ರಾಷ್ಟ್ರಪ್ರಶಸ್ತಿ ವಿಜೇತ ನಟ ಅಲ್ಲು ಅರ್ಜುನ್ ಮತ್ತು ಬಹುಬೇಡಿಕೆಯ ನಟಿ ರಶ್ಮಿಕಾ ಮಂದಣ್ಣ ಅಭಿನಯದ ಬಹುನಿರೀಕ್ಷಿತ ಚಿತ್ರ 'ಪುಷ್ಪ 2: ದಿ ರೂಲ್' ಬಿಡುಗಡೆಗೆ ಕೌಂಟ್ಡೌನ್ ಶುರುವಾಗಿದೆ. ರಿಲೀಸ್ ಡೇಟ್ ಸಮೀಪಿಸುತ್ತಿದ್ದು, ದೇಶಾದ್ಯಂತ ಪ್ರಮೋಶನ್ ಜೊರಾಗೇ ನಡೆಯುತ್ತಿದೆ. ಥ್ರಿಲ್ಲಿಂಗ್ ಲೈವ್ ಪರ್ಫಾಮೆನ್ಸ್ ಮೂಲಕ ಅಭಿಮಾನಿಗಳನ್ನು ರಂಜಿಸಿದ್ದು, ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡುತ್ತಿವೆ.
ಶುಕ್ರವಾರ ಸಂಜೆ ಮುಂಬೈನಲ್ಲಿ ನಡೆದ ಪುಷ್ಪ 2 ಪ್ರಮೋಶನ್ ಈವೆಂಟ್ ಅಭಿಮಾನಿಗಳಿಗೆ ಒಂದು ಭರ್ಜರಿ ಟ್ರೀಟ್ ಅಂತಲೇ ಹೇಳಬಹುದು. ಅದ್ಧೂರಿ ವೇದಿಕೆಯಲ್ಲಿ ನಾಯಕ ನಾಯಕಿ ಚಿತ್ರದ ಅಂಗಾರನ್ ಹಾಡಿನ ಹುಕ್ ಸ್ಟೆಪ್ ಹಾಕೋ ಮೂಲಕ ಪ್ರೇಕ್ಷಕರನ್ನು ಬೆರಗುಗೊಳಿಸಿದರು. ಅಲ್ಲು ಅರ್ಜುನ್ ರಶ್ಮಿಕಾ ಮಂದಣ್ಣ ಕೆಮಿಸ್ಟ್ರಿ ಕಂಡು ಅಭಿಮಾನಿಗಳು ಹುಬ್ಬೇರಿಸಿದರು.
The moment of the evening 😍
— Mythri Movie Makers (@MythriOfficial) November 29, 2024
Pushpa Raj and Srivalli dance for the #Angaaron song at the #Pushpa2IconicPressMeet 🫶
Watch the event live here!
▶️ https://t.co/BaDjjcImCM#Pushpa2TheRule#Pushpa2TheRuleOnDec5th
Icon Star @alluarjun @iamRashmika @aryasukku #FahadhFaasil… pic.twitter.com/6TjoMrvBVn
ರಶ್ಮಿಕಾ ಜೊತೆ ಡ್ಯಾನ್ಸ್ ಮಾಡಿರುವ ಫೋಟೋ ಶೇರ್ ಮಾಡಿದ ನಾಯಕ ನಟ ಅಲ್ಲು ಅರ್ಜುನ್, "ಪುಷ್ಪಾ ರಾಜ್ ಮತ್ತು ಶ್ರೀವಲ್ಲಿ" ಎಂಬ ಗಮನಾರ್ಹ ಕ್ಯಾಪ್ಷನ್ ಕೊಟ್ಟಿದ್ದಾರೆ. ಜೊತೆಗೆ ಹಾರ್ಟ್ ಎಮೋಜಿ ಬಳಸಿ ತಮ್ಮ ಪ್ರೀತಿ ವ್ಯಕ್ತಪಡಿಸಿದ್ದಾರೆ. ಈ ಫೋಟೋ ಜೋಡಿ ನಡುವಿನ ಅದ್ಭುತ ಕೆಮಿಸ್ಟ್ರಿಯನ್ನು ಸೆರೆಹಿಡಿದಿದೆ. ಅಲ್ಲು ಅರ್ಜುನ್ ಬ್ಲ್ಯಾಕ್ ಸೂಟ್‌ನಲ್ಲಿ ಸಖತ್ ಹ್ಯಾಂಡ್ಸಂ ಆಗಿ ಕಾಣಿಸಿಕೊಂಡ್ರೆ, ರಶ್ಮಿಕಾ ಮಂದಣ್ಣ ಬ್ಲ್ಯಾಕ್ ಸೀರೆಯಲ್ಲಿ ಬೆರಗುಗೊಳಿಸುವ ನೋಟ ಬೀರಿದ್ದಾರೆ. ವೇದಿಕೆಯಲ್ಲಿ ಜೋಡಿ ಹಿಂದಿದ್ದ ದೊಡ್ಡ ಸ್ಕ್ರೀನ್ನಲ್ಲಿ ಅಲ್ಲು ಅರ್ಜುನ್ ಅವರ ಐಕಾನಿಕ್ ಪುಷ್ಪ ರಾಜ್ ಲುಕ್ ಅನ್ನು ಕಾಣಬಹುದಾಗಿದೆ.
