ನವದೆಹಲಿ: ಚುನಾವಣಾ ಬಾಂಡ್‌ಗಳ ಸಮಸ್ಯೆ ಇತ್ತೀಚಿನ ದಿನಗಳಲ್ಲಿ ಪ್ರಮುಖ ಅಂಶವಾಗಿದೆ. ಈ ವಿಷಯದ ನಡುವೆ ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ವರದಿ ಬಿಡುಗಡೆ ಮಾಡಿದೆ. ಇದರಲ್ಲಿ ರಾಷ್ಟ್ರೀಯ ಪಕ್ಷಗಳ ನಿಧಿಯ ಮೂಲಗಳನ್ನು ವಿಶ್ಲೇಷಿಸಲಾಗಿದೆ. ವರದಿಯ ಪ್ರಕಾರ, 2004-05 ರಿಂದ 2022-23 ರ ಹಣಕಾಸು ವರ್ಷದ ನಡುವೆ ಅಂದರೆ ಸುಮಾರು 20 ವರ್ಷಗಳ ಅವಧಿಯಲ್ಲಿ ಎಲ್ಲ ರಾಷ್ಟ್ರೀಯ ಪಕ್ಷಗಳು ಅಜ್ಞಾತ ಮೂಲಗಳಿಂದ ಒಟ್ಟಾರೆ 19,000 ಕೋಟಿ ರೂ.ಗಿಂತ ಹೆಚ್ಚಿನ ಆದಾಯ ಸಂಗ್ರಹಿಸಿವೆ.
ರಾಜಕೀಯ ಪಕ್ಷಗಳಿಗೆ ಹಣ ನೀಡುವ ನಿಯಮಗಳೇನು?: ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ಪಕ್ಷಗಳ ಲೆಕ್ಕಪರಿಶೋಧನೆ ಮತ್ತು ದೇಣಿಗೆ ವರದಿಗಳ ವಿಶ್ಲೇಷಣೆಯು ಹಣದ ಮೂಲಗಳು ದೊಡ್ಡ ಪ್ರಮಾಣದಲ್ಲಿ ತಿಳಿದಿಲ್ಲ ಎಂದು ಸ್ಪಷ್ಟವಾಗಿ ತೋರಿಸುತ್ತದೆ ಎಂದು ಎಡಿಆರ್ ತನ್ನ ವರದಿಯಲ್ಲಿ ಹೇಳಿದೆ. ಪ್ರಸ್ತುತ ರಾಜಕೀಯ ಪಕ್ಷಗಳು 20,000 ರೂ.ಗಿಂತ ಕಡಿಮೆ ಮೊತ್ತದ ದೇಣಿಗೆ ಹೊಂದಿರುವ ದಾನಿಗಳ ವಿವರಗಳನ್ನು ಘೋಷಿಸುವ ಅಗತ್ಯವಿಲ್ಲ. ವರದಿ ಪ್ರಕಾರ, ರಾಜಕೀಯ ಪಕ್ಷಗಳ ಶೇ 59 ಕ್ಕಿಂತ ಹೆಚ್ಚು ಹಣವನ್ನು ಅಪರಿಚಿತ ಮೂಲಗಳಿಂದ ಸ್ವೀಕರಿಸಲಾಗಿದೆ. ಇದರಲ್ಲಿ ಚುನಾವಣಾ ಬಾಂಡ್‌ಗಳೂ ಸೇರಿವೆ.
ಜೂನ್ 2013ರಲ್ಲಿ ಕೇಂದ್ರ ಮಾಹಿತಿ ಆಯೋಗದ (ಸಿಐಸಿ) ನಿರ್ಧಾರದಿಂದಾಗಿ ರಾಷ್ಟ್ರೀಯ ಪಕ್ಷಗಳನ್ನು ಆರ್‌ಟಿಐ ಅಡಿ ತರಲಾಯಿತು. ಆದರೆ, ಈ ಪಕ್ಷಗಳು ಈ ನಿಯಮಗಳನ್ನು ಅನುಸರಿಸಿಲ್ಲ. ಪ್ರಸ್ತುತ ಕಾನೂನಿನ ಪ್ರಕಾರ, ಸಾರ್ವಜನಿಕರು ಎಲ್ಲ ಮಾಹಿತಿಯನ್ನು ಆರ್‌ಟಿಐ ಮೂಲಕ ಮಾತ್ರ ಪಡೆಯಬಹುದಾಗಿದೆ.
