ಹೈದರಾಬಾದ್: ಭಾರತೀಯ ಯುವ ಜನತೆಯಲ್ಲಿ ಉದ್ಯೋಗ ಕೌಶಲ್ಯ ಹೆಚ್ಚುತ್ತಿದ್ದು, 2024ರ ಹೊತ್ತಿಗೆ ಜಾಗತಿಕವಾಗಿ ಈ ಕೌಶಲ್ಯಗಳೊಂದಿಗೆ ಶೇ 54.81ರಷ್ಟು ಉದ್ಯೋಗಗಳಿಸುವಲ್ಲಿ ಅರ್ಹರಾಗುತ್ತಾರೆ ಎಂದು ಭಾರತೀಯ ಕೌಶಲ್ಯ ವರದಿ 2025 ವರದಿ ಮಾಡಿದೆ. ಈ ಅಂಕಿ ಸಂಖ್ಯೆಯು 2021ಕ್ಕೆ ಹೋಲಿಕೆ ಮಾಡಿದಾಗ ಗಮನಾರ್ಹ ಏರಿಕೆ ಕಂಡಿದೆ, 2021ರಲ್ಲಿ ಈ ಪ್ರಮಾಣ ಶೇ 9ರಷ್ಟಿತು. ಈ ವೇಳೆ ಕೌಶಲ್ಯಯುತ ಉದ್ಯೋಗ ಪಡೆಯುವ ದರ 45.90ರಷ್ಟಿತ್ತು. ಇದೀಗ ಕೌಶಲ್ಯ ಅಭಿವೃದ್ಧಿಗೆ ಒತ್ತು ನೀಡಿದ ಹಿನ್ನೆಲೆಯಲ್ಲಿ ಈ ಸಂಖ್ಯೆ ಶೇ 17ಕ್ಕೆ ಏರಿಕೆ ಕಂಡಿದೆ.
ಡೆಬೊಕ್ಸ್ ಸಹಯೋಗದಲ್ಲಿ ಎಐಸಿಟಿಇ ಮತ್ತು ಸಿಐಐ ಈ ಸಮೀಕ್ಷೆ ನಡೆಸಿದ್ದು, ದೇಶದೆಲ್ಲೆಡೆ ಒಟ್ಟು 6.5 ಲಕ್ಷ ಅಭ್ಯರ್ಥಿಗಳು ಗ್ಲೋಬಲ್ ಎಂಪ್ಲೊಯಿಬಿಲಿಟಿ ಟೆಸ್ಟ್ (ಜಾಗತಿಕ ಉದ್ಯೋಗ ಪರೀಕ್ಷೆ- ಜಿಇಟಿ)ಗೆ ಒಳಗಾದರು. ಇದರಲ್ಲಿ ಅರ್ಧದಷ್ಟು ಮಂದಿ ಶೇ 60ರಷ್ಟು ಸ್ಕೋರ್ ಮಾಡುವ ಮೂಲಕ ಕೆಲಸದ ಸಿದ್ಧತೆ ಪ್ರತಿ ಬಿಂಬಿಸಿದ್ದಾರೆ.
ಎಂಬಿಎ ಮತ್ತು ಬಿಟೆಕ್ ವಿದ್ಯಾರ್ಥಿಗಳು ಮುಂದು: ಬಹುತೇಕ ಉದ್ಯೋಗ ಅರ್ಹ ಪದವೀಧರರಲ್ಲಿ ಶೇ 78ರಷ್ಟು ಉದ್ಯೋಗ ಪಡೆಯವಲ್ಲಿ ಅರ್ಹರಾಗಿದ್ದಾರೆ. ಇವರ ಬೆನ್ನಲ್ಲೇ ಶೇ 71.50ರಷ್ಟು ಬಿಟೆಕ್ ಪದವೀಧರರು ಅರ್ಹರಾಗಿದ್ದಾರೆ. ಪ್ರಾಯೋಗಿಕ ಕೌಶಲ್ಯ ಮತ್ತು ಉದ್ಯಮ ಸಂಬಂಧಿ ತರಬೇತಿಗಳಿಗೆ ಒತ್ತು ನೀಡುವಿಕೆಯು ಯುವಜನತೆ ಉದ್ಯೋಗ ಪಡಯುವಿಕೆಯಲ್ಲಿ ಪ್ರಮುಖ ಅಂಶವಾಗಿದೆ.
ಕರ್ನಾಟಕ ಮುಂಚೂಣಿ: ರಾಜ್ಯಗಳ ಉದ್ಯೋಗವಕಾಶದ ವಿಚಾರದಲ್ಲಿ ಆಂಧ್ರ ಪ್ರದೇಶದ ಯುವಕರು ಶೇ 72ರಷ್ಟು ಅಂಕಗಳಿಸುವ ಮೂಲಕ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದರೆ, ತೆಲಂಗಾಣ ಶೇ 63ರಷ್ಟು ಸ್ಕೋರ್ ಮೂಲಕ 8ನೇ ಸ್ಥಾನದಲ್ಲಿದೆ. ಮಹಾರಾಷ್ಟ್ರ ಶೇ 84ರಷ್ಟು ಹೊಂದಿದ್ದರೆ, ದೆಹಲಿ ಶೇ 78ರಷ್ಟು ಸ್ಕೋರ್ ಹೊಂದಿದೆ. ಇನ್ನು ಕರ್ನಾಟಕ ಶೇ 75ರಷ್ಟು ಸ್ಕೋರ್ಗಳಿಸಿದೆ.
