ಹೈದರಾಬಾದ್: ಡಿಜಿಟಲ್ ಜಗತ್ತಿನಲ್ಲಿ ಜೀವಿಸುತ್ತಿರುವ ಇಂದಿನ ಕಾಲದಲ್ಲಿ ಚಿಪ್ ಅತ್ಯಗತ್ಯ ಸಾಮಗ್ರಿಯಾಗಿದೆ. ಕಾರಣ, ನಾವು ಬಳಕೆ ಮಾಡುವ ಮೊಬೈಲ್ ಫೋನ್, ಸ್ಮಾರ್ಟ್ ವಾಚ್, ಮನೆಯಲ್ಲಿ ವೀಕ್ಷಿಸುವ ಟಿವಿ, ಅದನ್ನು ನಿಯಂತ್ರಿಸುವ ರಿಮೋಟ್, ಕಚೇರಿಗಳಲ್ಲಿ ಬಳಕೆ ಮಾಡುವ ಕಂಪ್ಯೂಟರ್ ಮತ್ತು ಲ್ಯಾಪ್ಟಾಪ್, ಪ್ರಯಾಣಿಸುವ ಕಾರು, ಸಂಚರಿಸುವ ವಿಮಾನ, ನಭಕ್ಕೆ ಜಿಗಿಯುವ ರಾಕೆಟ್, ಹವಾಮಾನ ಮುನ್ಸೂಚನೆ ನೀಡುವ ಸ್ಯಾಟಲೈಟ್ ಎಲ್ಲದಕ್ಕೂ ಚಿಪ್ಗಳು ಅಗತ್ಯವಾಗಿದೆ.
ಇಂತಹ ಮೈಕ್ರೋ ಚಿಕ್ಗಳನ್ನು ಆಮದು ಮಾಡಿಕೊಳ್ಳಲು ದೇಶವು ಪ್ರತಿ ವರ್ಷ ಲಕ್ಷಾಂತರ ಕೋಟಿ ರೂ ವೆಚ್ಚ ಮಾಡುತ್ತಿವೆ. ಈ ಸಮಸ್ಯೆಗೆ ಇದೀಗ ಹೈದರಾಬಾದ್ನ ಉಸ್ಮಾನಿಯಾ ಯುನಿವರ್ಸಿಟಿ ಪರಿಹಾರ ಕಂಡು ಹಿಡಿದಿದೆ. ಅಲ್ಲದೇ ಚಿಪ್ಗಳ ಆಮದನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ ಕಾರ್ಯಪ್ರವೃತ್ತವಾಗಿದ್ದು, ಶೀಘ್ರದಲ್ಲೇ ಸ್ವಾಫ್ಟ್ವೇರ್ ನಗರವಾಗಿರುವ ಮುತ್ತಿನ ನಗರಿ ಚಿಪ್ ಸಿಟಿಯಾಗಲಿದೆ.
ನೆರವು ನೀಡಲು ಮುಂದೆ ಬಂದ ಕೇಂದ್ರ ಸರ್ಕಾರ: ಪ್ರೊ ಚಂದ್ರಶೇಖರ್ ಮಾರ್ಗದರ್ಶನದಲ್ಲಿ ಯುನಿವರ್ಸಿಟಿಯ ಎಲೆಕ್ಟ್ರಾನಿಕ್ಸ್ ವಿಭಾಗದ ವಿದ್ಯಾರ್ಥಿಗಳು ಲಭ್ಯವಿರುವ ಸಂಪನ್ಮೂಲಗಳ ಜೊತೆಗೆ ಫ್ರಿಕ್ವೇನ್ಸಿ ಸಿಂಥಸೈಜರ್ ಸೃಷ್ಟಿಸಲು ಮುಂದಾಗಿದ್ದಾರೆ. ಎರಡು ಮಿಲಿಮೀಟರ್ ಗಾತ್ರದಲ್ಲಿ ಉತ್ಪಾದನೆ ಮಾಡುವ ಕುರಿತು ವರದಿ ತಯಾರಿಸಿದ್ದು, ಇದು ಗಿಗಾಹರ್ಟ್ಜ್ ಸಾಮರ್ಥ್ಯದಲ್ಲಿ ಕಾರ್ಯ ನಿರ್ವಹಿಸಲಿದೆ. ಇದಕ್ಕಾಗಿ ಕೇಂದ್ರ ಸರ್ಕಾರವು 5 ಕೋಟಿ ನೆರವು ನೀಡಲು ಒಪ್ಪಿದೆ.
