ಟಾಲಿವುಡ್ ನಟ ಅಲ್ಲು ಅರ್ಜುನ್ ಅಭಿನಯದ ಮುಂದಿನ ಸಿನಿಮಾವೇ 'ಪುಷ್ಪ-2 ದಿ ರೂಲ್'. ಈ ಸಿನಿಮಾ ಸೆಟ್ಟೇರಿದಾಗಿನಿಂದಲೂ ಸಖತ್ ಸದ್ದು ಮಾಡುತ್ತಿದೆ. ಪ್ರೇಕ್ಷಕರು ಕೂಡಾ ಸಿನಿಮಾ ನೋಡುವ ಕಾತರದಲ್ಲಿದ್ದಾರೆ. ಮತ್ತೊಂದೆಡೆ, ಸಿನಿಮಾ ಬಿಡುಗಡೆಗೊಳಿಸುವ ಉತ್ಸಾಹದಲ್ಲಿ ಚಿತ್ರತಂಡವೂ ಇದೆ. ಪೋಸ್ಟರ್, ಟೀಸರ್, ಗ್ಲಿಂಪ್ಸ್ ಅಂತೆಲ್ಲಾ ಪ್ರಚಾರದ ಕೆಲಸದಲ್ಲಿ ತಂಡ ಒಂದು ಹೆಜ್ಜೆ ಮುಂದಿದೆ ಎನ್ನಬಹುದು.
ಇತ್ತೀಚೆಗಷ್ಟೇ ಅನಾವರಣಗೊಂಡ ಟೈಟಲ್ ಸಾಂಗ್ 'ಪುಷ್ಪ-ಪುಷ್ಪ' ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ. ಈ ಹಾಡಿನ ಹುಕ್ ಸ್ಟೆಪ್ ಟ್ರೆಂಡಿಂಗ್ನಲ್ಲಿದ್ದು, ರೀಲ್ಸ್ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ.
ಇದೀಗ, ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಸ್ಫೋಟಕ ಬ್ಯಾಟರ್ ರಿಂಕು ಸಿಂಗ್ ಅವರ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಜಾಗ ಗಿಟ್ಟಿಸಿಕೊಂಡಿದೆ. ಈ ವಿಡಿಯೋದಲ್ಲಿ ರಿಂಕು 'ಪುಷ್ಪ-ಪುಷ್ಪ' ಹಾಡಿನ ಹುಕ್ ಸ್ಟೆಪ್ ಮಾಡುತ್ತಿರುವುದನ್ನು ನೋಡಬಹುದು.
ಕೆಕೆಆರ್ ಬ್ಯಾಟರ್ ರಿಂಕು ಸಿಂಗ್ ಅವರ ವಿಡಿಯೋ ಅಭಿಮಾನಿಗಳ ಮನ ಗೆಲ್ಲುತ್ತಿದೆ. ವಿಡಿಯೋದಲ್ಲಿ, ಡ್ಯಾನ್ಸ್ ಮಾಡುತ್ತಿರುವ ರಿಂಕುಗೆ ಸಹ ಆಟಗಾರರು ತಮಾಷೆ ಮಾಡುತ್ತಿರುವುದನ್ನೂ ಕಾಣಬಹುದು.
