ಮುಂಬೈ: ಅಪಾಯಕಾರಿ ಸ್ಟಂಟ್ ಪ್ರದರ್ಶಿಸಿದ ಆರೋಪದಡಿ ಬಾಲಿವುಡ್ ನಟ ವಿದ್ಯುತ್ ಜಮ್ವಾಲ್ ಅವರನ್ನು ಮುಂಬೈನಲ್ಲಿ ರೈಲ್ವೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ ಎಂದು ವರದಿಗಳು ತಿಳಿಸಿವೆ. ಬಾಂದ್ರಾದಲ್ಲಿರುವ ರೈಲ್ವೆ ಪ್ರೊಟೆಕ್ಷನ್ ಫೋರ್ಸ್ (ಆರ್‌ಪಿಎಫ್) ಕಚೇರಿಯಲ್ಲಿ ಜಮ್ವಾಲ್ ಗಂಭೀರ ಸ್ಥಿತಿಯಲ್ಲಿ ಕುಳಿತಿರುವ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಇನ್ನೊಂದು ಫೋಟೋದಲ್ಲಿ ನಟ ಅಲ್ಲಿಂದ ಹೊರಟಿರುವುದನ್ನೂ ತೋರಿಸಿದೆ.
ವರದಿಗಳಂತೆ, ಬಾಂದ್ರಾ ರೈಲು ನಿಲ್ದಾಣದ ಪ್ಲಾಟ್‌ಫಾರ್ಮ್ 1ರಲ್ಲಿ ಆರ್‌ಪಿಎಫ್ ಕಚೇರಿ ಇದೆ. ಅಪಾಯಕಾರಿ ಸ್ಟಂಟ್ನಲ್ಲಿ ಭಾಗಿಯಾದ ಹಿನ್ನೆಲೆಯಲ್ಲಿ ನಟನನ್ನು ವಶಕ್ಕೆ ಪಡೆಯಲಾಗಿದೆ. ಈ ಬಗ್ಗೆ ಯಾವುದೇ ಅಧಿಕೃತ ಹೇಳಿಕೆ ಹೊರಬಂದಿಲ್ಲ. ವೈರಲ್ ಫೋಟೋ ಶೂಟಿಂಗ್ನ ಭಾಗವೂ ಆಗಿರಬಹುದು ಎನ್ನಲಾಗುತ್ತಿದೆ. ಹೀಗಾಗಿ, ಅಧಿಕೃತ ಮಾಹಿತಿ ನೀಡುವಂತೆ ವಿದ್ಯುತ್ ಜಮ್ವಾಲ್ ಮತ್ತು ಆರ್‌ಪಿಎಫ್ ಬಳಿ ನೆಟ್ಟಿಗರು ಬೇಡಿಕೆ ಇಟ್ಟಿದ್ದಾರೆ.
ವಿದ್ಯುತ್ ಜಮ್ವಾಲ್ ತಮ್ಮ ಮುಂದಿನ ಚಿತ್ರ 'ಕ್ರಾಕ್-ಜೀತೇಗಾ ತೋ ಜಿಯೇಗಾ' ಬಿಡುಗಡೆಯನ್ನು ಎದುರು ನೋಡುತ್ತಿದ್ದಾರೆ. ಸಿನಿಮಾದ ಪ್ರಮೋಶನ್ ನಡೆಯುತ್ತಿದೆ. ಫೆಬ್ರವರಿ 9ರಂದು ಟ್ರೇಲರ್ ಅನಾವರಣಗೊಳಿಸಲಾಗಿತ್ತು. ಇದೀಗ ಸಿನಿಮಾ ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ.