ಇಂಜಿನಿಯರಿಂಗ್ ಪ್ರಾವೀಣ್ಯತೆಯಲ್ಲಿ ಆಂಧ್ರ ಮುಂದು: ಇಂಜಿನಿಯರಿಂಗ್ ವಿದ್ಯಾರ್ಥಿಗಳ ಸ್ಕೋರ್ನಲ್ಲಿ ಆಂಧ್ರಪ್ರದೇಶವೂ ಶೇ 84.82ರಷ್ಟಿದೆ.
ಇಂಗ್ಲಿಷ್ ನಿರರ್ಗಳತೆ: ಇನ್ನು ಇಂಗ್ಲಿಷ್ ಭಾಷಾ ಕೌಶಲ್ಯದಲ್ಲಿ ಮಹಾರಾಷ್ಟ್ರ ಶೇ 67.45ರಷ್ಟು ಸ್ಕೋರ್ ಮಾಡುವ ಮೂಲಕ ಪ್ರಥಮ ಸ್ಥಾನದಲ್ಲಿದ್ದರರೆ, ನಂತರದ ಸ್ಥಾನದಲ್ಲಿ ಕರ್ನಾಟಕ, ಉತ್ತರ ಪ್ರದೇಶ ರಾಜ್ಯಗಳಿವೆ.
ಸಂಖ್ಯಾ ಕೌಶಲ್ಯ: ಸಂಖ್ಯಾಶಾಸ್ತ್ರದ ಸಾಮರ್ಥ್ಯದಲ್ಲಿ ಉತ್ತರ ಪ್ರದೇಶ, ಆಂಧ್ರಪ್ರದೇಶ ಮತ್ತು ಮಧ್ಯಪ್ರದೇಶ ಮುಂದಿದೆ.
ಕಂಪ್ಯೂಟರ್ ಪ್ರಾವಿಣ್ಯತೆ: ಇದರಲ್ಲಿ ಉತ್ತರಪ್ರದೇಶ, ಕೇರಳ ಮತ್ತು ಮಹಾರಾಷ್ಟ್ರ ಪ್ರಾಬಲ್ಯತೆ ಸಾಧಿಸಿವೆ.
ಉದಯೋನ್ಮುಖ ಪ್ರತಿಭೆಗಳ ಹಬ್ ಆಗಿ ಹೈದರಾಬಾದ್ ಮತ್ತು ಗುಂಟೂರ್ ಹೊರ ಹೊಮ್ಮಿವೆ. ನಗರದ ಆಧಾರದ ಮೇಲೆ ಪುಣೆ ಶೇ 78.32ರಷ್ಟು ಸ್ಕೋರ್ ಮೂಲಕ ಕೌಶಲ್ಯ ರಾಜಧಾನಿಯಾಗಿದ್ದು, ನಂತರದಲ್ಲಿ ಬೆಂಗಳೂರು ಶೇ 76.48ರಷ್ಟು, ಮುಂಬೈ ಶೇ 72.45ರಷ್ಟಿದೆ.
ಇಂಟರ್ನ್ಶಿಪ್ ಮತ್ತು ಸರ್ಕಾರದ ಬೆಂಬಲ: ಶೇ 93.22ರಷ್ಟು ವಿದ್ಯಾರ್ಥಿಗಳು ಇಂಟರ್ನ್ಶಿಪ್ ಮತ್ತು ಪ್ರಯೋಗಿಕ ಅನುಭವ ಪಡೆಯುವ ಪ್ರಾಮುಖ್ಯತೆಯನ್ನು ಗುರುತಿಸಿದ್ದಾರೆ. ಬಈ ಕುರಿತು ಮಾತನಾಡಿರುವ ಎಚ್ಸಿಯು ಮ್ಯಾನೇಜ್ಮೆಂಟ್ ವಿಭಾಗದ ಹಿರಿಯ ಪ್ರಾಧ್ಯಾಪಕ ಬೆಲ್ಲಂಕೊಂಡ ರಾಜಶೇಖರ್ ಮಾತನಾಡಿ, ಉದ್ಯೋಗಗಳ ನಡುವಿನ ಸ್ಪರ್ಧೆ ಹೆಚ್ಚಾಗಿದೆ. ವಿದ್ಯಾರ್ಥಿಗಳು ತಮ್ಮ ಉದ್ಯೋಗವಕಾಶ ಹೆಚ್ಚಿಸಲು ಕೌಶಲ್ಯ ವೃದ್ಧಿಗೆ ಸಕ್ರಿಯವಾಗುತ್ತಿದ್ದಾರೆ. ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳೂ ಈ ಕೌಶಲ್ಯವೃದ್ಧಿ ಉತ್ತೇಜಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿವೆ. ಬೆಳೆಯುತ್ತಿರುವ ಉದ್ಯೋಗ ಸಂಬಂಧಿ ಕೌಶಲ್ಯದೊಂದಿಗೆ ಭಾರತೀಯ ಯುವಜನತೆ ಕೌಶಲ್ಯಯುತ ಮತ್ತು ಉದ್ಯೋಗ ಸ್ಥಳದಲ್ಲಿ ಅವಕಾಶಗಳ ಭರವಸೆ ಹೆಜ್ಜೆ ಇಡುವ ಮೂಲಕ ಭವಿಷ್ಯದ ಆರ್ಥಿಕ ಬೆಳವಣಿಗೆಗೆ ವೇದಿಕೆ ಸೃಷ್ಟಿಸಿದ್ದಾರೆ ಎಂದರು.
ಇದನ್ನೂ ಓದಿ: ಹೊಸ ಭಾಷೆ ಕಲಿಯಬೇಕೇ; ಹಾಗಾದ್ರೆ ತಜ್ಞರು ನೀಡಿರುವ ಈ ಯಶಸ್ಸಿನ ಮಂತ್ರ ಪಾಲಿಸಿ
