ಲಖನೌ, ಉತ್ತರಪ್ರದೇಶ: ತಮ್ಮ ದೇಹ ಸೌಂದರ್ಯದ ಬಗ್ಗೆ ಇಂದು ಹೆಚ್ಚಿನ ಜನರು ಕಾಳಜಿ ಹೊಂದಿದ್ದು, ಇದರಿಂದ ಜಿಮ್, ವರ್ಕ್ಔಟ್ ಮಾಡುವವರ ಸಂಖ್ಯೆ ಹೆಚ್ಚಿದೆ. ಜಿಮ್ಗೆ ಹೋಗುವ ಬಹುತೇಕರಲ್ಲಿ ಪ್ರೋಟೀನ್ ಸೇವನೆಗೆ ಒತ್ತು ನೀಡುತ್ತಾರೆ. ಜಿಮ್ಗೆ ಮೊದಲು ಅಥವಾ ನಂತರ ಪೂರಕ ಪ್ರೋಟೀನ್ ಸೇವನೆಗೆ ಮುಂದಾಗುತ್ತಾರೆ. ಆದರೆ, ವೈದ್ಯರ ಸಲಹೆ ಪಡೆಯದೇ ಈ ರೀತಿ ಪೂರಕ ಪ್ರೋಟೀನ್ ಸೇವನೆ ಅಪಾಯಕಾರಿ ಎನ್ನುತ್ತಾರೆ ತಜ್ಞರು.
ಈ ಕುರಿತು ಮಾತನಾಡುರುವ ಕೆಜಿಎಂಯುನ ಮೆಡಿಸಿನ್ ವಿಭಾಗದ ಡಾ ಸತ್ಯೇಂದ್ರ ಕುಮಾರ್ ಸೊನ್ಕರ್, ಇಂದು ಜನರು ಫಿಟ್ ಆಗಿರಬೇಕು ಎಂದು ಬಯಸುತ್ತಿರುವುದು ಸಹಜವಾದ ಆಶಯವಾಗಿದೆ. ಆದರೆ, ಯುವ ಜನತೆ ಶೀಘ್ರದಲ್ಲೇ ಸ್ನಾಯು ಬೆಳವಣಿಗೆ ಆಗಲಿ, ಉತ್ತಮ ದೇಹ ಸೌಂದರ್ಯ ಬರಲಿ ಎಂದು ಬಯಸುತ್ತಾರೆ. ಇದಕ್ಕಾಗಿ ಪೂರಕ ಪ್ರೋಟೀನ್ ಮೊರೆ ಹೋಗುತ್ತಾರೆ. ಆದರೆ, ಇದು ಆರೋಗ್ಯಕ್ಕೆ ಉತ್ತಮ ಅಲ್ಲ ಎಂಬುದು ಬಹಳಷ್ಟು ಜನರಿಗೆ ತಿಳಿದಿಲ್ಲ ಎಂದು ಅವರು ಬೇಸರ ಕೂಡಾ ವ್ಯಕ್ತಪಡಿಸಿದ್ದಾರೆ.
ಮಾರುಕಟ್ಟೆಯಲ್ಲಿರುವ ಎಲ್ಲ ಪೂರಕಗಳಿಗೆ ಸ್ಟಿರಿಯಾಡ್ಗಳನ್ನು ಬಳಕೆ ಮಾಡುತ್ತಾರೆ. ಸ್ಟಿರಿಯಾಡ್ಗಳು ಆರೋಗ್ಯಕ್ಕೆ ಅಪಾಯಕಾರಿ ಎಂಬುದು ಎಲ್ಲರಿಗೂ ತಿಳಿದಿದೆ. ಆದರೆ, ಇಂದು ಗೊತ್ತಿದ್ದೊ, ಗೊತ್ತಿಲ್ಲದೇ ಪ್ರೋಟಿನ್ ಜೊತೆಗೆ ಸ್ಟಿರಿಯಾಡ್ ಸೇವನೆ ಮಾಡುತ್ತಿದ್ದೇವೆ. ಇದು ದೇಹದ ಮೇಲೆ ಸಂಪೂರ್ಣವಾಗಿ ಪರಿಣಾಮ ಬೀರುತ್ತದೆ. ದಿನದಲ್ಲಿ 3 ರಿಂದ 4 ಬಾರಿ ಪ್ರೋಟಿನ್ ಪೌಡರ್ ಸೇವಿಸಿದರೆ ನಿಧಾನವಾಗಿ ಸ್ಟಿರಿಯಾಡ್ ನಮ್ಮ ದೇಹ ಸೇರಿ, ಅದು ಹೃದಯ ಸ್ತಂಭನದಂತಹ ಸಮಸ್ಯೆಗೆ ಕಾರಣವಾಗುತ್ತದೆ.
