ಹೈದರಾಬಾದ್: ಇಲ್ಲಿನ ಅಮೆರಿಕ ರಾಯಭಾರಿ ಕಚೇರಿ ಸತತ ಎರಡನೇ ವರ್ಷ ಕೂಡ ಭಾರತೀಯರಿಗೆ 1 ಮಿಲಿಯನ್ ವಲಸಿಗರಲ್ಲದ ವೀಸಾಗಳನ್ನು ಭಾರತೀಯರಿಗೆ ವಿತರಣೆ ಮಾಡುವ ಮೂಲಕ ಹೊಸ ಮೈಲಿಗಲ್ಲು ಸೃಷ್ಟಿಸಿರುವುದಾಗಿ ಘೋಷಿಸಿದೆ. ಈ ಬೆಳವಣಿಗೆ ಅಮೆರಿಕ ಮತ್ತು ಭಾರತದ ಸಂಬಂಧ ಬಲಗೊಳಿಸುವ ಮತ್ತು ರಾಯಭಾರ ಸೇವೆಯನ್ನು ಸಮರ್ಥವಾಗಿ ನೀಡುವ ಅಮೆರಿಕದ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಯುಎಸ್ ರಾಯಭಾರ ಕಚೇರಿ ತಿಳಿಸಿದೆ.
ಅಮೆರಿಕ (ಯುನೈಟೆಡ್ ಸ್ಟೇಟ್) ಯೋಜನೆಯ ಭಾಗ : ಜನವರಿ ಮತ್ತು ನವೆಂಬರ್ 2024ರಲ್ಲಿ 2 ಮಿಲಿಯನ್ ಭಾರತೀಯರು ಅಮೆರಿಕ ಪ್ರವಾಸ ಕೈಗೊಂಡಿದ್ದು, 2023ಕ್ಕೆ ಹೋಲಿಕೆ ಮಾಡಿದಾಗ ಶೇ 26ರಷ್ಟು ಏರಿಕೆ ಕಂಡಿದೆ. 5 ಮಿಲಿಯನ್ಗೂ ಹೆಚ್ಚು ಭಾರತೀಯರಿಗೆ ಪ್ರವಾಸ, ಉದ್ಯಮ ಮತ್ತು ಶಿಕ್ಷಣ ಸೇರಿದಂತೆ ವಲಸಿಗರಲ್ಲದ ವೀಸಾವನ್ನು ವಿತರಿಸಲಾಗಿದೆ.
ವಿದ್ಯಾರ್ಥಿ ವೀಸಾದಲ್ಲಿ ದಾಖಲೆ: ಅಮೆರಿಕದ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳಲ್ಲಿ ಭಾರತೀಯರ ಸಂಖ್ಯೆ ಹೆಚ್ಚಿದೆ. 2008-09ರ ಶೈಕ್ಷಣಿಕ ವರ್ಷದಿಂದ ಈ ಸ್ಥಾನ ಮುಂದುವರೆದಿದೆ.
ಸದ್ಯ ಅಮೆರಿಕದಲ್ಲಿ ಅಂದಾಜು 3,31,000 ಭಾರತೀಯರು ಉನ್ನತ ಶಿಕ್ಷಣ ಪಡೆಯುತ್ತಿದ್ದು, ಪದವಿಗೆ 2,00,000 ವಿದ್ಯಾರ್ಥಿಗಳ ನೋಂದಣಿ ಮಾಡಿಕೊಂಡಿದ್ದು, ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದಾಗ ಇದು ಶೇ 19ರಷ್ಟು ಹೆಚ್ಚಳವಾಗಿದೆ.
ವೀಸಾ ಕಾರ್ಯಕ್ರಮದ ಅವಿಷ್ಕಾರ: ಈ ವರ್ಷ ಅಮೆರಿಕ ಎಚ್-1ಬಿ ವೀಸಾ ನವೀಕರಣದ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ್ದು, ಇದು ಸಾವಿರಾರು ವೃತ್ತಿಪರರಿಗೆ ಪ್ರಯೋಜನಕಾರಿಯಾಗಿದೆ. 2025ರಿಂದ ಅಮೆರಿಕ ವಿಶಾಲ ವ್ಯಾಪ್ತಿಯ ವೀಸಾ ನವೀಕರಣದ ಉಪಕ್ರಮಕ್ಕೆ ಚಾಲನೆ ನೀಡಲಿದೆ.
ಅಮೆರಿಕ ನಾಗರಿಕರ ಬೆಂಬಲ: ಭಾರತದಲ್ಲಿ ಅಮೆರಿಕದ ನಾಗರಿಕರಿಗೆ 24,000 ಪಾಸ್‌ಪೋರ್ಟ್‌ಗಳು ಹಾಗೂ ಇತರ ರಾಯಭಾರಿ ಸೇವೆಗಳನ್ನು ನೀಡಲಾಗಿದೆ.
ವಿನಿಮಯ ಸಂದರ್ಶಕರಿಗೆ ಹೆಚ್ಚಿನ ನಮ್ಯತೆ: ಎಕ್ಸ್‌ಚೇಂಜ್ ವಿಸಿಟರ್ ಸ್ಕಿಲ್ಸ್ ಪಟ್ಟಿಯಿಂದ ಭಾರತವನ್ನು ತೆಗೆದುಹಾಕಿರುವುದರಿಂದ ಭಾರತೀಯ ಜೆ-1 ವೀಸಾ ಹೊಂದಿರುವವರಿಗೆ ಹೆಚ್ಚಿನ ಸುಲಭತೆ ಒದಗಿಸಿದೆ. ಇದರಿಂದ ತಮ್ಮ ಅವಧಿ ಮುಗಿದ ಬಳಿಕವೂ ವೃತ್ತಿ ಮತ್ತು ಶಿಕ್ಷಣ ಮುಂದುವರೆಸಲು ಅವಕಾಶ ನೀಡುತ್ತದೆ.
ಅಮೆರಿಕ - ಭಾರತ ಸಂಬಂಧ ವೃದ್ಧಿ: ಎರಡು ದೇಶಗಳ ನಡುವಿನ ಸಂಬಂಧ ಸಹಯೋಗದ ಪ್ರಯತ್ನಗಳು ಮತ್ತು ನಿರಂತರ ಪಾಲುದಾರಿಕೆಗೆ ಅಮೆರಿಕದ ಈ ಯೋಜನೆ ಕೊಡುಗೆ ನೀಡುತ್ತದೆ. ವಿದ್ಯಾರ್ಥಿಗಳ ದಾಖಲಾತಿಗಳು, ವ್ಯಾಪಾರ ಸಹಯೋಗಗಳಿಂದಾಗಿ ಭಾರತ -ಅಮೆರಿಕ ಸಂಬಂಧವು ಬಲವಾಗಿ ಬೆಳೆಯುತ್ತಿದೆ.
ಇದನ್ನೂ ಓದಿ: ಅಕ್ರಮ ಹಣ ವರ್ಗಾವಣೆ ಆರೋಪ: ಬಿಆರ್ಎಸ್ ನಾಯಕ ಕೆಟಿಆರ್ಗೆ ಇಡಿ ಸಮನ್ಸ್
