ಕೆಜಿಎಫ್ ಸ್ಟಾರ್ ಯಶ್ ಮುಖ್ಯಭೂಮಿಕೆಯ ಬಹುನಿರೀಕ್ಷಿತ ಚಿತ್ರ 'ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್ ಅಪ್ಸ್' ಈಗಾಗಲೇ ಸಿನಿಪ್ರಿಯರಲ್ಲಿ ಸಾಕಷ್ಟು ಕುತೂಹಲ ಹುಟ್ಟುಹಾಕಿದೆ. ವಿಶೇಷವಾಗಿ ನಾಯಕಿ ಪಾತ್ರದ ಸಲುವಾಗಿ ಸಿನಿಮಾ ಸುದ್ದಿಯಲ್ಲಿದೆ. ಆರಂಭದಲ್ಲಿ, ಬಾಲಿವುಡ್ ಬೇಬೋ ಕರೀನಾ ಕಪೂರ್ ಖಾನ್ ಅವರು ಯಶ್ ಜೊತೆಗೆ ನಟಿಸುತ್ತಾರೆ ಎಂದು ಹೇಳಲಾಗಿತ್ತು. ಆದರೆ, ಇತ್ತೀಚಿನ ವರದಿಗಳು ಶೂಟಿಂಗ್ ಶೆಡ್ಯೂಲ್ನ ಡೇಟ್ಸ್ ಕೊರತೆಯಿಂದಾಗಿ ಸಿನಿಮಾವನ್ನು ಬಿಡಬೇಕಾಯಿತು ಎಂಬುದಾಗಿ ಸೂಚಿಸಿದೆ.
- " class="align-text-top noRightClick twitterSection" data="">
ಅಲ್ಲದೇ ಈ ಹಿಂದೆ ಕರೀನಾ ಕಪೂರ್ ಖಾನ್ಗೆ ಆಫರ್ ಮಾಡಲಾಗಿದ್ದ ಪಾತ್ರವನ್ನು ನಯನತಾರಾ ವಹಿಸಿಕೊಳ್ಳಬಹುದು ಎಂಬ ಗುಸುಗುಸು ಕೂಡ ಇದೆ. ನಿರ್ದೇಶಕಿ ಗೀತು ಮೋಹನ್‌ದಾಸ್ ಅವರು ನಯನತಾರ ಅವರೊಂದಿಗೆ ಚರ್ಚಿಸಿದ್ದಾರೆ ಎಂದು ವರದಿಗಳು ಸೂಚಿಸಿದೆ. ನಯನತಾರ ಚಿತ್ರಕಥೆ ಮತ್ತು ಅವರ ಪಾತ್ರದಿಂದ ಪ್ರಭಾವಿತರಾಗಿದ್ದಾರೆಂದು ಕೂಡ ಹೇಳಲಾಗಿದೆ. ಸಿನಿಮಾ ಸಂಬಂಧ ಈ ಮಾತುಕತೆಗಳು ಸುಸೂತ್ರವಾಗಿ ನಡೆದರೆ, ನಯನತಾರ ಶೀಘ್ರದಲ್ಲೇ ಚಿತ್ರತಂಡದ ಭಾಗವಾಗಬಹುದು.
ಕರೀನಾ ಅವರು ಇತರ ಪ್ರೊಜೆಕ್ಟ್ಗಳಿಗೆ ಗ್ರೀನ್ ಸಿಗ್ನಲ್ ಕೊಟ್ಟಿರುವ ಹಿನ್ನೆಲೆ, ಶೂಟಿಂಗ್ ಡೇಟ್ಸ್ ಸಮಸ್ಯೆ ಕಾರಣವೆಂದು ಹೇಳಲಾಗಿದೆ. ಟಾಕ್ಸಿಕ್ ಒಡಹುಟ್ಟಿದವರ ಬಂಧವನ್ನು ಒಳಗಗೊಂಡ ಚಿತ್ರವೆಂದೂ ಹೇಳಲಾಗಿದೆ. ಹಾಗಾಗಿ, ನಿರ್ಮಾಪಕರು ಭಾರತದಾದ್ಯಂತ ವ್ಯಾಪಕ ಜನಪ್ರಿಯತೆ ಹೊಂದಿರುವ ನಟಿಯ ಹುಡುಕಾಟದಲ್ಲಿದ್ದಾರೆ. ಅದಾಗ್ಯೂ, ಈ ಕಾಸ್ಟಿಂಗ್ ಬದಲಾವಣೆಗಳ ಕುರಿತು ಇನ್ನೂ ಯಾವುದೇ ಅಧಿಕೃತ ದೃಢೀಕರಣವಿಲ್ಲ.
