ಹೈದರಾಬಾದ್: ತಮ್ಮ ಬಹುಕಾಲದ ಗೆಳೆಯನನ್ನು ವರಿಸಿದ್ದ ಬಾಲಿವುಡ್ ನಟಿ ತಾಪ್ಸಿ ಪನ್ನು ಮದುವೆ ಕುರಿತು ಯಾವುದೇ ಫೋಟೋವನ್ನು ಅಧಿಕೃತವಾಗಿ ಹಂಚಿಕೊಂಡಿಲ್ಲ. ಆದರೆ, ಕುಟುಂಬದ ಸಮ್ಮುಖದಲ್ಲಿ ನಡೆದ ಆತ್ಮೀಯ ಕಾರ್ಯಕ್ರಮದ ಡ್ಯಾನ್ಸ್ ಪ್ರದರ್ಶನ ಸೇರಿದಂತೆ ಕೆಲವು ಫೋಟೋ ಮತ್ತು ವಿಡಿಯೋಗಳು ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ಅಭಿಮಾನಿಗಳಿಗೆ ರಸದೌತಣ ನೀಡಿದ್ದವು. ಇದೀಗ ಬಾಲಿವುಡ್ ನಟಿಯ ಮದುವೆ ಆಯೋಜಿಸಿದ್ದ ಈವೆಂಟ್ ಪ್ಲಾನರ್ಸ್ ದಂಪತಿಯ ಸಂಗೀತ ಸಮಾರಂಭದಲ್ಲಿ ಯಾವ ರೀತಿ ಮಂಟಪವನ್ನು ಅಲಂಕಾರ ಮಾಡಲಾಗಿತ್ತು ಎಂಬ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಸಂಗೀತ ಸಂಜೆಯ ಅಲಂಕಾರದಲ್ಲಿ ಹೊಳೆಯುವ ಬೆಳಕು ಮತ್ತು ಆಕರ್ಷಕ ಸಾಮಗ್ರಿಗಳು ಎಲ್ಲರನ್ನೂ ಸೆಳೆದಿದೆ. ತಾಪ್ಸಿ ಪನ್ನು ಮತ್ತು ಮಥಾಯಿಸ್ ಬೋ ಅವರ ಸಂಗೀತ ಸಮಾರಂಭದ ಝಲಕ್ ಇದಾಗಿದೆ ಎಂಬ ಅಡಿಬರಹದೊಂದಿಗೆ ಫೋಟೋ ಹಂಚಿಕೊಳ್ಳಲಾಗಿದೆ. ವಿಡಿಯೋದಲ್ಲಿ ಶಾಂತ ಸಾಗದಲ್ಲಿ ಅದ್ಬುತ ಚಿತ್ರಗಳು ಸೆರೆಯಾಗಿದೆ.
ಉದಯಪುರದಲ್ಲಿ ನಡೆದ ಮದುವೆ ಸಮಾರಂಭದ ಸಂಗೀತ ಕಾರ್ಯಕ್ರಮವನ್ನು ನೀಲಿ ಕಪ್ಪು ಬೆಳಕಿನಿಂದ ವ್ಯವಸ್ಥೆ ಮಾಡಲಾಗಿದೆ. ಉದ್ದನೆ ಗೊಂಚಲಿನ ಅಲಂಕಾರಿಕ ಲೈಟ್ಗಳು ಕಾರ್ಯಕ್ರಮದ ವೇದಿಕೆ ಅಂದ ಹೆಚ್ಚಿಸಿದೆ. ಜೊತೆಗೆ ಆರ್ಟ್ವರ್ಕ್ ಇದರ ಮೆರಗು ಹೆಚ್ಚಿಸಿದೆ. ತಾಪ್ಸಿ ಮತ್ತು ಮಥಾಯಿಸ್ ಅವರ ಸಂಗೀತ ರಾತ್ರಿಯ ಎಕ್ಸ್ಕ್ಲೂಸಿವ್ ನಡಿಗೆಯ ಹಾದಿ ಇದು. ಪ್ರವೇಶದ ಸ್ಥಳ ಮ್ಯಾಜಿಕ್, ಬೆಳಕಿನ ರಾಶಿ ಮತ್ತು ಪ್ರೀತಿಯ ಹೊನಲಿನಿಂದ ಕೂಡಿದೆ ಎಂದು ಅಡಿ ಬರಹದಲ್ಲಿ ತಿಳಿಸಲಾಗಿದೆ.
