'ಖೇಲ್ ಖೇಲ್ ಮೆ', 2024ರ ಬಹು ನಿರೀಕ್ಷಿತ ಚಿತ್ರಗಳಲ್ಲಿ ಒಂದು. ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್, ವಾಣಿ ಕಪೂರ್, ತಾಪ್ಸಿ ಪನ್ನು, ಆ್ಯಮಿ ವಿರ್ಕ್ ಮತ್ತು ಫರ್ದೀನ್ ಖಾನ್ ಅವರಂತಹ ತಾರಾ ಬಳಗವಿರುವ ಚಿತ್ರ ಪ್ರೇಕ್ಷಕ ವಲಯದಲ್ಲಿ ತೀವ್ರ ಕುತೂಹಲ ಕೆರಳಿಸಿದೆ. ಸಿನಿಮಾದ ಅಪ್ಡೇಟ್ಸ್ಗಾಗಿ ಅಭಿಮಾನಿಗಳು ಕಾತರರಾಗಿದ್ದರು. ಇದೀಗ ಚಿತ್ರದ ಹಾಡೊಂದು ಅನಾವರಣಗೊಂಡು ಸಖತ್ ಸದ್ದು ಮಾಡುತ್ತಿದೆ.
'ಖೇಲ್ ಖೇಲ್ ಮೆ' ಚಿತ್ರದ ಮೊದಲ ಹಾಡು 'ಹೌಲಿ ಹೌಲಿ' ಇತ್ತೀಚೆಗಷ್ಟೇ ಅನಾವರಣಗೊಂಡಿತ್ತು. ಚಿತ್ರ ತಯಾರಕರಿಂದು ಎರಡನೇ ಟ್ರ್ಯಾಕ್ 'ದೂರ್ ನಾ ಕರಿನ್' ರಿಲೀಸ್ ಮಾಡಿ ಪ್ರೇಕ್ಷಕರ ಚರ್ಚೆಯ ವಿಷಯವಾಗುವಂತೆ ಮಾಡಿದೆ. ಸಾಂಗ್ನಲ್ಲಿ ಅಕ್ಷಯ್ ಮತ್ತು ವಾಣಿ ನಡುವಿನ ಕೆಮಿಸ್ಟ್ರಿ ಸಖತ್ತಾಗೇ ವರ್ಕ್ಔಟ್ ಆಗಿದೆ.
ರೊಮ್ಯಾಂಟಿಕ್ ಸಾಂಗ್ ಆಗಿರುವ 'ದೂರ್ ನಾ ಕರಿನ್' ವಿಶಾಲ್ ಕುಮಾರ್ ಮತ್ತು ಝಹ್ರಾ ಎಸ್ ಖಾನ್ ಅವರ ಸುಮಧುರ ದನಿಯಲ್ಲಿ ಮೂಡಿ ಬಂದಿದೆ. ಹಾಡು ಮೋಡಿ ಮಾಡುವಂತಹ ಸಾಹಿತ್ಯವನ್ನು ಒಳಗೊಂಡಿದೆ. ಸಂಪೂರ್ಣ ಹಾಡು ಹೆಚ್ಚಿನ ಸಂಖ್ಯೆಯ ವೀಕ್ಷಕರನ್ನು ಆಕರ್ಷಿಸುತ್ತಿದೆ. ಹಾಡು ಪ್ರೇಮಾಂಕುರದ ಸಾರ ಸೆರೆ ಹಿಡಿದಿದೆ.
