ಮಾಜಿ ಮಿಸ್ ಯೂನಿವರ್ಸ್ ಸುಶ್ಮಿತಾ ಸೇನ್ ಹಾಗೂ ಅವರ ರೂಮರ್ ಬಾಯ್ಫ್ರೆಂಡ್ ರೋಹ್ಮನ್ ಶಾಲ್ ಇತ್ತೀಚೆಗೆ ಮುಂಬೈನಲ್ಲಿ ನಡೆದ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಫೋಟೋ ವಿಡಿಯೋಗಳು ವೈರಲ್ ಆಗಿದ್ದು, ಸಾಕಷ್ಟು ಪ್ರತಿಕ್ರಿಯೆ ಸ್ವೀಕರಿಸಿದೆ.
ಇನ್‌ಸ್ಟಾಗ್ರಾಮ್‌ ಸೇರಿದಂತೆ ಸೋಷಿಯಲ್ ಮೀಡಿಯಾ ಪ್ಲ್ಯಾಟ್ಫಾರ್ಮ್ಗಳಲ್ಲಿ ಪಾಪರಾಜಿಗಳು ಹಂಚಿಕೊಂಡಿರುವ ವಿಡಿಯೋಗಳಲ್ಲಿ ಈ ತಾರಾ ಜೋಡಿ ಒಟ್ಟಿಗೆ ಹೊರಡುತ್ತಿರುವುದನ್ನು ಕಾಣಬಹುದು. ಜನಸಂದಣಿಯ ನಡುವೆ ಸುಶ್ಮಿತಾ ಮುಂದೆ ಹೋಗಿದ್ದು, ರೋಹ್ಮನ್ ಅವರ ಪಕ್ಕದಲ್ಲೇ ಹೆಜ್ಜೆ ಹಾಕಿದ್ದಾರೆ. ಜನಸಂದಣಿಯ ನೂಕುನುಗ್ಗಲಲ್ಲಿ ನಟಿಗೆ ತೊಂದರೆ ಆಗದಂತೆ ರೋಹ್ಮನ್ ನೋಡಿಕೊಂಡರು. ಅಭಿಮಾನಿಯೊಬ್ಬರು ಮಾಜಿ ಮಿಸ್ ಯೂನಿವರ್ಸ್ ಜೊತೆ ಸೆಲ್ಫಿ ಕ್ಲಿಕ್ಕಿಸುತ್ತಿದ್ದಂತೆ ಸುಶ್ಮಿತಾರ ಹಿಂದೆ ರೋಹ್ಮನ್ ರಕ್ಷಣೆಗೆ ನಿಂತರು.
ಸುಶ್ಮಿತಾರ ಕಾರಿನವರೆಗೂ ರೋಹ್ಮನ್ ಜಾಗ್ರತೆಯಿಂದ ಕರೆದೊಯ್ದರು. ಈವೆಂಟ್‌ನಲ್ಲಿ, ಸುಶ್ಮಿತಾ ಮಿನುಗುವ ಬ್ಲ್ಯಾಕ್ ಡ್ರೆಸ್ನಲ್ಲಿ ಕಂಗೊಳಿಸಿದರು. ರೋಹ್ಮನ್ ವೈಟ್ ಶರ್ಟ್, ಬ್ಲ್ಯಾಕ್ ಪ್ಯಾಂಟ್‌ನಲ್ಲಿ ಕ್ಲಾಸ್ ಲುಕ್ ಬೀರಿದರು. ಸೋಷಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದ್ದು, ಅಭಿಮಾನಿಗಳು ಪ್ರತಿಕ್ರಿಯೆ ಕೊಡುತ್ತಿದ್ದಾರೆ. ಬಹುತೇಕರು ಅವರನ್ನು "ಸುಂದರ ಜೋಡಿ" ಎಂದು ವರ್ಣಿಸಿದ್ದಾರೆ. ಜೊತೆಗೆ, ರೋಹ್ಮನ್ ಅವರ ಪ್ರೊಟೆಕ್ಟಿವ್ ನೇಚರ್ ಅನ್ನೂ ಶ್ಲಾಘಿಸಿದ್ದಾರೆ.
