ಹೈದರಾಬಾದ್: ಮುಂದಿನ 20 ವರ್ಷದಲ್ಲಿ ದಕ್ಷಿಣ ಏಷ್ಯಾದಲ್ಲಿ ಅತ್ಯಂತ ವೇಗವಾಗಿ ಬೆಳೆಯುವ ಮಾರುಕಟ್ಟೆಯಾಗಿದ್ದು, ಶೇ 8ರಷ್ಟು ವಾಯು ಪ್ರಯಾಣಿಕರ ಸಂಖ್ಯೆ ಹೆಚ್ಚಲಿದೆ ಎಂದು ಬೋಯಿಂಗ್ ಅಂದಾಜಿಸಿದೆ. ಇದರಲ್ಲಿ ಭಾರತವೂ ಪ್ರಮುಖವಾಗಿದೆ ಎಂದು ಬೋಯಿಂಗ್ನ ಕಮರ್ಷಿಯಲ್ ಮಾರ್ಕೆಟ್ ಉಪಾಧ್ಯಕ್ಷ ದರ್ರೆನ್ ಹುಲ್ಟ್ಸ್ ತಿಳಿಸಿದ್ದಾರೆ. ಈ ಸಂಬಂದ ಮಾತನಾಡಿರುವ ಅವರು, ದೇಶೀಯ ಆರ್ಥಿಕತೆ ಬಲವಾಗಿ ಬೆಳವಣಿಗೆಯಾಗುತ್ತಿದೆ. ಮಧ್ಯಮ ವರ್ಗ ಆದಾಯ ಗುಂಪುಗಳು ವೇಳವಾಗಿ ವಿಸ್ತರಗೊಳ್ಳುತ್ತಿದೆ. ಈ ಹಿನ್ನೆಲೆಯಲ್ಲಿ ವಾಯುಯಾನ ಕೂಡ ಬೆಳವಣಿಗೆ ಕಾಣಿತ್ತಿದೆ ಎಂದರು.
ವಿಂಗ್ಸ್ ಇಂಡಿಯಾ 2024ದಲ್ಲಿ ಮಾತನಾಡಿದ ಅವರು, ದಕ್ಷಿಣ ಏಷ್ಯಾಕ್ಕೆ 2042ರ ವೇಳೆಗೆ 2,705 ಏರ್ಕ್ರಾಫ್ಟ್ಗಳು ಬೇಕಾಗಿದೆ. ಭಾರತದಲ್ಲಿ 2,500 ಹೊಸ ಏರ್ಕ್ರಾಫ್ಟ್ಗಳು ಬೇಕಿದೆ. ಇವುಗಳಲ್ಲಿ ಶೇ 86ರಷ್ಟು ವಿಮಾನಗಳು ಸಣ್ಣ ಅಗಲವನ್ನು ಹೊಂದಿದೆ. ಶೇ 28ರಷ್ಟು ಹಳೆಯ ವಿಮಾನಗಳನ್ನು ಅಭಿವೃದ್ಧಿ ತಂತ್ರಜ್ಞಾನದ ವಿಮಾನಗಳೊಂದಿಗೆ ಬದಲಾಯಿಸಬೇಕಿದೆ. ಭಾರತದ ಜನಸಂಖ್ಯೆಯು ವಿಮಾನಯಾನದ ಬೆಳವಣಿಗೆಗೆ ಪೂರಕವಾಗಿದೆ ಎಂದರು
2019ಕ್ಕೂ ಮೊದಲು ಅಂದರೆ ಕೋವಿಡ್ ಪೂರ್ವಕ್ಕೆ ಹೋಲಿಕೆ ಮಾಡಿದಾಗ 2023ರಲ್ಲಿ ಮಾಸಿಕ ದೇಶಿಯ ಪ್ರಯಾಣಿಕರಲ್ಲಿ ಶೇ 7ರಷ್ಟು ಹೆಚ್ಚಾಗಿದೆ. ಅಂತಾರಾಷ್ಟ್ರೀಯ ಪ್ರಯಾಣಿಕರ ಸಂಖ್ಯೆ ಶೇ 30ರಷ್ಟು ಹೆಚ್ಚಾಗಿದೆ. ಇದು ಮತ್ತೆ ಮುಂಚೂಣಿಗೆ ಬಂದಿದೆ. 2019ಕ್ಕೆ ಹೋಲಿಸಿದಾಗ 2024ರ ಏಪ್ರಿಲ್ ಹೊತ್ತಿಗೆ ದೂರ ಪ್ರಯಾಣದ ಜನರ ಸಂಖ್ಯೆ ಶೇ 50ರಷ್ಟು ಹೆಚ್ಚಿಸಲಿದೆ. ಭಾರತದ ವಿಮಾನಗಳು ಕಡಿಮೆ ಟಿಕೆಟ್ ದರ, ಆಫರ್ ಸೇವೆ ಬೇಡಿಕೆಯನ್ನು ಹೆಚ್ಚಿಸಿದೆ. ಕೋವಿಡ್ಗೂ ಮೊದಲು ಹೋಲಿಕೆ ಮಾಡಿದಾಗ ಶೇ 90ರಷ್ಟು ಸೀಟ್ಗಳು ಭರ್ತಿಯಾಗುತ್ತಿದೆ.
