Health Damaging Diet: ನೀವು ತಿನ್ನುವ ಆಹಾರವು ಸಾವಿನ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ಹೊಸ ಸಂಶೋಧನೆಯೊಂದು ಅಧ್ಯಯನಕ್ಕೆ ಒಳಪಡಿಸಿದೆ. ಹೃದ್ರೋಗ, ಪಾರ್ಶ್ವವಾಯು ಅಥವಾ ಟೈಪ್ 2 ಮಧುಮೇಹ ಸಾವಿನ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬ ಬಗ್ಗೆ ಸಂಶೋಧನೆಯೊಂದು ನಡೆದಿದೆ. ನಮ್ಮ ಆರೋಗ್ಯ ಸುಧಾರಿಸಲು ಆಹಾರ ಪದ್ಧತಿ ಹೇಗೆ ಬದಲಾಯಿಸಬಹುದು ಎಂಬ ಮಾರ್ಗಗಳನ್ನು ಈ ಸಂಶೋಧನೆಯಲ್ಲಿ ಕಂಡುಕೊಳ್ಳಲಾಗಿದೆ. ಆರೋಗ್ಯಕರ ಆಹಾರವು ತರಕಾರಿ, ಹಣ್ಣು, ಧಾನ್ಯ ಮತ್ತು ಕೊಬ್ಬು ಮುಕ್ತ ಅಥವಾ ಕಡಿಮೆ - ಕೊಬ್ಬಿನ ಡೈರಿ ಉತ್ಪನ್ನಗಳನ್ನು ಒಳಗೊಂಡಿರುತ್ತದೆ ಎಂದು ತಜ್ಞರು ಈಗಾಗಲೇ ತಿಳಿದಿದ್ದಾರೆ. ಆರೋಗ್ಯಕರ ಆಹಾರವು ನೇರವಾಗಿ ಮಾಂಸ, ಕೋಳಿ, ಮೀನು, ಬೀನ್ಸ್, ಮೊಟ್ಟೆ ಮತ್ತು ಅತ್ಯುತ್ತಮವಾದ ಧಾನ್ಯಗಳನ್ನು ಒಳಗೊಂಡಿರುತ್ತದೆ. ಇದು ಸ್ಯಾಚುರೇಟೆಡ್ ಮತ್ತು ಟ್ರಾನ್ಸ್ ಕೊಬ್ಬುಗಳು, ಸೋಡಿಯಂ (ಉಪ್ಪು) ಮತ್ತು ಸೇರಿಸಿದ ಸಕ್ಕರೆಯ ಸೇವೆನೆಯನ್ನು ಮಿತಿಗೊಳಿಸುತ್ತದೆ.
Ref.-- https://newsinhealth.nih.gov/2017/05/how-your-eating-habits-affect-your-health
ಕಾರ್ಡಿಯೋಮೆಟಬಾಲಿಕ್ ಕಾಯಿಲೆ: ಕೆಲವು ಆಹಾರದ ಅಂಶಗಳು ಹೃದ್ರೋಗ, ಪಾರ್ಶ್ವವಾಯು ಮತ್ತು ಟೈಪ್ 2 ಡಯಾಬಿಟಿಸ್‌ ಸಾವಿನ ಮೇಲೆ ಹೇಗೆ ಪರಿಣಾಮ ಬೀರುತ್ತವೆ ಎಂಬುದನ್ನು ವಿಜ್ಞಾನಿಗಳು ವಿಶ್ಲೇಷಣೆಗೆ ಒಳಪಡಿಸಿದ್ದಾರೆ. ಇವುಗಳನ್ನು ಕಾರ್ಡಿಯೊಮೆಟಬಾಲಿಕ್ ಕಾಯಿಲೆಗಳು ಎಂದು ಕರೆಯಲಾಗುತ್ತದೆ. ತಂಡವು CDC ರಾಷ್ಟ್ರೀಯ ಆರೋಗ್ಯ ಮತ್ತು ಪೌಷ್ಟಿಕಾಂಶ ಪರೀಕ್ಷೆ ಸಮೀಕ್ಷೆ (NHANES) ಮತ್ತು ರಾಷ್ಟ್ರೀಯ ಮರಣ ದತ್ತಾಂಶದ ಡೇಟಾ ಅವಲಂಬಿಸಿ ಈ ಅಧ್ಯಯನ ನಡೆಸಿದೆ.