ಈ ಚಿತ್ರದಲ್ಲಿ ಅರ್ಜುನ್ ರಾಂಪಾಲ್, ನೋರಾ ಫತೇಹಿ ಮತ್ತು ಆ್ಯಮಿ ಜಾಕ್ಸನ್ ಮುಖ್ಯಭೂಮಿಕೆಯಲ್ಲಿದ್ದಾರೆ. ಆದಿತ್ಯ ದತ್ ನಿರ್ದೇಶನದ ಚಿತ್ರ ಫೆಬ್ರವರಿ 23ರಂದು ಚಿತ್ರಮಂದಿರ ಪ್ರವೇಶಿಸಲಿದೆ. ಟ್ರೇಲರ್ ಬಿಡುಗಡೆಯಾದ ಸಂದರ್ಭದಲ್ಲಿ ಸೋಷಿಯಲ್ ಮೀಡಿಯಾಗಳಲ್ಲಿ ನಟನ ನಟನಾ ಕೌಶಲ್ಯವನ್ನು ನೆಟ್ಟಿಗರು ಮೆಚ್ಚಿಕೊಂಡಿದ್ದರು. ಸಿನಿಮಾ ನೋಡುವ ತಮ್ಮ ಕುತೂಹಲ ವ್ಯಕ್ತಪಡಿಸಿದ್ದರು. ವಿದ್ಯುತ್ ಜಮ್ವಾಲ್ ನಿಜವಾದ ಆ್ಯಕ್ಷನ್ ಹೀರೋ, ಸೂಪರ್ ಆ್ಯಕ್ಷನ್ ಸ್ಟಾರ್, ಫಿಟ್ನೆಸ್ ಐಕಾನ್ ಎಂದೆಲ್ಲಾ ಬಣ್ಣಿಸಿದ್ದರು.
ಇದನ್ನೂ ಓದಿ: ಸಿನಿಮಾಗೆ ಮರಳಲು ಸಮಂತಾ ರೆಡಿ; ಪಾಡ್‌ಕಾಸ್ಟ್ನಲ್ಲಿ ಭಾಗಿ
ಪರ್ಫೆಕ್ಟ್ ಫಿಟ್ನೆಸ್ ಐಕಾನ್ ಎಂದು ಕರೆಸಿಕೊಳ್ಳುವ ಕೆಲವೇ ಕಲಾವಿದರ ಪೈಕಿ ವಿದ್ಯುತ್ ಜಮ್ವಾಲ್ ಕೂಡ ಒಬ್ಬರು. ಫಿಟ್ನೆಸ್, ಸ್ಟಂಟ್ಗೆ ಹೆಸರುವಾಸಿಯಾದ ಇವರು ಸೋಷಿಯಲ್ ಮೀಡಿಯಾ ಪೋಸ್ಟ್ ಮೂಲಕವೂ ಗಮನ ಸೆಳೆಯುತ್ತಿರುತ್ತಾರೆ. ಈಗಾಗಲೇ ಶೇರ್ ಮಾಡಲಾದ ಹಲವು ವಿಡಿಯೋಗಳು ಸೋಷಿಯಲ್ ಮೀಡಿಯಾಗಳಲ್ಲಿ ಜಾಗ ಪಡೆದಿವೆ. ಪಾಕೃತಿಕ ಸೌಂದರ್ಯ ಸವಿಯುವುದೂ ಕೂಡ ನಟನಿಗೆ ಇಷ್ಟ. ಸ್ಟಂಟ್, ಆ್ಯಕ್ಷನ್ ಸಲುವಾಗಿಯೂ ಸದ್ದು ಮಾಡುವ ಜಮ್ವಾಲ್ ಅಭಿನಯದ ''ಕ್ರಾಕ್ - ಜೀತೇಗಾ ತೋ ಜಿಯೇಗಾ'' ಅತಿ ಶೀಘ್ರದಲ್ಲೇ ತೆರೆಗಪ್ಪಳಿಸಲಿದೆ.
ಇದನ್ನೂ ಓದಿ: ಸೈಕಲ್‌ನಲ್ಲೇ ಏಷ್ಯಾ ಯಾತ್ರೆ ಕೈಗೊಂಡ ಅಪ್ಪು ಅಭಿಮಾನಿ: 1,111 ದಿನಗಳ ಪ್ರಯಾಣ