ಇದನ್ನೂ ಓದಿ: ಶಿಲ್ಪಾ ಶೆಟ್ಟಿ ತಂಗಿಗೆ ಎಂಡೊಮೆಟ್ರಿಯೊಸಿಸ್; ಚಿಕಿತ್ಸೆ ಪಡೆದ ನಟಿ ಶಮಿತಾ - Shamita Shetty Hospitalized
ರಿಂಕು ಸಿಂಗ್ ನೃತ್ಯದ ವಿಡಿಯೋವನ್ನು ಹಂಚಿಕೊಂಡ ಅಧಿಕೃತ ಕೆಕೆಆರ್ ಎಕ್ಸ್ ಖಾತೆ, 'ರಾಕೆಟ್ ರಿಂಕು, ರುಖೇಗಾ ನಹಿ' ಎಂಬ ಕ್ಯಾಪ್ಷನ್ ಕೊಟ್ಟಿದೆ. ಕ್ಲಿಪ್‌ನ ಕೊನೆಯಲ್ಲಿ, ಕೆಕೆಆರ್ ಸ್ಟಾರ್ ಬೌಲರ್ ಹರ್ಷಿತ್ ರಾಣಾ ಕೂಡ ಕಾಣಿಸಿಕೊಂಡರು. ಇಬ್ಬರೂ ಮತ್ತೊಮ್ಮೆ 'ಪುಷ್ಪ-ಪುಷ್ಪ' ಹುಕ್ ಸ್ಟೆಪ್ ಹಾಕಲು ಪ್ರಯತ್ನಿಸಿದ್ದಾರೆ. ಕೆಕೆಆರ್ ಪೋಸ್ಟ್ ಅನ್ನು ಪುಷ್ಪ ತಂಡ ಮರುಪೋಸ್ಟ್‌ ಮಾಡಿದೆ. ಕೊನೆಯ ಪಂದ್ಯದಲ್ಲಿ ರಿಂಕು ಸಿಂಗ್ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಕೆಕೆಆರ್ ಸಹ-ಮಾಲೀಕ ಶಾರುಖ್ ಖಾನ್ ಸಹ ಸಂದರ್ಶನವೊಂದರಲ್ಲಿ ರಿಂಕು ಸಿಂಗ್‌ರನ್ನು ಹೊಗಳಿದ್ದಾರೆ.
ಇದನ್ನೂ ಓದಿ: ರಾಜಕೀಯಕ್ಕೆ ಬರ್ತಾರಾ ಅಲ್ಲು ಅರ್ಜುನ್? ನಟ ಕೊಟ್ಟ ಸ್ಪಷ್ಟನೆ ಹೀಗಿದೆ - Allu Arjun
ಆಗಸ್ಟ್ನಲ್ಲಿ ಚಿತ್ರಮಂದಿರ ಪ್ರವೇಶಿಸಲಿರುವ 'ಪುಷ್ಪ 2: ದಿ ರೂಲ್'ನ ಪುಷ್ಪ ಪುಷ್ಪ ಹಾಡು ಇದೇ ಮೇ 1ರಂದು ಬಿಡುಗಡೆ ಆಗಿದ್ದು, ಈಗಲೂ ಟ್ರೆಂಡಿಂಗ್ನಲ್ಲಿದೆ. ತೆಲುಗು ಮತ್ತು ಹಿಂದಿ ವರ್ಷನ್ನ ಪುಷ್ಪ ಟೈಟಲ್ ಟ್ರ್ಯಾಕ್ 24 ಗಂಟೆಗಳಲ್ಲಿ ವಿಶ್ವದಾದ್ಯಂತ ಅತೀ ಹೆಚ್ಚು ವೀಕ್ಷಿಸಲ್ಪಟ್ಟ ವಿಡಿಯೋಗಳಾಗಿ ಹೊರಹೊಮ್ಮಿತ್ತು. ಅಂದು ಈ ಬಗ್ಗೆ ಚಿತ್ರತಂಡ ಪೋಸ್ಟರ್ಗಳನ್ನು ಹಂಚಿಕೊಂಡಿತ್ತು. 6 ಭಾಷೆ ಸೇರಿ 24 ಗಂಟೆಯೊಳಗೆ ಅತೀ ಹೆಚ್ಚು ವೀಕ್ಷಿಸಲ್ಪಟ್ಟ ಭಾರತದ ಲಿರಿಕಲ್ ವಿಡಿಯೋ ಸಾಂಗ್ ಇದಾಗಿದೆ. 40 ಮಿಲಿಯನ್ಗೂ ಹೆಚ್ಚು ವೀವ್ಸ್. 1.27 ಮಿಲಿಯನ್ ಲೈಕ್ಸ್. 15 ದೇಶಗಳಲ್ಲಿ ಟ್ರೆಂಡಿಂಗ್ ಎಂದು ಅಂದು ಮಾಹಿತಿ ಕೊಟ್ಟಿದ್ದ ಚಿತ್ರನಿರ್ಮಾಪಕರು ಆಲ್ ಟೈಮ್ ರೆಕಾರ್ಡ್ ಎಂದು ಪೋಸ್ಟರ್ನಲ್ಲಿ ಬರೆದುಕೊಂಡು ಸಂತಸ ವ್ಯಕ್ತಪಡಿಸಿದ್ದರು.
