ಬೆಗುಸರಾಯ್ (ಬಿಹಾರ್): ಹನುಮಂತ ಮುಸಲ್ಮಾನ. ರಾಮ ಆತನಿಗೆ ನಮಾಜ್ ಮಾಡುವುದನ್ನು ಕಲಿಸಿದ ಎಂದು ಬಿಹಾರ್ನ ಬಚ್ಚವರ ಪ್ರದೇಶದ ಶಿಕ್ಷಕರೊಬ್ಬರು ಮಕ್ಕಳಿಗೆ ಹೇಳಿದ್ದಾರೆ. ಅವರ ಈ ಹೇಳಿಕೆ ವಿರುದ್ಧ ಇತರ ಶಿಕ್ಷಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇಲ್ಲಿನ ಮಾಧ್ಯಮಿಕ ಶಾಲೆ ಹರಿಪುರದ ಕದರಬಾದ್ನ ಜಿಯಾದ್ದೀನ್ ಎಂಬ ಶಿಕ್ಷಕ ಮಕ್ಕಳಿಗೆ ತಪ್ಪು ಮಾಹಿತಿ ನೀಡುವ ಮೂಲಕ ಮಕ್ಕಳನ್ನು ದಾರಿ ತಪ್ಪಿಸುತ್ತಿದ್ದಾರೆ ಎಂದು ಪೋಷಕರು ಆರೋಪಿಸಿದ್ದಾರೆ.
ಅವರು ಮಕ್ಕಳಿಗೆ ಈ ರೀತಿ ಹೇಳಿಕೊಟ್ಟಿರುವುದರ ವಿರುದ್ಧ ವ್ಯಾಪಕ ವಿರೋಧ ವ್ಯಕ್ತವಾಗುತ್ತಿದ್ದಂತೆ ಶಿಕ್ಷಕ ಕ್ಷಮೆಯಾಚಿಸಿದ್ದಾರೆ. ಆದರೆ ಇಲ್ಲಿನ ಸ್ಥಳೀಯರು ಮತ್ತು ವಿದ್ಯಾರ್ಥಿಗಳ ಪೋಷಕರು ಅವರ ಕ್ಷಮೆ ಸ್ವೀಕರಿಸಲು ತಯಾರಿಲ್ಲ. ಅಲ್ಲದೇ, ಶಿಕ್ಷಕರ ವಿರುದ್ಧ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಿಸಿದ್ದಾರೆ. ಶಿಕ್ಷಕ ಜಿಯಾದ್ದೀನ್ ತಪ್ಪು ಮಾಹಿತಿ ನೀಡುತ್ತಿದ್ದು, ಅವರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಬೇಕು ಎಂದು ಕೇಂದ್ರ ಸಚಿವ ಗಿರಿರಾಜ್ ಸಿಂಗ್ ಆಗ್ರಹಿಸಿದ್ದಾರೆ.
ಹಿಂದೆ ಗಂಗಾ ನದಿ ಅವಹೇಳನ ಮಾಡಿದ್ದರು ಎಂಬ ಆರೋಪ : ಶಿಕ್ಷಕ ಜಿಯಾದ್ದೀನ್ ಮೇಲೆ ಈ ರೀತಿ ಆರೋಪ ಕೇಳಿ ಬರುತ್ತಿರುವುದು ಇದೇ ಮೊದಲ ಬಾರಿಯೇನಲ್ಲ. ಈ ಹಿಂದೆ 2016ರಲ್ಲಿ ಕೂಡ ಗಂಗಾ ನದಿ ಕುರಿತು ಇಂತಹದ್ದೇ ತಪ್ಪು ಮಾಹಿತಿ ನೀಡಿದ್ದರು. ಗಂಗಾ ನದಿ ದೇವೆತೆಯ ಸ್ವರೂಪವಲ್ಲ. ನದಿ ದೈವ ಸ್ವರೂಪ ಆಗಿದ್ದರೆ, ಯಾರು ಕೂಡ ನದಿಯಲ್ಲಿ ಬಿದ್ದು ಸಾವನ್ನಪ್ಪುತ್ತಿರಲಿಲ್ಲ ಎಂದಿದ್ದರು. ಈ ಹೇಳಿಕೆ ಬಂದಾಗಲೂ ತೀವ್ರ ವಿರೋಧ ವ್ಯಕ್ತವಾಗಿತ್ತು.
ಬೇಕಾಬಿಟ್ಟಿಯಾಗಿ ಮಕ್ಕಳಿಗೆ ತಪ್ಪು ಮಾಹಿತಿ ನೀಡುತ್ತಿರುವ ಶಿಕ್ಷಕರನ್ನು ಶಾಲೆಯಿಂದ ಉಚ್ಛಾಟನೆ ಮಾಡುವಂತೆ ಗ್ರಾಮದ ನಿವಾಸಿ ದೀಪಕ್ ಕುಮಾರ್ ಎಂಬುವವರು ಒತ್ತಾಯಿಸಿದ್ದಾರೆ. ಇದು ನಮಗೆ ಸಂಪೂರ್ಣ ಸ್ವೀಕರಾರ್ಹವಲ್ಲ. ಈ ರೀತಿಯ ಹೇಳಿಕೆಯನ್ನು ನಾವು ಖಂಡಿಸುತ್ತೇವೆ. ಹಾಗೇ ಶಿಕ್ಷಕರ ವಿರುದ್ಧ ಕಠಿಣ ಕ್ರಮಕ್ಕೆ ಆಗ್ರಹಿಸುತ್ತೇವೆ ಎಂದು ಗ್ರಾಮಸ್ಥರಾದ ರಾಜೇಶ್ ಕುಮಾರ್ ಪೊದ್ದರ್ ಮತ್ತು ಬಲರಾಮ್ ಪ್ರಸಾದ್ ಸಿಂಗ್ ತಿಳಿಸಿದ್ದಾರೆ.
ಇಂತಹ ತಪ್ಪು ಮಾಹಿತಿ ನೀಡದಂತೆ ಸರ್ಪಂಚ್ ಎಚ್ಚರಿಕೆ: ಶಿಕ್ಷಕರ ವಿಚಾರ ಎಲ್ಲೆಡೆ ಹರಡುತ್ತಿದ್ದಂತೆ, ಶಾಲೆಗೆ ಆಗಮಿಸಿದ ಸರ್ಪಂಚ್ ಶಿಕ್ಷಕರ ಬಳಿ ಕ್ಷಮೆ ಕೇಳುವಂತೆ ತಿಳಿಸಿದ್ದು, ಈ ರೀತಿಯ ವರ್ತನೆಯನ್ನು ಪುನರಾವರ್ತನೆ ಮಾಡದಂತೆ ಕಡೆಯ ಎಚ್ಚರಿಕೆಯನ್ನು ನೀಡಿದ್ದಾರೆ ಎಂದು ಮಾಧ್ಯಮಿಕ ಶಾಲೆ ಹರಿಪುರ್ ಕದ್ರಬಾದ್ ಮುಖ್ಯೋಪಾಧ್ಯಾಯರಾದ ಶೈಲ್ ಕುಮಾರಿ ತಿಳಿಸಿದ್ದಾರೆ.
ಇದನ್ನೂ ಓದಿ: ಮಾಂತ್ರಿಕನ ಮಾತು ಕೇಳಿ ತಿಂಗಳ ಹಸುಳೆಯನ್ನು ಬಲಿ ಕೊಟ್ಟ ದಂಪತಿ!