ಪರೀಕ್ಷೆ ಬಳಿಕ ವರ್ಕ್ಔಟ್ ನಡೆಸಿ: ಇಂದು ಜಿಮ್ಗೆ ಹೋಗುವ ಅನೇಕರಿಗೆ ನಮ್ಮ ರಕ್ತದೊತ್ತಡದ ಪರಿಮಾಣ ಎಷ್ಟು ಅಂತಾ ತಿಳಿದಿಲ್ಲ. ಅದೇ ರೀತಿ ರಕ್ತದಲ್ಲಿ ಸಕ್ಕರೆ ಮಟ್ಟದ ಬಗ್ಗೆ, ಥೈರಾಯ್ಡ್, ಯುರಿಕ್ ಮತ್ತು ಪ್ರೋಟೀನ್ ಬಗ್ಗೆಯೂ ಅಷ್ಟೊಂದು ಅರಿವಿರುವುದಿಲ್ಲ. ಅನೇಕ ರಕ್ತದೊತ್ತಡದ ರೋಗಿಗಳಲ್ಲಿ ಆರಂಭಿಕ ಹಂತದ ಹೃದಯ ಸಮಸ್ಯೆಗಳಿರುತ್ತದೆ. ಆದರೆ, ಈ ಬಗ್ಗೆ ತಿಳಿಯದೇ ಅವರು ಅಧಿಕ ವ್ಯಾಯಾಮ ಮತ್ತು ವರ್ಕ್ಔಟ್ಗೆ ಮುಂದಾಗುತ್ತಾರೆ. ಇದರಿಂದ ಹೃದಯ ಸ್ತಂಭನ ಸಂಭವಿಸಬಹುದು. ಈ ಹಿನ್ನೆಲೆಯಲ್ಲಿ ವರ್ಕ್ಔಟ್ಗಾಗಿ ಜಿಮ್ಗೆ ಸೇರುವ ಮೊದಲು ವೈದ್ಯಕೀಯ ತಪಾಸಣೆಗೆ ಒಳಗಾಗುವುದು ಉತ್ತಮ. ಈ ವೇಳೆ ರಕ್ತದೊತ್ತಡ, ಮಧುಮೇಹ, ರಕ್ತದ ಸಕ್ಕರೆ ಮಟ್ಟ, ಥೈರಾಯ್ಡ್ ಪರೀಕ್ಷೆ ನಡೆಸುವುದು ಅವಶ್ಯವಾಗಿದೆ.
ವೈದ್ಯರ ಸೂಚನೆ ಅನುಸರಿಸುವುದು ಒಳ್ಳೆಯದು: ವೈದ್ಯರ ಶಿಫಾರಸ್ಸಿಲ್ಲದೇ ಪ್ರೋಟೀನ್ ಸೇವನೆ ಆರೋಗ್ಯಕ್ಕೆ ಉತ್ತಮವಲ್ಲ. ಸಾಮಾನ್ಯವಾಗಿ ನೈಸರ್ಗಿಕವಾಗಿ ನಿತ್ಯ ನಮ್ಮ ದೇಹಕ್ಕೆ ಆಹಾರದ ಮೂಲಕ ಪ್ರೋಟಿನ್ ಸೇರುತ್ತಿರುತ್ತದೆ. ಈ ಹಿನ್ನೆಲೆ ಅನಗತ್ಯವಾಗಿ ಪೂರಕ ಪ್ರೋಟಿನ್ ಅನಾರೋಗ್ಯಕ್ಕೆ ಕಾರಣವಾಗುತ್ತದೆ. ದೇಹದಲ್ಲಿ ಯಾವುದೇ ಅಂಶ ಹೆಚ್ಚಾದರೂ ಅಥವಾ ಕಡಿಮೆಯಾದರೂ ಪರೀಕ್ಷೆಯ ಹೊರತಾಗಿ ಅದರ ಲಕ್ಷಣಗಳು ಕಾಣುವುದಿಲ್ಲ. ದೇಹದಲ್ಲಿ ಯಾವುದರ ಕೊರತೆ ಇದೆ. ಯಾವ ಅಂಶ ಹೆಚ್ಚಿದೆ ಎಂದು ತಿಳಿಯದೇ ತೀವ್ರತರದ ವ್ಯಾಯಾಮ ಚಟುವಟಿಕೆಗೆ ಒಳಗಾಗುವುದರಿಂದ ಇದು ಹೃದಯ ಮೇಲೆ ಪರಿಣಾಮ ಬೀರುತ್ತದೆ. ಇದರಿಂದ ಹೃದಯಾಘಾತವಾಗುವ ಸಂಭವ ಹೆಚ್ಚಾಗಿರುತ್ತದೆ.
