ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ಚಿತ್ರ 'ರಾಮಾಯಣ'ದ ಸಲುವಾಗಿ ಸಖತ್ ಸುದ್ದಿಯಲ್ಲಿರುವ ಬಾಲಿವುಡ್ ಸೂಪರ್ ಸ್ಟಾರ್ ರಣ್ಬೀರ್ ಕಪೂರ್ ದೇಹ ದಂಡಿಸುವ ಕಾರ್ಯದಲ್ಲಿ ಮಗ್ನರಾಗಿದ್ದಾರೆ. ತಮ್ಮ ಮುಂದಿನ ಪ್ರಾಜೆಕ್ಟ್ಗಳಾದ 'ರಾಮಾಯಣ' ಮತ್ತು 'ಅನಿಮಲ್ ಪಾರ್ಕ್'ನ ಪಾತ್ರಗಳಿಗೆ ಜೀವ ತುಂಬಲು ತೀವ್ರ ತಯಾರಿ ನಡೆಸುತ್ತಿದ್ದಾರೆ.
41ರ ಹರೆಯದ ನಟನ ಕೊನೆಯ ಚಿತ್ರ ಅನಿಮಲ್ ಅಭೂತಪೂರ್ವ ಯಶಸ್ಸು ಕಂಡಿದೆ. ಪ್ರಸ್ತುತ ನಿತೇಶ್ ತಿವಾರಿ ಅವರ 'ರಾಮಾಯಣ'ದಲ್ಲಿ ಭಗವಾನ್ ಶ್ರೀರಾಮನನ್ನು ಚಿತ್ರಿಸಲು ಸಜ್ಜಾಗುತ್ತಿದ್ದಾರೆ. 2023ರ ಹಿಟ್‌ ಚಿತ್ರದ ಸೀಕ್ವೆಲ್ ಅನಿಮಲ್ ಪಾರ್ಕ್‌ಗೂ ಸಹ ಸಿದ್ಧರಾಗುತ್ತಿದ್ದಾರೆ.
ಸೆಲೆಬ್ರಿಟಿ ಫಿಟ್ನೆಸ್ ತರಬೇತುದಾರ ಶಿವೋಹಮ್ ಹಂಚಿಕೊಂಡ ಫೋಟೋಗಳು ರಣ್ಬೀರ್ ಕಪೂರ್ ಅವರ ಫಿಟ್ನೆಸ್ ಟ್ರೇನಿಂಗ್ ರಿಸಲ್ಟ್ ಅನ್ನು ತೋರಿಸಿದೆ. ಬಿಗ್ ಬಿ ಅಮಿತಾಭ್ ಬಚ್ಚನ್ ಮತ್ತು ನಟಿ ಜಾಕ್ವೆಲಿನ್ ಫರ್ನಾಂಡಿಸ್ ಅವರಂತಹ ಸ್ಟಾರ್‌ಗಳಿಗೆ ತರಬೇತಿ ಕೊಡುವ ಮೂಲಕ ಹೆಸರುವಾಸಿಯಾಗಿರೋ ಶಿವೋಹಂ, ರಣ್ಬೀರ್ ಅವರ ಫೋಟೋಗಳನ್ನು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಮೂರು ವರ್ಷಗಳ ಕಠಿಣ ತರಬೇತಿಯ ಫಲವಾಗಿ ಪವರ್ಫುಲ್ ಫಿಟ್ನೆಸ್ ಬಾಡಿಯನ್ನು ಸೂಪರ್ ಸ್ಟಾರ್ ತಮ್ಮದಾಗಿಸಿಕೊಂಡಿದ್ದಾರೆ.