ಈ ಜನರಲ್ಲಿ ಹೆಚ್ಚಿನ ಅಪಾಯ: ಹೆಚ್ಚು ಸೋಡಿಯಂ, ಸಂಸ್ಕರಿಸಿದ ಮಾಂಸ, ಸಕ್ಕರೆ- ಸಿಹಿ ಪಾನೀಯಗಳು ಮತ್ತು ಸಂಸ್ಕರಿಸದ ಕೆಂಪು ಮಾಂಸವನ್ನು ಸೇವಿಸುವ ಜನರಲ್ಲಿ ಈ 3 ಕಾಯಿಲೆಗಳಿಂದ ಸಾವಿನ ಅಪಾಯ ಹೆಚ್ಚಾಗಿರುತ್ತದೆ ಎಂಬುದನ್ನು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ. ಸಾಕಷ್ಟು ಧಾನ್ಯಗಳು, ಸಮುದ್ರಾಹಾರವಾಗಿರುವ ಒಮೆಗಾ-3 ಕೊಬ್ಬುಗಳು, ತರಕಾರಿಗಳು, ಹಣ್ಣುಗಳು, ಧಾನ್ಯಗಳು ಅಥವಾ ಬಹು ಅಪರ್ಯಾಪ್ತ ಕೊಬ್ಬುಗಳನ್ನು ಸೇವಿಸದ ಜನರಲ್ಲಿ ಸಾವಿನ ಅಪಾಯ ಹೆಚ್ಚಾಗಿರುತ್ತದೆ. ವಿಶ್ಲೇಷಣೆಯ ಪ್ರಕಾರ 2012 ರಲ್ಲಿ ಈ ಮೂರು ಕಾಯಿಲೆಗಳಿಂದ ಸುಮಾರು ಅರ್ಧದಷ್ಟು ಅಂದರೆ ಶೇ 45ರಷ್ಟು ಸಾವುಗಳು ಸಂಭವಿಸಿದ್ದು, ಈ ಮೂರು ಕಾಯಿಲೆಗಳಿಗೆ ಸಂಬಂಧಿಸಿದವುಗಳಾಗಿವೆ.
ಇದನ್ನು ಓದಿ: ಐಫೋನ್ 16 ಸೀರಿಸ್ ಸ್ಮಾರ್ಟ್‌ಪೋನ್‌ ಏಕೆ ಖರೀದಿಸಬೇಕು? ಇಲ್ಲಿದೆ 10 ಕಾರಣಗಳು - IPhone 16 Series Highlights
"ಈ ಅಧ್ಯಯನವು ಅಮೆರಿಕನ್ನರ ಆಹಾರ ಪದ್ಧತಿಗೆ ಸಂಬಂಧಿಸಿರುವ ಕಾರ್ಡಿಯೋಮೆಟಾಬಾಲಿಕ್ ಸಾವುಗಳ ಸಂಖ್ಯೆಯ ಬಗ್ಗೆ ಪ್ರಸ್ತಾಪಿಸಿದೆ. ಮತ್ತು ಈ ಸಂಖ್ಯೆಯು ತುಂಬಾ ದೊಡ್ಡದಾಗಿದೆ" ಎಂದು NIH ನಲ್ಲಿ ಹೃದ್ರೋಗ ಮತ್ತು ಸಾರ್ವಜನಿಕ ಆರೋಗ್ಯ ತಜ್ಞ ಡಾ. ಡೇವಿಡ್ ಗಾಫ್ ವಿವರಿಸಿದ್ದಾರೆ . ಎರಡನೆಯದಾಗಿ ಆ ಸಾವುಗಳಲ್ಲಿನ ಇತ್ತೀಚಿನ ಕುಸಿತವು ಆಹಾರದಲ್ಲಿನ ಸುಧಾರಣೆಯಿಂದ ಆಗಿರುವ ಬಗ್ಗೆ ಸೂಚಿಸುತ್ತದೆ. ಹೃದ್ರೋಗಗಳನ್ನು ತಡೆಗಟ್ಟಲು ಬಹಳಷ್ಟು ಕೆಲಸಗಳನ್ನು ಮಾಡಬೇಕಾಗಿದೆ. ಆದರೆ, ಉತ್ತಮ ಆಹಾರ ಪದ್ಧತಿಗಳು ನಮ್ಮನ್ನು ಸುಧಾರಿಸಬಹುದು ಎಂದು ನಮಗೆ ತಿಳಿದಿದೆ. ತ್ವರಿತವಾಗಿ ಈ ಬಗ್ಗೆ ಸಂಶೋಧನೆ ಮಾಡುವ ಮೂಲಕ ಸಣ್ಣ ಬದಲಾವಣೆಗೆ ಒಳಪಡುವ ಮೂಲಕ ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದಾಗಿದೆ.
ವಿಶೇಷ ಸೂಚನೆ: ಇಲ್ಲಿ ನೀಡಲಾದ ಮಾಹಿತಿ ಮತ್ತು ಸಲಹೆಗಳು ನಿಮ್ಮ ಮಾಹಿತಿಗಾಗಿ ಮಾತ್ರ, ಅವುಗಳನ್ನು ಕಾರ್ಯಗತಗೊಳಿಸುವ ಮೊದಲು ನೀವು ವೈದ್ಯರನ್ನು ಸಂಪರ್ಕಿಸಿ ಮಾರ್ಗದರ್ಶನ ಪಡೆಯುವುದು ಉತ್ತಮ.
