''ಎಂಥ ಚೆಂದಾನೆ ಇವಳು'' ಅಂತಿದ್ದಾರೆ ರಿಷಬ್​​ ಶೆಟ್ಟಿ ತಂಡ: 'ಲಾಫಿಂಗ್ ಬುದ್ಧ'ನ ಮೊದಲ ಹಾಡು ಬಿಡುಗಡೆಗೆ ದಿನ ನಿಗದಿ - Enta Chendane Ivalu

ನಟನೆ, ನಿರ್ದೇಶನದ ಜೊತೆಗೆ ನಿರ್ಮಾಣದಲ್ಲೂ ತಮ್ಮನ್ನು ತಾವು ತೊಡಗಿಸಿಕೊಂಂಡಿರುವ ಕನ್ನಡದ ಜನಪ್ರಿಯ ನಟ ರಿಷಬ್ ಶೆಟ್ಟಿ ಅವರ ಮುಂದಿನ ಬಹುನಿರೀಕ್ಷಿತ ಚಿತ್ರ 'ಲಾಫಿಂಗ್ ಬುದ್ಧ'. ರಿಷಬ್ ಶೆಟ್ಟಿ ಫಿಲ್ಮ್ಸ್ ಅಡಿ ನಿರ್ಮಾಣಗೊಳ್ಳುತ್ತಿರುವ 'ಲಾಫಿಂಗ್ ಬುದ್ಧ' ಸಿನಿಮಾದ ಮೊದಲ ಗೀತೆ ಅನಾವರಣಕ್ಕೆ ಮುಹೂರ್ತ ಫಿಕ್ಸ್​ ಆಗಿದ್ದು, ಚಿತ್ರ ನಿರ್ಮಾಪಕರು ತಮ್ಮ ಅಧಿಕೃತ ಸೋಷಿಯಲ್​ ಮೀಡಿಯಾದಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.

ರಿಷಬ್ ಶೆಟ್ಟಿ, ಕನ್ನಡ ಚಿತ್ರರಂಗ ಪ್ರತಿಭಾವಂತ ನಟ. ಅಭಿನಯಕ್ಕೆ ಮಾತ್ರ ಸೀಮಿತವಾಗಿರದೇ ಸಿನಿಮಾದ ವಿವಿಧ ವಿಭಾಗಗಳಲ್ಲಿ ತಮ್ಮ ಛಾಪು ಮೂಡಿಸಿದ್ದಾರೆ. ಇದೀಗ ಕಾಂತಾರದ ಮತ್ತೊಂದು ಭಾಗದ ಜೊತೆಗೆ 'ಲಾಫಿಂಗ್ ಬುದ್ಧ' ಸಿನಿಮಾ ಸಲುವಾಗಿಯೂ ಸುದ್ದಿಯಲ್ಲಿದ್ದಾರೆ. ಇದು ನಟ ನಿರ್ಮಿಸುತ್ತಿರುವ ಹೊಸ ಚಿತ್ರ.

ಸಿನಿಮಾದ ಮೊದಲ ಹಾಡು: ಪ್ರೇಕ್ಷಕರಿಗೆ ಮನರಂಜನೆಯ ರಸದೌತಣ ಉಣಬಡಿಸಲು ಸಜ್ಜಾಗುತ್ತಿರುವ 'ಲಾಫಿಂಗ್ ಬುದ್ಧ' ಸಿನಿಮಾದ ಮೊದಲ ಹಾಡು ಬಿಡುಗಡೆಗೆ ಮುಹೂರ್ತ ಫಿಕ್ಸ್​ ಆಗಿದೆ. ಪೋಸ್ಟ್ ಪ್ರೊಡಕ್ಷನ್​​​ ಕೆಲಸದಲ್ಲಿ ಬ್ಯುಸಿಯಾಗಿರುವ ಚಿತ್ರತಂಡ ಸಿನಿಮಾ ಪ್ರಚಾರ ಶುರುಹಚ್ಚಿಕೊಳ್ಳಲು ನಿರ್ಧರಿಸಿದೆ. ಅದರ ಭಾಗವಾಗಿ ಸಿನಿಮಾದ ಮೊದಲ ಹಾಡು ಬಿಡುಗಡೆಗೆ ದಿನ ನಿಗದಿ ಆಗಿದೆ. ''ಎಂಥ ಚೆಂದಾನೆ ಇವಳು'' ಶೀರ್ಷಿಕೆಯ ಹಾಡು ಇದಾಗಿದೆ.

