Avoidable walking mistakes: ದೇಹವನ್ನು ಆರೋಗ್ಯವಾಗಿಡಲು ಪ್ರತಿದಿನ ಬೆಳಗ್ಗೆ ವಾಕಿಂಗ್ ಮಾಡುವುದು ತುಂಬಾ ಒಳ್ಳೆಯ ಅಭ್ಯಾಸ. ನಿಯಮಿತವಾಗಿ ವಾಕಿಂಗ್ ಮಾಡುವುದರಿಂದ ಸ್ನಾಯುಗಳನ್ನು ಬಲಗೊಳ್ಳುತ್ತವೆ. ಅಲ್ಲದೆ, ವಾಕಿಂಗ್ನಿಂದ ದೇಹದಲ್ಲಿ ಕ್ಯಾಲೊರಿ ಮತ್ತು ಕೊಲೆಸ್ಟ್ರಾಲ್ ಅನ್ನು ಬರ್ನ್ ಮಾಡಲು ಸಾಧ್ಯವಾಗುತ್ತದೆ. ಇದರಿಂದ ದೇಹದ ತೂಕ ಕೂಡ ಕಡಿಮೆ ಮಾಡುತ್ತದೆ.
ಬೆಳಗಿನ ಸಮಯದಲ್ಲಿ ವಾಕಿಂಗ್ ಮಾಡಿದರೆ ತಾಜಾ ಗಾಳಿಯು ಶ್ವಾಸಕೋಶದಲ್ಲಿ ಪ್ರವೇಶಿಸುತ್ತದೆ. ಇದರಿಂದ ರಕ್ತವನ್ನು ಶುದ್ಧೀಕರಿಸುವಲ್ಲಿ ಸಹಾಯ ಮಾಡುತ್ತದೆ. ನಡಿಗೆಯಿಂದ ದೈಹಿಕ ಮತ್ತು ಮಾನಸಿಕ ಒತ್ತಡ ಕಡಿಮೆಯಾಗಿ ಉತ್ತಮ ಆರೋಗ್ಯ ಕಾಯ್ದುಕೊಳ್ಳಲು ಸಹಾಯವಾಗುತ್ತದೆ ಎನ್ನುತ್ತಾರೆ ವೈದ್ಯರು. ಪ್ರತಿದಿನ ಕನಿಷ್ಠ 3 ಕಿಲೋ ಮೀಟರ್ವರೆಗೆ ವಾಕಿಂಗ್ ಮಾಡುವಂತೆ ವೈದ್ಯರು ಸಲಹೆ ನೀಡಿದ್ದಾರೆ. ನಡೆಯುವಾಗ ಮಾಡುವ ಕೆಲವು ತಪ್ಪುಗಳು ಒಳ್ಳೆಯದಕ್ಕಿಂತ ಹೆಚ್ಚು ಹಾನಿಯನ್ನುಂಟುಮಾಡುತ್ತವೆ ಎನ್ನುತ್ತಾರೆ ಖ್ಯಾತ ಯೋಗಪಟು ಸಂಗೀತಾ ಅಂಕತಾ.
ವಾಕಿಂಗ್ ಮಾಡುವಾಗ ಈ ತಪ್ಪುಗಳನ್ನು ಮಾಡಬೇಡಿ: ಅನೇಕ ಜನರು ವಾಕಿಂಗ್ ಮಾಡುವಾಗ ಇತರರೊಂದಿಗೆ ಮಾತನಾಡುತ್ತಾ ತಮ್ಮ ಸಮಯವನ್ನು ವ್ಯರ್ಥ ಮಾಡುತ್ತಾರೆ. ತಮ್ಮ ಸ್ನೇಹಿತರೊಂದಿಗೆ ಮಾತನಾಡುತ್ತಾರೆ. ಒಂದು ಗಂಟೆಯಾದರೂ ವಾಕ್ ಮಾಡಲು ಹೋದರೆ 10 ನಿಮಿಷವಾದರೂ ಸರಿಯಾಗಿ ನಡೆಯಲು ಸಾಧ್ಯವಾಗುವುದಿಲ್ಲ. ಹೀಗೆ ಮಾಡುವುದರಿಂದ ಯಾವುದೇ ಪ್ರಯೋಜನವಾಗುವುದಿಲ್ಲ ಎನ್ನುತ್ತಾರೆ ತಜ್ಞರು.
