ಕನ್ನಡ ಚಿತ್ರರಂಗದ ನಿರ್ದೇಶಕ ತರುಣ್ ಸುಧೀರ್ ಹಾಗೂ ನಟಿ ಸೋನಾಲ್ ಮೊಂತೆರೋ ಕಳೆದ ತಿಂಗಳು ದಾಂಪತ್ಯ ಜೀವನ ಆರಂಭಿಸಿದ್ದಾರೆ. ಇದೀಗ ಮಂಗಳೂರಿನಲ್ಲಿ ಕ್ರಿಶ್ಚಿಯನ್ ಶೈಲಿಯ ವೆಡ್ಡಿಂಗ್ ಪ್ರೋಗ್ರಾಮ್ ನಡೆದಿದ್ದು, ಫೋಟೋ, ವಿಡಿಯೋಗಳು ಆನ್ಲೈನ್ನಲ್ಲಿ ಸದ್ದು ಮಾಡುತ್ತಿವೆ.
ಒಂದೇ ಕ್ಷೇತ್ರದಲ್ಲಿ ಗುರುತಿಸಿಕೊಂಡಿರುವ ಅಥವಾ ಒಂದೆಡೆ ಕೆಲಸ ಮಾಡುವ ಅನೇಕರು ಪರಸ್ಪರ ಪ್ರೀತಿಸಿ ದಾಂಪತ್ಯ ಜೀವನ ಆರಂಭಿಸುತ್ತಾರೆ. ಸಿನಿಮಾರಂಗವೂ ಇದರಿಂದ ಹೊರತೇನಲ್ಲ. ನಟ-ನಟಿಯರು ಅಥವಾ ನಿರ್ದೇಶಕ-ನಟಿಯರು ಪ್ರೀತಿಸಿ ಮದುವೆಯಾದ ಅನೇಕ ಉದಾಹರಣೆಗಳಿವೆ. ಈ ಪಟ್ಟಿಗೆ ತರುಣ್ ಸುಧೀರ್-ಸೋನಾಲ್ ಮೊಂತೆರೋ ಹೊಸ ಸೇರ್ಪಡೆ.
ಆಗಸ್ಟ್ 10, 11, 12ರಂದು ಬೆಂಗಳೂರಿನ ಕೆಂಗೇರಿ ಬಳಿ ಇರೋ ಪೂರ್ಣಿಮಾ ಕನ್ವೆಷನ್ ಹಾಲ್ನಲ್ಲಿ ಆರತಕ್ಷತೆ, ಮದುವೆ ಶಾಸ್ತ್ರಗಳು ನಡೆದಿದ್ದವು. ಸಮಾರಂಭಕ್ಕೆ ಸ್ಯಾಂಡಲ್ವುಡ್ ಸೆಲೆಬ್ರಿಟಿಗಳು ಸಾಕ್ಷಿಯಾಗಿದ್ದರು. ಇದೀಗ ಮಂಗಳೂರಿನಲ್ಲಿ ಕ್ರಿಶ್ಚಿಯನ್ ಶೈಲಿಯಲ್ಲಿ ಮದುವೆ ಕಾರ್ಯಕ್ರಮ ನಡೆದಿದ್ದು, ಕನ್ನಡ ಚಿತ್ರರಂಗದ ಹಲವರು ಕಾಣಿಸಿಕೊಂಡಿದ್ದಾರೆ. ತರುಣ್ ಸುಧೀರ್ ಬ್ಲ್ಯಾಕ್ ಆ್ಯಂಡ್ ವೈಟ್ ಸೂಟ್‌ನಲ್ಲಿ ಕಾಣಿಸಿಕೊಂಡರೆ, ಸೋನಾಲ್ ಮೊಂತೆರೋ ವೈಟ್ ಶೈನಿಂಗ್ ಗೌನ್ನಲ್ಲಿ ಗೊಂಬೆಯಂತೆ ಕಂಗೊಳಿಸಿದ್ದಾರೆ. ಸೆಲೆಬ್ರಿಟಿಗಳೂ ಸಹ ಕ್ರಿಶ್ಚಿಯನ್ ಶೈಲಿಯ ವೆಡ್ಡಿಂಗ್ ಔಟ್ಫಿಟ್ನಲ್ಲಿ ಮಿಂಚಿದ್ದಾರೆ. ಕಾರ್ಯಕ್ರಮದ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಜಾಗ ಗಿಟ್ಟಿಸಿಕೊಂಡಿವೆ.
