ಸ್ಯಾಂಡಲ್ವುಡ್ನ ನಟರಾಕ್ಷಸ ಡಾಲಿ ಧನಂಜಯ್ ಜನ್ಮದಿನ ಹಿನ್ನೆಲೆ ಮುಂದಿನ ಬಹುನಿರೀಕ್ಷಿತ ಚಿತ್ರಗಳ ಪೋಸ್ಟರ್ಗಳು ಅನಾವರಣಗೊಂಡಿವೆ. ಜೊತೆಗೆ ಹೊಸದೊಂದು ಸಿನಿಮಾ ಇಂದು ಅಧಿಕೃತವಾಗಿ ಘೋಷಣೆಯಾಗಿದೆ. ಅದುವೇ 'ಜಿಂಗೋ'. ಇಂದು ಸಿನಿಮಾ ಘೋಷಣೆ ಜೊತೆಗೆ ನಾಯಕ ನಟನನ್ನೊಳಗೊಂಡ ಇಂಟ್ರೆಸ್ಟಿಂಗ್ ಗ್ಲಿಂಪ್ಸ್ ಕೂಡಾ ಅನಾವರಣಗೊಂಡಿದೆ.
'ಡೇರ್ ಡೆವಿಲ್ ಮುಸ್ತಫಾ' ತಂಡದ ಹೊಸ ಚಿತ್ರವಿದು. 'ಡೇರ್ ಡೆವಿಲ್ ಮುಸ್ತಫಾ' ನಿರ್ದೇಶಿಸಿದ್ದ ಶಶಾಂಕ್ ಸೋಗಲ್ ಅವರೇ ಈ ಚಿತ್ರಕ್ಕೂ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಡಾಲಿ ಧನಂಜಯ್ ಮತ್ತು ಬಿ ನರೇಂದ್ರ ರೆಡ್ಡಿ ಸೇರಿ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಹ್ಯಾರಿಸ್ ಅಹಮದ್ ಕಥೆ ಬರೆದಿದ್ದು, ರಾಘವೇಂದ್ರ ಮಾಯಕೊಂಡ ಟೈಲಾಗ್ಸ್ ಒದಗಿಸಿದ್ದಾರೆ. ಡಾಲಿ ಪಿಕ್ಚರ್ಸ್ ಮತ್ತು ತ್ರಿಶೂಲ್ ವಿಶನರಿ ಸ್ಟುಡಿಯೋಸ್ ಅಡಿ ನಿರ್ಮಾಣಗೊಳ್ಳುತ್ತಿರುವ ಚಿತ್ರಕ್ಕೆ ಯದುನಂದನ್ ಎಕ್ಸಿಕ್ಯೂಟಿವ್ ಪ್ರೊಡ್ಯೂಸರ್ ಆಗಿ ಕೈ ಜೋಡಿಸಿದ್ದಾರೆ.
ಜಿಂಗೋ ಗ್ಲಿಂಪ್ಸ್: 'ಜಿಂಗೋ' ಚಿತ್ರದ ನಾಯಕ ನಟನ ಇಂಟ್ರುಡಕ್ಷನ್ ವಿಡಿಯೋ ಅನಾವರಣಗೊಂಡಿದೆ. ಪ್ರತೀ ಡೈಲಾಗ್ಸ್ ಕೂಡಾ ಮೈಜುಂ ಎನ್ನುವಂತಿದೆ. ನಟನ ಎಂಟ್ರಿ ಒಂತೂ ಅದ್ಭುತ. ವೇದಿಕೆಯಲ್ಲಿ ಭಾಷಣ ಮಾಡೋ ಮೂಲಕ ಅಬ್ಬರಿಸಿದ್ದಾರೆ. ಜಿಂಗೋ ಬರ್ತ್ಡೇ ಬ್ಲ್ಯಾಸ್ಟ್ ಶೀರ್ಷಿಕೆಯ ವಿಡಿಯೋ ಈಗಾಗಲೇ 90 ಸಾವಿರಕ್ಕೂ ಅಧಿಕ ವೀಕ್ಷಣೆಗೊಂಡಿದೆ. ನಟರಾಕ್ಷಸನ ಅಭಿನಯಕ್ಕೆ ಮೆಚ್ಚುಗೆಯ ಮಹಾಪೂರವೇ ಹರಿದುಬರುತ್ತಿದೆ.
ಜಿಂಗೋ ಹಿಂದಿರುವ ಪ್ರೊಡಕ್ಷನ್ ಹೌಸ್ಗಳು ಮತ್ತು ನಾಯಕ ನಟ ಧನಂಜಯ್ ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಶೇರ್ ಮಾಡಿದ್ದಾರೆ. ಜೊತೆಗೆ, ''ನರ ನರ ಜಿಂಗೋ, ನರನಾಡಿ ಜಿಂಗೋ! ಜಿಂಗೋ ಬರ್ತ್ಡೇ ಬ್ಲ್ಯಾಸ್ಟ್ ರಿಲೀಸ್'' ಎಂದು ಬರೆದುಕೊಂಡಿದ್ದಾರೆ.
