ಆ್ಯಕ್ಷನ್ ಹೀರೋ ವಿದ್ಯುತ್ ಜಮ್ವಾಲ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ 'ಕ್ರೆಕ್: ಜೀತೇಗಾ ತೊ ಜೀಯೇಗಾ' ಇಂದು ತೆರೆಗಪ್ಪಳಿಸಿದೆ. ಮತ್ತೊಂದೆಡೆ ಯಾವಿ ಗೌತಮ್ ನಟನೆಯ 'ಆರ್ಟಿಕಲ್ 370' ಕೂಡ ಚಿತ್ರಮಂದಿರ ಪ್ರವೇಶಿಸಿದ್ದು, ಪ್ರೇಕ್ಷಕರಿಗೆ ಮನರಂಜನೆಯ ರಸದೌತಣ ಉಣ ಬಡಿಸುತ್ತಿದೆ. ಬಾಲಿವುಡ್ನ ಎರಡು ಬಹುನಿರೀಕ್ಷಿತ ಚಿತ್ರಗಳು ಬಿಡುಗಡೆ ಆದ ಹಿನ್ನೆಲೆ, ಬಾಕ್ಸ್ ಆಫೀಸ್ನಲ್ಲಿ ಬಿಗ್ ಫೈಟ್ ಪಕ್ಕಾ ಅಂತಾರೆ ಸಿನಿ ಪಂಡಿತರು.
- " class="align-text-top noRightClick twitterSection" data="">
ಆದಿತ್ಯ ದತ್ ನಿರ್ದೇಶನದ 'ಕ್ರೆಕ್' ಸಿನಿಮಾದಲ್ಲಿ ನೋರಾ ಫತೇಹಿ, ಅರ್ಜುನ್ ರಾಂಪಾಲ್ ಮತ್ತು ಆ್ಯಮಿ ಜಾಕ್ಸನ್ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಸಾಂಗ್ಸ್ ಮತ್ತು ಟ್ರೇಲರ್‌ಗಳಿಂದ ಸಕಾರಾತ್ಮಕ ಪ್ರತಿಕ್ರಿಯೆ ಸ್ವೀಕರಿಸಿದ್ದ ಈ ಚಿತ್ರ ಫೈನಲಿ ತೆರೆಗಪ್ಪಳಿಸಿ ಮಿಶ್ರ ಪ್ರತಿಕ್ರಿಯೆ ಸ್ವೀಕರಿಸುತ್ತಿದೆ. 'ಆರ್ಟಿಕಲ್ 370' ಜೊತೆ ಮುಖಾಮುಖಿಯಾಗಿದೆ.
'ಕ್ರೆಕ್' ಭಾರತದಲ್ಲಿ ತನ್ನ ಮೊದಲ ದಿನ 2-3 ಕೋಟಿ ರೂ. ಕಲೆಕ್ಷನ್ ಮಾಡುವ ನಿರೀಕ್ಷೆ ಇದೆ. ಆರಂಭಿಕ ದಿನದ ಟಿಕೆಟ್‌ಗಳು 99 ರೂ.ಗಳಿಗೆ ಲಭ್ಯವಿದೆ. 750ಕ್ಕೂ ಹೆಚ್ಚು ಸ್ಕ್ರೀನ್ಗಳಲ್ಲಿ ಬಿಡುಗಡೆಗೊಂಡಿದೆ. ಜಾಗತಿಕ ಮಟ್ಟದಲ್ಲಿ 2 ಕೋಟಿ ರೂ.ಗೂ ಅಧಿಕ ಹಣ ಗಳಿಸುವ ನಿರೀಕ್ಷೆ ಇದೆ.
