ಮುಂಬೈ: ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುವ ಬಾಲಿವುಡ್ ಬೆಡಗಿಯರಲ್ಲಿ ಶ್ರದ್ಧಾ ಕಪೂರ್ ಕೂಡ ಒಬ್ಬರು. ಸದ್ಯ ತನ್ನ ರೂಮರ್ ಬಾಯ್ಫ್ರೆಂಡ್ ರಾಹುಲ್ನಿಂದ ಸುದ್ಧಿಯಲ್ಲಿರುವ ಶ್ರದ್ಧಾ ಡೇಟಿಂಗ್ನಲ್ಲಿದ್ದಾರೆ ಎಂಬ ಊಹಾಪೋಹಗಳು ಹರಿದಾಡುತ್ತಿವೆ. 'ಆರ್' ಪೆಂಡೆಂಟ್ ಧರಿಸಿದ್ದ ಫೋಟೋವನ್ನು ಇತ್ತೀಚೆಗೆ ನಟಿ ಪೋಸ್ಟ್ ಮಾಡಿದ್ದರು, ಇದರಿಂದ ಇಬ್ಬರು ಡೇಟಿಂಗ್ನಲ್ಲಿದ್ದಾರೆ ಎಂದು ಸುದ್ದಿ ಹರಿದಾಡಿತ್ತು.
ಇದರ ನುಡುವೆಯೇ ಇಂದು ಮುಂಜಾನೆ, ಶ್ರದ್ಧಾ ಕಪೂರ್ ಇತ್ತೀಚಿನ ಸೆಲ್ಫಿಯೊಂದನ್ನು ತಮ್ಮ Instagram ಸ್ಟೋರಿಯಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಪೋಸ್ಟ್ ಶ್ರದ್ದಾ ಅಭಿಮಾನಿಗಳಲ್ಲಿ ಮತ್ತೆ ಕುತೂಹಲ ಕೆರಳಿಸಿದೆ. ಕಾರಣ ಈ ಸೆಲ್ಫಿಯಲ್ಲಿ ಅವರ ರೂಮರ್ ಗೆಳೆಯ ಮತ್ತು ಚಲನಚಿತ್ರ ಬರಹಗಾರ ರಾಹುಲ್ ಮೋದಿ ಕೂಡ ಜೊತೆಗಿರುವುದು ಕಂಡು ಬಂದಿದೆ. ಫೋಟೋ ಮೇಲೆ ಕ್ಯಾಪ್ಶನ್ ಅನ್ನು ಬರೆದಿರುವ ಅವರು, (ದಿಲ್ ತೋ ರಕ್ಲೇ ನೀಂದ್ ತೋ ವಾಪಸ್ ದೇದೆ ಯಾರ್) ಹೃದಯ ಇಟ್ಕೋ ಆದರೆ ನನ್ನ ನಿದ್ದೆ ನನಗೆ ಹಿಂತಿರುಗಿಸು ಗೆಳೆಯ ಎಂದು ಬರೆದುಕೊಂಡಿದ್ದಾರೆ. ಇದರ ಅರ್ಥ ರಾಹುಲ್ ಮೋದಿಯಿಂದಾಗಿ ನಿದ್ದೆ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದಂತಿದೆ. ಜತೆಗೆ ಈ ಪೋಸ್ಟ್ಗೆ 'ಇಷ್ಕ್' ಚಿತ್ರದ ನೀಂದ್ ಚುರೈ ಮೇರಿ' ಹಾಡನ್ನು ಹಾಕಿದ್ದಾರೆ.
ಈ ಪೋಸ್ಟ್‌ನಿಂದ ಶ್ರದ್ಧಾ ತನ್ನ ವದಂತಿಯ ಗೆಳೆಯನೊಂದಿಗಿನ ಡೇಟಿಂಗ್ನಲ್ಲಿದ್ದಾರೆ ಎಂದು ಅಧಿಕೃತವಾಗಿ ಘೋಷಿಸಿದಂತಿದೆ. ಸೆಲ್ಫಿ ಫೋಟೋ ಹಂಚಿಕೊಳ್ಳುವಾಗ ಸ್ಮೈಲಿಗಳು ಮತ್ತು ತಮಾಷೆಯ ಎಮೋಜಿಗಳನ್ನು ಸೇರಿಸಿದ್ದಾರೆ.
ಶ್ರದ್ಧಾ ಕಪೂರ್ ಅವರ 'ತೀನ್ ಪತ್ತಿ' ಎಂಬ ಚಿತ್ರದಿಂದ ಬಾಲಿವುಡ್ನಲ್ಲಿ ತಮ್ಮ ಸಿನಿ ಇನ್ನಿಂಗ್ಸ್ ಆರಂಭಿಸಿದರು. ನಂತರ 2011ರಲ್ಲಿ 'ಲವ್ ಕಾ ದ ಎಂಡ್' ಚಿತ್ರದ ನಟನೆಯಿಂದ ಅಭಿಮಾನಿಗಳ ಹೃದಯದಲ್ಲಿ ಸ್ಥಾನವನ್ನು ಗಿಟ್ಟಿಸಿಕೊಂಡರು ಇಲ್ಲಿಂದ ಯಶಸ್ವಿ ಮೆಟ್ಟಿಲುಗಳನ್ನು ಹತ್ತುತ್ತಾ ಸಾಗಿದ ಶ್ರದ್ದಾ ಹಿಂತಿರುಗಿ ನೋಡಲೇ ಇಲ್ಲ. ನಂತರ 'ಆಶಿಖಿ 2', 'ಏಕ್ ವಿಲನ್', 'ಬಾಘಿ', 'ಹೈದರ್', 'ಹಾಫ್ ಗರ್ಲ್ಫ್ರೇಂಡ್', 'ಹಸೀನಾ ಪಾರ್ಕರ್', 'ಸ್ತ್ರೀ' ಮುಂತಾದ ಅನೇಕ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ. ಪ್ರಸ್ತುತ, ಅವರು ಮುಂಬರುವ ಚಿತ್ರ ಸ್ತ್ರೀ2 ರ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರ ಇದೇ ಆಗಸ್ಟ್ 15, ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: 'ಕಲ್ಕಿ 2898 ಎಡಿ': ಭರ್ಜರಿ ಪ್ರೀ-ಬುಕಿಂಗ್‌, ಆರ್ಆರ್ಆರ್ ದಾಖಲೆ ಪುಡಿ ಪುಡಿ - Kalki 2898 AD
