ಹೈದರಾಬಾದ್: ಜನಪ್ರಿಯ ತಾರಾ ಜೋಡಿ ಅಭಿಷೇಕ್ ಬಚ್ಚನ್ ಹಾಗೂ ಐಶ್ವರ್ಯಾ ರೈ ಸಂಬಂಧದ ಸುತ್ತಲಿರುವ ಊಹಾಪೋಹಗಳ ನಡುವೆ ನೀಲಿ ಕಣ್ಣಿನ ಚೆಲುವೆ ಇತ್ತೀಚೆಗೆ ಪ್ಯಾರಿಸ್ ಫ್ಯಾಶನ್ ವೀಕ್ನಲ್ಲಿ ತಮ್ಮ ಬೆಡಗು ಭಿನ್ನಾಣ ಪ್ರದರ್ಶಿಸಿದ್ದಾರೆ. ಬಹು ನಿರೀಕ್ಷಿತ ಪ್ರದರ್ಶನಕ್ಕೂ ಮುನ್ನ ತಮ್ಮ ವೆಡ್ಡಿಂಗ್ ರಿಂಗ್ ಪ್ರದರ್ಶಿಸಿ ನೆಟ್ಟಿಗರ ಗಮನ ಸೆಳೆದಿದ್ದರು. ಇದೀಗ ರಾಂಪ್‌ ವಾಕ್ ಮೂಲಕ ಮತ್ತೊಮ್ಮೆ ನೆಟಿಜನ್ಗಳ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಐಶ್ವರ್ಯಾ ರೈ ಬಚ್ಚನ್ ಅವರನ್ನು ''ಕ್ವೀನ್ ಆಫ್ ರಾಂಪ್ಸ್'' ಎಂದು ಏಕೆ ಕರೆಯುತ್ತಾರೆಂಬುದನ್ನು ಪ್ಯಾರಿಸ್ ಫ್ಯಾಶನ್ ವೀಕ್ನಲ್ಲಿ ಮತ್ತೊಮ್ಮೆ ಸಾಬೀತು ಪಡಿಸಿದ್ದಾರೆ.
ಬಲೂನ್-ಹೆಮ್ ರೆಡ್ ಡ್ರೆಸ್ನಲ್ಲಿ 50ರ ಹರೆಯದ ನಟಿ ತಮ್ಮ ಸೊಬಗು ಪ್ರದರ್ಶಿಸಿದ್ದಾರೆ. ತಮ್ಮ ಕೇಶರಾಶಿಯನ್ನು ಸಡಿಲವಾಗಿ ಬಿಟ್ಟಿದ್ದು, ರೆಡ್ ಡಾರ್ಕ್ ಲಿಪ್ಸ್ಟಿಕ್ನಲ್ಲಿ ಬಹಳ ಸುಂದರವಾಗಿ ಕಾಣಿಸಿಕೊಂಡರು. ಆತ್ಮವಿಶ್ವಾಸದಿಂದ ರನ್‌ವೇಯಲ್ಲಿ ಹೆಜ್ಜೆ ಹಾಕುತ್ತ ''ಲಾರಿಯಲ್ ಪ್ಯಾರಿಸ್'' ಅನ್ನು ಬಹಳ ಸೊಬಗಿನಿಂದ ಪ್ರತಿನಿಧಿಸಿದರು. ಭಾರತೀಯ ಸಂಸ್ಕೃತಿಯಲ್ಲಿ ಆಳವಾಗಿ ಬೇರೂರಿರುವ ಭಾವಸೂಚಕ 'ನಮಸ್ತೆ'ಯೊಂದಿಗೆ ಫ್ರೆಂಚ್ ಪ್ರೇಕ್ಷಕರನ್ನು ಸ್ವಾಗತಿಸಿದ್ದು, ನಟಿಯ ಆ ಕ್ಷಣ ಸ್ಮರಣೀಯವಾಗಿಸಿದೆ.
"ಟ್ರೆಂಡ್ ಸೆಟ್ಟರ್ಗಳು ಪ್ರತೀ ಸೀಸನ್ಗೂ ಬದಲಾಗಬಹುದು, ಆದ್ರೆ ಐಕಾನ್ಗಳು ಜೀವಿತಾವಧಿಯಲ್ಲಿ ಉಳಿಯುತ್ತಾರೆ" ಎಂಬ ಮಾತನ್ನು ಐಶ್ವರ್ಯಾ ಎಂದಿನಂತೆ ಸಾಕಾರಗೊಳಿಸಿದ್ದಾರೆ. ಸ್ಟೈಲ್ ಮತ್ತು ಗ್ರೇಸ್ನ ಶಾಶ್ವತ ಸಂಕೇತವಾಗಿ ಐಶ್ವರ್ಯಾ ಉಳಿದುಕೊಂಡಿದ್ದಾರೆ.