ಅಜ್ಞಾತ ಮೂಲ ಎಂದರೇನು?: ರಾಜಕೀಯ ಪಕ್ಷಗಳಿಗೆ 20,000 ರೂ.ಗಿಂತ ಹೆಚ್ಚು ದೇಣಿಗೆ ನೀಡುವ ದಾನಿಗಳ ವಿವರಗಳನ್ನು ವಾರ್ಷಿಕವಾಗಿ ಚುನಾವಣಾ ಆಯೋಗಕ್ಕೆ ಸಲ್ಲಿಸಬೇಕಾಗುತ್ತದೆ. ದೇಣಿಗೆ ವರದಿಯಲ್ಲಿ, ಪಕ್ಷಗಳು ದಾನಿಯ ಹೆಸರು, ವಿಳಾಸ, ಪ್ಯಾನ್, ಮೊತ್ತ ಮತ್ತು ಪಾವತಿ ವಿಧಾನದಂತಹ ಮಾಹಿತಿ ಒದಗಿಸಬೇಕು. ಇದು ಪಕ್ಷಗಳ ಆದಾಯದ ಏಕೈಕ ತಿಳಿದಿರುವ ಮೂಲವಾಗಿದೆ. ಪಕ್ಷಗಳು ಘೋಷಿಸಿದ ಆದಾಯ ತೆರಿಗೆ ರಿಟರ್ನ್ಸ್‌ನಿಂದ ಅಜ್ಞಾತ ಮೂಲಗಳಿಂದ ಮಾಹಿತಿಯನ್ನು ತೆಗೆದುಕೊಳ್ಳಲಾಗಿದೆ. 20,000 ಕ್ಕಿಂತ ಕಡಿಮೆ ದೇಣಿಗೆಗಳ ವಿವರಗಳು ಆಡಿಟ್ ವರದಿಯಲ್ಲಿ ಅಥವಾ ದೇಣಿಗೆ ವರದಿಯಲ್ಲಿ ಸಾರ್ವಜನಿಕವಾಗಿ ಲಭ್ಯವಿಲ್ಲ. ಈ ದೇಣಿಗೆಗಳನ್ನು ಅಜ್ಞಾತ ಮೂಲವೆಂದು ಪರಿಗಣಿಸಲಾಗುತ್ತದೆ.
ರಾಜಕೀಯ ಪಕ್ಷಗಳ ನಿಧಿಯ ಬಗ್ಗೆ ವರದಿ ಏನು?: ಎಡಿಆರ್ 2004-05 ರಿಂದ 2022-23 ರ ಆರ್ಥಿಕ ವರ್ಷಗಳ ನಡುವೆ ಎಲ್ಲ ರಾಷ್ಟ್ರೀಯ ಪಕ್ಷಗಳು ಒಟ್ಟು ರೂ. 19,083.08 ಕೋಟಿ ಆದಾಯ ಸಂಗ್ರಹವಾಗಿದೆ. 2022-23ರ ಆರ್ಥಿಕ ವರ್ಷದಲ್ಲಿ ಬಿಜೆಪಿ ರೂ. 1400 ಕೋಟಿ ಆದಾಯ ಘೋಷಿಸಿದೆ. ಈ ಅಂಕಿ ಅಂಶವು ಎಲ್ಲ ರಾಷ್ಟ್ರೀಯ ಪಕ್ಷಗಳು ಘೋಷಿಸಿದ ಬಹಿರಂಗಪಡಿಸದ ಮೊತ್ತದ (ರೂ. 1832.) ಶೇ 76 ರಷ್ಟಾಗಿದೆ . ಬಿಜೆಪಿಯ ಈ ಆದಾಯವು ಇತರ ಐದು ರಾಷ್ಟ್ರೀಯ ಪಕ್ಷಗಳು ಘೋಷಿಸಿದ ಅಜ್ಞಾತ ಮೂಲಗಳ (432 ಕೋಟಿ ರೂ) ಆದಾಯಕ್ಕಿಂತ 937ಕೋಟಿ ರೂ. ಹೆಚ್ಚಾಗಿದೆ.
