನಸಿಕ ಒತ್ತಡ ಕಡಿಮೆ ಮಾಡುತ್ತದೆ ಎಂದು ತೋರಿಸಲಾಗಿದೆ. ಈ ಆಹಾರ ಕ್ರಮದಿಂದ ಒತ್ತಡದ ನಕರಾತ್ಮಕ ಅಂಶಗಳು ಕಡಿಮೆ ಆಗಿರುವುದು ಅಧ್ಯಯನದಲ್ಲಿ ಬಯಲಾಗಿದೆ. ಸಕರಾತ್ಮಕ ಲಕ್ಷಣದ ಸುಧಾರಣೆ ಕಾಣಬಹುದಾಗಿದೆ ಅಂತಾ ಬೆಗ್ಡಾಚೆ.
ಮೆಡಿಟರೇನಿಯನ್ ಆಹಾರ ಸಸ್ಯಾಧಾರಿತ ಕೊಬ್ಬನ್ನು ಹೊಂದಿದೆ. ಧಾನ್ಯಗಳು, ತರಕಾರಿಗಳು, ಹಣ್ಣುಗಳು, ಕಾಳುಗಳು, ಬೀಜಗಳು ಮತ್ತು ಹೆಚ್ಚುವರಿ ವರ್ಜಿನ್ ಆಲಿವ್ ಎಣ್ಣೆಯಿಂದ ಸಮೃದ್ಧವಾಗಿದೆ. ಮೀನು ಸಂಸ್ಕರಿಸಿದ ಮಾಂಸ, ಡೈರಿ ಉತ್ಪನ್ನಗಳು, ಪ್ರಾಣಿಗಳ ಕೊಬ್ಬು ಮತ್ತು ಸಂಸ್ಕರಿಸಿದ ಆಹಾರಗಳು ಇದರಲ್ಲಿ ಕಡಿಮೆ ಪ್ರಮಾಣದಲ್ಲಿರುತ್ತದೆ.
1500 ಜನರ ಸಮೀಕ್ಷೆ: ಇದಕ್ಕೆ ವಿರುದ್ಧವಾಗಿ ಪಾಶ್ಚಿಮಾತ್ಯ ಆಹಾರದಲ್ಲಿ ಹೆಚ್ಚಿನ ಗ್ಲೈಸೆಮಿಕ್ ಮತ್ತು ಕಡಿಮೆ ಗುಣಮಟ್ಟದ ಸಂಸ್ಕರಿಸಿದ ಆಹಾರಗಳ ಹೆಚ್ಚಿನ ಸಾಂದ್ರತೆ ಕಾಣಬಹುದಾಗಿದೆ. ಅಂದ ಹಾಗೆ ಈ ಅಧ್ಯಯನದಲ್ಲಿ 1,500 ಕ್ಕೂ ಹೆಚ್ಚು ಜನರನ್ನು ಸಮೀಕ್ಷೆಗೆ ಒಳಪಡಿಸಲಾಗಿದೆ. ಮೆಡಿಟರೇನಿಯನ್ ಆಹಾರ ಸೇವಿಸಿದವರಲ್ಲಿನ ಮಾನಸಿಕ ಯಾತನೆಯನ್ನು ಗಮನಿಸಲಾಗಿದೆ. ಇದಕ್ಕಾಗಿ ಯಂತ್ರ ಕಲಿಕೆ ಮಾದರಿ ಫಲಿತಾಂಶಗಳನ್ನು ಡಿಕೋಡ್ ಮಾಡಲಾಗಿದೆ.
ಪಾಶ್ಚಿಮಾತ್ಯ ಆಹಾರ ಶೈಲಿಯಲ್ಲಿ ಈ ಎಲ್ಲ ಅಪಾಯ: ಪಾಶ್ಚಿಮಾತ್ಯ ಆಹಾರದಲ್ಲಿ ಹೆಚ್ಚಿನ ಸಕ್ಕರೆ, ಉಪ್ಪು ಮತ್ತು ಕೊಬ್ಬಿನಾಂಶವೂ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮವನ್ನು ಹೊಂದಿದೆ. ಜೊತೆಗೆ ಇದು ಸ್ಥೂಲಕಾಯ, ಮಧುಮೇಹ, ಅಧಿಕ ರಕ್ತದೊತ್ತಡ ಮತ್ತು ಕ್ಯಾನ್ಸರ್‌ಗಳಂತಹ ರೋಗದ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಸಂಶೋಧನೆ ತೋರಿಸಿದೆ.
ಇತ್ತೀಚೆಗೆ ಹಾರ್ಟ್ ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ ಮೆಡಿಟರೇನಿಯನ್ ಆಹಾರ ಮತ್ತು ಹೃದಯರಕ್ತನಾಳದ ಕಾಯಿಲೆಯ ಮತ್ತು ಸಾವಿನ ಅಪಾಯದ ನಡುವಿನ ಸಂಬಂಧವನ್ನು ಸ್ಪಷ್ಟವಾಗಿ ತೋರಿಸಿದೆ. ವಿಶೇಷವಾಗಿ ಮಹಿಳೆಯರನ್ನು ಕೇಂದ್ರೀಕರಿಸಿ ನಡೆಸಲಾದ ಅಧ್ಯಯನವು ಮೆಡಿಟರೇನಿಯನ್ ಆಹಾರವು ಹೃದ್ರೋಗ ಮತ್ತು ಸಾವಿನ ಅಪಾಯವನ್ನು ಶೇ25ರಷ್ಟು ಕಡಿಮೆ ಮಾಡುತ್ತದೆ ಎಂಬುದನ್ನು ತೋರಿಸಿಕೊಟ್ಟಿದೆ. (ಐಎಎನ್ಎಸ್)
ಇದನ್ನೂ ಓದಿ: ಪ್ರೋಟೀನ್ನ ಅಧಿಕ ಸೇವನೆಯಿಂದ ಕಿಡ್ನಿಗೆ ಹಾನಿಯೇ: ಹಾಗಾದರೆ ವೈದ್ಯರು ಹೇಳುವುದೇನು?