ಇನ್ನೂ ಸಿನಿಮಾದ ಮೊದಲ ಹಾಡು, 'ಹೌಲಿ ಹೌಲಿ' ಒಂದು ರೋಮಾಂಚಕ ಪಂಜಾಬಿ ಡ್ಯಾನ್ಸ್ ಆ್ಯಂಥಮ್ ಎಂದೇ ಹೇಳಬಹುದು. ಆ್ಯಮಿ ವಿರ್ಕ್, ತಾಪ್ಸಿ ಪನ್ನು, ವಾಣಿ ಕಪೂರ್, ಆದಿತ್ಯ ಸೀಲ್, ಪ್ರಜ್ಞಾ ಜೈಸ್ವಾಲ್ ಮತ್ತು ಫರ್ದೀನ್ ಖಾನ್ ಅವರನ್ನೊಳಗೊಂಡ ಹಾಡು ಪ್ರೇಕ್ಷಕರ ಗಮನ ಸೆಳೆಯುವಂತಹ ಕಲರ್ಫುಲ್ ಡ್ಯಾನ್ಸ್ ಸ್ಟೆಪ್ಗಳನ್ನು ಒಳಗೊಂಡಿದೆ. ಈ ಎನರ್ಜಿಟಿಕ್ ಸಾಂಗ್ನಲ್ಲಿ ನಟರು ಸಾಂಪ್ರದಾಯಿಕ ಕುರ್ತಾದಲ್ಲಿ ಆಕರ್ಷಕವಾಗಿ ಕಾಣಿಸಿಕೊಂಡರೆ, ನಟಿಮಣಿಯರು ಕಲರ್ಫುಲ್ ಲೆಹೆಂಗಾ ಮತ್ತು ಸೂಟ್‌ಗಳನ್ನು ತೊಟ್ಟು ಬೆರಗುಗೊಳಿಸುವ ನೋಟ ಬೀರಿದ್ದಾರೆ. ತಾರೆಯರು ತಮ್ಮ ನೃತ್ಯ ಪ್ರತಿಭೆಯನ್ನು ಪ್ರದರ್ಶಿಸಿದ್ದು, ಸಾಂಗ್ನ ಬೀಟ್ಸ್ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಯಶ ಕಂಡಿದೆ. ಈ ಹಾಡನ್ನು ಗುರು ರಾಂಧಾವಾ, ನೇಹಾ ಕಕ್ಕರ್ ಮತ್ತು ಹನಿ ಸಿಂಗ್ ಹಾಡಿದ್ದಾರೆ.
ಇದನ್ನೂ ಓದಿ: ಡ್ಯಾನ್ಸ್ ಮಾಡುತ್ತಲೇ ಬಿದ್ದ ಅಕ್ಷಯ್ ಕುಮಾರ್: ಕಿಲಾಡಿಯ ವಿಡಿಯೋ ವೈರಲ್ - Akshay Kumar
ಮುದಸ್ಸರ್ ಅಝೀಜ್ ಆ್ಯಕ್ಷನ್ ಕಟ್ ಹೇಳಿರುವ ಖೇಲ್ ಖೇಲ್ ಮೆ ಮೂರು ಜೋಡಿಗಳ ಸುತ್ತ ಸುತ್ತುತ್ತದೆ. ಇದೊಂದು ರೊಮ್ಯಾಂಟಿಕ್, ಕಾಮಿಡಿ ಸಿನಿಮಾ ಆಗಿದೆ. ಡಿನ್ನರ್ಗೆ ಬಂದು ಸೇರುವ ದೀರ್ಘಕಾಲದ ಸ್ನೇಹಿತರ ಗುಂಪಿನ ಸುತ್ತ ಸ್ಟೋರಿ ಸುತ್ತುತ್ತದೆ ಎಂದು ವರದಿಗಳು ಸೂಚಿಸಿವೆ.
ಇದನ್ನೂ ಓದಿ: ಡಬಲ್ ಇಸ್ಮಾರ್ಟ್ ಚಿತ್ರದ 'ಕ್ಯಾ ಲಫ್ಡಾ' ಹಾಡು ರಿಲೀಸ್ - Kya Lafda Song
ಚಿತ್ರದಲ್ಲಿ ಅಕ್ಷಯ್ ಅವರ ಸ್ನೇಹಿತರಾಗಿ ಕಾಣಿಸಿಕೊಳ್ಳಲಿರುವ ಫರ್ದೀನ್ ಖಾನ್, 13 ವರ್ಷಗಳ ಬ್ರೇಕ್ ನಂತರ ಹಾಸ್ಯ ಚಿತ್ರಕ್ಕೆ ಮರಳಲು ಸಜ್ಜಾಗಿದ್ದಾರೆ. ಖೇಲ್ ಖೇಲ್ ಮೆ ಆಗಸ್ಟ್ 15ರಂದು ಚಿತ್ರಮಂದಿರ ಪ್ರವೇಶಿಸಲಿದೆ. ಹಾಸ್ಯ ಮತ್ತು ಪ್ರಣಯದ ಮಿಶ್ರಣವಾಗಿರುವ ಈ ಬಹುನಿರೀಕ್ಷಿತ ಚಿತ್ರ ಪ್ರೇಕ್ಷಕರನ್ನು ರಂಜಿಸುವ ಭರವಸೆ ನೀಡಿದೆ. ಇತ್ತೀಚಿನ ದಿನಗಳಲ್ಲಿ ಸಿನಿಮಾ ಯಶಸ್ಸಿನ ವಿಚಾರದಲ್ಲಿ ಏರಿಳಿತ ಕಾಣುತ್ತಿರುವ ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಅವರಿಗೆ ಈ ಸಿನಿಮಾ ಎಷ್ಟರ ಮಟ್ಟಿಗೆ ಗೆಲುವು ತಂದುಕೊಡಲಿದೆ ಎಂಬುದನ್ನು ಕಾದು ನೋಡೋಣ.