ಜಾಗತಿಕ ಮಾರುಕಟ್ಟೆ: ಜಾಗತಿಕವಾಗಿ ಮುಂದಿನ 20 ವರ್ಷದಲ್ಲಿ 42,592 ಹೊಸ ವಿಮಾನಗಳು ಬೇಕಾಗಿದೆ. ದಕ್ಷಿಣ ಏಷ್ಯಾದಲ್ಲಿ 37 ಸಾವಿರ ಪೈಲಟ್, 38,000 ತಾಂತ್ರಿಕರು ಬೇಕಾಗಿದ್ದಾರೆ. ಭಾರತದಲ್ಲಿ 15 ಕಾರ್ಗೋಗಳು ಇದ್ದು, ಇದು ಮುಂದಿನ 20 ವರ್ಷದಲ್ಲಿ ಇದು 80ಕ್ಕೆ ತಲುಪಲಿದೆ. ಕೋವಿಡ್ನಿಂದಾಗಿ ಕಳೆದ ಎರಡು ಮೂರು ವರ್ಷದಲ್ಲಿ 2 ಸಾವಿರ ವಿಮಾನಗಳು ತಡವಾಗಿ ಸೇವೆ ನೀಡುತ್ತಿದೆ ಎಂದು ಕಂಪನಿ ಹೇಳಿಕೊಂಡಿದೆ.
ಟಿಎಸಿಎಲ್ ಜೊತೆಗೆ ಒಪ್ಪಂದ: ಬೋಯಿಂಗ್ ಟಾಟಾ ಅಡ್ವಾನ್ಸ್ಡ್ ಸಿಸ್ಟಂ ಲಿಮಿಟೆಡ್ (ಟಿಎಸಿಎಲ್) ಒಪ್ಪಂದಕ್ಕೆ ಸಹಿ ಹಾಕಿದ್ದು, ವಾಣಿಜ್ಯ ವಿಮಾನಗಳಿಗೆ ಸುಧಾರಿತ ಘಟಕಗಳನ್ನು ಪೂರೈಸುತ್ತದೆ. ಬೋಯಿಂಗ್ ಇವುಗಳನ್ನು 737 ಮ್ಯಾಕ್ಸ್, 777 ಎಕ್ಸ್ ಮತ್ತು 787 ಡ್ರೀಮ್ಲೈನರ್ ವಿಮಾನಗಳನ್ನು ಪೂರೈಸುತ್ತದೆ. ಟಿಎಸಿಎಲ್ ಬೆಂಗಳೂರು ಮತ್ತು ನಾಗ್ಪುರ್ ಕೇಂದ್ರದಲ್ಲಿ ಉತ್ಪಾದನೆ ಮಾಡುತ್ತಿದೆ.
ಈ ಬಗ್ಗೆ ಮಾತನಾಡಿರುವ ಟಿಎಸಿಎಲ್ ಹಿರಿಯ ಉಪ ನಿರ್ದೇಶಕಿ, ಈ ಒಪ್ಪಂದವು ಏರೋಸ್ಪೇಸ್ ಉತ್ಪಾದನಾ ವಲಯದಲ್ಲಿ ಭಾರತದ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಬೋಯಿಂಗ್ ಇಂಡಿಯಾ ಅಧ್ಯಕ್ಷ ಸಲೀಲ್ ಗುಪ್ತೆ ಮಾತನಾಡಿದ ಅವರು, ಗುಣಮಟ್ಟದ ಸಂಕೀರ್ಣ ಘಟಕಗಳನ್ನು ಖರೀದಿಸಲು ಭಾರತೀಯ ಕಂಪನಿಗಳೊಂದಿಗೆ ಪಾಲುದಾರಿಕೆಯನ್ನು ಹೊಂದಿದ್ದಾರೆ ಎಂದು ಬಹಿರಂಗಪಡಿಸಿದ್ದಾರೆ.