ಉಸ್ಮಾನಿಯಾ ಉಂಜಿನಿಯರಿಂಗ್ ಕಾಲೇಜ್ ಜೊತೆಗೆ ಎಲೆಕ್ಟ್ರಾನಿಕ್ ಉತ್ಪನ್ನದ ಮೂರು ಕಂಪನಿಗಳು ಕೂಡ ಈ ಯೋಜನೆ ಪಾಲುದಾರಿಕೆ ಹೊಂದಿದೆ. ಇದಕ್ಕಾಗಿ ಕೇಂದ್ರ ಕೂಡ ಸರಿಹೊಂದುವ ಸಾಫ್ಟ್ವೇರ್ ಕೂಡಾ ನೀಡಿದೆ. ಬೆಂಗಳೂರು ಮೂಲದ ಸೀ-ಡಾಕ್ ಚಿಪ್ನ ಫ್ರಿಕ್ವೇನ್ಸಿ ಸಂಬಂಧಿಸಿದಂತೆ ಸಂಶೋಧನಾ ತಂಡಕ್ಕೆ ತರಬೇತಿ ನೀಡಲಿದೆ. 2023ರಿಂದ ಉಸ್ಮಾನಿಯ ಯುನಿವರ್ಸಿಟಿಯಿಂದ ಸಂಶೋಧನೆ ಆರಂಭಿಸಿದ್ದು, ಈ ವರ್ಷ ಆಗಸ್ಟ್ನಲ್ಲಿ ಶೇ 90ರಷ್ಟು ಕಾರ್ಯ ಮುಗಿಸಿದೆ. ಮುಂದಿನ ಎರಡು ತಿಂಗಳೊಳಗೆ ಚಿಪ್ ಉತ್ಪಾದನೆಯಾಗುವ ಸಾಧ್ಯತೆ ಇದೆ.
ವಿದೇಶಗಳಿಂದ ಚಿಪ್ಗಳ ಆಮದು: ಮೆಕಾನಿಕಲ್, ಆಟೋಮೊಬೈಲ್ ಮತ್ತು ಎಲೆಕ್ಟ್ರಾನಿಕ್ ವಲಯದಲ್ಲಿ ಮೈಕ್ರೋಚಿಪ್ಗಳನ್ನು ಹೆಚ್ಚಾಗಿ ಬಳಕೆ ಮಾಡಲಾಗುವುದು. ಇದರ ಹೊರತಾಗಿ ಉತ್ಪಾದನೆ ವಲಯವೂ ಸಂಕುಚಿತವಾಗಲಿದೆ. ನಮ್ಮ ದೇಶವು ಕಳೆದ ಆರ್ಥಿಕ ವರ್ಷದಲ್ಲಿ 2022-23ರಲ್ಲಿ 1,29,703 ಚಿಪ್ ಆಮದು ಮಾಡಿಕೊಳ್ಳಲಾಗಿದೆ. ಮೈಕ್ರೋಚಿಪ್ ಉತ್ಪಾದನೆಯಲ್ಲಿ ತೈವಾನ್ ಜಾಗತಿಕ ನಾಯಕವಾಗಿದ್ದು, ಭಾರತ ಸೇರಿದಂತೆ ಇತರ ದೇಶಗಳು 3-5 ಎಂಎಂ ಗಾತ್ರದ ಉತ್ಪಾದನೆ ಮಾಡುತ್ತಿವೆ. ಒಂದು ಎಂಎಂ ಗಾತ್ರದ ಚಿಪ್ ಅನ್ನು ತೈವಾನ್ ಮಾತ್ರ ಉತ್ಪಾದಿಸುತ್ತದೆ. ಎಲ್ಲಾ ದೇಶಗಳು ಇದರ ಮೇಲೆ ಹೆಚ್ಚು ಅವಲಂಬಿತವಾಗಿವೆ.