ತಮ್ಮ ಅಧಿಕೃತ ಸೋಷಿಯಲ್ ಮೀಡಿಯಾ ಪ್ಲ್ಯಾಟ್ಫಾರ್ಮ್ಗಳಲ್ಲಿ ಮದುವೆ ವಿಡಿಯೋ ಹಂಚಿಕೊಂಡ ಜೋಡಿ, ''ಟೇಕ್ 2, ನಮ್ಮ ಪ್ರೇಮ್ಕಹಾನಿಯ ಸೀಕ್ವೆಲ್, ಮಂಗಳೂರು ಎಡಿಶನ್'' ಎಂದು ಬರೆದುಕೊಂಡಿದ್ದಾರೆ.
ಮದುವೆ ಆಮಂತ್ರಣ ಪತ್ರಿಕೆ ಬಹಳ ಅರ್ಥಪೂರ್ಣವಾಗಿ, ಪರಿಸರಸ್ನೇಹಿಯಾಗಿ ಜನರ ಗಮನ ಸೆಳೆದಿತ್ತು. ನಂತರ ಥಿಯೇಟರ್ ಬ್ಯಾಕ್ ಗ್ರೌಂಡ್ ಹಾಗೂ ಸಿನಿಮಾ ಶೂಟಿಂಗ್ ಬ್ಯಾಕ್ ಟ್ರಾಪ್ನಲ್ಲಿ ಮಾಡಿಸಿದ್ದ ಪ್ರೀ ವೆಡ್ಡಿಂಗ್ ಫೋಟೋಶೂಟ್ ಕೂಡಾ ಗಮನ ಸೆಳೆದಿತ್ತು.
ಇದನ್ನೂ ಓದಿ: ದೀಪಿಕಾ ಪಡುಕೋಣೆ ಬೋಲ್ಡ್ ಬೇಬಿಬಂಪ್ ಫೋಟೋಶೂಟ್: ಹುಬ್ಬೇರಿಸಿದ ನೆಟ್ಟಿಗರು - Deepika Padukone Baby Bump
ಸೂಪರ್ ಹಿಟ್ 'ರಾಬರ್ಟ್' ಸಿನಿಮಾ ಮೂಲಕ ಈ ಜೋಡಿಯ ಸ್ನೇಹ ಶುರುವಾಯಿತು. 2021ರ ಮಾರ್ಚ್ 11ರಂದು ರಾಬರ್ಟ್ ಬಿಡುಗಡೆ ಆಗಿ ಯಶ ಕಂಡಿತ್ತು. ಈ ಸಿನಿಮಾ ತರುಣ್ ಸುಧೀರ್ ನಿರ್ದೇಶನದಲ್ಲಿ ಮೂಡಿಬಂದಿದ್ದು, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪ್ರಮುಖ ಪಾತ್ರ ವಹಿಸಿದ್ದರು. ಚಿತ್ರದಲ್ಲಿ ಸೋನಾಲ್ ಮೊಂತೆರೋ ಅವರು ವಿನೋದ್ ಪ್ರಭಾಕರ್ ಅವರ ಜೊತೆ ಕಾಣಿಸಿಕೊಂಡಿದ್ದರು. ಇದೇ ರಾಬರ್ಟ್ ಸಿನಿಮಾ ಮೂಲಕ ತರುಣ್ ಹಾಗೂ ಸೋನಾಲ್ ಸ್ನೇಹ ಶುರುವಾಯಿತು. ನಂತರ ಈ ಸ್ನೇಹ ಪ್ರೇಮಕ್ಕೆ ತಿರುಗಿತು.
ಇದನ್ನೂ ಓದಿ: 'ಮೆಜೆಸ್ಟಿಕ್ 2' ಚಿತ್ರದಲ್ಲಿ ಮಾಲಾಶ್ರೀ: ಸ್ಯಾಂಡಲ್ವುಡ್ ಆ್ಯಕ್ಷನ್ ಕ್ವೀನ್ ಹೇಳಿದ್ದಿಷ್ಟು - Malashree in Majestic 2
ಈ ಜೋಡಿ ವಿಭಿನ್ನ ಧರ್ಮಕ್ಕೆ ಸೇರಿದವರು. ಹಾಗಾಗಿ ತರುಣ್ ಹಾಗೂ ಸೋನಾಲ್ ಮದುವೆಗೆ ಕುಟುಂಬಸ್ಥರನ್ನು ಒಪ್ಪಿಸಿದರು. ಕುಟುಂಬಸ್ಥರು ಕೂಡಾ ಸಂಪೂರ್ಣ ಒಪ್ಪಿಗೆ ಕೊಟ್ಟರು. ಈ ಎಲ್ಲಾ ವಿಚಾರಗಳನ್ನು ಪ್ರೆಸ್ಮೀಟ್ ಸಂದರ್ಭ ಹೇಳಿಕೊಂಡಿದ್ದರು.
