ನರ್ತನ್ ನಿರ್ದೇಶನದ ಬಹುನಿರೀಕ್ಷಿತ 'ಭೈರತಿ ರಣಗಲ್' ಇಂದು, ನವೆಂಬರ್ 15ರಂದು ಅದ್ಧೂರಿಯಾಗಿ ಚಿತ್ರಮಂದಿರ ಪ್ರವೇಶಿಸಿದೆ. ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ನಟನೆಯ ಚಿತ್ರಕ್ಕೆ ಆರಂಭಿಕವಾಗಿ ಬಹುತೇಕ ಮೆಚ್ಚುಗೆ ವ್ಯಕ್ತವಾಗಿದೆ. ಗೀತಾ ಪಿಕ್ಚರ್ಸ್ ನಿರ್ಮಾಣದ ಸಿನಿಮಾಗೆ ಅದ್ಧೂರಿ ಸ್ವಾಗತ ದೊರಕಿದ್ದು, ಸೋಷಿಯಲ್ ಮೀಡಿಯಾಗಳಲ್ಲಿ ಸೆಲೆಬ್ರೇಷನ್ ವಿಡಿಯೋಗಳು ಸಖತ್ ಸದ್ದು ಮಾಡಿವೆ.
350ಕ್ಕೂ ಹೆಚ್ಚು ಥಿಯೇಟರ್ಗಳಲ್ಲಿ 'ಭೈರತಿ ರಣಗಲ್' ಬಿಡುಗಡೆ ಆಗಿದೆ. ಬೆಂಗಳೂರಿನಲ್ಲಿ ಚಂದನವನದ ನಟರಾಕ್ಷಸ ಖ್ಯಾತಿಯ ಡಾಲಿ ಧನಂಜಯ್, ನಾಗಭೂಷಣ್, ವಿಕ್ಕಿ ಸಿನಿಮಾ ವೀಕ್ಷಿಸಿ ಸಂಭ್ರಮಿಸಿದ್ದಾರೆ. ಡಾಲಿ ಭರ್ಜರಿ ಡ್ಯಾನ್ಸ್ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗುತ್ತಿದ್ದು, ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
#BhairathiRanagal
— Satheesh Appu (@_satheeshappu) November 15, 2024
Dolly Dhananjay dancing after Bhairathi Ranagal Fans show at Nartaki pic.twitter.com/maFxHcoNkL
ಕೆ.ಜಿ.ರಸ್ತೆಯಲ್ಲಿರುವ ನರ್ತಕಿ ಥಿಯೇಟರ್ನಲ್ಲಿ ಮಾರ್ನಿಂಗ್ ಸ್ಪೆಷಲ್ ಶೋ ಹಮ್ಮಿಕೊಳ್ಳಲಾಗಿತ್ತು. ಈ ವಿಶೇಷ ಪ್ರದರ್ಶನಕ್ಕೆ ನಿರ್ಮಾಪಕಿ ಮತ್ತು ಶಿವರಾಜ್ಕುಮಾರ್ ಪತ್ನಿ ಗೀತಾ ಮತ್ತು ಪುತ್ರಿ ನಿವೇದಿತಾ ಹಾಜರಾಗಿದ್ದರು. ರಿಲೀಸ್ ಆಗಿರುವ ಥಿಯೇಟರ್ಗಳಲ್ಲಿ ಭೈರತಿ ರಣಗಲ್ ಹೌಸ್ಫುಲ್ ಪ್ರದರ್ಶನ ಕಾಣುತ್ತಿದೆ.
