ಹೈದರಾಬಾದ್: ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವ ಗಡುವು ಸಮೀಪಿಸುತ್ತಿದೆ. ಹಲವರು ಈಗಾಗಲೇ ಈ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ್ದಾರೆ. ಇನ್ನೂ, ಕೆಲವರು ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸುವ ವೇಳೆ ಫಾರ್ಮ್-16, ಫಾರ್ಮ್-26ಎಎಸ್ ಮತ್ತು ವಾರ್ಷಿಕ ಮಾಹಿತಿ ವರದಿಯಲ್ಲಿ (ಎಐಎಸ್) ವ್ಯತ್ಯಾಸ ಬರುತ್ತಿರುವುದನ್ನು ಕಾಣುತ್ತಿದ್ದಾರೆ. ಇದರಿಂದ ರಿಟರ್ನ್ಸ್ ಸಲ್ಲಿಸಲು ತೊಂದರೆಯಾಗುವ ಸಾಧ್ಯತೆಗಳಿವೆ. ವಿಶೇಷವಾಗಿ AIS ನಲ್ಲಿರುವ ಮಾಹಿತಿ ಈಗ ಬಹಳ ಮುಖ್ಯವಾಗಿದೆ. ಈ ಹಿನ್ನೆಲೆಯಲ್ಲಿ ಸಮಸ್ಯೆಗಳಾದಾಗ ಏನು ಮಾಡಬೇಕು ಎನ್ನುವುದರ ಬಗ್ಗೆ ಇಲ್ಲಿದೆ ಮಾಹಿತಿ..
ಹಣಕಾಸು ವರ್ಷದಲ್ಲಿ ತೆರಿಗೆದಾರರು ಮಾಡಿದ ಎಲ್ಲ ಹಣಕಾಸಿನ ವಹಿವಾಟುಗಳು ವಾರ್ಷಿಕ ಮಾಹಿತಿ ವರದಿಯಲ್ಲಿ ಕಂಡು ಬರುತ್ತವೆ. ಆದಾಯ, ಬ್ಯಾಂಕ್ ಖಾತೆ ವಿವರಗಳು, ಹೂಡಿಕೆಗಳು ಮತ್ತು ಇತರ ಹಣಕಾಸು ಚಟುವಟಿಕೆಗಳನ್ನು ಪರಿಶೀಲಿಸಬಹುದು. ಐಟಿಆರ್ (ಆದಾಯ ತೆರಿಗೆ ರಿಟರ್ನ್ಸ್) ಸಲ್ಲಿಸಲು ಈ ಮಾಹಿತಿ ಸಾಕಾಗುತ್ತದೆ. ಆದಾಗ್ಯೂ, ಕೆಲವೊಂದು ಸಂದರ್ಭಗಳಲ್ಲಿ ಕೆಲವು ತಪ್ಪುಗಳಾಗುವ ಸಾಧ್ಯತೆಯಿದೆ.
- ಒಂದೇ ಆದಾಯವನ್ನು ಎರಡು ಬಾರಿ ನಮೂದಿಸುವುದು ಅಥವಾ ಸಂಬಂಧವಿಲ್ಲದ ಆದಾಯವನ್ನು ತೋರಿಸುವುದು.
- ಮೂಲದಲ್ಲಿ ತೆರಿಗೆ ಕಡಿತದಲ್ಲಿ ದೋಷಗಳು (TDS).
- ಹೆಚ್ಚಿನ ಮೌಲ್ಯದ ವಹಿವಾಟುಗಳ ಉಲ್ಲೇಖ
- ಬ್ಯಾಂಕುಗಳು ಮತ್ತು ಅಂಚೆ ಕಚೇರಿಗಳಿಂದ ಪಡೆದ ಬಡ್ಡಿಯನ್ನು ನೋಂದಾಯಿಸುವುದು
- ಮ್ಯೂಚುವಲ್ ಫಂಡ್, ಷೇರು ಇತ್ಯಾದಿಗಳಿಗೆ ಸಂಬಂಧಿಸಿದ ವ್ಯವಹಾರಗಳಲ್ಲಿ ತಪ್ಪುಗಳು
ಸರಿಪಡಿಸುವುದು ಹೇಗೆ?: ಮೊದಲು ಆದಾಯ ತೆರಿಗೆ ಇ-ಫೈಲಿಂಗ್ ಪೋರ್ಟಲ್‌ಗೆ ಹೋಗಿ. ವಾರ್ಷಿಕ ಮಾಹಿತಿ ವರದಿ (AIS) ಟ್ಯಾಬ್ ಆಯ್ಕೆಮಾಡಿ. AIS ಭಾಗ-A ಮತ್ತು ಭಾಗ-B ಅನ್ನು ನೋಡಿ. ತಪ್ಪು ಮಾಹಿತಿಯನ್ನು ಗುರುತಿಸಿ ಮತ್ತು ಅದನ್ನು ಬದಲಾಯಿಸುವ ಆಯ್ಕೆಯನ್ನು ಆರಿಸಿ. ಅಲ್ಲಿ ಕೆಲವು ವಿವರಗಳು ಕಾಣಿಸುತ್ತವೆ. ಇದರಲ್ಲಿ ಮಾಹಿತಿ ಸರಿಯಾಗಿದೆ, ಇತರ ಪ್ಯಾನ್ ಅಥವಾ ಹಣಕಾಸು ವರ್ಷಕ್ಕೆ ಸಂಬಂಧಿಸಿದ ಮಾಹಿತಿ, ಎರಡು ಬಾರಿ ವಹಿವಾಟುಗಳು ಕಾಣಿಸಿಕೊಳ್ಳುತ್ತಿವೆ, ಎಂಬುದಿರುತ್ತವೆ. ನೀವು ಸರಿಯಾದದನ್ನು ಆರಿಸಿ, ನಿಮ್ಮ ವಿನಂತಿಯನ್ನು ಸಲ್ಲಿಸಬೇಕು. ನಂತರ ಆದಾಯ ತೆರಿಗೆ ಇಲಾಖೆಯು ಸಂಬಂಧಿತ ವಹಿವಾಟುಗಳನ್ನು ಮೌಲ್ಯೀಕರಿಸಿ, ಅವುಗಳನ್ನು AIS ನಲ್ಲಿ ಸರಿಪಡಿಸುತ್ತದೆ.
