ಮುಂಬೈ: ಕೊಳಗೇರಿ ಪುನರ್ವಸತಿ ಪ್ರಾಧಿಕಾರ (ಎಸ್ಆರ್ಎ) ಉಪಕ್ರಮದಲ್ಲಿ ಧಾರಾವಿ ಪುನಾರಾಭಿವೃದ್ಧಿ ಯೋಜನೆಯಲ್ಲಿ ಹೊಸ ರೀತಿಯ ವಿಶಿಷ್ಟ ನೀತಿಯೊಂದನ್ನು ಪರಿಚಯಿಸಿದೆ. ಅದರ ಅನುಸಾರ, ಕೊಳಗೇರಿಯಲ್ಲಿನ ಮೊದಲ ಮಹಡಿಯಲ್ಲಿ ವಾಸಿಸುತ್ತಿರುವ ಬಾಡಿಗೆದಾರರನ್ನು ಪುನರ್ವಸತಿ ಯೋಜನೆಗೆ ಸೇರಿಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸಾಂಪ್ರದಾಯಿಕವಾಗಿ, ಕೊಳಗೇರಿಗಳಲ್ಲಿ ಮೇಲ್ಮಹಡಿ ಬಾಡಿಗೆದಾರರನ್ನು ಅಕ್ರಮ ಎಂದು ಗುರುತಿಸಿ, ಅವರನ್ನು ಕೊಳಗೇರಿ ಪುನರ್ವಸತಿ ಯೋಜನೆಯಿಂದ ಹೊರಗೆ ಇಡಲಾಗುವುದು. ಇವರಿಗೆ ಯಾವುದೇ ಪರ್ಯಾಯ ಇಲ್ಲದಿರುವುದರಿಂದ ಇದು ಅನೇಕ ನಿವಾಸಿಗಳ ಸ್ಥಳಾಂತರದ ಆಕ್ರೋಶಕ್ಕೆ ಗುರಿಯಾಗುತ್ತದೆ. ಈ ಮೇಲ್ಮಹಡಿಯ ಬಾಡಿಗೆದಾರರು ಮತ್ತೊಂದು ಕೊಳಗೇರಿಗೆ ಸ್ಥಳಾಂತರವಾಗುವುದರ ಜೊತೆಗೆ ಮತ್ತೊಂದು ಹೊಸ ಸಮಸ್ಯೆಗೆ ಕಾರಣವಾಗುತ್ತಾರೆ. ಈ ವಿಷಯವನ್ನು ಗುರಿಯಾಗಿಸಿಕೊಂಡು ಕೊಳಗೇರಿ ಮುಕ್ತ ಮುಂಬೈ ನಿಟ್ಟಿನಲ್ಲಿ ರಾಜ್ಯ ಸರ್ಕಾರ ಧಾರಾವಿ ಪುನರಾಭಿವೃದ್ಧಿ ಯೋಜನೆಯಲ್ಲಿ ಈ ಯೋಜನಾಬದ್ದ ತಂತ್ರಗಾರಿಕೆ ರೂಪಿಸಿದ್ದು, ಮೊದಲ ಮಹಡಿ ನಿವಾಸಿಗಳಿಗೂ ಕೂಡ ಮನೆ ಭರವಸೆ ನೀಡಿದೆ.
2024ರ ಅಕ್ಟೋಬರ್ 4ರಂದು ಹೊರಡಿಸಲಾದ ಸರ್ಕಾರದ ಆದೇಶದ ಪ್ರಕಾರ, 2022ರ ನವೆಂಬರ್ 15ರವರೆಗೆ ಧಾರಾವಿಯಲ್ಲಿನ ಎಲ್ಲಾ ಮೇಲಿನ ಮಹಡಿಯ ಬಾಡಿಗೆದಾರರು ಬಾಡಿಗೆ ಖರೀದಿ ಯೋಜನೆಯಲ್ಲಿ ಪುನರ್ವಸತಿಗೆ ಅರ್ಹರಾಗಿದ್ದಾರೆ ಎಂದು ಸರ್ಕಾರ ಹೇಳಿದೆ.
ಹೀಗಿರುತ್ತೆ ನಿಯಮ: ಈ ಯೋಜನೆ ಅಡಿ ಬಾಡಿಗೆದಾರರು ಮುಂಬೈನಲ್ಲಿ 300 ಚ.ಮೀ ಮನೆಯನ್ನು ಧಾರಾವಿ ಹೊರವಲಯದಲ್ಲಿ 25 ವರ್ಷಗಳ ನಾಮಮಾತ್ರ ಬಾಡಿಗೆ ಪಡೆಯುತ್ತಾರೆ. ಇದಾದ ಬಳಿಕ ಅವರು ಮಾಲೀಕತ್ವ ಹೊಂದುತ್ತಾರೆ. ಈ ಯೋಜನೆಯು ಸರಳೀಕೃತ ಮತ್ತು ಮಾಲೀಕತ್ವವನ್ನು ಪಡೆಯಲೂ 25 ವರ್ಷಗಳೊಳಗೆ ಹಣವನ್ನು ಪಾವತಿ ಮಾಡಲು ಸಹಾಯ ಮಾಡುತ್ತದೆ. ಇವರು ವಾಸಿಸುವ ಮನೆಯ ಬಾಡಿಗೆ ಮತ್ತು ಮಾಲೀಕತ್ವದ ಹಣವನ್ನು ಡಿಆರ್ಪಿ ಅಥವಾ ರಾಜ್ಯ ಸರ್ಕಾರ ಸಂಗ್ರಹಿಸಲಿದೆ.
