ಶುಕ್ರವಾರ ಬಂತೆಂದರೆ ಸಿನಿಪ್ರಿಯರಿಗೆ ಹಬ್ಬ. ವಾರಾಂತ್ಯದ ಮೋಜಿಗಾಗಿ ಸಿದ್ಧರಾಗಿದ್ದರೆ, ಈ ವಾರ ಚಿತ್ರಮಂದಿರ ಮತ್ತು ವಿವಿಧ ಓಟಿಟಿ ಪ್ಲಾಟ್ಫಾರ್ಮ್ಗಳಲ್ಲಿ ಬಿಡುಗಡೆಯಾಗಿರುವ ಸಿನಿಮಾಗಳ್ಯಾವುವು? ಎಂಬುದನ್ನು ನೋಡೋಣ ಬನ್ನಿ. ಈ ಶುಕ್ರವಾರ ಬಿಗ್ ಸ್ಕ್ರೀನ್ ಮೇಲೆ ಅತ್ಯಾಕರ್ಷಕ ಪ್ರೊಜೆಕ್ಟ್ಗಳು ಬಂದಿದೆ. ರೊಮ್ಯಾಂಟಿಕ್ ಡ್ರಾಮಾಗಳಿಂದ ಹಿಡಿದು ಆ್ಯಕ್ಷನ್ ಸಿನಿಮಾಗಳವರೆಗೆ ವಿವಿಧ ವರ್ಗಗಳ ಪ್ರೇಕ್ಷಕರಿಗೆ ಸಿನಿಮಾ ಮನರಂಜನೆಯ ರಸದೌತಣ ಉಣಬಡಿಸುತ್ತಿದೆ.
- ಜಾಹ್ನವಿ ಕಪೂರ್ ಮತ್ತು ರಾಜ್‌ಕುಮಾರ್ ರಾವ್ ನಟನೆಯ ಮಿಸ್ಟರ್ ಆ್ಯಂಡ್ ಮಿಸೆಸ್ ಮಾಹಿ ಚಿತ್ರ ಬಿಡುಗಡೆ ಆಗಿದೆ. ಇದು ಈ ವರ್ಷದ ಬಹುನಿರೀಕ್ಷಿತ ಚಿತ್ರಗಳಲ್ಲೊಂದು. ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಸಂಪಾದಿಸಿರುವ ಈ ಕಲಾವಿದರ ಸಿನಿಮಾ ಎಷ್ಟರ ಮಟ್ಟಿಗೆ ಗೆಲ್ಲಲಿದೆ ಅನ್ನೋದನ್ನು ನಾಳೆ ಬೆಳಗ್ಗೆ ಸಿಗುವ ಬಾಕ್ಸ್ ಆಫೀಸ್ ಸಂಖ್ಯೆ ತಿಳಿಸಲಿದೆ. ಸುಂದರ ಪ್ರೇಮ್ಕಹಾನಿ ಮತ್ತು ಜೋಡಿ ನಡುವೆ ಬರುವ ಏರಿಳಿತಗಳನ್ನು ಈ ಸಿನಿಮಾ ಒಳಗೊಂಡಿದೆ.
- ಮಕ್ಕಳಿಗಾಗಿ, ಹಿಂದಿ 'ಛೋಟಾ ಭೀಮ್ ಅಂಡ್ ದಿ ಕರ್ಸ್ ಆಫ್ ದಮ್ಯಾನ್' ಚಿತ್ರ ಬಿಡುಗಡೆಗೊಂಡಿದೆ. ಭೀಮ್ ಮತ್ತು ಸ್ನೇಹಿತರ ರೋಮಾಂಚಕ ಅನಿಮೇಟೆಡ್ ಪ್ರೊಜೆಕ್ಟ್ ಇದು.
- 'ಸವಿ: ಎ ಬ್ಲಡಿ ಹೌಸ್‌ವೈಫ್' ಹಿಂದಿ ಸಿನಿಮಾ ಕೂಡ ಇಂದೇ ತೆರೆಕಂಡಿದೆ. ತನ್ನ ಗಂಡನನ್ನು ರಕ್ಷಿಸುವ ಧೈರ್ಯಶಾಲಿ ಗೃಹಿಣಿಯ ಕಥಾಹಂದರದೊಂದಿಗೆ ನಿಮ್ಮನ್ನು ಸೆಳೆಯುವ ಭರವಸೆ ಈ ಸಿನಿಮಾ ನೀಡಿದೆ.