ಫಾರ್ಮ್ 26AS ನಲ್ಲಿನ ತೆರಿಗೆ ವಿವರಗಳು ಹೊಂದಿಕೆಯಾಗದಿದ್ದರೆ, ತಕ್ಷಣವೇ ಅದನ್ನು ನಿಮ್ಮ ಉದ್ಯೋಗದಾತರ ಗಮನಕ್ಕೆ ತಂದು ಸರಿಪಡಿಸಿ.
ವಿದೇಶಕ್ಕೆ ಹಣ ಕಳುಹಿಸುವಂತಹ ವಹಿವಾಟು ನಡೆಸಿದರೆ ಆ ವಿವರಗಳೂ ಎಐಎಸ್ ನಲ್ಲಿ ಕಾಣಿಸುತ್ತವೆ. ಆದ್ದರಿಂದ, ಇವುಗಳನ್ನು ಎಚ್ಚರಿಕೆಯಿಂದ ಪರಿಶೀಲಿಸಿ. ನೀವು ಮಾಡದ ಯಾವುದೇ ವಹಿವಾಟುಗಳನ್ನು ನೀವು ಕಂಡುಕೊಂಡರೆ, ತಕ್ಷಣ ಅವುಗಳನ್ನು ಸರಿಪಡಿಸಲು ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳಿ. ಅನೇಕ ವಿದೇಶಿ ವೆಬ್‌ಸೈಟ್‌ಗಳು ಈಗ ಕ್ರೆಡಿಟ್/ಡೆಬಿಟ್ ಕಾರ್ಡ್ ಪಾವತಿಗಳನ್ನು ಸ್ವೀಕರಿಸುತ್ತವೆ. ಖರೀದಿಸಿದಾಗ ಈ ವಿವರಗಳನ್ನು AIS ನಲ್ಲಿ ನಮೂದಿಸಲಾಗುತ್ತದೆ. ಈ ಸಂದರ್ಭದಲ್ಲಿ, ತೆರಿಗೆಗೆ ಒಳಪಡುವ ಆದಾಯವನ್ನು ಹೊಂದಿರುವವರು ಖಂಡಿತವಾಗಿಯೂ ರಿಟರ್ನ್ಸ್ ಸಲ್ಲಿಸಬೇಕು. ವಿದೇಶಕ್ಕೆ ಹಣ ರವಾನೆಯಾಗಲಿ ಅಥವಾ ಅಲ್ಲಿಂದ ಬರುವ ಆದಾಯವಾಗಲಿ ಅದಕ್ಕೆ ಸಂಬಂಧಿಸಿದ ಸಾಕ್ಷ್ಯಗಳನ್ನು ಬಹಳ ಎಚ್ಚರಿಕೆಯಿಂದ ಇಟ್ಟುಕೊಳ್ಳುವುದು ಅಗತ್ಯ.
ಗುರುತಿಸುವುದು ಹೇಗೆ?: ಇ-ಫೈಲಿಂಗ್ ಪೋರ್ಟಲ್‌ನಿಂದ ನಿಮ್ಮ AIS ಮತ್ತು ಫಾರ್ಮ್-26AS ಅನ್ನು ಡೌನ್‌ಲೋಡ್ ಮಾಡಿ. ನಿಮ್ಮ ಫಾರ್ಮ್-16 ಅನ್ನು ನಿಮ್ಮೊಂದಿಗೆ ಇಟ್ಟುಕೊಳ್ಳಿ. ಈ ಮೂರರಲ್ಲಿರುವ ಮಾಹಿತಿಯನ್ನು ಹೋಲಿಕೆ ಮಾಡಿ. ವರದಿ ಮಾಡಿದ ಆದಾಯದ ಎಲ್ಲಾ ವಿವರಗಳು ಸರಿಯಾಗಿವೆಯೇ ಎಂದು ಪರಿಶೀಲಿಸಿ. TDS ಮತ್ತು TACS ನಲ್ಲಿ ಯಾವುದೇ ವ್ಯತ್ಯಾಸವಿದೆಯೇ ಎಂದು ಪರಿಶೀಲಿಸಿ.
ಇದನ್ನೂ ಓದಿ: ಜೀವ ವಿಮೆ ಏಕೆ ತೆಗೆದುಕೊಳ್ಳಬೇಕು; ಇದರಿಂದ ಆಗುವ ಪ್ರಯೋಜನಗಳೇನು ? ಇಲ್ಲಿದೆ ಉಪಯುಕ್ತ ಮಾಹಿತಿ - Why we take life insurance
