Benefits Of Pista Dry Fruit: ಒಣ ಹಣ್ಣುಗಳು ಆರೋಗ್ಯಕರ ಸ್ನಾಕ್ಸ್ ಆಗಿದೆ. ಇತ್ತೀಚಿನ ದಿನಗಳಲ್ಲಿ ಈ ಒಣ ಹಣ್ಣುಗಳನ್ನು ಜನರು ತಪ್ಪದೇ ನಿತ್ಯ ಸೇವನೆಗೆ ಮುಂದಾಗುತ್ತಿದ್ದಾರೆ. ಕೆಲವರು ರಾತ್ರಿ ನೆನಸಿ ಬೆಳಗೆ ತಿಂದರೆ, ಮತ್ತೆ ಕೆಲವರು ಸಂಜೆ ಕುರುಕಲಾಗಿ ಬಳಕೆ ಮಾಡುತ್ತಾರೆ. ಡ್ರೈ ಫ್ರೂಟ್ಸ್ನಲ್ಲಿ ಪಿಸ್ತಾಗೆ ವಿಶೇಷ ಸ್ಥಾನವಿದೆ. ಕಾರಣ ರುಚಿ. ಇದರ ಹೊರತಾಗಿ ಇದು ಅನೇಕ ಆರೋಗ್ಯ ಪ್ರಯೋಜನ ಹೊಂದಿದೆ. ದಿನಕ್ಕೆ 10 ರಿಂದ 12 ಪಿಸ್ತಾ ಸೇವನೆ ಮಾಡುವುದರಿಂದ ಒಟ್ಟಾರೆ ಆರೋಗ್ಯಕ್ಕೆ ಲಾಭವಾಗಲಿದೆ.
ಪ್ರಮುಖ ಪೋಷಕಾಂಶ: ಪಿಸ್ತಾದಲ್ಲಿ ಕೂಡ ಇತರ ಡ್ರೈಫ್ರೂಟ್ಸ್ನಲ್ಲಿರುವಂತೆ ಪ್ರೋಟಿನ್, ಫೈಬರ್, ವಿಟಮಿನ್ ಮತ್ತು ಖನಿಜಾಂಶವಿದೆ. ದಿನಕ್ಕೆ 10 ರಿಂದ 12 ಪಿಸ್ತಾ ಸೇವನೆ ಮಾಡುವುದರಿಂದ ಮಿದುಳಿನ ಕಾರ್ಯಾಚರಣೆ ಸುಧಾರಣೆಯಾಗಲಿದೆ. ಹಾಗೆಯೇ ದೇಹದ ಪ್ರತಿರೋಧಕ ವ್ಯವಸ್ಥೆ ಆರೋಗ್ಯಯುತವಾಗಿರುತ್ತದೆ. ಇದರಲ್ಲಿ ವಿಟಮಿನ್ ಬಿ 6 ಹಾಗೂ ಪೋಟಾಶಿಯಂ, ಮೆಗ್ನಿಶಿಯಂ ಮತ್ತು ಆಂಟಿಆಕ್ಸಿಡೆಂಟ್ ಇದ್ದು, ಇದು ಆರೋಗ್ಯವನ್ನು ಸಂಪೂರ್ಣವಾಗಿ ರಕ್ಷಿಸುತ್ತದೆ.
ಹೃದಯಕ್ಕೆ ಉತ್ತಮ: ಆರೋಗ್ಯಯುತ ಕೊಬ್ಬುಗಳು ಇದರಲ್ಲಿ ಇದು ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟ ಕಡಿಮೆ ಮಾಡುತ್ತದೆ. ಹಾಗೇ ಉತ್ತಮ ಕೊಲೆಸ್ಟ್ರಾಲ್ ಮಟ್ಟ ಹೆಚ್ಚಿಸುತ್ತದೆ. ಫಲಿತಾಂಶವಾಗಿ ಹೃದಯ ರೋಗದಿಂದ ದೂರವಿಡುತ್ತದೆ.
ತೂಕ ನಿಯಂತ್ರಣ: ಪಿಸ್ತಾ ಕಡಿಮೆ ಕ್ಯಾಲೋರಿ ಹೊಂದಿದ್ದು, ಇದು ತೂಕವನ್ನು ನಿಯಂತ್ರಣದಲ್ಲಿ ಇಡುತ್ತದೆ. ಇದರಲ್ಲಿನ ಪ್ರೋಟಿನ್ ಮತ್ತು ಫೈಬರ್ ಹೊಟ್ಟೆ ತುಂಬಿದ ಅನುಭವ ನೀಡುವ ಹಿನ್ನೆಲೆಯಲ್ಲಿ ಹಸಿವು ಮತ್ತು ಅನಿಯಂತ್ರಿತ ಆಹಾರ ಸೇವನೆಗೆ ಮುಂದಾಗಲು ಬಿಡುವುದಿಲ್ಲ.