" enta chendane ivalu" 🌼🌻

the first single from laughing buddha is set to release on august 7th on the @rishabsfilms YouTube channel.#LaughingBuddha #LaughingBuddhaOn30Aug #Rishabshetty #Rishabshettyfilms #EntaChendaneIvalu pic.twitter.com/GubzPUPIa7

— Rishab Shetty (@shetty_rishab) August 5, 2024

ರಿಷಬ್​ ಶೆಟ್ಟಿ ನಿರ್ಮಾಣದ 'ಲಾಫಿಂಗ್ ಬುದ್ಧ': ವಿಭಿನ್ನ ಕಥಾಹಂದರಗಳನ್ನೊಳಗೊಂಡ ಸಿನಿಮಾಗಳಿಗೆ ಆ್ಯಕ್ಷನ್​ ಕಟ್​​ ಹೇಳಿ, ಅಭಿನಯಿಸೋದು ಮಾತ್ರವಲ್ಲದೇ ಸಿನಿಮಾ ನಿರ್ಮಾಣ ಕೆಲಸದಲ್ಲೂ ತಮ್ಮನ್ನು ತೊಡಗಿಸಿಕೊಂಡಿರುವ ಡಿವೈನ್​ ಸ್ಟಾರ್​ ಖ್ಯಾತಿಯ ರಿಷಬ್​ ಶೆಟ್ಟಿ ಅವರ ಮುಂದಿನ ಬಹುನಿರೀಕ್ಷಿತವಿದು. ರಿಷಬ್ ಶೆಟ್ಟಿ ಫಿಲ್ಮ್ಸ್ಅಡಿ ನಿರ್ಮಾಣಗೊಳ್ಳುತ್ತಿರುವ 'ಲಾಫಿಂಗ್ ಬುದ್ಧ' ಸಿನಿಮಾದ ಮೊದಲ ಗೀತೆ ಶೀಘ್ರದಲ್ಲೇ ಅನಾವರಣಗೊಳ್ಳಲಿದೆ. ಈ ವಿಚಾರವನ್ನು ಸ್ವತಃ ನಿರ್ಮಾಪಕ ರಿಷಬ್​ ಶೆಟ್ಟಿ ಅವರೇ ತಮ್ಮ ಅಧಿಕೃತ ಸೋಷಿಯಲ್​ ಮೀಡಿಯಾ ಖಾತೆಗಳಲ್ಲಿ ಹಂಚಿಕೊಂಡಿದ್ದಾರೆ.

ರಿಷಬ್​ ಶೆಟ್ಟಿ ಪೋಸ್ಟ್​: ತಮ್ಮ ಅಧಿಕೃತ ಇನ್​ಸ್ಟಾಗ್ರಾಮ್​, ಎಕ್ಸ್​​ ಖಾತೆಗಳಲ್ಲಿ ಸಾಂಗ್​ ರಿಲೀಸ್​​ ಅನೌನ್ಸ್​ಮೆಂಟ್​ನ ಸಣ್ಣ ಗ್ಲಿಂಪ್ಸ್ ಒಂದನ್ನು ಹಂಚಿಕೊಂಡ ರಿಷಬ್​ ಶೆಟ್ಟಿ, 'ಎಂಥ ಚೆಂದಾನೆ ಇವಳು', ರಿಷಬ್​ ಶೆಟ್ಟಿ ಫಿಲ್ಮ್ಸ್ ಯೂಟ್ಯೂಬ್​​ ಚಾನಲ್​​​ನಲ್ಲಿ ಲಾಫಿಂಗ್ ಬುದ್ಧ ಸಿನಿಮಾದ ಮೊದಲ ಸಾಂಗ್​​ ಆಗಸ್ಟ್​​ 7ರಂದು ಅನಾವರಣಗೊಳ್ಳಲಿದೆ'' ಎಂದು ಬರೆದುಕೊಂಡಿದ್ದಾರೆ.

ಆತ್ಮೀಯ ಮಿಲನ ಕಾರ್ಯಕ್ರಮಕ್ಕೆ ನಿಮ್ಮೆಲ್ಲರಿಗೂ ಆಮಂತ್ರಣ..

ಬನ್ನಿ ಎಲ್ಲರೂ, ನಮ್ ಪೊಲೀಸ್ ಸ್ಟೇಶನ್ ಗೆ ಹೋಗ್ ಬರೋಣ!! 🚨

Buckle Up for the First Single from Laughing Buddha Film 🕶️#LaughingBuddha #LaughingBuddhaOn30Aug #Rishabshetty #Rishabshettyfilms pic.twitter.com/rENBFciRGo

— Rishab Shetty (@shetty_rishab) August 4, 2024

ಕೆ. ಕಲ್ಯಾಣ್​ ಅವರ ಸಾಹಿತ್ಯಕ್ಕೆ ವಿಷ್ಣು ವಿಜಯ್​ ಮ್ಯೂಸಿಕ್​ ನೀಡಿದ್ದು, ಕಪಿಲ್​ ಕಪಿಲನ್​​ ದನಿಯಾಗಿದ್ದಾರೆ. ಸಿನಿಮಾ ಸಾಂಗ್​​ನ ಅನೌನ್ಸ್​​ಮೆಂಟ್​ ವಿಡಿಯೋದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿರುವ ಪ್ರಮೋದ್​ ಶೆಟ್ಟಿ ಕಾಣಿಸಿಕೊಂಡಿದ್ದು, ಸಿನಿಮಾ ಸುತ್ತಲಿನ ಕುತೂಹಲ ದುಪ್ಪಟ್ಟಾಗಿದೆ.