ಇದನ್ನೂ ಓದಿ: ಒಪ್ಪಂದ ಉಲ್ಲಂಘನೆ ಆರೋಪ: ಕಮಲ್ ಹಾಸನ್ ವಿರುದ್ಧ 'ಉತ್ತಮ ವಿಲನ್' ನಿರ್ಮಾಪಕರಿಂದ ದೂರು - Complaint Against Kamal Haasan
ಟಾಕ್ಸಿಕ್‌ನ ಚಿತ್ರೀಕರಣವು ಈಗಾಗಲೇ ಆರಂಭವಾಗಿದೆ. 2025ರ ಏಪ್ರಿಲ್ 10ರಂದು ಬಿಡುಗಡೆ ದಿನಾಂಕವನ್ನು ಈಗಾಗಲೇ ನಿಗದಿಪಡಿಸಲಾಗಿದೆ. ಗೀತು ಮೋಹನ್‌ದಾಸ್ ನಿರ್ದೇಶನದ ಈ ಚಿತ್ರ ವೆಂಕಟ್ ಕೆ. ನಾರಾಯಣ ಅವರ ಕೆವಿಎನ್ ಪ್ರೊಡಕ್ಷನ್ಸ್ ಮತ್ತು ಯಶ್ ಅವರ ಮಾನ್‌ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಸೇರಿ ನಿರ್ಮಾಣ ಮಾಡುತ್ತಿದೆ. ಬೃಹತ್ ಸೆಟ್‌ಗಳನ್ನು ಈಗಾಗಲೇ ನಿರ್ಮಿಸಿದ್ದು, ದಿನೇ ದಿನೆ ಪ್ರೇಕ್ಷಕರ ಕುತೂಹಲ ಹೆಚ್ಚಿಸುತ್ತಿದೆ.
ಇದನ್ನೂ ಓದಿ: ರಾಕಿಂಗ್ ಸ್ಟಾರ್ ಯಶ್ ಅಭಿನಯದ 'ಟಾಕ್ಸಿಕ್' 2 ಭಾಗಗಳಲ್ಲಿ ನಿರ್ಮಾಣ? - Toxic
ಯಶ್ 2014ರಿಂದ ತಮ್ಮ ಚಿತ್ರಗಳಲ್ಲಿ ಕ್ರಿಯೇಟಿವ್ ಪ್ರೊಡ್ಯೂಸರ್ ಆಗಿಯೂ ಕೆಲಸ ಮಾಡಿದ್ದಾರೆ. 'ಟಾಕ್ಸಿಕ್' ಅವರ ಬ್ಯಾನರ್ ಅಡಿ ನಿರ್ಮಾಣವಾಗುತ್ತಿರುವ ಮೊದಲ ಚಿತ್ರ. ಟಾಕ್ಸಿಕ್ ಅಲ್ಲದೇ 'ರಾಮಾಯಣ' ಚಿತ್ರದಲ್ಲೂ ನಿರ್ಮಾಪಕರಾಗಿ ಗುರುತಿಸಿಕೊಂಡಿದ್ದಾರೆ. ರಣ್ಬೀರ್ ಕಪೂರ್ ಮತ್ತು ಸಾಯಿ ಪಲ್ಲವಿ ಮುಖ್ಯಭೂಕಿಯ ರಾಮಾಯಣವನ್ನು ನಿರ್ಮಾಣ ಮಾಡುತ್ತಿರುವ ನಮಿತ್ ಮಲ್ಹೋತ್ರಾ ಅವರ ಪ್ರೈಮ್ ಫೋಕಸ್ ಸ್ಟುಡಿಯೋಸ್ ಜೊತೆ ಯಶ್ ಕೈಜೋಡಿಸಿದ್ದಾರೆ. ನಿತೇಶ್ ತಿವಾರಿ ನಿರ್ದೇಶನದ ಈ ಪೌರಾಣಿಕ ಚಿತ್ರದಲ್ಲಿ ಯಶ್ ರಾವಣನಾಗಿ ಕಾಣಿಸಿಕೊಳ್ಳಲಿದ್ದಾರೆ ಅನ್ನೋದು ನಿಮಗೆ ತಿಳಿದಿರುವ ವಿಚಾರವೇ.
