ಹೈದರಾಬಾದ್: ಇತ್ತೀಚಿನ ದಿನಗಳಲ್ಲಿ ಬಹುತೇಕರನ್ನು ಕಾಡುತ್ತಿರುವ ಸಮಸ್ಯೆ ಅಂದರೆ ಅದು ಅತಿಯಾದ ತೂಕವಾಗಿದೆ. ಸವಾಲಿನ ಜೀವನಶೈಲಿ, ತಿನ್ನುವ ಅಭ್ಯಾಸ ಮತ್ತು ವ್ಯಾಯಾಮದ ಕೊರತೆಯು ಈ ಅನಾರೋಗ್ಯಕರ ತೂಕ ಹೆಚ್ಚಳಕ್ಕೆ ಕಾರಣವಾಗಿದೆ. ಇದಕ್ಕಾಗಿ ಯುವಜನತೆ ಬಲುಬೇಗ ತೂಕ ಕಳೆದುಕೊಳ್ಳಬೇಕು ಎಂದು ಕ್ರ್ಯಾಶ್ ಡಯಟ್ ಮೊರೆ ಹೋಗುತ್ತಿದ್ದಾರೆ.
ಕ್ರ್ಯಾಶ್ ಡಯಟ್ನಿಂದ ವೇಗವಾಗಿ ತೂಕ ಕಳೆದುಕೊಳ್ಳಬಹುದು ಎಂದು ಕೂಡ ತಜ್ಞರು ತಿಳಿಸುತ್ತಾರೆ. ಹಾಗಾದರೆ ಈ ಕ್ರ್ಯಾಶ್ ಡಯಟ್ ಎಂದರೇನು? ಇದು ಯಾರಿಗೆ ಸೂಕ್ತ, ಯಾರಿಗೆ ಸೂಕ್ತ ಎಂಬ ಕುರಿತು ಹೈದರಾಬಾದ್ನ ಖ್ಯಾತ ಪೌಷ್ಟಿಕಾಂಶ ತಜ್ಞೆಯಾಗಿರುವ ಡಾ ಜಾನಕಿ ಶ್ರೀನಾಥ್ ತಿಳಿಸಿದ್ದಾರೆ. ಹಾಗದ್ರೆ ಕ್ರಶ್ ಡಯಟ್ಗೆ ಯಾವ ನೀತಿ ಪಾಲಿಸಬೇಕು ಎಂಬ ಕುರಿತ ವಿವರ ಇಲ್ಲಿದೆ.
ಏನಿದು ಕ್ರ್ಯಾಶ್ ಡಯಟ್: ಕ್ರ್ಯಾಶ್ ಡಯಟ್ ಅನ್ನು ಜಿರೋ ಡಯಟ್ ಎಂಬ ಹೆಸರಿನಿಂದ ಕೂಡ ಪರಿಚಿತವಾಗಿದೆ. ಅಮೆರಿಕದಲ್ಲಿ ಪ್ರಖ್ಯಾತವಾಗಿರುವ ತೂಕ ಇಳಿಕೆ ವಿಧಾನ ಇದಾಗಿದೆ. ತೂಕ ಕಳೆದುಕೊಳ್ಳುವ ಜೊತೆಗೆ ವಯಸ್ಸಾದಂತೆ ತ್ವಚೆಯ ಸುಕ್ಕನ್ನು ತಡೆಯಲು ಇದು ಸಹಾಯ ಮಾಡುತ್ತದೆ. ಕ್ರ್ಯಾಶ್ ಡಯಟ್ಗೆ ಕೆಲವು ನಿರ್ದಿಷ್ಟ ಆಹಾರ ಕ್ರಮದ ನಿಯಮಗಳಿವೆ. ಅದರಲ್ಲಿ 40ರಷ್ಟು ಕಾರ್ಬೋಹೈಡ್ರೇಟ್, 30ರಷ್ಟು ಕೊಬ್ಬು ಮತ್ತು 30ರಷ್ಟು ಪ್ರೋಟಿನ್ ಹೊಂದಿರುವುದು ಅಗತ್ಯವಾಗಿದೆ. ಆದಾಗ್ಯೂ ಈ ಡಯಟ್ ಕ್ರಮ ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗುತ್ತದೆ. ಈ ಡಯಟ್ನಲ್ಲೂ ಮೂರು ಹೊತ್ತಿನ ಊಟ ಮತ್ತು ಎರಡು ಸ್ನಾಕ್ಸ್ ಒಳಗೊಂಡಿರುತ್ತದೆ. ಇದು ಅಮೆರಿಕದಲ್ಲಿ ಹೆಚ್ಚು ಅನುಸರಿಸುವ ಡಯಟ್ ಇದಾಗಿದೆ.
ಭಾರತಕ್ಕೆ ಅನುಗುಣವಾಗಿ ಆಹಾರ ಸೇವನೆ: ನಮ್ಮ ದೇಶದಲ್ಲಿ ಕ್ರ್ಯಾಶ್ ಡಯಟ್ನಲ್ಲಿ ಅನ್ನ ಮತ್ತು ಎಣ್ಣೆ ಅಂಶವನ್ನು ಸಂಪೂರ್ಣವಾಗಿ ತಪ್ಪಿಸಲಾಗುವುದು. ಇದರ ಬದಲಾಗಿ, ಸಿಪ್ಪೆಗಳಿಂದ ಕೂಡಿದ ಧಾನ್ಯ- ಕಾಳುಗಳು. ಕಾರ್ಬೋಹೈಡ್ರೇಟ್ ಸಮೃದ್ಧವಾದ ಬೆಂಡೆಕಾಯಿ, ಎಲೆಕೋಸ್, ಬೀನ್ಸ್, ಟೊಮಟೊದಂತಹ ತರಕಾರಿ ಆಯ್ಕೆ ಮಾಡಲಾಗುವುದು. ಆರೋಗ್ಯಯುತ ಕೊಬ್ಬಿಗೆ ಫ್ಲೆಕ್ಸ್ಸೀಡ್ ಪುಡಿ (ಅಗಸೆ ಬೀಜ), ಎಳ್ಳು, ಬಾದಾಮಿ ಮತ್ತು ಕುಂಬಳಕಾಯಿಗಳನ್ನು ಆಹಾರದ ಕ್ರಮದ ಭಾಗವಾಗಿ ಸೇರಿಸಲಾಗುವುದು.
