Army Man Creates Digital Lock: ಪದೇ ಪದೆ ಕಳ್ಳತನವಾಗುತ್ತಿರುವುದನ್ನು ತಡೆಯಲು ಮಧ್ಯಪ್ರದೇಶದ ಮಾಜಿ ಸೈನಿಕರೊಬ್ಬರು ವಿಶಿಷ್ಟವಾದ ರೀತಿಯಲ್ಲಿ ಬೀಗವೊಂದನ್ನು ತಯಾರಿಸಿದ್ದಾರೆ. ಒಂದು ತಿಂಗಳ ಕಾಲ ದುಡಿದು ರೂ.3 ಸಾವಿರ ವೆಚ್ಚದಲ್ಲಿ ಡಿಜಿಟಲ್ ಲಾಕ್ ತಯಾರಿಸಿದ್ದಾರೆ. ಈ ಬೀಗವು ಮನೆ, ಕಚೇರಿ, ಅಂಗಡಿಗಳನ್ನು ಕಳ್ಳರಿಂದ ಸುರಕ್ಷಿತವಾಗಿರಿಸುತ್ತದೆ. ಅದು ಹೇಗೆ ಸಾಧ್ಯ ಅಂತೀರಾ.. ಹಾಗಾದರೆ ಈ ಬೀಗದ ವೈಶಿಷ್ಟ್ಯಗಳ ಬಗ್ಗೆ ನೀವು ತಿಳಿಯಲೇ ಬೇಕು.
ಮುಟ್ಟಿದರೆ ಸಾಕು ಅಲರ್ಟ್ ಕಾಲ್: ಸಾಗರ ಜಿಲ್ಲೆಯ ಸಿದ್ದ್ ಗುವಾನ್ ಕೈಗಾರಿಕಾ ಪ್ರದೇಶದ ಮಾಜಿ ಸೈನಿಕ ಮುಖೇಶ್ ಕುಮಾರ್ ಈ ಡಿಜಿಟಲ್ ಲಾಕ್ ಅನ್ನು ವಿನ್ಯಾಸಗೊಳಿಸಿದ್ದಾರೆ. ಕಳ್ಳರು ಈ ಬೀಗ ಒಡೆಯಲು ಯತ್ನಿಸಿದರೆ, ತಕ್ಷಣ ಸೈರನ್ ಮೊಳಗುತ್ತದೆ. ಇದಲ್ಲದೇ, ಸಾಧನಕ್ಕೆ ಸಂಪರ್ಕಗೊಂಡಿರುವ ಮೊಬೈಲ್ಗೆ ಎಚ್ಚರಿಕೆಯ ಕರೆ ಕೂಡ ಹೋಗುತ್ತದೆ.
ಈ ಡಿಜಿಟಲ್ ಲಾಕ್ ಮತ್ತೊಂದು ವಿಶೇಷತೆ ಹೊಂದಿದೆ. ಇದು ಬೀಗ ಮುರಿಯಲು ಪ್ರಯತ್ನಿಸುತ್ತಿರುವ ವ್ಯಕ್ತಿಯ ಫೋಟೋ ಮತ್ತು ವಿಡಿಯೋವನ್ನು ಸಹ ರೆಕಾರ್ಡ್ ಮಾಡುತ್ತದೆ. 3 ಸಾವಿರ ರೂ. ಬಜೆಟ್ನಲ್ಲಿ ಈ ಡಿಜಿಟಲ್ ಲಾಕ್ ಅನ್ನು ಎಲ್ಲರಿಗೂ ಉಪಯುಕ್ತವಾಗುವಂತೆ ಮಾಡಿರುವ ಮುಖೇಶ್ ಕುಮಾರ್ಗೆ ಎಲ್ಲೆಡೆ ಪ್ರಶಂಸೆ ವ್ಯಕ್ತವಾಗುತ್ತಿದೆ.