ಹಿಡಿತ ಸಾಧಿಸಲು ಚೀನಾ ಹರಸಾಹಸ: ಕೋವಿಡ್ ಸಾಂಕ್ರಾಮಿಕ ಸಮಯದಲ್ಲಿ ಈ ರಫ್ತು ನಿಲ್ಲಿಸಲಾಯಿತು. ಇದರಿಂದ ವಿಶ್ವ ಆರ್ಥಿಕತೆಯು ಭಾರೀ ಹಾನಿಗೊಂಡಿತು. ಚೀನಾ ಈ ಮಾರುಕಟ್ಟೆಯನ್ನು ವಾಪಸ್ ಹಿಡಿತಕ್ಕೆ ಪಡೆಯಲು ಭಾರಿ ಕಷ್ಟಪಡುತ್ತಿದೆ. ಕೇಂದ್ರ ಸರ್ಕಾರವೂ ಕಳೆದೆರಡು ವರ್ಷದ ಹಿಂದೆ ಕೇಂದ್ರ ಸರ್ಕಾರವೂ ಚಿಪ್ ಸ್ಟಾರ್ಟ್ಅಪ್ ಯೋಜನೆಯನ್ನು ಕುರಿತು ಚಿಂತಿಸಿದೆ.
ಕೋವಿಡ್ ಕಾಲದಲ್ಲಿ ನಾವು ಅನುಭವಿಸಿದ ಸ್ಥಿತಿಯನ್ನು ಗುರಿಯಾಗಿಸಿಕೊಂಡು ಭವಿಷ್ಯದಲ್ಲಿ ನಾವು ಫ್ರೀಕ್ವೆನ್ಸಿ ಸಿಂಥಸೈಜರ್ ಚಿಪ್ ನಿರ್ಮಾಣ ಮಾಡುತ್ತಿದ್ದೇವೆ. ಒಮ್ಮೆ ಇದು ಸಂಪೂರ್ಣವಾಗಿ ಲಭ್ಯವಾದರೆ, ಚಿಪ್ಗಾಗಿ ವಿದೇಶದ ಮೇಲಿನ ಅವಲಂಬನೆ ಕಡಿಮೆಯಾಗಲಿದೆ. ಮುಂದಿನ 3 ರಿಂದ 5 ವರ್ಷದಲ್ಲಿ ಚಿಪ್ ಆಮದನ್ನು ಶೇ 20ರಷ್ಟು ತಗ್ಗಿಸಲಿದೆ. ಭಾರತ ಎಲೆಕ್ಟ್ರಾನಿಕ್ಸ್ ವಲಯದಲ್ಲಿ ಹೊಸ ಕ್ರಾಂತಿ ಮಾಡಲು ಇದು ಮೊದಲ ಹೆಜ್ಜೆಯಾಗಲಿದೆ. ವಾಣಿಜ್ಯ ಸ್ಕೇಲ್ನಲ್ಲಿ ಈ ಉತ್ಪಾದನೆಯನ್ನು ಶುರು ಮಾಡಿದರೆ, ಉಸ್ಮಾನಿಯಾ ಯುನಿವರ್ಸಿಟಿ ಕೂಡ ಮಾರುಕಟ್ಟೆಯಲ್ಲಿ ಮಾರಾಟವಾದ ಚಿಪ್ ರಾಯಲ್ಟಿ ಪಡೆಯಲಿದೆ ಎಂದು ಉಸ್ಮಾನಿಯಾ ಇಂಜಿನಿಯರಿಂಗ್ ಕಾಲೇಜ್ನ ಪ್ರಿನ್ಸಿಪಾಲ್ ಪ್ರೊ ಚಂದ್ರಶೇಖರ್ ತಿಳಿಸಿದ್ದಾರೆ.
ಇದನ್ನೂ ಓದಿ: 2026ಕ್ಕೆ ಭಾರತಕ್ಕೆ ಬೇಕು $100 ಬಿಲಿಯನ್ ಮೌಲ್ಯದ ಸೆಮಿಕಂಡಕ್ಟರ್ ಚಿಪ್ಗಳು