ಇತ್ತೀಚೆಗಷ್ಟೇ ಇನ್ಸ್ಟಾ ಸ್ಟೋರಿಯೊಂದನ್ನು ಹಂಚಿಕೊಂಡಿದ್ದ ಡಾಲಿ ಧನಂಜಯ್, ಪ್ರತಿ ವರ್ಷದಂತೆ ನಿಮ್ಮ ಜೊತೆ ಬರ್ತ್ಡೇ ಸೆಲೆಬ್ರೇಟ್ ಮಾಡಿಕೊಳ್ಳುವ ಆಸೆ ಇದೆ. ಆದ್ರೆ ಈ ಬಾರಿ ಕಾರಣಾಂತರಗಳಿಂದ ನಿಮ್ಮೊಂದಿಗೆ ಹುಟ್ಟುಹಬ್ಬ ಸಂಭ್ರಮಿಸಲು ಸಾಧ್ಯವಾಗುತ್ತಿಲ್ಲ. ಎಲ್ಲಿರುತ್ತೀರೋ ಅಲ್ಲಿಂದಲೇ ಹರಸಿ, ಹಾರೈಸಿ ಎಂದು ತಿಳಿಸಿದ್ದರು. ಆದ್ರೆ ನಿರೀಕ್ಷೆಯಂತೆ ನಟನ ಮುಂದಿನ ಬಹುನಿರೀಕ್ಷಿತ ಚಿತ್ರಗಳ ತಂಡದಿಂದ ಅಭಿಮಾನಿಗಳಿಗೆ ಸ್ಪೆಷಲ್ ಟ್ರೀಟ್ ಸಿಕ್ಕಿದೆ. 'ಅಣ್ಣ From Mexico' ಮತ್ತು 'ಉತ್ತರಕಾಂಡ' ಚಿತ್ರಗಳ ಇಂಟ್ರೆಸ್ಟಿಂಗ್ ಪೋಸ್ಟರ್ಗಳು ಅನಾವರಣಗೊಂಡಿವೆ.
ಶಂಕರ್ ಗುರು ನಿರ್ದೇಶನದ 'ಅಣ್ಣ From Mexico' ಆ್ಯಕ್ಷನ್ ಮತ್ತು ಫ್ಯಾಮಿಲಿ ಎಂಟರ್ಟೈನರ್ ಸಿನಿಮಾ. ಸತ್ಯ ರಾಯಲ ಅವರು ದಿ ರಾಯಲ್ ಸ್ಟುಡಿಯೋಸ್ ಮೂಲಕ ನಿರ್ಮಾಣ ಮಾಡುತ್ತಿದ್ದಾರೆ. ವಾಸುಕಿ ವೈಭವ್ ಸಂಗೀತ ಸಂಯೋಜಿಸುತ್ತಿದ್ದಾರೆ. ಇನ್ನೂ ರೋಹಿತ್ ಪದಕಿ ನಿರ್ದೇಶನದ ಉತ್ತರಕಾಂಡ ಚಿತ್ರವನ್ನು ಕೆಆರ್ಜಿ ಸ್ಟುಡಿಯೋಸ್ನ ಕಾರ್ತಿಕ್ ಮತ್ತು ಯೋಗಿ ಜಿ ರಾಜ್ ನಿರ್ಮಾಣ ಮಾಡುತ್ತಿದ್ದಾರೆ. ಅಮಿತ್‌ ತ್ರಿವೇದಿ ಚಿತ್ರಕ್ಕೆ ಸಂಗೀತ ಒದಗಿಸುತ್ತಿದ್ದಾರೆ. ಅಧ್ವೈತ ಗುರುಮೂರ್ತಿ ಅವರ ಛಾಯಾಗ್ರಹಣ ಮತ್ತು ಅನಿಲ್ ಅನಿರುದ್ಧ್ ಅವರ ಸಂಕಲನ ಈ ಚಿತ್ರಕ್ಕಿರಲಿದೆ.
ಇದನ್ನೂ ಓದಿ: 'ಅಣ್ಣ From Mexico' ಆದ್ರೂ ಅಪ್ಪಟ ಕನ್ನಡಿಗ: ಡಾಲಿ ಧನಂಜಯ್ ಜನ್ಮದಿನಕ್ಕಿದು ಸ್ಪೆಷಲ್ ಗಿಫ್ಟ್ - Anna From Mexico
