ಕೊಚ್ಚಿ: ಚಿತ್ರಗಳ ಆಯ್ಕೆಯಲ್ಲಿ ವಿಶೇಷ ಮುತುವರ್ಜಿ ವಹಿಸುವ ಮೂಲಕ ತಮ್ಮ ಅಭಿಮಾನಿ ಸಮುದಾಯಕ್ಕೆ ಸದಾ ಅಚ್ಚರಿ ಉಂಟುಮಾಡುತ್ತಾ ಬಂದವರು ನಟಿ ಸನ್ನಿ ಲಿಯೋನ್. ಅದರಂತೆ ಇದೀಗ ಅವರು ಮಲಯಾಳಂ ಚಿತ್ರವೊಂದರಲ್ಲಿ ಮಿಂಚಲು ಸಜ್ಜಾಗಿದ್ದಾರೆ. ನಿರ್ದೇಶಕ ಅನುರಾಗ್ ಕಶ್ಯಪ್ ಅವರ 'ಕೆನಾಡಿ' ಸಿನಿಮಾದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದ ಸನ್ನಿ ಈ ನಡುವೆ ಮಲಯಾಳಂ ಸಿನಿಮಾದ ಶೂಟಿಂಗ್ನಲ್ಲಿ ಬ್ಯುಸಿಯಾಗಿದ್ದಾರೆ. ಚಿತ್ರದ ಫೋಟೋಗಳು ವೈರಲ್ ಆಗಿವೆ.
ಸನ್ನಿ ಲಿಯೋನ್ ನಟಿಸುತ್ತಿರುವ ಮಲಯಾಳಂ ಸಿನಿಮಾಗೆ ಇನ್ನೂ ಹೆಸರಿಟ್ಟಿಲ್ಲ. ಶೂಟಿಂಗ್ ಕೇರಳದಲ್ಲಿ ಸಾಗುತ್ತಿದೆ. ನಟಿಗೆ ದೃಶ್ಯಗಳ ಕುರಿತು ಸಿಬ್ಬಂದಿ ವಿವರಿಸುತ್ತಿರುವುದನ್ನು ಫೋಟೋದಲ್ಲಿ ನೋಡಬಹುದು. ನಟಿ ಗುಲಾಬಿ ಬಣ್ಣದ ಶರ್ಟ್ ಹಾಗು ಡೆನಿಮ್ ಶಾರ್ಟ್ಸ್ನಲ್ಲಿ ಕಂಡುಬಂದಿದ್ದಾರೆ. 'ಮಲಯಾಳಂನ ಅದ್ಭುತ ಸಿನಿಮಾದಲ್ಲಿ ಭಾಗಿಯಾಗಿರುವುದಕ್ಕೆ ಸಂತಸವಿದೆ' ಎಂದು ಅವರು ತಿಳಿಸಿದ್ದಾರೆ
ಇತ್ತೀಚಿಗಷ್ಟೆ ಚಿತ್ರದ ಮುಹೂರ್ತದಲ್ಲಿ ಅವರು ಭಾಗಿಯಾಗಿದ್ದರು. ಈ ಚಿತ್ರವನ್ನು ರಾಷ್ಟ್ರ ಪ್ರಶಸ್ತಿ ವಿಜೇತ ನಟ ಪಂಪಲ್ಲಿ ನಿರ್ದೇಶಿಸುತ್ತಿದ್ದಾರೆ. ತಮ್ಮ ಪಾತ್ರ ಸೇರಿದಂತೆ ಪ್ರಮುಖ ಅಂಶಗಳ ಕುರಿತು ಚಿತ್ರತಂಡ ಯಾವುದೇ ಮಾಹಿತಿ ಬಿಟ್ಟುಕೊಟ್ಟಿಲ್ಲ.
ಸನ್ನಿ ಲಿಯೋನ್ ಈ ಹಿಂದೆ ಮಮ್ಮುಟ್ಟಿ ಅಭಿನಯದ 'ಮಧುರರಾಜಾ' ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಮೂಲಕ ಮಲಯಾಳಂ ಪ್ರೇಕ್ಷಕರನ್ನು ಸೆಳೆದಿದ್ದರು. ಇದರ ಹೊರತಾಗಿ 'ರಂಗೀಲಾ' ಮತ್ತು 'ಶೆರೊ' ಎಂಬೆರಡು ಮಲಯಾಳಂ ಸಿನಿಮಾಗಳಲ್ಲೂ ಬಣ್ಣ ಹಚ್ಚಲಿದ್ದಾರೆ. ಈ ಸಿನಿಮಾಗಳ ಶೂಟಿಂಗ್ಗಳ ನಡುವೆ ಸನ್ನಿ ಲಿಯೋನ್ ಸ್ಪ್ಲಿಟ್ಸ್ವಿಲ್ಲಾ ಎಕ್ಸ್5ನ ನಿರೂಪಣೆ ಕೂಡ ಮಾಡುತ್ತಿದ್ದಾರೆ.
ಸನ್ನಿ ಲಿಯೋನ್ ಅಭಿನಯದ 'ಕೆನಾಡಿ' ಚಿತ್ರಕ್ಕೆ ಕೇನ್ಸ್ ಫಿಲ್ಮ್ ಫೆಸ್ಟಿವಲ್‌ನಲ್ಲೂ ಕೂಡ ಮೆಚ್ಚುಗೆ ವ್ಯಕ್ತವಾಗಿದೆ. ಇದರ ಹೊರತಾಗಿ ಅನೇಕ ಜಾಗತಿಕ ಫಿಲ್ಮ್ ಫೆಸ್ಟಿವಲ್ಸ್ನಲ್ಲಿ ಚಿತ್ರ ಪ್ರದರ್ಶನಗೊಂಡಿದೆ. ಆದರೆ, ಚಿತ್ರ ಇನ್ನೂ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿಲ್ಲ. ಇದರ ಹೊರತಾಗಿ ಕೋಟೇಶನ್ ಗ್ಯಾಂಗ್ ಚಿತ್ರದಲ್ಲೂ ಇವರು ನಟಿಸಲಿದ್ದಾರೆ.(ಐಎಎನ್ಎಸ್)
ಇದನ್ನೂ ಓದಿ: ಅವಾರ್ಡ್ ಪ್ರೋಗ್ರಾಮ್ಗೆ ಅಮೀರ್ ಖಾನ್ ಏಕೆ ಹೋಗಲ್ಲ?: ಕಪಿಲ್ ಶೋನಲ್ಲಿ ನಟ ಕೊಟ್ಟ ಉತ್ತರವಿದು