ಕೆಲವು ಜನರು ರಜಾದಿನಗಳು ಮತ್ತು ವಾರಾಂತ್ಯಗಳಲ್ಲಿ ದೀರ್ಘ ಮತ್ತು ದೂರದವರೆಗೆ ನಡೆಯುತ್ತಾರೆ. ಆದರೆ, ಇಷ್ಟು ನಡೆದಾಕ್ಷಣ ದೇಹ ಬೇಗ ಸುಸ್ತಾಗುತ್ತದೆ. ಇದರ ನಂತರ, ಅವರಿಗೆ ಸಾಕಷ್ಟು ವಿಶ್ರಾಂತಿ ನೀಡದಿದ್ದರೆ, ಅದು ದೇಹಕ್ಕೆ ಹಾನಿ ಆಗುವ ಸಾಧ್ಯತೆ ಹೆಚ್ಚಿದೆ. ನೀವು ಮೂರು ನಿಮಿಷ ವೇಗವಾಗಿ ನಡೆದರೆ, ಮೂರು ನಿಮಿಷ ನಿಧಾನವಾಗಿ ನಡೆಯಿರಿ. ಈ ರೀತಿ ಮಾಡುವುದರಿಂದ ದೇಹದ ಚಯಾಪಚಯ ಕ್ರಿಯೆ ಉತ್ತಮಗೊಳ್ಳುತ್ತದೆ ಎಂದು ಹೇಳಲಾಗುತ್ತದೆ. ಕಿಬ್ಬೊಟ್ಟೆಯ ಸ್ನಾಯುಗಳನ್ನು ತುಂಬಾ ಬಲವಾಗಿ ಎಳೆಯಬೇಡಿ ಎಂದು ಸಂಗೀತ ಅಂಕತಾ (Sangeetha Ankatha) ಸಲಹೆ ನೀಡುತ್ತಾರೆ.
ನಡೆಯುವಾಗ ಕೈಗಳು ಲಯಬದ್ಧವಾಗಿ ಚಲಿಸಬೇಕು. ಇದರರ್ಥ ನೀವು ನಿಮ್ಮ ಎಡ ಪಾದದಿಂದ ಮುಂದೆ ಹೆಜ್ಜೆ ಹಾಕಿದರೆ, ನಿಮ್ಮ ಬಲಗೈಯನ್ನು ಮುಂದಕ್ಕೆ ಚಲಿಸಬೇಕು. ಅದೇ ರೀತಿ, ನೀವು ನಿಮ್ಮ ಬಲಗಾಲಿನಿಂದ ನಡೆಯುವಾಗ, ನಿಮ್ಮ ಎಡಗೈಯನ್ನು ಮುಂದಕ್ಕೆ ಚಲಿಸಬೇಕು. ಹೀಗೆ ಮಾಡುವುದರಿಂದ ಹೃದಯಕ್ಕೆ ರಕ್ತ ಪೂರೈಕೆ ಹೆಚ್ಚುತ್ತದೆ. ಅಲ್ಲದೆ, ನಿಮ್ಮ ಕೈಗಳನ್ನು 90 ಡಿಗ್ರಿಗಳಲ್ಲಿ ಬಾಗಿಸಿ ನಡೆಯಬೇಕು.
ವಾಕಿಂಗ್ಗೆ ಹೋಗುವಾಗಲೂ ಸಹ, ಅನೇಕ ಜನರು ತಮ್ಮ ಮನೆಯಂತೆಯೇ ಸಾಮಾಜಿಕ ಜಾಲತಾಣ ಮತ್ತು ಚಾಟ್ ಮಾಡಲು ತಮ್ಮ ಫೋನ್‌ಗಳನ್ನು ಬಳಸುತ್ತಾರೆ. ಸುತ್ತಲಿನ ಪರಿಸರದತ್ತ ಗಮನ ಹರಿಸದೆ ನಡೆದಾಡಿದರೆ ಅಪಘಾತ ಸಂಭವಿಸುವ ಸಾಧ್ಯತೆ ಇದೆ ಎಂದು ತಜ್ಞರು ಎಚ್ಚರಿಕೆ ನೀಡುತ್ತಾರೆ. ಸ್ನೇಹಿತರು, ಸಂಗಾತಿ, ಕುಟುಂಬ ಸದಸ್ಯರೊಂದಿಗೆ ಪ್ರಯಾಣ ಮಾಡುವುದು ತುಂಬಾ ರೋಮಾಂಚನಕಾರಿ ಎಂದು ಪರಿಗಣಿಸಲಾಗುತ್ತದೆ. ನೀವು ಮನೆಯಲ್ಲಿ ಸಾಕುಪ್ರಾಣಿಗಳನ್ನು ಹೊಂದಿದ್ದರೆ, ಅವುಗಳನ್ನು ಕರೆದುಕೊಂಡು ವಾಕಿಂಗ್ ಮಾಡುವುದು ಒಳ್ಳೆಯದು ಎಂದು ತಜ್ಞರು ತಿಳಿಸುತ್ತಾರೆ.
