ಹೈದರಾಬಾದ್: ಬಾಹುಬಲಿ ನಟ ಪ್ರಭಾಸ್ ಅಭಿಯನದ ಬಹುನಿರೀಕ್ಷಿತ ಸಿನಿಮಾವಾದ 'ಕಲ್ಕಿ 2898 ಎಡಿ' ಟ್ರೈಲರ್ ಬಿಡುಗಡೆಗೆ ಕ್ಷಣಗಣನೆ ಶುರುವಾಗಿದೆ. ಟ್ರೈಲರ್ ಬಿಡುಗಡೆಯಾಗಲಿರುವ ಹಿನ್ನೆಲೆ ಅಮೆರಿಕದಲ್ಲಿ ಅತ್ಯುತ್ಸಾಹ ಕೂಡ ಮನೆ ಮಾಡಿದೆ. ಸಾಗರೋತ್ತರ ವಿತರಣಾ ಕಂಪನಿ ಪ್ರತ್ಯಾಂಗಿರ ಸಿನಿಮಾಸ್ ಈ ಚಿತ್ರದ ಬಿಡುಗಡೆಗೆ ಮುನ್ನ ಅಡ್ವಾನ್ಸ್ ಬುಕ್ಕಿಂಗ್ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಘೋಷಿಸಿದೆ.
ಇನ್ಸ್ಟಾಗ್ರಾಂನಲ್ಲಿ ಈ ಸುದ್ದಿ ಹಚ್ಚಿಕೊಂಡಿದ್ದು, ಬುಕ್ಕಿಂಗ್ ಈಗಿನಿಂದಲೇ ಆರಂಭ ಎಂಬ ಅಡಿಬರಹ ಬರೆಯಲಾಗಿದೆ. ರೈಡರ್ಸ್ ಸಿದ್ಧರಿರುವಿರಾ. ಗೇರ್ ಇದೀಗ ಟಾಪ್ ಮಟ್ಟದಲ್ಲಿದ್ದು ಕಾಯುವಿಕೆ ಏಕೆ, ಡಾರ್ಲಿಂಗ್ಸ್ ಫುಲ್ ಸ್ಪೀಡ್ ಎಂದು ಪ್ರಭಾಸ್ ಸೇರಿದಂತೆ ಚಿತ್ರದ ಅಭಿಮಾನಿಗಳಿಗೆ ಬುಕ್ಕಿಂಗ್ ಕುರಿತು ಮಾಹಿತಿ ನೀಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಚಿತ್ರದ ಅಭಿಮಾನಿಗಳು ಕಲ್ಕಿ 2000 ಕೋಟಿ ಲೋಡಿಂಗ್ ಎಂದು ಬರೆದಿದ್ದಾರೆ.
ಇಂದು 'ಕಲ್ಕಿ 2898 ಎಡಿ' ಟ್ರೈಲರ್ ಬಿಡುಗಡೆಯಾಗುತ್ತಿದೆ. ವಿಜಯಶಾಂತಿ ಮೂವೀಸ್ ಬ್ಯಾನರ್ನಲ್ಲಿ ಮೂಡಿಬರುತ್ತಿರುವ ಸೈನ್ಸ್ ಫಿಕ್ಷನ್ ಡ್ರಾಮಾ ಇದಾಗಿದೆ. ಚಿತ್ರತಂಡ ಇಂದು ಟ್ರೈಲರ್ ಬಿಡುಗಡೆ ಎಂದು ಹೇಳಿದೆಯಾದರೂ ಎಷ್ಟು ಗಂಟೆಗೆ ಎಂಬುದನ್ನು ಎಂದು ತಿಳಿಸಿಲ್ಲ.