ಸುಶ್ಮಿತಾ ಮತ್ತು ರೋಹ್ಮನ್ 2021ರ ಡಿಸೆಂಬರ್ನಲ್ಲಿ ತಾವು ಬೇರೆಯಾಗುತ್ತಿರುವುದಾಗಿ ಘೋಷಿಸಿದ್ದರು. ಆದ್ರೆ ನಾವು ಸ್ನೇಹಿತರಾಗಿ ಮುಂದುವರಿಯುತ್ತಿದ್ದೇವೆ ಎಂಬುದಾಗಿ ತಿಳಿಸಿದ್ದರು. "ಸ್ನೇಹ ಶುರುವಾಯಿತು, ನಾವು ಸ್ನೇಹಿತರಾಗಿಯೇ ಇದ್ದೇವೆ. ರಿಲೇಶನ್ಶಿಪ್ ಮುಗಿದಿದೆ. ಆದ್ರೆ ಪ್ರೀತಿ - ಸ್ನೇಹ ಉಳಿದಿದೆ" ಎಂದು ಹಳಿಕೊಂಡಿದ್ದರು. ಬ್ರೇಕ್ ಅಪ್ನ ಹೊರತಾಗಿಯೂ, ಉತ್ತಮ ಬಂಧವನ್ನು ಉಳಿಸಿಕೊಂಡಿದ್ದಾರೆ. ಅಲ್ಲದೇ, ರೋಹ್ಮನ್ ಸುಶ್ಮಿತಾ ಅವರ ಪುತ್ರಿಯರಾದ ರೆನೀ ಮತ್ತು ಅಲಿಸಾ ಅವರೊಂದಿಗೂ ಆತ್ಮೀಯ ಭಾಂದವ್ಯ ಹೊಂದಿದ್ದಾರೆ.
ಈ ಜೋಡಿಯು ದೀಪಾವಳಿ ಸಮಾರಂಭ ಸೇರಿದಂತೆ ಚಿತ್ರರಂಗದ ವಿವಿಧ ಕಾರ್ಯಕ್ರಮಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡ ನಂತರ ಅವರ ರಿಲೇಶನ್ಶಿಪ್ ಬಗ್ಗೆ ಊಹಾಪೋಹಗಳು ಶುರುವಾಯಿತು. ಕೈ-ಕೈ ಹಿಡಿದು ಬಂದು, ಪಾಪರಾಜಿಗಳ ಕ್ಯಾಮರಾಗಳಿಗೆ ಬಹಳ ಆತ್ಮೀಯವಾಗಿ ಪೋಸ್ ಕೊಟ್ಟಿರುವ ಹಲವು ವಿಡಿಯೋಗಳು ವೈರಲ್ ಆಗಿವೆ.
ಇದನ್ನೂ ಓದಿ: 'ಸಂಜು ವೆಡ್ಸ್ ಗೀತಾ' ಸಕ್ಸಸ್ ಸೀಕ್ರೆಟ್ ಹಾದಿಯಲ್ಲಿ ನಿರ್ದೇಶಕ ನಾಗಶೇಖರ್: ಚಿತ್ರತಂಡ ಹೇಳಿದ್ದಿಷ್ಟು - Sanju Weds Geetha 2
ಬಾಲಿವುಡ್ ಬೆಡಗಿ ಸುಶ್ಮಿತಾ ಸೇನ್ ಅವರ ಸಿನಿಮಾ ವಿಚಾರ ಗಮನಿಸುವುದಾದರೆ, ತಾಲಿ ಮತ್ತು ಆರ್ಯ ಸೀಸನ್ 3 ಯಶ ಕಂಡಿವೆ. ಸಿನಿಪ್ರಿಯರಿಂದ ಅಪಾರ ಮೆಚ್ಚುಗೆ ಸಂಪಾದಿಸಿದ್ದಾರೆ. 'ಆರ್ಯ' ಮೊದಲ ಸೀಸನ್ ಇಂಟರ್ನ್ಯಾಷನಲ್ ಎಮ್ಮಿ ಅವಾರ್ಡ್ಸ್ನಲ್ಲಿ ಅತ್ಯುತ್ತಮ ನಾಟಕ ಸರಣಿಗೆ ನಾಮನಿರ್ದೇಶನಗೊಂಡಿತ್ತು.