'ರಶ್ಮಿಕಾರನ್ನು ವೇದಿಕೆ ಮೇಲೆ ಬರಲು ವಿನಂತಿಸುತ್ತೇನೆ': ಈವೆಂಟ್ನಲ್ಲಿ ನಾಯಕ ನಟ ಪ್ರೇಕ್ಷಕರಿಗೆ ಮನತುಂಬಿ ಧನ್ಯವಾದ ಅರ್ಪಿಸಿದ್ದಾರೆ. ನಂತರ ಕನ್ನಡತಿ ರಶ್ಮಿಕಾ ಮಂದಣ್ಣ ಅವರನ್ನು ಡ್ಯಾನ್ಸ್ಗೆ ಆಹ್ವಾನಿಸುವ ಮೂಲಕ ಅಲ್ಲಿ ಸೇರಿದ್ದವರನ್ನು ಆಶ್ಚರ್ಯಗೊಳಿಸಿದರು. "ಒಂದು ಕ್ಷಣಕ್ಕಾಗಿ, ಪ್ರೀತಿಗಾಗಿ, ನಾನು ರಶ್ಮಿಕಾ ಅವರನ್ನು ವೇದಿಕೆಯ ಮೇಲೆ ಬರಲು ವಿನಂತಿಸುತ್ತೇನೆ. ನಾನು ಅಂಗಾರನ್ ಹಾಡಿಗೆ ಸಣ್ಣ ಸ್ಟೆಪ್ ಹಾಕಲು ಬಯಸುತ್ತೇನೆ. ಆ ಹಾಡನ್ನು ಕೆಲವೇ ಕೆಲವು ಬಾರಿ ಮನದುಂಬಿ ಆನಂದಿಸಿದ್ದೇನೆ. ಅಂಥ ಒಂದು ಅನುಭವ ಆದಾಗ ಮಾತ್ರ ನಾನದನ್ನು ಮಾಡುತ್ತೇನೆ. ಇಂದು ಆ ಫೀಲ್ ಇದೆ. ದಯವಿಟ್ಟು, ಹಾಡನ್ನು ಪ್ಲೇ ಮಾಡಿ'' ನಟ ವೇದಿಕೆಯಲ್ಲಿ ಎಲ್ಲರ ಸಮ್ಮುಖದಲ್ಲಿ ತಿಳಿಸಿದರು.
ಇದನ್ನೂ ಓದಿ: ಕಿಚ್ಚ vs ಉಪ್ಪಿ: ಮ್ಯಾಕ್ಸ್ - ಯುಐ ಬಾಕ್ಸ್ ಆಫೀಸ್ ಫೈಟ್; ಯಾರಾದರೂ ಹಿಂದೆ ಸರಿಯುತ್ತಾರಾ?
ಆಹ್ವಾನ ಸ್ವೀಕರಿಸಿದ ಸಹನಟಿ ರಶ್ಮಿಕಾ ಮಂದಣ್ಣ, ಆ ಹಾಡಿಗೆ ಜೀವ ತುಂಬಿದರು. ಜೋಡಿಯ ಡ್ಯಾನ್ಸ್ ನಿಜಕ್ಕೂ ಅಭಿಮಾನಿಗಳ ಉತ್ಸಾಹ ಹೆಚ್ಚಿಸಿತ್ತು. ಸೋಷಿಯಲ್ ಮೀಡಿಯಾದಲ್ಲಿ ಸುಂದರ ಫೋಟೋ ವಿಡಿಯೋಗಳು ವೈರಲ್ ಆಗುತ್ತಿದ್ದು, ಅನೇಕರು ಮನಸೋತಿದ್ದಾರೆ. ಜನಪ್ರಿಯ ಜೋಡಿ ಮೇಲೆ ಪ್ರೀತಿಯ ಧಾರೆಯೆರೆಯುತ್ತಿದ್ದಾರೆ.
ಸುಕುಮಾರ್ ನಿರ್ದೇಶನದ ಪುಷ್ಪ 2ರಲ್ಲಿ ಫಹಾದ್ ಫಾಸಿಲ್ ಎದುರಾಳಿಯಾಗಿ ನಟಿಸಿದ್ದಾರೆ. ಚಿತ್ರ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಡಿಸೆಂಬರ್ 5 ರಂದು ಜಾಗತಿಕವಾಗಿ ಬಿಡುಗಡೆಯಾಗಲಿದೆ. ಮೈತ್ರಿ ಮೂವಿ ಮೇಕರ್ಸ್ ನಿರ್ಮಾಣದ ಈ ಚಿತ್ರ ಗುರುವಾರ ಅದ್ಧೂರಿಯಾಗಿ ಬಿಡುಗಡೆ ಆಗಲಿದ್ದು, ಹೆಚ್ಚಿನ ಸಂಖ್ಯೆಯ ಪ್ರೇಕ್ಷಕರು ಸಿನಿಮಾ ಸವಿಯಲು ಎದುರು ನೋಡುತ್ತಿದ್ದಾರೆ.