ಇದನ್ನೂ ಓದಿ: ಇಂದು ಮುಂಬೈನಲ್ಲಿ 'ಮಾರ್ಟಿನ್'​ ಟ್ರೇಲರ್​​ ಬಿಡುಗಡೆ: ಧ್ರುವ ಸರ್ಜಾ ಅಭಿಮಾನಿಗಳಲ್ಲಿ ಗರಿಗೆದರಿದ ಕುತೂಹಲ - Dhruva Sarja Martin

ಕಳೆದ ದಿನ ಇಂಟ್ರೆಸ್ಟಿಂಗ್​ ಪೋಸ್ಟರ್ ಒಂದನ್ನು ಶೇರ್ ಮಾಡಿದ್ದ ನಿರ್ಮಾಪಕರು, ''ಆತ್ಮೀಯ ಮಿಲನ ಕಾರ್ಯಕ್ರಮಕ್ಕೆ ನಿಮ್ಮೆಲ್ಲರಿಗೂ ಆಮಂತ್ರಣ. ಬನ್ನಿ ಎಲ್ಲರೂ, ನಮ್ ಪೊಲೀಸ್ ಸ್ಟೇಶನ್​​ಗೆ ಹೋಗ್ ಬರೋಣ'' ಎಂದು ಬರೆದುಕೊಂಡಿದ್ದರು. ಪೋಸ್ಟರ್​​​ನ ಚಿತ್ರ ಪೊಲಿಸ್​ ಸ್ಟೇಷನ್​​ ಟೇಬಲ್​​​ನಂತೆ ತೋರಿದ್ದು, ನಮ್ಮ ಸಿನಿಮಾದ ಮೊದಲ ಹಾಡಿಗೆ ತಯಾರಾಗಿ ಎಂಬ ಶೀರ್ಷಿಕೆ ಅದರಲ್ಲಿತ್ತು. ಇದರ ಬೆನ್ನಲ್ಲೇ ಚಿಕ್ಕ ಗ್ಲಿಂಪ್ಸ್​ ಅನಾವರಣಗೊಂಡು, ಫಸ್ಟ್ ಸಾಂಗ್​ ರಿಲೀಸ್​ ಡೇಟ್​​ ಅನೌನ್ಸ್​ ಆಗಿದೆ.

ಇದನ್ನೂ ಓದಿ: ಸಪ್ತಸಾಗರದಾಚೆ ಎಲ್ಲೋ ಸಿನಿಮಾಗೆ 6 ಪ್ರಶಸ್ತಿ: ಸೌತ್ ಸಿನಿರಂಗದ ಯಾವ್ಯಾವ ನಟ-ನಟಿಯರಿಗೆ ಸಿಕ್ತು ಅವಾರ್ಡ್​? - 69th SOBHA Filmfare Awards

ಹಾಸ್ಯ ಚಿತ್ರಕ್ಕೆ ಎಂ ಭರತ್ ರಾಜ್ ಆ್ಯಕ್ಷನ್​ ಕಟ್​ ಹೇಳಿದ್ದಾರೆ. ಪ್ರಮೋದ್ ಶೆಟ್ಟಿ ಜೊತೆ ಹಿರಿಯ ನಟ ಪ್ರಕಾಶ್ ಬೆಳವಾಡಿ ಪುತ್ರಿ ತೇಜು ಬೆಳವಾಡಿ ತೆರೆಹಂಚಿಕೊಂಡಿದ್ದಾರೆ. ಚಂದ್ರಶೇಖರ್ ಕ್ಯಾಮರಾ ನಿರ್ವಹಿಸಿದ್ದು, ಕೆ.ಎಂ ಪ್ರಕಾಶ್ ಎಡಿಟಿಂಗ್​ ನಿರ್ವಹಿಸಿದ್ದಾರೆ. ಸಾಗರ, ಭದ್ರಾವತಿ, ಜೋಗ, ಬೆಂಗಳೂರು ಸುತ್ತಮುತ್ತ ಶೂಟಿಂಗ್​​ ನಡೆದಿದ್ದು, ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಕೂಡ ಬಹುತೇಕ ಪೂರ್ಣಗೊಂಡಿವೆ. ಆದಷ್ಟು ಬೇಗ ಸಿನಿಮಾ ಬಿಡುಗಡೆ ಮಾಡಬೇಕೆಂಬ ಯೋಜನೆ 'ಲಾಫಿಂಗ್ ಬುದ್ಧ' ತಂಡದ್ದು.