ಈವೆಂಟ್‌ನಲ್ಲಿ ಭಾರತೀಯ ಚಿತ್ರರಂಗದ ಬಹುಬೇಡಿಕೆ ನಟಿಯ ವಿಶಿಷ್ಟ ಕೇಶ ವಿನ್ಯಾಸ ಹೆಚ್ಚಿನವರ ಗಮನ ಸೆಳೆಯಿತು. ಎಂದಿನಂತೆ ಮಗಳು ಆರಾಧ್ಯ ಅವರೊಂದಿಗೆ ಕಾಣಿಸಿಕೊಂಡರು. ತಾಯಿ-ಮಗಳ ಜೋಡಿಯು ಮ್ಯಾಚಿಂಗ್ ಔಟ್ಫಿಟ್ನಲ್ಲಿ ಸೋಮವಾರ ಕಾಣಿಸಿಕೊಂಡರು. ಐಶ್ವರ್ಯಾ ಚಿಕ್ ಬ್ಲ್ಯಾಕ್ ಸ್ಟಿಲೆಟೊಸ್ ಜೊತೆ ಸ್ಟೈಲಿಶ್ ಲಾಂಗ್ ಕೋಟ್ ಧರಿಸಿದ್ದರೆ, ಆರಾಧ್ಯ ತಮ್ಮ ತಾಯಿಯ ನೋಟವನ್ನೇ ಪ್ರತಿಬಿಂಬಿಸಿದಂತೆ ತೋರಿತು. ಅಮ್ಮ- ಮಗಳ ಸೊಗಸಾದ ನೋಟ ಸಾಮಾಜಿಕ ಜಾಲತಾಣದಲ್ಲಿ ಜಾಗ ಗಿಟ್ಟಿಸಿಕೊಂಡಿದೆ.
ಇದನ್ನೂ ಓದಿ: ಮಲೈಕಾ ಅರೋರಾ ಮಲತಂದೆಯ ಪ್ರಾರ್ಥನಾ ಸಭೆ: ಅರ್ಜುನ್ ಕಪೂರ್, ಕರೀನಾ ಸೇರಿ ಸೆಲೆಬ್ರಿಟಿಗಳು ಭಾಗಿ - Malaika Arora
ವಿಡಿಯೋವೊಂದರಲ್ಲಿ, ಐಶ್ವರ್ಯಾ ಹಾಲಿವುಡ್ ತಾರೆಗಳಾದ ಇವಾ ಲಾಂಗೋರಿಯಾ ಮತ್ತು ಕ್ಯಾಮಿಲಾ ಕ್ಯಾಬೆಲ್ಲೊ ಅವರೊಂದಿಗೆ ಮಾತನಾಡುತ್ತಿರುವುದನ್ನು ಕಾಣಬಹುದು. ಮತ್ತೊಂದು ವಿಡಿಯೋದಲ್ಲಿ ಈ ಮೂವರು ಒಟ್ಟಿಗೆ ಪೋಸ್ ನೀಡುತ್ತಿರುವುದನ್ನು ನೋಡಬಹುದಾಗಿದೆ. ಆರಾಧ್ಯ ಅವರ ಪಕ್ಕದಲ್ಲಿ ಕಾಣಿಸಿಕೊಂಡಿದ್ದಾರೆ.
ಇನ್ನು ಅಭಿಷೇಕ್ ಬಚ್ಚನ್ ಹಾಗೂ ಐಶ್ವರ್ಯಾ ರೈ ಬಚ್ಚನ್ ವಿಚ್ಛೇದನ ಪಡೆಯಲಿದ್ದಾರೆ ಎಂಬುದು ವದಂತಿಯಷ್ಟೇ. ಬಾಲಿವುಡ್ ತಾರಾ ದಂಪತಿಯ ಸಂಬಂಧದಲ್ಲಿ ಬಿರುಕು ಮೂಡಿದೆ ಎಂಬ ಊಹಾಪೋಹ ಬಹಳ ದಿನಗಳಲ್ಲಿ ದೊಡ್ಡ ಮಟ್ಟದಲ್ಲೇ ಸದ್ದು ಮಾಡುತ್ತಿದೆ. ಆದ್ರೆ ಇತ್ತೀಚೆಗೆ ಐಶ್ವರ್ಯಾ ಧರಿಸಿದ್ದ ಉಂಗುರ ಊಹಾಪೋಹಗಳಿಗೆ ಫುಲ್ ಸ್ಟಾಪ್ ಇಟ್ಟಿದೆ. ವೆಡ್ಡಿಂಗ್ ರಿಂಗ್ ಧರಿಸಿದ್ದ ಹಿನ್ನೆಲೆ ಅಪಾರ ಸಂಖ್ಯೆಯ ಅಭಿಮಾನಿಗಳು ನಟಿಯ ಪರ ಬ್ಯಾಟಿಂಗ್ ಮಾಡಿದ್ದಾರೆ. ಡಿವೋರ್ಸ್ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಪರ ವಿರೋಧ ಮಾತುಗಳು ಮುಂದುವರಿದಿವೆ.