ನಾಗ ಅಶ್ವಿನ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಚಿತ್ರದಲ್ಲಿ ಭಾರತೀಯ ಚಿತ್ರರಂಗದ ಕಲಾವಿದರ ದಂಡನ್ನೇ ಕಾಣಬಹುದಾಗಿದೆ. ಬಿಗ್ ಬಿ ಅಮಿತಾಬ್ ಬಚ್ಚನ್, ಕಮಲ್ ಹಾಸನ್, ದೀಪಿಕಾ ಪಡುಕೋಣೆ, ದಿಶಾ ಪಟಾನಿ, ದುಲ್ಕರ್ ಸಲ್ಮಾನ್ ಕೂಡ ಚಿತ್ರದ ತಾರಾಬಳಗದಲ್ಲಿದ್ದಾರೆ. ಈ ಹಿನ್ನೆಲೆ ಉತ್ತರ ಅಮೆರಿಕದಲ್ಲಿ ಈಗಾಗಲೇ ಚಿತ್ರದ ನಿರೀಕ್ಷೆ ಹೆಚ್ಚಿದೆ. ಟ್ರೈಲರ್ ಹೊರತಾಗಿ, ಈಗಾಗಲೇ ಸಿನಿಮಾ ತಂಡ ಅಡ್ವಾನ್ಸ್ ಬುಕ್ಕಿಂಗ್ ಆರಂಭಿಸಿದ್ದು, ಜೂನ್ 27ಕ್ಕೆ ಚಿತ್ರ ಬಿಡುಗಡೆಯಾಗುತ್ತಿದೆ. ಅಭಿಮಾನಿಗಳು ಮಾತ್ರ ಕುತೂಹಲದಿಂದ ದಿನ ಲೆಕ್ಕ ಹಾಕುತ್ತಿದ್ದಾರೆ.
ಚಿತ್ರ ಅಡ್ವಾನ್ಸ್ ಬುಕ್ಕಿಂಗ್ ತೆರೆದಿದ್ದು, ಮೂರು ದಿನದಲ್ಲಿ ಚಿತ್ರದ ಸ್ಕ್ರೀನಿಂಗ್ ಮತ್ತು ಲೋಕೆಷನ್ನಲ್ಲಿ ಗಮನಾರ್ಹ ಏರಿಕೆ ಕಂಡಿದೆ. ಕಳೆದ ವರ್ಷ ಚಿತ್ರದ ಮೊದಲ ಲುಕ್ ಸ್ಯಾನ್ಡಿಯಾಗೊ ಕಾಮಿಕ್- ಕೊನ್ನಲ್ಲಿ ಅನಾವರಣಗೊಂಡಿತು. ಈ ಕಾರ್ಯಕ್ರಮದಲ್ಲಿ ನಟ ಪ್ರಭಾಸ್, ಕಮಲ್ ಹಾಸನ್ ಮತ್ತು ರಾಣಾ ದಗ್ಗುಬಾಟಿ ಉಪಸ್ಥಿತರಿದ್ದರು. ಅಮೆರಿಕದಲ್ಲಿ ಚಿತ್ರದ ಪ್ರೀಮಿಯರ್ ಪ್ರದರ್ಶನ ಜೂನ್ 26ರಂದು ನಡೆಯಲಿದೆ.
ಚಿತ್ರದ ಕುರಿತು ಅಭಿಮಾನಿಗಳಲ್ಲಿ ಮತ್ತಷ್ಟು ನಿರೀಕ್ಷೆ ಮೂಡಿಸುವ ಸಲುವಾಗಿ ಚಿತ್ರತಂಡ ಹೈದರಾಬಾದ್ನಲ್ಲಿ ದೊಡ್ಡ ಕಾರ್ಯಕ್ರಮವನ್ನು ಆಯೋಜಿಸಲಿದೆ. ನಟ ಪ್ರಭಾಸ್ ತಮ್ಮ ಫ್ಯೂಚರಿಸ್ಟಿಕ್ ಕಾರ್ ಆಗಿರುವ ಬುಜ್ಜಿ ಮೂಲಕ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ. ಈ ಕಾರನ್ನು ರಾಷ್ಟ್ರದಾದ್ಯಂತ ಪ್ರವಾಸ ಕೈಗೊಳ್ಳುವ ಮೂಲಕ ಅಭಿಮಾನಿಗಳು ಹತ್ತಿರದಿಂದ ಇದನ್ನು ಕಣ್ತುಂಬಿಕೊಳ್ಳಲು ಅವಕಾಶ ನೀಡಲಾಗುತ್ತದೆ.
ಇದನ್ನೂ ಓದಿ: ಕಲ್ಕಿ ಸಿನಿಮಾದ ಟ್ರೈಲರ್ಗೂ ಮುನ್ನ ಪೋಸ್ಟರ್ ಬಿಡುಗಡೆ; ಸ್ಟನ್ನಿಂಗ್ ಲುಕ್ನಲ್ಲಿ ದೀಪಿಕಾ ಪಡುಕೋಣೆ