ಯಾಮಿ ಗೌತಮ್ ಮತ್ತು ಪ್ರಿಯಾಮಣಿ ಅಭಿನಯದ ಪೊಲಿಟಿಕಲ್ ಥ್ರಿಲ್ಲರ್ ಚಿತ್ರ ಆರ್ಟಿಕಲ್ 370 ಕೂಡ ಇಂದೇ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಿದೆ. ರಾಷ್ಟ್ರಪ್ರಶಸ್ತಿ ವಿಜೇತ ನಿರ್ದೇಶಕ ಆದಿತ್ಯ ಸುಹಾಸ್ ಜಂಭಳೆ ನಿರ್ದೇಶನದ ಈ ಚಿತ್ರವು ಜಮ್ಮು ಮತ್ತು ಕಾಶ್ಮೀರದ ವಿಶೇಷ ಸ್ಥಾನಮಾನವನ್ನು ರದ್ದುಗೊಳಿಸಿದ ವಿಚಾರವನ್ನು ಆಧರಿಸಿದೆ. ಮುಂಗಡ ವ್ಯವಹಾರ ಉತ್ತಮವಾಗಿದೆ.
- " class="align-text-top noRightClick twitterSection" data="">
ಇದನ್ನೂ ಓದಿ: 'ಫಾರ್ ರಿಜಿಸ್ಟ್ರೇಷನ್' ರಿಲೀಸ್: ಭಾರಿ ಮೊತ್ತಕ್ಕೆ ತೆಲುಗು ಡಬ್ಬಿಂಗ್ ರೈಟ್ಸ್ ಸೇಲ್
ಅಂದಾಜಿನ ಪ್ರಕಾರ, ಆರ್ಟಿಕಲ್ 370 ಸಿನಿಮಾ ಭಾರತದಾದ್ಯಂತ 1,500 ಚಿತ್ರಮಂದಿರಗಳಲ್ಲಿ, 2,200 ಸ್ಕ್ರೀನ್ಗಳಲ್ಲಿ ಪ್ರದರ್ಶನ ಕಾಣುತ್ತಿದೆ. ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ವರದಿ ಪ್ರಕಾರ, ಈ ಸಿನಿಮಾ ಉತ್ತಮ ಅಂಕಿ - ಅಂಶಗಳೊಂದಿಗೆ ಬಾಕ್ಸ್ ಆಫೀಸ್ ಪ್ರಯಾಣ ಪ್ರಾರಂಭಿಸುವ ನಿರೀಕ್ಷೆ ಇದೆ. PVR, INOX ಮತ್ತು Cinepolis ನಲ್ಲಿ 80,000ಕ್ಕೂ ಹೆಚ್ಚು ಟಿಕೆಟ್‌ಗಳನ್ನು ಮಾರಾಟ ಮಾಡಿದೆ. ಮೊದಲ ದಿನಕ್ಕೆ ಸರಿ ಸುಮಾರು 1,00,000 ಟಿಕೆಟ್‌ಗಳನ್ನು ಮಾರಾಟ ಮಾಡುವ ನಿರೀಕ್ಷೆ ಇದೆ.
ಇದನ್ನೂ ಓದಿ: ಆಲಿಯಾ ಭಟ್ - ವೇದಾಂಗ್ ರೈನಾ ಸ್ಕ್ರೀನ್ ಶೇರ್: 'ಜಿಗ್ರಾ' ಶೂಟಿಂಗ್ ಕಂಪ್ಲೀಟ್
ಜಿಯೋ ಸ್ಟುಡಿಯೋಸ್ ಮತ್ತು ಬಿ62 ಸ್ಟುಡಿಯೋಸ್ ನಿರ್ಮಿಸಿರುವ ಈ ಚಿತ್ರವು 2019ರಲ್ಲಿ ಜಮ್ಮು ಮತ್ತು ಕಾಶ್ಮೀರದ 370ನೇ ವಿಧಿಯನ್ನು ಭಾರತ ಸರ್ಕಾರ ರದ್ದುಗೊಳಿಸಿದ ನೈಜ ಘಟನೆ ಸುತ್ತ ಸುತ್ತುತ್ತದೆ. ಕಿರಣ್ ಕರ್ಮಾರ್ಕರ್ ಮತ್ತು ಅರುಣ್ ಗೋವಿಲ್ ಜೊತೆಗೆ ಯಾಮಿ ಗೌತಮ್ ಮತ್ತು ಪ್ರಿಯಾಮಣಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ.