"ನಾನು ಐಟಿಐನಲ್ಲಿ ಎಲೆಕ್ಟ್ರಿಕಲ್ ವಿಭಾಗದಲ್ಲಿ ಓದಿದ್ದೇನೆ. ಕಳೆದ ಕೆಲವು ದಿನಗಳಿಂದ ನಮ್ಮ ಪ್ರದೇಶದಲ್ಲಿ ಕಳ್ಳತನಗಳು ಹೆಚ್ಚಾಗಿವೆ. ಅಪರಾಧವನ್ನು ತಡೆಯಲು ಮತ್ತು ಕಳ್ಳರನ್ನು ಹಿಡಿಯಲು ಪೊಲೀಸರಿಗೆ ಸಾಧ್ಯವಾಗುತ್ತಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ ನನಗೆ ಒಂದು ಉಪಾಯ ಸಿಕ್ಕಿತು. ಆಗ ನಾನು ಈ ಡಿಜಿಟಲ್ ಲಾಕ್ ರೆಡಿ ಮಾಡಿದ್ದೇನೆ. ಸ್ಪರ್ಶಿಸಿದಾಗ ಸೈರನ್ ಸಹ ಮೊಳಗಿಸುತ್ತದೆ. ಅಸ್ತಿತ್ವದಲ್ಲಿರುವ ಮೊಬೈಲ್ ಸಂಖ್ಯೆಗೆ ಎಚ್ಚರಿಕೆಯ ಕರೆಯನ್ನು ಸಹ ಬರುತ್ತದೆ. ಡಿಜಿಟಲ್ ಲಾಕ್ ಅನ್ನು ಮುರಿಯಲು ಪ್ರಯತ್ನಿಸುತ್ತಿರುವ ವ್ಯಕ್ತಿಯ ಫೋಟೋ ಮತ್ತು ವಿಡಿಯೋವನ್ನು ರೆಕಾರ್ಡ್ ಮಾಡುವಂತೆ ನಾನು ಈ ಸಾಧನವನ್ನು ವಿನ್ಯಾಸಗೊಳಿಸಿದ್ದೇನೆ ಎಂದು ಮಾಜಿ ಯೋಧ ಮುಖೇಶ್ ಕುಮಾರ್ ಹೇಳುತ್ತಾರೆ.
ಸೆನ್ಸಾರ್ ಹೊಂದಿರುವ ಡಿಜಿಟಲ್ ಲಾಕ್: ಮಾಜಿ ಸೈನಿಕ ಮುಖೇಶ್ ಕುಮಾರ್ ಅವರು ಈ ಡಿಜಿಟಲ್ ಲಾಕ್ ಮಾಡಲು ಸೆನ್ಸಾರ್ ಕ್ಯಾಮೆರಾ, ಮೊಬೈಲ್ ಸಾಧನಗಳು ಮತ್ತು ಸೈರನ್ ಬಳಸಿದ್ದಾರೆ. ಈ ಡಿಜಿಟಲ್ ಲಾಕ್ಗೆ ದಪ್ಪವಾದ ಸ್ಟೀಲ್ ಬಳಸಿ ವಿನ್ಯಾಸಗೊಳಿಸಿದ್ದಾರೆ. ಈ ಲಾಕ್ನಲ್ಲಿ ಸೆನ್ಸಾರ್ ಕ್ಯಾಮೆರಾ ಜೊತೆ ಮೊಬೈಲ್ ಸಾಧನವೂ ಇದೆ. ಮುಖೇಶ್ ಕುಮಾರ್ ಈ ಡಿಜಿಟಲ್ ಲಾಕ್ ರೆಡಿ ಮಾಡಲು ಸುಮಾರು ಒಂದು ತಿಂಗಳುಗಳ ಕಾಲ ಸಮಯ ತೆಗೆದುಕೊಂಡಿದ್ದಾರೆ. ಇದರ ತೂಕ ಸುಮಾರು ಎರಡು ಕಿಲೋ ಇದೆಯಂತೆ. ಅದನ್ನು ಆನ್ ಮಾಡಲು ವೈಫೈ ಸಂಪರ್ಕದ ಅಗತ್ಯವಿದೆ ಎಂದು ಅವರು ತಿಳಿಸಿದ್ದಾರೆ.
ಓದಿ: ಬೆಂಗಳೂರಲ್ಲಿ 3 ವರ್ಷದ ಬಾಲಕಿ ಮೇಲೆ ನರ್ಸರಿ ಶಿಕ್ಷಕಿಯಿಂದ ಲೈಂಗಿಕ ದೌರ್ಜನ್ಯ - Sexual Assault On 3 Year Old Girl
