ಬಾಲಿವುಡ್ ಐಕಾನ್ ಐಶ್ವರ್ಯಾ ರೈ ಬಚ್ಚನ್ ಸಿನಿಮಾಗಳಿಂದ ದೂರವುಳಿದಿದ್ದರೂ, ಜನಮಾನಸದಲ್ಲಿ ಭದ್ರ ಸ್ಥಾನ ಹೊಂದಿದ್ದಾರೆ. ಜಾಗತಿಕ ವೇದಿಕೆಗಳಲ್ಲಿ ಹೆಜ್ಜೆ ಹಾಕುವ ಮೂಲಕ ತಮ್ಮ ಉನ್ನತ ಸ್ಥಾನವನ್ನು ಕಾಪಾಡಿಕೊಂಡಿದ್ದಾರೆ. ಇಂಟರ್ನ್ಯಾಷನಲ್ ಈವೆಂಟ್ಸ್, ಅಪರೂಪಕ್ಕೆ ಸೋಷಿಯಲ್ ಮೀಡಿಯಾ ಪೋಸ್ಟ್, ಏರ್ಪೋರ್ಟ್ ವಿಡಿಯೋ ಎಂದು ಸದಾ ಸುದ್ದಿಯಲ್ಲಿರುವ ನಟಿ ವಿಚ್ಛೇದನ ವದಂತಿಗಳಿಂದಲೂ ಚರ್ಚೆಯ ವಿಷಯವಾಗಿದ್ದಾರೆ.
ಇತ್ತೀಚೆಗೆ ದುಬೈನಲ್ಲಿ ನಡೆದ ಗ್ಲೋಬಲ್ ವುಮೆನ್ಸ್ ಫೋರಮ್‌ನಲ್ಲಿ ಭಾಗವಹಿಸಿದ್ದ ಐಶ್ವರ್ಯಾ ರೈ ಬಚ್ಚನ್, ಪ್ರಭಾವಿ ಮಹಿಳೆಯರ ಸಭೆಯನ್ನುದ್ದೇಶಿಸಿ ಮಾತನಾಡಿದ್ದರು. ಈವೆಂಟ್ನ ಕೆಲ ವಿಡಿಯೋಗಳು ಶೇರ್ ಅಗಿವೆ. ಜೊತೆಗೆ, ದುಬೈನಿಂದ ಮುಂಬೈಗೆ ಆಗಮಿಸಿದ ನಂತರ ಏರ್ಪೋರ್ಟ್ ವಿಡಿಯೋಗಳೂ ಕೂಡಾ ವೈರಲ್ ಆಗಿವೆ. ಎಂದಿನಂತೆ ಮುಂಬೈ ಏರ್ಪೋರ್ಟ್ನಲ್ಲಿದ್ದ ಪಾಪರಾಜಿಗಳು ಮಾಜಿ ವಿಶ್ವಸುಂದರಿಯ ವಿಡಿಯೋ ಹಂಚಿಕೊಂಡಿದ್ದು, ವ್ಯಾಪಕವಾಗಿ ವೈರಲ್ ಆಗಿವೆ. ಇದರ ಬೆನ್ನಲ್ಲೇ ಐಶ್ ಮೊಬೈಲ್ ವಾಲ್ಪೇಪರ್ನಲ್ಲಿದು ಏನು ಎಂಬುದನ್ನು ನೆಟ್ಟಿಗರು ತಿಳಿಯಲು ಯತ್ನಿಸಿದ್ದಾರೆ.
ಮೊಬೈಲ್ ವಾಲ್ಪೇಪರ್ನಲ್ಲಿರೋದೇನು? ಬ್ಲ್ಯಾಕ್ ಔಟ್ಫಿಟ್ನಲ್ಲಿ ಬಹಳ ಸುಂದರವಾಗಿ ಕಾಣಿಸಿಕೊಂಡ ಬಾಲಿವುಡ್ ನಟಿ ಕೈಯಲ್ಲಿ ಒಂದು ಬ್ಯಾಗ್ ಮತ್ತು ಮೊಬೈಲ್ ಹಿಡಿದಿದ್ದರು. ಮೊಬೈಲ್ ಸ್ಕ್ರೀನ್ ಆನ್ ಆಗಿತ್ತು. ವಾಲ್ಪೇಪರ್ನಲ್ಲಿರೋದೇನು ಎಂಬುದನ್ನು ತಿಳಿಯಲು ನೆಟ್ಟಿಗರು ವಿಡಿಯೋ ಝೂಮ್ ಮಾಡಿದ್ದಾರೆ. ಕೆಲವರು ಇದು ಮಾವ, ಬಾಲಿವುಡ್ ದಂತಕಥೆ ಅಮಿತಾಭ್ ಬಚ್ಚನ್ ಎಂದೇ ಭಾವಿಸಿದ್ದಾರೆ. ಅಭಿಷೇಕ್ ಬಚ್ಚನ್ ಅವರಿಂದ ಐಶ್ವರ್ಯಾ ವಿಚ್ಛೇದನ ಪಡೆಯಲಿದ್ದಾರಾ ಎಂಬ ವದಂತಿ ಜೋರಾಗೇ ಹಬ್ಬಿರುವ ಈ ಹೊತ್ತಲ್ಲಿ, ವಾಲ್ಪೇಪರ್ನಲ್ಲಿರೋದು ಅಮಿತಾಭ್ ಬಚ್ಚನ್ ಎಂದೇ ಭಾವಿಸಿದ ಹಲವರು ಕುಟುಂಬದಲ್ಲಿ ಏನೂ ತೊಂದರೆ ಇಲ್ಲ ಎಂದು ನಿರಾಳರಾದರು. ಆದರೆ ವಾಲ್ಪೇಪರ್ನಲ್ಲಿರೋದು ಅಮಿತಾಭ್ ಬಚ್ಚನ್ ಅಲ್ಲ. ಬದಲಾಗಿ, ಮುದ್ದಿನ ಮಗಳು ಆರಾಧ್ಯ.
