ಹೈದರಾಬಾದ್: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ ಇಪಿಎಫ್‌ಒ, ಪಿಎಫ್ ಕ್ಲೈಮ್‌ಗಳ ತ್ವರಿತ ಇತ್ಯರ್ಥಕ್ಕೆ ದಾರಿ ಮಾಡಿಕೊಟ್ಟಿದೆ. ಹಣ ವಾಪಸ್ ಪಡೆಯಲು ಅರ್ಜಿ ಸಲ್ಲಿಸಿದಾಗ ಚೆಕ್ ನಕಲು, ಬ್ಯಾಂಕ್ ಪಾಸ್ ಬುಕ್ ನೀಡದಿರುವ ಕ್ಲೈಮ್ ಅನ್ನು ತಿರಸ್ಕರಿಸದೇ ಚಂದಾದಾರರಿಗೆ ಹಣ ಪಾವತಿಸುವ ಮೂಲಕ ಫ್ಲೆಕ್ಸಿಬಿಲಿಟಿ ನೀಡಿದೆ. ಆದಾಗ್ಯೂ, KYC ಅನುಮೋದಿತ ಬ್ಯಾಂಕ್ ಖಾತೆ ವಿವರಗಳನ್ನು ಹೊಂದಿರುವ ಚಂದಾದಾರರಿಗೆ ಮಾತ್ರ ಈ ಸೌಲಭ್ಯ ಲಭ್ಯವಿದೆ ಎಂದು EPFO ಸ್ಪಷ್ಟಪಡಿಸಿದೆ.
ಬ್ಯಾಂಕ್ ಮತ್ತು ಎನ್‌ಪಿಸಿಐ ಆಧಾರ್ ಕೆವೈಸಿ ಮೂಲಕ ಚಂದಾದಾರರ ಖಾತೆ ವಿವರಗಳನ್ನು ಪರಿಶೀಲಿಸಿದ ಕ್ಲೈಮ್‌ಗಳಿಗೆ ಚೆಕ್ ಮತ್ತು ಬ್ಯಾಂಕ್ ಪಾಸ್ಬುಕ್ ಲಗತ್ತಿಸುವ ಅಗತ್ಯವಿಲ್ಲ ಎಂದು ತಿಳಿದು ಬಂದಿದೆ. ಆಧಾರ್ KYC ಅನ್ನು ಪೂರ್ಣಗೊಳಿಸಿದ ಚಂದಾದಾರರ ಕ್ಲೈಮ್‌ಗಳ ಮೇಲೆ 'ಬ್ಯಾಂಕ್ KYC ಆನ್‌ಲೈನ್ ಪರಿಶೀಲನೆ ಪೂರ್ಣಗೊಂಡಿದೆ'. ಕ್ಲೇಮ್ ಅರ್ಜಿಯಲ್ಲಿ ಚೆಕ್ ಮತ್ತು ಪಾಸ್ ಬುಕ್ ಲಗತ್ತಿಸುವ ಅಗತ್ಯವಿಲ್ಲ ಎಂಬ ಟಿಪ್ಪಣಿ ಇರುತ್ತದೆ ಎಂದು ಇಪಿಎಫ್‌ಒ ಹೇಳಿದೆ. ಈ ಮಾಹಿತಿ ಆಧರಿಸಿ ನೌಕರರಿಗೆ ಕ್ಲೇಮ್ ಅರ್ಜಿಗಳನ್ನು ಇತ್ಯರ್ಥಪಡಿಸುವಂತೆ ಸೂಚಿಸಲಾಗಿದೆ.
