PF ಖಾತೆದಾರರಿಗೆ ಬಂಪರ್​ ಸುದ್ದಿ: ಕ್ಷಣಮಾತ್ರದಲ್ಲೇ ಹಣ ಡ್ರಾ ಮಾಡಿ! ಅದು ಹೇಗೆ ಅನ್ನೋದು ಗೊತ್ತಾ? - How To Withdraw PF umang app

How To Withdraw PF Balance: ನೀವು ಪಿಎಫ್ ಖಾತೆ ಹೊಂದಿದ್ದೀರಾ? ಹಾಗೊಮ್ಮೆ ಪಿಎಫ್​ ಖಾತೆ ಇದ್ದು, ಹಣ ಹಿಂಪಡೆಯಲು ಬಯಸುತ್ತಿದ್ದೀರಾ? ಹಾಗಾದರೆ ಅಂತಹವರಿಗೆ ಒಳ್ಳೆಯ ಸುದ್ದಿಯೊಂದು ಬಂದಿದೆ. ಬಳಕೆದಾರರ ಅನುಕೂಲಕ್ಕಾಗಿ, EPFO ​​ತ್ವರಿತವಾಗಿ ಹಣವನ್ನು ಹಿಂತೆಗೆದುಕೊಳ್ಳುವ ಸೌಲಭ್ಯವನ್ನು ತನ್ನ ಬಳಕೆದಾರರಿಗೆ ಒದಗಿಸಿದೆ. ಈ ಬಗೆಗಿನ ವಿವರಗಳನ್ನು ನೋಡೋಣ.

ಹೈದರಾಬಾದ್​: ಪ್ರಸ್ತುತ ಬಹುತೇಕ ಉದ್ಯೋಗಿಗಳು, ಉದ್ಯೋಗಿಗಳ ಭವಿಷ್ಯ ನಿಧಿ EPF ಖಾತೆಯನ್ನು ಹೊಂದಿಯೇ ಹೊಂದಿರುತ್ತಾರೆ. ಪ್ರತಿ ತಿಂಗಳು ಅವರು ತಮ್ಮ ಮೂಲ ವೇತನದ ನಿರ್ದಿಷ್ಟ ಹಣವನ್ನು ಪಿಎಫ್​ ಖಾತೆಗೆ ಕೊಡುಗೆಯಾಗಿ ಪಾವತಿ ಮಾಡಿರಲೇಬೇಕಾಗುತ್ತದೆ. ನೌಕರರು ಅಷ್ಟೇ ಅಲ್ಲ ಅವರು ಕೆಲಸ ಮಾಡುತ್ತಿರುವ ಕಂಪನಿಯೂ ಸಹ, ಆತ ಪಾವತಿಸಿದಷ್ಟು ಮೊತ್ತವನ್ನು ಪಿಎಫ್​​ ಖಾತೆಗೆ ಜಮಾ ಮಾಡುತ್ತದೆ. ನಿವೃತ್ತಿಯ ನಂತರ ಈ ಹಣ ನೌಕರನಿಗೆ ಅನುಕೂಲ ಅಥವಾ ಸಹಾಯಕ್ಕೆ ಬರಲಿದೆ.

ಆದರೆ, ಕೆಲವರಿಗೆ ತುರ್ತು ಪರಿಸ್ಥಿತಿಯಲ್ಲಿ ಹಣ ಬೇಕಾಗುತ್ತದೆ. ಎಷ್ಟೋ ಜನರು EPFO ​​ವೆಬ್‌ಸೈಟ್‌ಗೆ ಹೋಗಿ PF ಹಣ ಹಿಂಪಡೆಯುತ್ತಾರೆ. ಆದಾಗ್ಯೂ, ಈ ರೀತಿಯಲ್ಲಿ ಹಣವನ್ನು ಹಿಂಪಡೆಯಲು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತದೆ. ಅದಕ್ಕಾಗಿಯೇ EPFO ​​ಬಳಕೆದಾರರಿಗೆ UMANG ಅಪ್ಲಿಕೇಶನ್ ಮೂಲಕ ಕ್ಷಣ ಮಾತ್ರದಲ್ಲಿ ಹಣ ಹಿಂಪಡೆಯುವ ಸೌಲಭ್ಯ ಒದಗಿಸಲಾಗಿದೆ. ಈಗ ಉಮಂಗ್ ಆಪ್ ಮೂಲಕ ಹಣವನ್ನು ಹಿಂಪಡೆಯುವುದು ಹೇಗೆ ಎಂದು ತಿಳಿದುಕೊಳ್ಳೋಣ.

How To Withdraw PF Balance From UMANG App- ಉಮಾಂಗ್ ಅಪ್ಲಿಕೇಶನ್ ಬಳಸಿ ಪಿಎಫ್ ಹಣವನ್ನು ಹಿಂಪಡೆಯುವುದು ಹೇಗೆ?