ಮಾರ್ಚ್ 22ರಂದು ನಟಿ ತಾಪ್ಸಿ ಮಥಾಯಿಸ್ ಬೋ ಅವರ ಮದುವೆ ರಾಜಸ್ಥಾನದ ಉದಯಪುರದಲ್ಲಿ ನಡೆದಿತ್ತು. ಕೇವಲ ಕುಟುಂಬ ಸದಸ್ಯರು ಮತ್ತು ಆತ್ಮೀಯ ಸ್ನೇಹಿರತು ಮಾತ್ರ ಈ ಮದುವೆಯಲ್ಲಿ ಭಾಗಿಯಾಗಿದ್ದರು. ಉದಯಪುರದ ಐಟಿಸಿ ಹೋಟೆಲ್ನಲ್ಲಿ ಈ ಕನಸಿನ ಮದುವೆ ಜರುಗಿತ್ತು.
ಇನ್ನು ವೃತ್ತಿ ಜೀವನದೆಡೆಗೆ ಗಮನಿಸುವುದಾದರೆ, ನಟಿ ತಾಪ್ಸಿ ಸದ್ಯ ತಮ್ಮ ಬಹು ನಿರೀಕ್ಷಿತ 'ಹಸೀನ್ ದಿಲ್ರುಬಾ' ಸೀಕ್ವೆನ್ಸ್ನಲ್ಲಿ ಬ್ಯಿಸಿಯಾಗಿದ್ದಾರೆ. ಜೊತೆಗೆ 'ವೊ ಲಡ್ಕಿ ಹೈ ಕಹಾ' ಮತ್ತು 'ಖೇಲ್ ಖೇಲ್ ಮೇ' ಅಲ್ಲಿ ಕೂಡ ಕಾಣಿಸಲಿದ್ದಾರೆ.
ಮಥಿಯಾಸ್ ಬೋ ಡೆನ್ಮಾರ್ಕ್ ಮೂಲದವರು. ಬ್ಯಾಡ್ಮಿಂಟನ್ ಆಟಗಾರ ಮತ್ತು ತರಬೇತುದಾರ. ಇವರಿಬ್ಬರು ಬಹು ಸಮಯಗಳಿಂದ ಡೇಟಿಂಗ್ನಲ್ಲಿದ್ದರು. ತಮ್ಮ ಪ್ರೀತಿಗೆ ಮದುವೆ ಎಂಬ ಅಧಿಕೃತ ಮುದ್ರೆ ಒತ್ತಿದ್ದು, ಈ ವಿಚಾರದ ಬಗ್ಗೆ ಮಾತನಾಡುವಂತೆ ಅಭಿಮಾನಿಗಳು ಸೋಷಿಯಲ್ ಮೀಡಿಯಾ ಮೂಲಕ ಒತ್ತಾಯಿಸುತ್ತಿದ್ದಾರೆ. ಆದರೆ, ನಟಿ ಮಾತ್ರ ಇದು ತಮ್ಮ ವೈಯಕ್ತಿಕ ಸಮಾರಂಭವಾಗಿದೆ ಎಂದಿದ್ದಾರೆ.
ಇದನ್ನೂ ಓದಿ: 'ನೀ ನನ್ನ ಜಗದ ಬೆಳಕು': ಮುದ್ದಿನ ಮಡದಿ ಅನುಷ್ಕಾ ಬರ್ತ್ಡೇಗೆ ವಿರಾಟ್ ಸ್ಪೆಷಲ್ ವಿಶ್