ಈ ವಿಚಾರದಲ್ಲಿ ದೇಶದ ಪ್ರಮುಖ ಪ್ರತಿಪಕ್ಷ ಕಾಂಗ್ರೆಸ್ ಎರಡನೇ ಸ್ಥಾನದಲ್ಲಿದೆ. ಕಾಂಗ್ರೆಸ್ ಅಜ್ಞಾತ ಮೂಲಗಳಿಂದ ಒಟ್ಟು ರೂ. 315 ಕೋಟಿಗಳನ್ನು ಸ್ವೀಕರಿಸಲಾಗಿದೆ. ಈ ಮೊತ್ತವು ಎಲ್ಲ ರಾಷ್ಟ್ರೀಯ ಪಕ್ಷಗಳ ಅಜ್ಞಾತ ಮೂಲಗಳಿಂದ ಒಟ್ಟು ಆದಾಯದ ಶೇ.17.192 ರಷ್ಟಾಗಿದೆ.
ಅಜ್ಞಾತ ಮೂಲಗಳಿಂದ ಪಕ್ಷಗಳು ಸಂಗ್ರಹಿಸಿದ ರೂ.1832 ಕೋಟಿಗಳ ಒಟ್ಟು ಆದಾಯದಲ್ಲಿ ರೂ.1510 ಕೋಟಿ (82.42%) ಆದಾಯವನ್ನು ಚುನಾವಣಾ ಬಾಂಡ್‌ಗಳಿಂದ ಘೋಷಿಸಲಾಗಿದೆ. 2022-23 ರ ಆರ್ಥಿಕ ವರ್ಷದಲ್ಲಿ, ಕಾಂಗ್ರೆಸ್ ಮತ್ತು ಸಿಪಿಐ(ಎಂ) ಒಟ್ಟಾಗಿ ಕೂಪನ್‌ಗಳನ್ನು ಮಾರಾಟ ಮಾಡುವುದರಿಂದ ರೂ 136 ಕೋಟಿ ಗಳಿಸಿವೆ.
ಅಜ್ಞಾತ ಮೂಲದಿಂದ ಬಂದ ಆದಾಯವೆಷ್ಟು?: 6 ರಾಷ್ಟ್ರೀಯ ಪಕ್ಷಗಳು ಅಜ್ಞಾತ ಮೂಲಗಳಿಂದ ರೂ 1832 ಕೋಟಿ ದೇಣಿಗೆ ಪಡೆದಿವೆ. ಅದರಲ್ಲಿ ಶೇ. 82.42 ರಷ್ಟು (ರೂ 1510 ಕೋಟಿ) ಚುನಾವಣಾ ಬಾಂಡ್‌ಗಳಿಂದ ಬಂದಿದೆ. ಕಾಂಗ್ರೆಸ್ ಮತ್ತು ಸಿಪಿಐ(ಎಂ) ಅಜ್ಞಾತ ಮೂಲಗಳ ಮೂಲಕ ಕೂಪನ್‌ಗಳ ಮಾರಾಟದಿಂದ ಶೇ 7.46 ರಷ್ಟು (ರೂ. 136 ಕೋಟಿ) ಗಳಿಸಿವೆ. 6 ರಾಷ್ಟ್ರೀಯ ಪಕ್ಷಗಳು ಸ್ವಯಂಪ್ರೇರಿತ ಕೊಡುಗೆಗಳಿಂದ (ರೂ. 20,000ಕ್ಕಿಂತ ಕಡಿಮೆ) ಶೇ. 10 ರಷ್ಟು (ರೂ. 183.2811 ಕೋಟಿ) ಸಂಗ್ರಹಿಸಿವೆ.
ಓದಿ: ಉಜ್ವಲಾ ಯೋಜನೆ ಎಲ್ಪಿಜಿ ಸಿಲಿಂಡರ್ ಬಳಕೆದಾರರಿಗೆ ಗುಡ್ ನ್ಯೂಸ್: 300 ರೂ ಸಬ್ಸಿಡಿ ಮತ್ತೊಂದು ವರ್ಷ ಮುಂದುವರಿಕೆ