• ಮೊದಲು ಪ್ಲೇಸ್ಟೋರ್‌ನಿಂದ ಉಮಾಂಗ್ ಆಪ್ ಡೌನ್‌ಲೋಡ್ ಮಾಡಿಕೊಳ್ಳಿ.
• ಅಪ್ಲಿಕೇಶನ್ ಡೌನ್ಲೋಡ್​ ಮಾಡಿದ ನಂತರ ಅಗತ್ಯವಿರುವ ವಿವರಗಳೊಂದಿಗೆ ಲಾಗಿನ್ ಮಾಡಿ.
• ನಂತರ ಸೇವಾ ವಿಭಾಗದಲ್ಲಿ EPFO ​​ಆಯ್ಕೆಯನ್ನು ಆರಿಸಿಕೊಳ್ಳಿ.
• ನಂತರ 'ಉದ್ಯೋಗಿ ಕೇಂದ್ರಿತ ಸೇವೆಗಳು' ವಿಭಾಗದಲ್ಲಿ ರೈಸ್ ಕ್ಲೈಮ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
• ಈಗ UAN ಸಂಖ್ಯೆಯನ್ನು ನಮೂದಿಸಿ. ನಂತರ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ OTP ಕಳುಹಿಸಲಾಗುತ್ತದೆ. ಅದನ್ನು ಅಪ್ಲಿಕೇಶನ್​​ನಲ್ಲಿ ನಮೂದಿಸಿ.
• ನಂತರ ಅಗತ್ಯವಿರುವ ವಿವರಗಳನ್ನು ನಮೂದಿಸಿ ಮತ್ತು ನೀವು ಹಿಂಪಡೆಯಲು ಬಯಸುವ ಮೊತ್ತವನ್ನು ನಮೂದಿಸಿ, ಆ ಬಳಿಕ ಅಲ್ಲಿ ಕೇಳಿದಂತೆ ಬ್ಯಾಂಕ್ ಖಾತೆಯ ವಿವರಗಳನ್ನು ನಮೂದಿಸಿ.
• ಈ ಸಂಪೂರ್ಣ ಪ್ರಕ್ರಿಯೆ ಪೂರ್ಣಗೊಂಡ ನಂತರ ನಿಮಗೊಂದು ಉಲ್ಲೇಖ ಸಂಖ್ಯೆ ಬರುತ್ತದೆ.
• ಉಮಾಂಗ್ ಆ್ಯಪ್‌ನಲ್ಲಿ ಈ ಉಲ್ಲೇಖ ಸಂಖ್ಯೆಯನ್ನು ನಮೂದಿಸುವ ಮೂಲಕ ನೀವು ದಾಖಲಿಸಿದ ಮೊತ್ತವನ್ನು ಹಿಂಪಡೆಯುವ ವಿನಂತಿಯನ್ನು ಪರಿಶೀಲನೆ ಮಾಡಬಹುದು
• ಎಲ್ಲ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸುವ ಮೂಲಕ ನೀವು ಯಾವುದೇ ಸಮಯದಲ್ಲಿ, ಎಲ್ಲಿ ಬೇಕಾದರೂ ಪಿಎಫ್ ಹಣವನ್ನು ಕ್ಷಣಮಾತ್ರದಲ್ಲೇ ಉಮಾಂಗ್ ಅಪ್ಲಿಕೇಶನ್ ಮೂಲಕ ಹಿಂಪಡೆಯಬಹುದು.

ಉಮಾಂಗ್ ಆಪ್ ನಲ್ಲಿ ಪಿಎಫ್ ಬ್ಯಾಲೆನ್ಸ್ ಚೆಕ್ ಮಾಡುವುದು ಹೇಗೆ?

• ನಿಮ್ಮ ಫೋನ್‌ನಲ್ಲಿ ಉಮಾಂಗ್ ಅಪ್ಲಿಕೇಶನ್ ಡೌನ್​​​​ಲೋಡ್​ ಮಾಡಿಕೊಳ್ಳಿ, ಇನ್​ಸ್ಟಾಲ್​ ಆದ ಮೇಲೆ ಇಪಿಎಫ್‌ಒ ಆಯ್ಕೆಯನ್ನು ಆರಿಸಿ.
• ನಂತರ 'ಉದ್ಯೋಗಿ ಕೇಂದ್ರಿತ ಸೇವೆಗಳು' ವಿಭಾಗದಲ್ಲಿ 'ಪಾಸ್‌ಬುಕ್ ವೀಕ್ಷಿಸಿ' ಆಯ್ಕೆಯ ಬಟನ್​ ಕ್ಲಿಕ್ ಮಾಡಿ.
• ನಂತರ ನಿಮ್ಮ UAN ಸಂಖ್ಯೆಯನ್ನು ನಮೂದಿಸಿ.
• ತಕ್ಷಣವೇ ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ OTP ಕಳುಹಿಸಲಾಗುತ್ತದೆ. ಅದನ್ನು ಅಲ್ಲಿ ನಮೂದಿಸಿ.
• ಈಗ ನಿಮ್ಮ ಬ್ಯಾಲೆನ್ಸ್ ವಿವರಗಳು ಪರದೆಯ ಮೇಲೆ ಕಾಣಿಸುತ್ತವೆ.

ಇದನ್ನು ಓದಿ: ಫ್ರೀ ಫ್ರೀ ಫ್ರೀ... ಜಿಯೋ ಫೈಬರ್ - ಏರ್ ಫೈಬರ್ ಗ್ರಾಹಕರಿಗೆ ಭರ್ಜರಿ ಆಫರ್ - Jio new plan