Hit ❌
— Dr Shivarajkumar updates ™ (@shivannaupdates) November 15, 2024
Super hit ❌
Blockbuster ❌
Industry hit ✅ #BhairathiRanagalReview#BhairathiRanagal#Shivanna #Shivarajkumar #KingShivanna #DrShivarajkumar #DrShivarajkumarUpdates pic.twitter.com/nmBJqIUpxp
ಕಲೆಕ್ಷನ್ ಎಷ್ಟಾಗಬಹುದು?: ಸಿನಿಮಾದ ಮೊದಲ ದಿನದ ಕಲೆಕ್ಷನ್ ಮೇಲೆ ಹೆಚ್ಚಿನವರ ಗಮನ ಇರುತ್ತದೆ. ಅದರಂತೆ ಇಂದು ಚಿತ್ರಮಂದಿರಗಳಲ್ಲಿ ಹೌಸ್ಫುಲ್ ಪ್ರದರ್ಶನ ಕಾಣುತ್ತಿರುವ ಭೈರತಿ ರಣಗಲ್ ತನ್ನ ಮೊದಲ ದಿನ ಎಷ್ಟು ಗಳಿಸಬಹುದು ಎಂದು ಅಭಿಮಾನಿಗಳು ಕುತೂಹಲ ವ್ಯಕ್ತಪಡಿಸಿದ್ದಾರೆ. ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಒದಗಿಸಿರುವ ಮಾಹಿತಿ ಪ್ರಕಾರ, ಭೈರತಿ ರಣಗಲ್ 0.37 ಕೋಟಿ ರೂಪಾಯಿ ಗಳಿಸಲಿದೆ. ಈ ಅಂಕಿಅಂಶ ಏರುವ ಸಾಧ್ಯತೆಗಳಿವೆ. ಅದಾಗ್ಯೂ, ಮೊದಲ ದಿನದ ಗಳಿಕೆ ಮಾಹಿತಿ ತಿಳಿಯಲು ಚಿತ್ರತಂಡದ ಅಧಿಕೃತ ಘೋಷಣೆಗೆ ಕಾಯಬೇಕಿದೆ.
#BhairathiRanagal Cult Mass sambavam by #Narthan. I thoroughly enjoyed the film and never had a dull moment in the movie. Shivanna's 💯% potential utilized after ages. Never miss this in a packed single screen. It's going to be wild rage at the KA BO. #Mufti sequel 🤞🏼4/5 pic.twitter.com/YQ4Kh8vzPO
— Rohit Venkataraman (@RohitvNiranjan) November 15, 2024
ಪ್ರೇಕ್ಷಕರ ಪ್ರತಿಕ್ರಿಯೆ ಹೇಗಿದೆ?: ಸಿನಿಮಾ ವೀಕ್ಷಿಸಿದವರು ಸೋಷಿಯಲ್ ಮೀಡಿಯಾ ಪ್ಲ್ಯಾಟ್ಪಾರ್ಮ್ಗಳಲ್ಲಿ ತಮ್ಮ ಪ್ರತಿಕ್ರಿಯೆ ಕೊಡುತ್ತಿದ್ದಾರೆ. ಎಕ್ಸ್ ಬಳಕೆದಾರರೋರ್ವರು ಟ್ವೀಟ್ ಮಾಡಿದ್ದು, 'ಹಿಟ್, ಸೂಪರ್ ಹಿಟ್, ಬ್ಲಾಕ್ಬಸ್ಟರ್ ಅಲ್ಲ, ಇಂಡಸ್ಟ್ರಿ ಹಿಟ್' ಎಂದು ಬರೆದುಕೊಂಡಿದ್ದಾರೆ. ಮತ್ತೋರ್ವರು ಪ್ರತಿಕ್ರಿಯಿಸಿ, ''ನರ್ತನ್ ಅವರಿಂದ ಕಲ್ಟ್ ಮಾಸ್ ಸಿನಿಮಾ ಬಂದಿದೆ. ಸಂಪೂರ್ಣ ಸಿನಿಮಾವನ್ನು ಆನಂದಿಸಿದೆ. ಶಿವಣ್ಣ ಈ ಸಿನಿಮಾಗಾಗಿ 100 ಪರ್ಸೆಂಟ್ ಕೊಟ್ಟಿದ್ದಾರೆ. ಈ ಸಿನಿಮಾವನ್ನು ಮಿಸ್ ಮಾಡಿಕೊಳ್ಳಬೇಡಿ. ರೇಟಿಂಗ್: 4/5'' ಎಂದು ತಿಳಿಸಿದ್ದಾರೆ. ಹೀಗೆ ಸಿನಿಮಾ ಹಿಟ್ ಎಂಬರ್ಥದಲ್ಲಿ ಕಾಮೆಂಟ್ಗಳು ಹರಿದು ಬರುತ್ತಿವೆ.