ಇದನ್ನೂ ಓದಿ: 'ಬಚ್ಚನ್' ಸರ್ನೇಮ್ ಕೈಬಿಟ್ಟ ಐಶ್ವರ್ಯಾ ರೈ! ಐಶ್-ಅಭಿ ಡಿವೋರ್ಸ್ ರೂಮರ್ಸ್ ಉಲ್ಭಣ
ಆರಾಧ್ಯ ಸದಾ ತಾಯಿ ಐಶ್ವರ್ಯಾ ಅವರೊಂದಿಗೆ ಕಾಣಿಸಿಕೊಳ್ಳೋದು ನಿಮಗೆ ತಿಳಿದಿರುವ ವಿಚಾರವೇ. ನ್ಯಾಷನಲ್, ಇಂಟರ್ನ್ಯಾಷನಲ್ ಈವೆಂಟ್ಗಳಿಗೆ ಹೋಗುವಾಗ ಐಶ್ ಹೆಚ್ಚಾಗಿ ತಮ್ಮ ಮುದ್ದಿನ ಮಗಳನ್ನು ಕರೆದುಕೊಂಡು ಹೋಗುತ್ತಾರೆ. ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗಿ ಮಗಳೊಂದಿಗೆ ಕಾಣಿಸಿಕೊಳ್ಳುವ ಐಶ್ವರ್ಯಾ ಅವರು ಕುಟುಂಬದಿಂದ ದೂರವುಳಿದಿದ್ದಾರಾ? ಎಂಬ ಪ್ರಶ್ನೆಗೆ ನೆಟಿಜನ್ಗಳದ್ದು. ಸದ್ಯ ಮೊಬೈಲ್ ವಾಲ್ಪೇಪರ್ನಲ್ಲೂ ಮಗಳೇ ಕಾಣಿಸಿಕೊಂಡಿದ್ದಾಳೆ. ಪುಟ್ಟ ಆರಾಧ್ಯರನ್ನು ಐಶ್ವರ್ಯಾ ಹಿಡಿದಿರುವ ಫೋಟೋ ಇದಾಗಿದೆ.
ಇದನ್ನೂ ಓದಿ: ತುಳುನಾಡಿನ ಸಂಪ್ರದಾಯ ಮರೆಯದ ಐಶ್ವರ್ಯಾ ರೈ: ಭಾಷಾಪ್ರೇಮದ ವಿಡಿಯೋ ನೋಡಿ
ದುಬೈ ಈವೆಂಟ್ನ ಕೆಲ ದೃಶ್ಯಗಳನ್ನು ದುಬೈ ವುಮೆನ್ ಎಸ್ಟಾಬ್ಲಿಷ್‌ಮೆಂಟ್‌ನ ಅಧಿಕೃತ ಇನ್‌ಸ್ಟಾಗ್ರಾಮ್ನಲ್ಲಿ ಶೇರ್ ಮಾಡಲಾಗಿದೆ. ವಿಡಿಯೋದಲ್ಲಿ ನಟಿ ಬೆರಗುಗೊಳಿಸುವ ನೋಟ ಬೀರಿದ್ದಾರೆ. ಜೊತೆಗೆ, ತಮ್ಮ ಅರ್ಥಗರ್ಭಿತ ಮಾತುಗಳಿಂದ ಸಭೆಯನ್ನು ಆಕರ್ಷಿಸಿದ್ದಾರೆ. ಆದ್ರೆ ಈವೆಂಟ್ನಲ್ಲಿ ಅವರ ಹೆಸರನ್ನು ಕೇವಲ 'ಐಶ್ವರ್ಯಾ ರೈ - ಅಂತಾರಾಷ್ಟ್ರೀಯ ತಾರೆ' ಎಂದು ತೋರಿಸಲಾಗಿದ್ದು, ಇದೀಗ ಸಾಕಷ್ಟು ಚರ್ಚೆಗೆ ಒಳಗಾಗಿತ್ತು. ಈವರೆಗೆ ಐಶ್ವರ್ಯಾ ರೈ ಬಚ್ಚನ್ ಎಂದು ಉಲ್ಲೇಖಿಸಲಾಗುತ್ತಿತ್ತು. ಆದ್ರೀಗ ಕೇವಲ ಐಶ್ವರ್ಯಾ ರೈ ಎಂದು ಬಂದಿದ್ದು, ವಿಚ್ಛೇದನ ವದಂತಿಗಳು ಉಲ್ಭಣಗೊಂಡಿವೆ.
