'ಜವಾನ್' ಎಂಬ ಬ್ಲಾಕ್ಬಸ್ಟರ್ ಸಿನಿಮಾ ಮೂಲಕ ತಮ್ಮ ಜನಪ್ರಿಯತೆಯನ್ನು ದುಪ್ಪಟ್ಟುಗೊಳಿಸಿಕೊಂಡ ನಿರ್ದೇಶಕ ಅಟ್ಲೀ, ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅವರೊಂದಿಗೆ ಬಿಗ್ ಬಜೆಟ್ ಆ್ಯಕ್ಷನ್-ಪ್ಯಾಕ್ಡ್ ಥ್ರಿಲ್ಲರ್ ಬಗ್ಗೆ ಮಾತುಕತೆ ನಡೆಸುತ್ತಿದ್ದಾರೆ ಎಂಬ ಸುದ್ದಿ ಇತ್ತೀಚೆಗೆ ಸದ್ದು ಮಾಡಿತ್ತು. ಲೇಟೆಸ್ಟ್ ವರದಿಗಳ ಪ್ರಕಾರ, ಅಟ್ಲೀ ಅವರೀಗ ಸಲ್ಮಾನ್ ಖಾನ್ ಮತ್ತು ಕಮಲ್ ಹಾಸನ್ ಅವರೊಂದಿಗೆ ತಮ್ಮ ಮುಂದಿನ ಪ್ರಾಜೆಕ್ಟ್ ಕುರಿತು ಮಾತುಕತೆ ನಡೆಸುತ್ತಿದ್ದಾರೆ. ಸನ್ ಪಿಕ್ಚರ್ಸ್ ನಿರ್ಮಾಣದ ಈ ಬಿಗ್-ಬಜೆಟ್ ಸಿನಿಮಾದಲ್ಲಿ ಇಬ್ಬರು ನಾಯಕರ ಕಥೆಯಿರಲಿದೆ. ಬಾಲಿವುಡ್ನ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಜೊತೆ ತಮಿಳಿನ ಟಾಪ್ ಹೀರೋ ಕಮಲ್ ಹಾಸನ್ ನಟಿಸೋದು ಅಧಿಕೃತವಾದರೆ, ಸಿನಿಪ್ರಿಯರಿಗೆ ಮನರಂಜನೆಯ ರಸದೌತಣ ಪಕ್ಕಾ.
ಪ್ರೊಜೆಕ್ಟ್ನ ಆಪ್ತ ಮೂಲಗಳ ಪ್ರಕಾರ, ಹಲವು ತಿಂಗಳುಗಳಿಂದ ಅಟ್ಲೀ ಈ ಇಬ್ಬರು ಸೆಲೆಬ್ರಿಟಿಗಳೊಂದಿಗೆ ಚರ್ಚೆ ನಡೆಸುತ್ತಿದ್ದಾರೆ. ಡ್ಯುಯಲ್-ಹೀರೋ ಪ್ರಾಜೆಕ್ಟ್ಗೆ ಇಂಡಿಯನ್ ಸೂಪರ್ ಸ್ಟಾರ್ಗಳ ಸಹಕಾರ ಅಗತ್ಯವಿದೆ. ಅತ್ಯಂತ ಜನಪ್ರಿಯ ನಟರು, ಹೆಸರಾಂತ ನಿರ್ದೇಶಕ ಸೇರಿ ಸಿನಿಮಾ ಮಾಡಿದ್ರೆ, ಹೇಗೆ ಮೂಡಿಬರಬಹುದು? ಎಂಬುದನ್ನು ನೇವೇ ಊಹಿಸಿ.
ಸ್ಟಾರ್ ನಟರು ಸಿನಿಮಾಗೆ ಸಕಾರಾತ್ಮಕವಾಗಿ ಪ್ರತಿಕ್ರಿಯಿಸಿದ್ದರೂ, ಈ ತಿಂಗಳ ಕೊನೆಗೆ ಎಲ್ಲವೂ ಅಧಿಕೃತಗೊಳ್ಳುವ ನಿರೀಕ್ಷೆ ಇದೆ. ಕೆಲ ಮೂಲಗಳ ಪ್ರಕಾರ, "ಇದು ಇಬ್ಬರು ಸೂಪರ್ ಸ್ಟಾರ್‌ಗಳಿಗೆ ಅರ್ಹವಾದ ಪ್ರೊಜೆಕ್ಟ್. ಕಮಲ್ ಹಾಸನ್ ಮತ್ತು ಸಲ್ಮಾನ್ ಖಾನ್ ಇಬ್ಬರೂ ಅಟ್ಲೀ ಸಿನಿಮಾ ಬಗ್ಗೆ ಉತ್ಸಾಹ ತೋರಿಸಿದ್ದಾರೆ. ಜೊತೆಗೆ, ಒಟ್ಟಿಗೆ ಕೆಲಸ ಮಾಡಲು ಎದುರು ನೋಡುತ್ತಿದ್ದಾರೆ. ಎರಡೂ ಕಡೆಯಿಂದಲೂ ಉತ್ಸಾಹ ವ್ಯಕ್ತವಾಗಿದೆ. ಅದಾಗ್ಯೂ, ಈ ತಿಂಗಳ ಕೊನೆಯಲ್ಲಿ ಸಿನಿಮಾದ ಸಂಪೂರ್ಣ ನಿರೂಪಣೆಯನ್ನು ಕೇಳಿದ ನಂತರ ಅಧಿಕೃತವಾಗಿ ಗ್ರೀನ್ ಸಿಗ್ನಲ್ ಸಿಗಲಿದೆ".