#BhairathiRanagal Review
— ಪ್ರತಿಭಾವಂತ (@01DBoss) November 15, 2024
1st Half Completed
Ufff ಯೇನ್ ಸಿನಿಮಾ ಗುರು ಮೈ ಯಲ್ಲ ಜುಂ ಅನ್ನಬಿಡ್ತು ಹೊರಗೆ ಬಂದ್ರೂ ಮೈ ಯಲ್ಲ ಜುಂ ಅಂತಿದೆ 🥵💥
1 Week Adru Mind Yalla Ranagal Character Sututaeute 🔥
One World
Never Expect Again That Other Can Make Movie Like This#Shivanna #Shivarajkumar pic.twitter.com/saX7NdsG7Z
ಇದನ್ನೂ ಓದಿ: 'ಭೈರತಿ ರಣಗಲ್' ಅದ್ಧೂರಿ ಬಿಡುಗಡೆ: ಲಾಂಗ್ ಹಿಡಿದು ಬಂದ ಅಭಿಮಾನಿ; ಸಂಭ್ರಮಾಚರಣೆಯ ವಿಡಿಯೋ ನೋಡಿ
ಸೆಂಚುರಿ ಸ್ಟಾರ್ ಜೊತೆ ಬಹುಬೇಡಿಕೆ ನಟಿ ರುಕ್ಮಿಣಿ ವಸಂತ್ ಕಾಣಿಸಿಕೊಂಡಿದ್ದಾರೆ. ಛಾಯಾಸಿಂಗ್, ಅವಿನಾಶ್, ಬಾಬು ಹಿರಣ್ಣಯ್ಯ, ಗೋಪಾಲಕೃಷ್ಣ ದೇಶಪಾಂಡೆ, ಮಧು ಗುರುಸ್ವಾಮಿ, ಡ್ಯಾನ್ಸಿಂಗ್ ರೋಸ್ ಶಬೀರ್, ಪ್ರತಾಪ್ ಸೇರಿದಂತೆ ಹಲವರು ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ.
ಇದನ್ನೂ ಓದಿ: 'A for Apple' ಅಲ್ಲ 'A for ಆನಂದ್': ಶಿಕ್ಷಕನಾದ ಹ್ಯಾಟ್ರಿಕ್ ಹೀರೋ; ಶಿವರಾಜ್ಕುಮಾರ್ ಹೊಸ ಸಿನಿಮಾ ಅನೌನ್ಸ್
ನರ್ತನ್ ಆ್ಯಕ್ಷನ್ ಕಟ್ ಹೇಳಿರುವ ಈ ಚಿತ್ರವನ್ನು ಗೀತಾ ಶಿವರಾಜಕುಮಾರ್ ಅವರು ತಮ್ಮ ಗೀತಾ ಪಿಕ್ಚರ್ಸ್ ಬ್ಯಾನರ್ ಅಡಿ ನಿರ್ಮಾಣ ಮಾಡಿದ್ದಾರೆ. ಸಿನಿಮಾಗೆ ರವಿ ಬಸ್ರೂರ್ ಸಂಗೀತ, ನವೀನ್ ಕುಮಾರ್ ಛಾಯಾಗ್ರಹಣ, ಗುಣ ಕಲಾ ನಿರ್ದೇಶನ, ದಿಲೀಪ್ ಸುಬ್ರಹ್ಮಣ್ಯ, ಚೇತನ್ ಡಿಸೋಜಾ ಸಾಹಸ ನಿರ್ದೇಶನವಿದೆ. ಸಿನಿಮಾದ ಕಲೆಕ್ಷನ್ ಮೇಲೆ ಹೆಚ್ಚಿನವರ ಗಮನವಿದೆ.