ನೀವು ನೀವಿದ್ದಲ್ಲೇ ಕುಳಿತು ಸಿನಿಮಾ ನೋಡಲಿಚ್ಛಿಸಿದರೆ, ಚಿಂತಿಸಬೇಡಿ. ಇಂದು ವಿವಿಧ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಗಳಲ್ಲಿಯೂ ಹಲವು ಶೋ, ಸಿನಿಮಾಗಳು ಬಿಡುಗಡೆಗೊಂಡಿವೆ.
- ನೆಟ್‌ಫ್ಲಿಕ್ಸ್ನಲ್ಲಿ ಎರಿಕ್ ಶೋ ಮತ್ತು ಎ ಪಾರ್ಟ್ ಆಫ್ ಯು ಪ್ರದರ್ಶನ ಪ್ರಾರಂಭಿಸಿದೆ.
- ಅಲ್ಲದೇ, ಹೌ ಟು ರೂಯಿನ್ ಲವ್ ಕಾಮಿಡಿ ಶೋ ಕೂಡ ಬಿಡುಗಡೆ ಆಗಿದೆ.
- ಜಿಯೋ ಸಿನಿಮಾದಲ್ಲಿ ದೇದ್ ಬಿಘಾ ಜಮೀನ್ ಸಿನಿಮಾ ಬಿಡುಗಡೆ ಆಗಿದೆ. ನ್ಯಾಯ ಮತ್ತು ಸ್ಥಿತಿಸ್ಥಾಪಕತ್ವದಂತಹ ನಿರೂಪಣೆಯೊಂದಿಗೆ ಪ್ರೇಕ್ಷಕರನ್ನು ಆಕರ್ಷಿಸುವ ಭರವಸೆ ನೀಡಿದೆ.
- ಡಿಸ್ನಿ+ ಹಾಟ್‌ಸ್ಟಾರ್‌ನಲ್ಲಿ, ಜಿಮ್ ಹೆನ್ಸನ್ ಐಡಿಯಾ ಮ್ಯಾನ್‌ ರಿಲೀಸ್ ಆಗಿದೆ. ಜೊತೆಗೆ, ಕ್ಲಾಸಿಕ್ ಚಿತ್ರ ದಿ ಓಮೆನ್‌ನ ಪ್ರೀಕ್ವೆಲ್ ದಿ ಫಸ್ಟ್ ಓಮೆನ್‌ ವೀಕ್ಷಿಸಲು ಸಿದ್ಧರಾಗಿ.
- ಅಮೆಜಾನ್ ಪ್ರೈಮ್ ವಿಡಿಯೋ, ಪಂಚಾಯತ್ ಸೀಸನ್ 3 ಮೂಲಕ ನಗು ಮತ್ತು ಜೀವನದ ಪಾಠಗಳನ್ನು ನಿಮಗಾಗಿ ಮರಳಿ ತಂದಿದೆ. ಉತ್ತರ ಪ್ರದೇಶದ ಕಾಲ್ಪನಿಕ ಹಳ್ಳಿಯ ಹೃದಯಸ್ಪರ್ಶಿ ಕ್ಷಣಗಳನ್ನು ನೀಡುತ್ತದೆ.
ಇದನ್ನೂ ಓದಿ: 'ಪ್ರೇಮ್ ಪರ್ಫೆಕ್ಷನಿಸ್ಟ್': ಕನ್ನಡ ನಿರ್ದೇಶಕನ ಕೊಂಡಾಡಿದ ಶಿಲ್ಪಾ ಶೆಟ್ಟಿ; ಸ್ಪೆಷಲ್ ವಿಡಿಯೋ ರಿವೀಲ್ - Shilpa Shetty
ಚಿತ್ರಮಂದಿರಗಳಿಗೆ ಹೋಗಿ ಅಥವಾ ಮನೆಯಲ್ಲಿ ಆರಾಮವಾಗಿ ಕುಳಿತು ಈ ವಾರಾಂತ್ಯ ನೋಡಬಹುದಾದ ಚಿತ್ರಗಳಿವು. ಈ ಪ್ರೊಜೆಕ್ಟ್ಗಳು ನಿಮಗೆ ಅದ್ಭುತ ಮನರಂಜನೆ ನೀಡಲು ಸಜ್ಜಾಗಿದೆ.