ಇದನ್ನೂ ಓದಿ: ಎಲ್ಲೆಡೆ ಕಲ್ಕಿ ಕ್ರೇಜ್ ; ಮೊದಲ ಸೋಮವಾರ 'ಕಲ್ಕಿ 2898 ಎಡಿ' ಕಲೆಕ್ಷನ್ ಎಷ್ಟು? - Kalki Collection
ಇದು, ಈ ಇಬ್ಬರು ಜನಪ್ರಿಯ ತಾರೆಯರೊಂದಿಗೆ ಅಟ್ಲೀ ಅವರ ಮೊದಲ ಸಿನಿಮಾವಾಗಲಿದೆ. ಹಾಗಾಗಿ ಪ್ರೇಕ್ಷಕರು ಸಾಕಷ್ಟು ನಿರೀಕ್ಷೆಗಳನ್ನಿಟ್ಟುಕೊಂಡಿದ್ದಾರೆ. ವರದಿಗಳ ಪ್ರಕಾರ, "ಜವಾನ್ ನಂತರ, ಅಟ್ಲೀ ಮತ್ತೊಂದು ಅದ್ಭುತ ಆ್ಯಕ್ಷನ್ ಸಿನಿಮಾ ಮಾಡಲು ಮುಂದಾಗಿದ್ದಾರೆ. ಈ ನಿಟ್ಟಿನಲ್ಲಿ ಹೆಸರಾಂತ ನಟರೊಂದಿಗೆ ಮಾತುಕತೆ ಮುಂದುವರಿಸಿದ್ದಾರೆ. ಮುಂದಿನ ವರ್ಷಾರಂಭದಲ್ಲಿ ಸಿನಿಮಾ ಬಿಡುಗಡೆಗೊಳಿಸಲು ಉದ್ದೇಶಿಸಿದ್ದಾರೆ. ಮುಂದಿನ ತಿಂಗಳೊಳಗೆ ಇಬ್ಬರೂ ನಟರಿಂದ ಗ್ರೀನ್ ಸಿಗ್ನಲ್ ಪಡೆದುಕೊಳ್ಳುವ ಭರವಸೆಯಲ್ಲಿದ್ದಾರೆ''.
ಇದನ್ನೂ ಓದಿ: ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಹರ್ಷಿಕಾ ಪೂಣಚ್ಚ-ಭುವನ್ ಪೊನ್ನಣ್ಣ; ಅಕ್ಟೋಬರ್ಗೆ ಕಂದನ ಜನನ - Harshika Poonacha Pregnant
ಅದೇನಿದ್ದರೂ ಈ ಪ್ರೊಜೆಕ್ಟ್ ಬಗ್ಗೆ ಅಧಿಕೃತ ಮಾಹಿತಿ ನಿರೀಕ್ಷಿಸಲಾಗಿದೆ. ಈ ಸಿನಿಮಾಗೂ ಮುನ್ನ, ಎ.ಆರ್ ಮುರುಗದಾಸ್ ನಿರ್ದೇಶನದ ಸಿಕಂದರ್ ಚಿತ್ರವನ್ನು ಸಲ್ಮಾನ್ ಪೂರ್ಣಗೊಳಿಸಬೇಕಿದೆ. ಇದರ ನಂತರ ಅಟ್ಲೀ ಸಿನಿಮಾದೆಡೆಗೆ ಹೋಗುವ ನಿರೀಕ್ಷೆಯಿದೆ. ಇದಲ್ಲದೇ, ಕಮಲ್ ಹಾಸನ್ ಅವರು ಥಗ್ ಲೈಫ್ ಮತ್ತು ಇಂಡಿಯನ್ 3 ಚಿತ್ರೀಕರಣವನ್ನು ಪೂರ್ಣಗೊಳಿಸುವ ನಿರೀಕ್ಷೆ ಇದೆ.
