Cyber Crime News Latest : ಸೈಬರ್ ಅಪರಾಧಿಗಳು ಹೊಸ ರೀತಿಯ ವಂಚನೆಗೆ ಮುಂದಾಗುತ್ತಿದ್ದಾರೆ. ತಮ್ಮನ್ನು ತಾವು ಸಿಬಿಐ, ಎನ್‌ಐಎ, ಇಡಿ ಮತ್ತು ಕಸ್ಟಮ್ಸ್ ಅಧಿಕಾರಿಗಳು ಎಂದು ಪರಿಚಯಿಸಿಕೊಳ್ಳುತ್ತಿದ್ದಾರೆ. ಇವರು ನಿಮ್ಮ ಆಧಾರ್ ಸಂಖ್ಯೆ ಮತ್ತು ಬ್ಯಾಂಕ್ ಖಾತೆ ಸಂಖ್ಯೆ ಇದೇನಾ?.. ನಿಮ್ಮ ಖಾತೆಗಳಿಂದ ಅಕ್ರಮವಾಗಿ ಲಕ್ಷಾಂತರ ರೂಪಾಯಿ ವಹಿವಾಟು ನಡೆದಿದೆ. ನಿಮ್ಮ ಹೆಸರಿನಲ್ಲಿ ಬಂದ ಪಾರ್ಸಲ್ನಲ್ಲಿ ಡ್ರಗ್ಸ್ ಇದೆ. ಈಗಿಂದೀಗಲೇ ನಿಮ್ಮನ್ನು ಗೃಹಬಂಧನ ಮಾಡುತ್ತೇವೆ ಎಂದು ಅಮಾಯಕರಿಂದ ಹಣ ದೋಚುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಟಿಜಿ ಸೈಬರ್ ಕ್ರೈಂ ಬ್ಯೂರೋ ಪೊಲೀಸರು ಇಂತಹ ಕರೆಗಳ ಬಗ್ಗೆ ಎಚ್ಚರಿಕೆ ವಹಿಸುವಂತೆ ಜನರಿಗೆ ಸಲಹೆ ಸೂಚನೆಗಳನ್ನು ನೀಡಿದ್ದಾರೆ.
ಸಾಮಾನ್ಯರಿಂದ ಹಿಡಿದು ಶ್ರೀಮಂತರವರೆಗೆ ದಿಢೀರ್ ಬೆದರಿಕೆ ಫೋನ್ ಕರೆಗಳು ಭಯಭೀತಗೊಳಿಸುತ್ತವೆ. ಸತ್ಯಾಸತ್ಯೆತೆಗಳನ್ನು ಅರಿತುಕೊಳ್ಳುವಷ್ಟರಲ್ಲೇ ನಿಮ್ಮ ಖಾತೆಯಿಂದ ಹಣ ಲೂಟಿ ಮಾಡುತ್ತಾರೆ. ಜನ ಎಚ್ಚೆತ್ತುಕೊಂಡರೂ ಹೊಸ ಬಗೆಯ ವಂಚನೆಗಳಿಂದ ಮೋಸ ಹೋಗುತ್ತಿದ್ದಾರೆ. ಈ ವರ್ಷ ಫೆಡ್‌ಎಕ್ಸ್‌ ಕೊರಿಯರ್‌ ಕಂಪನಿಯ ಹೆಸರನ್ನು ಬಳಸಿಕೊಂಡು ವಿದೇಶದಿಂದ ಡ್ರಗ್ಸ್, ಕಪ್ಪುಹಣ, ಶಸ್ತ್ರಾಸ್ತ್ರಗಳು ನಿಮ್ಮ ಹೆಸರಿನಲ್ಲಿ ಬಂದಿವೆ ಎಂದು ಬೆದರಿಸಿ ಅಮಾಯಕರಿಂದ ಅಪಾರ ಪ್ರಮಾಣದ ಹಣವನ್ನು ವಸೂಲಿ ಮಾಡಲಾಗುತ್ತಿದೆ. ಇಂತಹ ವಂಚಕರ ಮಾತಿಗೆ ಬೆದರಬೇಡಿ ಎಂದು ಸೈಬರ್ ಕ್ರೈಂ ಬ್ಯೂರೋ ಪೊಲೀಸರು ಸೂಚಿಸಿದ್ದಾರೆ.
ಕೇಂದ್ರ ತನಿಖಾ ಸಂಸ್ಥೆಯ ಅಧಿಕಾರಿಗಳು ಎಂದು ಹೇಳಿಕೊಂಡು ನಿಮ್ಮನ್ನು ಮೊದಲಿಗೆ ನಂಬಿಸುತ್ತಾರೆ. ಬಳಿಕ ಆಧಾರ್, ಪ್ಯಾನ್ ಕಾರ್ಡ್ ಮತ್ತು ಬ್ಯಾಂಕ್ ಖಾತೆಯ ವಿವರ ಪಡೆಯುತ್ತಾರೆ. ಒಟ್ಟಿನಲ್ಲಿ ಅವರು ಅಧಿಕಾರಿಗಳೆಂದು ನಂಬಿಸುತ್ತಾರೆ.