ಈ ಎಲ್ಲ ದಾಖಲೆಗಳನ್ನು ನೀಡಿ ಯೋಜನೆ ಪ್ರಯೋಜನ ಪಡೆಯಬಹುದು: ಮೇಲ್ಮಹಡಿಯ ನಿವಾಸಿಗಳು ವಿದ್ಯುತ್ ಬಿಲ್‌ಗಳು, ನೋಂದಾಯಿತ ಮಾರಾಟ ಅಥವಾ ಬಾಡಿಗೆ ಒಪ್ಪಂದ , ಆಧಾರ್ ಕಾರ್ಡ್‌, ರೇಷನ್ ಕಾರ್ಡ್‌ ಅಥವಾ ಅರ್ಹ ನೆಲಮಹಡಿ ನಿವಾಸಿಗಳು ಪ್ರಮಾಣೀಕರಿಸಿದ ಅಫಿಡವಿಟ್‌ನಂತಹ ದಾಖಲೆಗಳನ್ನು ಒದಗಿಸಿದಲ್ಲಿ ಮಾತ್ರ ಅವರು ಯೋಜನೆಗೆ ಅರ್ಹರಾಗುತ್ತಾರೆ ಎಂದು ಸರ್ಕಾರ ಹೊರಡಿಸಿರುವ ಆದೇಶದಲ್ಲಿ ತಿಳಿಸಲಾಗಿದೆ.
ಅಲ್ಲಿನ ನಿವಾಸಿಗಳ ಘನತೆ ಕಾಪಾಡಲು ಕ್ರಮ: ಉನ್ನತ ಖರೀದಿ ಯೋಜನೆಯಲ್ಲಿ ಧಾರಾವಿ ನಿವಾಸಿಗಳು ಪ್ರತ್ಯೇಕ ಶೌಚಾಲಯ ಮತ್ತು ಅಡುಗೆ ಕೋಣೆಯಂತಹ ಅಗತ್ಯ ಸೌಲಭ್ಯವುಳ್ಳ ಆಧುನಿಕ ಮನೆಗೆ ತೆರಳಲಿದ್ದು, ಇದು ಅವರ ಘನತೆ, ಖಾಸಗಿತನ ಮತ್ತು ಉತ್ತಮ ಜೀವನವನ್ನು ಖಾತ್ರಿಪಡಿಸುತ್ತದೆ ಎಂದು ಡಿಪಿಆರ್ - ಎಸ್ಆರ್ಎ ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಕಟ್ಟಡಗಳನ್ನು ಡೆವಲಪರ್ಗಳು ಪುನರ್ವಸತಿ ನಂತರದ ನಿರ್ವಹಣೆ ಮಾಡಲಿದ್ದು, ಇದು ನಿವಾಸಿಗಳ ಮೇಲೆ ಆರ್ಥಿಕ ಹೊರೆಯನ್ನು ಕೆಳಗಿಳಿಸಲಿದೆ. ಅಲ್ಲದೇ, ಕಟ್ಟಡ ಶೇ 10ರಷ್ಟು ಪ್ರದೇಶವನ್ನು ವಾಣಿಜ್ಯ ಅಭಿವೃದ್ಧಿ ನಡೆಸುವುದರಿಂದ ಇದು ಹೌಸಿಂಗ್ ಸೊಸೈಟಿಗೆ ಶಾಶ್ವತ ಆದಾಯ ನೀಡುತ್ತದೆ. ಆಧುನಿಕ ನಗರ ನಿರ್ಮಾಣದಲ್ಲಿ ಅಗಲವಾದ ರಸ್ತೆ, ಗಿಡ - ಮರಕ್ಕೆ ಜಾಗ, ಆರೋಗ್ಯ ಸೇವೆ, ಶಿಕ್ಷಣ ಸಂಸ್ಥೆ ಮತ್ತು ಕ್ರೀಡೆಗಳಿಗಾಗಿ ಇಲ್ಲಿ ಜಾಗ ಬಿಡಲಾಗಿದೆ.
ಈ ಉಪಕ್ರಮವೂ ಜೀವನ ಮಟ್ಟ ಸುಧಾರಣೆ ಮಾತ್ರವಲ್ಲದೇ, ನಿವಾಸಿಗಳಿಗೆ ಮಾಲೀಕತ್ವ ಮತ್ತು ಹೆಮ್ಮೆಯನ್ನು ನೀಡಲಿದ್ದು, ಕೊಳಗೇರಿ ಪುನರ್ವಸತಿ ಕಡೆಗೆ ಮುಂಬೈನ ಪ್ರಯತ್ನಗಳಲ್ಲಿ ಹೊಸ ಅಧ್ಯಾಯವಾಗಲಿದೆ.ಈ ಯೋಜನೆ ಮೂಲಕ ಸಾವಿರಾರು ಕುಟುಂಬಗಳು ದೃಢ, ಕೈಗೆಟುಕುವ ದರದ ಮನೆ ಜೊತೆಗೆ ಘನತೆಯ ಭವಿಷ್ಯವನ್ನು ಪಡೆಯಲಿದ್ದಾರೆ ಎಂದು ಡಿಪಿಆರ್-ಎಸ್ಆರ್ಎ ಅಧಿಕಾರಿಗಳು ತಿಳಿಸಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ಮುಂಬೈನ ಧಾರಾವಿ ಸ್ಲಮ್ ಪುನರ್ನಿರ್ಮಾಣ ಯೋಜನಾ ಸಮೀಕ್ಷೆ ಆರಂಭ: ನಿವಾಸಿಗಳ ಬೆಂಬಲ