ರಕ್ತದ ಸಕ್ಕರೆ ಮಟ್ಟ: ಪಿಸ್ತಾದಲ್ಲಿ ಗ್ಲೆಸೆಮಿಕ್ ಸೂಚ್ಯಂಕ ಕಡಿಮೆ ಇದೆ ಹಾಗೂ ಫೈಬರ್ ಮತ್ತು ಆರೋಗ್ಯಯುತ ಕೊಬ್ಬಿದೆ. ಇದನ್ನು ನಿಯಮಿತವಾಗಿ ಸೇವನೆಯಿಂದ ರಕ್ತದ ಸಕ್ಕರೆ ಮಟ್ಟ ನಿಯಂತ್ರಣದಲ್ಲಿರುತ್ತದೆ. ಪಿಸ್ತಾ ಉತ್ತಮ ಆರೋಗ್ಯಕರ ಸ್ನಾಕ್ಸ್ ಆಗಿದ್ದು, ಮಧುಮೇಹಿಗಳಿಗೆ ಉತ್ತಮ ಆಯ್ಕೆ.
ದೃಷ್ಟಿ ಅಭಿವೃದ್ಧಿ: ಇದರಲ್ಲಿ ಲುಟೀನ್, ಕ್ಸಿಯಾನ್ಕ್ಸಿಥಿನ್ ಮತ್ತು ಆಂಟಿ ಆಕ್ಸಿಡೆಂಟ್ ಸಮೃದ್ದವಾಗಿದ್ದು, ಕಣ್ಣಿನ ಆರೋಗ್ಯ ಕಾಪಾಡುತ್ತದೆ. ಇದು ನೀಲಿ ಬೆಳಕಿನಿಂದ ರಕ್ಷಿಸುವ ಜೊತೆಗೆ ವಯೋ ಸಂಬಂಧಿತ ಕಣ್ಣಿನ ಸಮಸ್ಯೆ ಹಾಗೂ ಕ್ಯಾಟ್ರಾಕ್ಟ್ ಅಪಾಯ ತಪ್ಪಿಸುತ್ತದೆ.
ಜೀರ್ಣಕ್ರಿಯೆ: ಇದರಲ್ಲಿ ಅಧಿಕ ಫೈಬರ್ ಇರುವ ಹಿನ್ನೆಲೆಯಲ್ಲಿ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ನಿಯಮಿತವಾಗಿ ಇದರ ಸೇವನೆ ಮಾಡುವುದರಿಂದ ಆರೋಗ್ಯಯುತ ಬ್ಯಾಕ್ಟೀರಿಯಾ ವೃದ್ಧಿಯಾಗುತ್ತದೆ. ಇದು ಹೊಟ್ಟೆ ಉಬ್ಬರ ಮತ್ತು ಮಲಬದ್ಧತೆಯನ್ನು ತಡೆಯುತ್ತದೆ.
ಉರಿಯೂತ ವಿರೋಧಿ ಗುಣ: ಶಕ್ತಿಯುತವಾತ ಉತ್ಕರ್ಷಣ ವಿರೋಧಿ ಜೊತೆಗೆ ಉರಿಯೂತ ವಿರೋಧಿ ಗುಣ ಕೂಡ ಇದರಲ್ಲಿದೆ. ಇದು ಊರಿಯುತ ಮತ್ತು ದೇಹದಲ್ಲಿನ ನೋವು ಕಡಿಮೆ ಮಾಡುತ್ತದೆ. ಇದು ಅಸ್ಥಿಸಂಧಿವಾತ ಮತ್ತು ಹೃದಯ ಸಮಸ್ಯೆಯಂತಹ ದೀರ್ಘ ಕಾಯಿಲೆ ಅಪಾಯ ಕಡಿಮೆ ಮಾಡುತ್ತದೆ.
ಅರಿವಿನ ಕಾರ್ಯಾಚರಣೆ: ಪಿಸ್ತಾದಲ್ಲಿ ವಿಟಮಿನ್ ಬಿ6 ಮತ್ತು ಆಂಟಿ ಆಕ್ಸಿಡೆಂಟ್ ಇದ್ದು ಇದು ಮಿದುಳಿನ ಆರೋಗ್ಯ ಕಾಪಾಡುತ್ತದೆ. ಇವುಗಳನ್ನು ನಿಯಮಿತವಾಗಿ ಸೇವನೆ ಮಾಡುವುದರಿಂದ ಅರಿವಿನ ಪ್ರದರ್ಶನ ಉತ್ತಮವಾಗಿ ನಡೆಸಬಹುದು. ಇದು ಸ್ಮರಣೆ ಸುಧಾರಣೆ ಮಾಡುವ ಜೊತೆಗೆ ನರ ಸಂಬಂಧಿ ರೋಗದ ಅಪಾಯ ತಪ್ಪಿಸುತ್ತದೆ.
ವಿಶೇಷ ಸೂಚನೆ: ಇಲ್ಲಿ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಮತ್ತು ಸಲಹೆಗಳು ನಿಮ್ಮ ತಿಳಿವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ಈ ಮಾಹಿತಿಯನ್ನು ಒದಗಿಸುತ್ತಿದ್ದೇವೆ. ಇವುಗಳನ್ನು ಅನುಸರಿಸುವ ಮೊದಲು ಪರಿಣತ ವೈದ್ಯರ ಸಲಹೆಗಳನ್ನು ತೆಗೆದುಕೊಳ್ಳುವುದು ಉತ್ತಮ.
ಇದನ್ನೂ ಓದಿ: ಬಲಶಾಲಿಯಾದ ಹೊಳೆಯುವ ಕೂದಲು ಬೇಕಾ ಹಾಗಾದರೆ: ಕನಿಷ್ಠ ವಾರಕ್ಕೊಮ್ಮೆಯಾದರೂ ಬಳಕೆ ಮಾಡಿ ಮೊಟ್ಟೆ