ದೈನಂದಿನ ಆಹಾರದಲ್ಲೇ ಇದೆ ಅಗತ್ಯ ಪ್ರೋಟೀನ್: ನಿಮ್ಮ ಆಹಾರದಲ್ಲಿ ಹಾಲು, ಮೊಸರು, ಪಾಲಕ್, ಬೆಲ್ಲ, ಬೆಳೆ, ಕಡಲೆ, ಸೋಯಾಬೀನ್ ಸೇವಿಸುತ್ತಿದ್ದರೆ, ಅದು ಉತ್ತಮ ಡಯಟ್ ಆಗಿದೆ ಇದು ಫೈಬರ್ ಮತ್ತು ಕಾರ್ಬೋಹೈಡ್ರೇಟ್ ಸೇರಿದಂತೆ ಎಲ್ಲ ರೀತಿಯ ಅಂಶ ಹೊಂದಿರುತ್ತದೆ. ಇದು ನೈಸರ್ಗಿಕವಾಗಿ ದೇಹದ ಅಗತ್ಯವನ್ನು ಪೂರೈಸುತ್ತದೆ. ಈ ರೀತಿ ಉತ್ತಮ ಡಯಟ್ ಇದ್ದಾಗ, ಅಧಿಕ ಮಟ್ಟದ ಪ್ರೋಟಿನ್ ದೇಹಕ್ಕೆ ಹಾನಿಯಾಗುತ್ತದೆ.
ಅಧಿಕ ಪ್ರೋಟ್ ದೇಹದ ಜೀರ್ಣಕ್ರಿಯೆ ವ್ಯವಸ್ಥೆ ಮೇಲೆ ಪರಿಣಾಮ ಬೀರುತ್ತದೆ. ಇದರಿಂದ ಸೂಕ್ತ ರೀತಿಯಲ್ಲಿ ಜೀರ್ಣಕ್ರಿಯೆ ಆಗುವುದಿಲ್ಲ. ಇದು ಕಿಡ್ನಿ ಮೇಲೆ ಪರಿಣಾಮ ಬೀರುತ್ತದೆ. ಪೂರಕ ಪ್ರೋಟಿನ್ನಲ್ಲಿ ಹೆಚ್ಚು ಸಕ್ಕರೆ, ಆಹಾರ ಬಣ್ಣ, ಸ್ಟಿರಿಯಾಡ್ಸ್ ಮುಂತಾದವರು ಇರುತ್ತದೆ. ಇವು ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತದೆ.
ವ್ಯಕ್ತಿ ಜಿಮ್ಗೆ ಹೋಗುತ್ತಿದ್ದರೆ, ಡಯಟ್ ನಿಯಂತ್ರಣದಲ್ಲಿರಬೇಕು. ಆಹಾರ, ಪಾನೀಯ ವಿಚಾರದಲ್ಲಿ ಆಯ್ಕೆಯನ್ನು ಹೊಂದಿರಬೇಕು. ಜೊತೆಗೆ ಪೂರಕ ಸೇವಿಸಿದರೂ ಎಷ್ಟು ಪ್ರಮಾಣದಲ್ಲಿ ಎಂಬ ಅರಿವಿರಬೇಕು. ಇದರಿಂದ ದೇಹಕ್ಕೆ ಯಾವುದೇ ಅಡ್ಡ ಪರಿಣಾಮ ಇದೆಯೇ ಎಂದು ಗಮನಿಸಬೇಕು.
ಯಾರು ಎಷ್ಟು ಪ್ರೋಟೀನ್ ಪೌಡರ ಸೇವಿಸಬೇಕು?: ಒಂದು ವೇಳೆ ವ್ಯಕ್ತಿ ನಿಯಂತ್ರಿತ ಡಯಟ್ನಲ್ಲಿದ್ದು, ವರ್ಕ್ಔಟ್ಗೆ ಮುನ್ನ ಮತ್ತು ನಂತರದಲ್ಲಿ ಪ್ರೋಟೀನ್ ಸೇವಿಸಿದರೆ ಅದು ಅವರ ದೇಹದ ತೂಕ ಮತ್ತು ಎತ್ತರಕ್ಕೆಅನುಸಾರ ಕೆಜಿಗೆ 1 ಗ್ರಾಂನಂತೆ ಸೇವಿಸಬೇಕು. ವ್ಯಕ್ತಿ 50ಕೆಜಿ ತೂಕ ಇದ್ದರೆ, 50 ಗ್ರಾಂ ಪ್ರೊಟೀನ್ ಪೌಡರ್ ಸೇವಿಸುಬೇಕು. ಅಲ್ಲದೇ ದಿನಕ್ಕೆ ಒಂದು ಬಾರಿ ಮಾತ್ರ ಬಳಕೆ ಮಾಡುವುದರಿಂದ ಭವಿಷ್ಯದಲ್ಲಿ ಉಂಟಾಗುವ ಅಡ್ಡ ಪರಿಣಾಮ ತಡೆಯಬಹುದು.
ಇದನ್ನೂ ಓದಿ: ಬಾಡಿ ಬಿಲ್ಡಿಂಗ್ ಮಾಡಬೇಕೆಂದು ಪ್ರೋಟಿನ್ ಪೂರಕಗಳನ್ನ ಸೇವಿಸುತ್ತೀರಾ? ಐಸಿಎಂಆರ್ ಮಾರ್ಗಸೂಚಿ ಬಗ್ಗೆ ತಿಳಿಯಿರಿ