ದೇಹಕ್ಕೆ ಅನುಗುಣವಾಗಿ ಫಾಲೋ ಮಾಡಿ: ಡಯಟ್ ಆಹಾರದಲ್ಲಿ ಆಲಿವ್ ಆಯಿಲ್ ಮಿಶ್ರಿತ ತರಕಾರಿ ಸಲಾಡ್ ಉತ್ತಮ ಫಲಿತಾಂಶ ನೀಡುತ್ತದೆ. ಇದರ ಜೊತೆಗೆ ಕಡಿಮೆ ಕೊಬ್ಬಿನ ಹಾಲು, ಚೀಸ್, ಪನ್ನೀರ್ ಮತ್ತು ಅಧಿಕ ಪ್ರೋಟಿನ್ ಮಜ್ಜಿಗೆ ಕೂಡ ಸೇರಿಸಬಹುದು. ಆದಾಗ್ಯೂ ಈ ಎಲ್ಲಾ ಆಹಾರಗಳನ್ನು ದೇಹದ ಸಂಯೋಜನೆ ಪರೀಕ್ಷೆ ಪಡೆದ ಬಳಿಕವೇ ದೇಹಕ್ಕೆ ಅನುಸಾರವಾಗಿ ತೆಗೆದುಕೊಳ್ಳಬೇಕು ಎನ್ನುತ್ತಾರೆ ಡಾ ಜಾನಕಿ ಶ್ರೀನಾಥ್.
ಕಾರಣ, ಕೆಲವು ಮಂದಿ ಕಡಿಮೆ ಸ್ನಾಯು ಸಾಂದ್ರತೆ ಹೊಂದಿದ್ದು, ಅಧಿಕ ಕೊಬ್ಬು ಹೊಂದಿರಬಹುದು. ಜೊತೆಗೆ ಕೆಲವರು ಹೆಚ್ಚು ಸ್ನಾಯು ಹೊಂದಿದ್ದು, ಕಡಿಮೆ ಕೆಟ್ಟ ಕೊಬ್ಬು ಹೊಂದಿರಬಹುದು. ಈ ಕಾರಣದಿಂದ ಆಹಾರ ಸೇವನೆ ನಿಯಮ ಮತ್ತು ಗುಣಮಟ್ಟ, ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗುತ್ತದೆ. ಈ ಹಿನ್ನೆಲೆಯಲ್ಲಿ ಕ್ರ್ಯಾಶ್ ಡಯಟ್ ಆರಂಭಿಸುವ ಮುನ್ನ ತಜ್ಞರು ಸಮಲೋಚನೆ ನಡೆಸಯವುದು ಅಗತ್ಯ. ಮತ್ತೊಂದು ಪ್ರಮುಖ ಅಂಶ ಎಂದರೆ ಡಯಟ್ ಜೊತೆಗೆ ವ್ಯಾಯಾಮ ಸೇರಿದಲ್ಲಿ ಅದರಿಂದ ಉತ್ತಮ ಫಲಿತಾಂಶ ಸಿಗುತ್ತದೆ ಎಂಬುದನ್ನು ಎಂಬುದು ಮರೆಯಬಾರದು.
ದಿಢೀರ್ ತೂಕ ಕಳೆದುಕೊಳ್ಳುವುದರಿಂದ ಗಂಭೀರ ಆರೋಗ್ಯ ಅಪಾಯವನ್ನು ಎದುರಿಸಬೇಕಾಗುತ್ತದೆ. ವಾರಕ್ಕೆ ಇಂತಿಷ್ಟು ಪ್ರಮಾಣದಲ್ಲಿ ತೂಕ ಕಡಿಮೆ ಆದಲ್ಲಿ ಮಾತ್ರ ಪ್ರಯೋಜನ ಪಡೆಯಬಹುದು. ಕ್ರ್ಯಾಶ್ ಡಯಟ್ ಅನ್ನು ಅನುಸರಿಸುವ ಮುನ್ನ ತಜ್ಞರ ಸಲಹೆ ಪಡೆಯುವುದು ಅಗತ್ಯವಾಗಿದೆ.
ದಯವಿಟ್ಟು ಗಮನಿಸಿ: ಇಲ್ಲಿ ನೀಡಲಾಗಿರುವ ಆರೋಗ್ಯ ಮಾಹಿತಿ ಮತ್ತು ಸಲಹೆಗಳು ತಿಳಿವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿಯನ್ನು ಒದಗಿಸುತ್ತಿದ್ದೇವೆ.
ಇದನ್ನೂ ಓದಿ: ಈ ನಟಿಯ ಸಾವಿಗೆ ಕಾರಣವಾಯಿತಾ ಕ್ರಶ್ ಡಯಟ್?; ಮಾರಾಣಾಂತಿಕ ಆಹಾರ ಪದ್ದತಿ ಇದು!