ವಾಕಿಂಗ್ ಮಾಡುವಾಗ ಕೆಲವು ತಪ್ಪುಗಳಾಗದಂತೆ ಮುನ್ನೆಚ್ಚರಿಕೆ ವಹಿಸಿ:
- ನಡೆಯುವಾಗ ಹೆಚ್ಚಾಗಿ ಹತ್ತಿ ಬಟ್ಟೆಗಳನ್ನು ಧರಿಸುವುದು ಉತ್ತಮ.
- ನೀವು ಧರಿಸುವ ಬಟ್ಟೆಗಳು ತುಂಬಾ ಬಿಗಿಯಾಗಿರಬಾರದು ಅಥವಾ ತುಂಬಾ ಸಡಿಲವಾಗಿರಬಾರದು, ಅವು ಮಧ್ಯಮ ಗಾತ್ರದಲ್ಲಿರಬೇಕು ಎಂಬುದನ್ನು ನೆನಪಿನಲ್ಲಿಡಿ.
- ನಡೆಯುವಾಗ ಕಾಲ್ಬೆರಳುಗಳನ್ನು ಸಂಪೂರ್ಣವಾಗಿ ಮುಚ್ಚಿರಬೇಕಾಗುತ್ತದೆ. ಇದಕ್ಕಾಗಿ ನಿಮ್ಮ ಪಾದಗಳಿಗೆ ಹೊಂದಿಕೊಳ್ಳುವ ಮತ್ತು ನಡೆಯಲು ಆರಾಮದಾಯಕವಾದ ಶೂಗಳನ್ನು ಧರಿಸಬೇಕು.
- ನಡೆಯುವಾಗ ಬೆವರು ಹೀರಿಕೊಳ್ಳುವ ಸಾಕ್ಸ್ ಧರಿಸುವುದು ಉತ್ತಮ.
- ಅದೇ ದಾರಿಯಲ್ಲಿ ಅಡ್ಡಾಡುವ ಬದಲು, ಕಾಲಕಾಲಕ್ಕೆ ನಿಮ್ಮ ಮಾರ್ಗವನ್ನು ಬದಲಾಯಿಸಬೇಕು.
- ನಿಮ್ಮ ಕಿವಿಯಲ್ಲಿ ಹೆಚ್ಚು ಶಬ್ಧ ಮಾಡುವ ಇಯರ್‌ಫೋನ್‌ಗಳನ್ನು ಹಾಕಬೇಡಿ.
- ಮಳೆಗಾಲದಲ್ಲಿ ಛತ್ರಿ, ರೇನ್ ಕೋಟ್ ಮತ್ತು ಬೇಸಿಗೆಯಲ್ಲಿ ಕ್ಯಾಪ್ ಮತ್ತು ಕನ್ನಡಕವನ್ನು ಧರಿಸಬೇಕು.
- ನಡೆಯುವಾಗ ಅನಾವಶ್ಯಕ ವಿಷಯಗಳ ಬಗ್ಗೆ ತಲೆಕೆಡಿಸಿಕೊಳ್ಳಬಾರದು, ಹೆಚ್ಚು ಆಲೋಚಿಸಬಾರದು.
- ಬೆಳಗಿನ ಪರಿಸ್ಥಿತಿಗಳು ವಾಕಿಂಗ್ಗೆ ಪರಿಣಾಮ ಬೀರದಂತೆ ಇಂತಹ ಕ್ರಮಗಳನ್ನು ತೆಗೆದುಕೊಳ್ಳಬೇಕು.
ಓದುಗರಿಗೆ ಸೂಚನೆ: ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಮತ್ತು ಸಲಹೆಗಳು ನಿಮ್ಮ ತಿಳುವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿ ನಿಮಗೆ ನೀಡಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಪರಿಣತ ವೈದ್ಯರ ಸಲಹೆಯನ್ನು ತೆಗೆದುಕೊಳ್ಳುವುದು ಉತ್ತಮ.