ಜೆಟ್ಸೆಟ್ಗೊ 280 ಹೈಬ್ರಿಡ್ ಎಲೆಕ್ಟ್ರಿಕ್ ವಿಮಾನ: ಖಾಸಗಿ ಚಾರ್ಟರ್ಡ್ ವಿಮಾನ ನಿರ್ವಹಣಾ ಸಂಸ್ಥೆಯಾಗಿರುವ ಜೆಟ್ಸೆಟ್ಗೊ, 280 ಹೊಸ ಹೈಬ್ರಿಡ್ ಎಲೆಕ್ಟ್ರಿಕ್ ಏರ್ಕ್ರಾಫ್ಟ್. ಈ ವಿಮಾನಗಳಿಗೆ ಎಲೆಕ್ಟ್ರಾ ಏರೋ, ಹೊರೈಜನ್ ಏರ್ಕ್ರಾಫ್ಟ್ ಮತ್ತು ಓವರ್ ಏರ್ 3 ಕಂಪನಿಗಳೊಂದಿಗೆ ಒಪ್ಪಂದಗಳನ್ನು ಮಾಡಿಕೊಂಡಿವೆ. ಈ ಆರ್ಡರ್ಗಳ 1.3 ಬಿಲಿಯನ್ ಡಾಲರ್ ಮೌಲ್ಯವನ್ನು ಹೊಂದಿದೆ. ವಿಮಾನ ನಿಲ್ದಾಣ ಸಾರಿಗೆ, ಪ್ರಾದೇಶಿಕ ವಿಮಾನಗಳು, ನಗರ ಪ್ರಯಾಣ ಮತ್ತು ಏರ್ ಟ್ಯಾಕ್ಸಿ ಸೇವೆಗಳಿಗೆ ಈ ವಿಮಾನಗಳನ್ನು ಬಳಸಲಾಗುತ್ತದೆ.
ಜೆಟ್ಸೆಟ್ಗೋ ಸಿಇಒ ಕನಿಕ ತೆಕ್ರಿವಲ್ ಮಾತನಾಡಿ, ಅಡ್ವಾನ್ಸ್ಡ್ ಏರ್ ಮೊಬಿಲಿಟಿ ದೇಶಾದ್ಯಂತ ಬೇಡಿಕೆ ಹೆಚ್ಚುತ್ತಿದೆ. ಈ ಹಿನ್ನಲೆ ಹೊಸ ಮಾದರಿಯ ವಿಮಾನವನ್ನು ಖರೀದಿಸಲು ನಿರ್ಧರಿಸಲಾಗಿದೆ. ಬ್ಲೋನ್ ಲಿಫ್ಟ್, ಫ್ಯಾನ್ ಇನ್ ವಿಂಗ್ ಲಿಫ್ಟ್ ಸಿಸ್ಟಂಗಳು, ಹೈಬ್ರಿಡ್ ಮತ್ತು ಎಲೆಕ್ಟ್ರಿಕ್ ಪ್ರೊಪಲ್ಷನ್, ಸೂಪರ್ ಕ್ವೈಟ್ ಆಪ್ಟಿಮಲ್ ಸ್ಪೀಡ್ ಟಿಲ್ಟೆಡ್ ರೋಟರ್‌ಗಳು ಇತ್ಯಾದಿ ಅತ್ಯಾಧುನಿಕ ತಂತ್ರಜ್ಞಾನಗಳು ಈ ವಿಮಾನಗಳಲ್ಲಿ ಲಭ್ಯವಿದೆ ಎಂದು ಮಾಹಿತಿ ನೀಡಿದರು.
ಇದನ್ನೂ ಓದಿ: ಹೈದರಾಬಾದ್ 'ವಿಂಗ್ಸ್ ಇಂಡಿಯಾ': ಹೆಚ್‌ಎಎಲ್‌ನಿಂದ ಸ್ವದೇಶಿ ಏರ್‌ಕ್ರಾಫ್ಟ್‌ಗಳ ಪ್ರದರ್ಶನ