ಶಿವೋಹಂ ಅವರ ಲೇಟೆಸ್ಟ್ ಇನ್ಸ್ಟಾಗ್ರಾಮ್ ಪೋಸ್ಟ್ ಎರಡೂ ಸಿನಿಮಾಗಳಿಗಾಗಿನ ರಣ್ಬೀರ್ ಅವರ ರೂಪಾಂತರವನ್ನು ಪ್ರದರ್ಶಿಸುತ್ತದೆ. ಪೋಸ್ಟ್, 'ಅನಿಮಲ್' ಅವತಾರ ಮತ್ತು 'ರಾಮಾಯಣ'ಕ್ಕಾಗಿನ ಅವರ ತಯಾರಿಯ ಒಂದು ನೋಟ ಒದಗಿಸಿದೆ. ರಣ್ಬೀರ್ ಯಶಸ್ಸಿಗೆ ಅವರ ಅಚಲ ಇಚ್ಛಾಶಕ್ತಿ ಮತ್ತು ಬದ್ಧತೆಯೇ ಕಾರಣ ಎಂದು ತರಬೇತುದಾರ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಸಲ್ಮಾನ್ ಮನೆ ಮೇಲಿನ ದಾಳಿ ಪ್ರಕರಣ: ಶೂಟರ್ನ ಆಪ್ತರು ಪೊಲೀಸ್ ವಶಕ್ಕೆ - Salman Firing Case
ರಣ್ಬೀರ್ ಅವರ ವೈಯಕ್ತಿಕ ತರಬೇತುದಾರ, ಇತ್ತೀಚೆಗೆ ನಟನ ವಿವಿಧ ವರ್ಕೌಟ್ ವಿಡಿಯೋವನ್ನು ಹಂಚಿಕೊಂಡಿದ್ದರು. ಪತ್ನಿ ಆಲಿಯಾ ಭಟ್ ಮತ್ತು ಮಗಳು ರಾಹಾ ಕೂಡ ಈ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದರು. ಅದಕ್ಕೂ ಮುನ್ನ, ರಾಮಾಯಣಕ್ಕಾಗಿ ರಣ್ಬೀರ್ ಬಿಲ್ಲುಗಾರಿಕೆ ತರಬೇತಿ ಪಡೆಯುತ್ತಿರುವ ಚಿತ್ರಗಳು ಆನ್‌ಲೈನ್‌ನಲ್ಲಿ ವೈರಲ್ ಆಗಿದ್ದವು.
ಇದನ್ನೂ ಓದಿ: ಇಂದ್ರಜಿತ್ ಲಂಕೇಶ್ ಪುತ್ರನ ಚೊಚ್ಚಲ ಚಿತ್ರಕ್ಕೆ ಅನಿಲ್ ಕುಂಬ್ಳೆ, ಅಶ್ವಿನಿ ಪುನೀತ್ ರಾಜ್ಕುಮಾರ್ ಸಾಥ್ - Gowri Pre Teaser
ರಾಮಾಯಣ ಮತ್ತು ಅನಿಮಲ್ ಪಾರ್ಕ್ ಅಲ್ಲದೇ, ಸಂಜಯ್ ಲೀಲಾ ಬನ್ಸಾಲಿ ಅವರ ನಿರ್ದೇಶನದಲ್ಲಿ ಬರಲಿರುವ ಲವ್ ಅಂಡ್ ವಾರ್‌ ಚಿತ್ರದಲ್ಲೂ ಕಾಣಿಸಿಕೊಳ್ಳಲಿದ್ದಾರೆ. ಆಲಿಯಾ ಭಟ್ ಮತ್ತು ವಿಕ್ಕಿ ಕೌಶಲ್ ಜೊತೆ ಸ್ಕ್ರೀನ್ ಶೇರ್ ಮಾಡಲಿದ್ದಾರೆ. 2007ರಲ್ಲಿ 'ಸಾವರಿಯಾ'ದಲ್ಲಿ ಮೊದಲ ಬಾರಿಗೆ ಬನ್ಸಾಲಿ ಜೊತೆ ಕೈ ಜೋಡಿಸಿದ್ದ ರಣ್ಬೀರ್ಗಿದು ಸಂಜಯ್ ಜೊತೆಗಿನ ಎರಡನೇ ಚಿತ್ರ.
