ಮುಂಬೈ (ಮಹಾರಾಷ್ಟ್ರ): ಥಾಯ್ಲೆಂಡ್ನಲ್ಲಿ 25ಕ್ಕೂ ಹೆಚ್ಚು ಭಾರತೀಯರನ್ನು ಹೆಚ್ಚಿನ ಸಂಬಳದ ಆಮಿಷವೊಡ್ಡಿ, ಉದ್ಯೋಗಕ್ಕೆ ಸೇರಿಸಿಕೊಂಡ ಬಳಿಕ ಅವರಿಂದ ಸೈಬರ್ ಅಪರಾಧಗಳನ್ನು ಮಾಡಿಸಿದ ಜಾಲ ಪತ್ತೆಯಾಗಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ದೇಶದಲ್ಲಿ ಇಬ್ಬರು ಏಜೆಂಟರುಗಳನ್ನು ಬಂಧಿಸಲಾಗಿದೆ.
ಭಾರತೀಯ ಯುವಕರಿಗೆ ಹೆಚ್ಚಿನ ಸಂಬಳ ನೀಡುವ ಆಸೆ ತೋರಿಸಿ ಲಾವೋಸ್ಗೆ ಕರೆದೊಯ್ಯಲಾಗಿದೆ. ಅಲ್ಲಿ ಅವರನ್ನು ವಂಚನೆಯಲ್ಲಿ ಬಳಸಿಕೊಂಡು, ಕಾಲ್ ಸೆಂಟರ್ ಮೂಲಕ ಜನರಿಗೆ ಕರೆ ಮಾಡಿಸಿ ಹಣ ಪೀಕಲು ಆದೇಶಿಸಿದ್ದಾರೆ.
ವಂಚನೆ ಜಾಲದಿಂದ ತಪ್ಪಿಸಿಕೊಂಡು ಬಂದ ಸಿದ್ಧಾರ್ಥ್ ಯಾದವ್ (23) ಎಂಬಾತ ನೀಡಿದ ದೂರಿನ ಮೇರೆಗೆ ದಂಧೆಯ ಕಿಂಗ್‌ಪಿನ್ ಎಂದು ಗುರುತಿಸಲಾದ ಏಜೆಂಟ್ ಜೆರ್ರಿ ಜಾಕೋಬ್ (46) ಮತ್ತು ಆತನ ಸಹಚರ ಗಾಡ್‌ಫ್ರೇ ಅಲ್ವಾರೆಸ್ (39) ಎಂಬಾತನನ್ನು ಮುಂಬೈ ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ. ಪ್ರಕರಣದಲ್ಲಿ ಸನ್ನಿ ಎಂಬ ಇನ್ನೊಬ್ಬ ಏಜೆಂಟ್ ಹೆಸರೂ ಇದ್ದು, ಆತನಿಗಾಗಿ ತಲಾಶ್ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಪ್ರಕರಣದ ಹಿನ್ನೆಲೆ: ಮಹಾರಾಷ್ಟ್ರದ ಥಾಣೆ ನಿವಾಸಿ ಸಿದ್ದಾರ್ಥ್ ಯಾದವ್ ಮತ್ತು ಇತರ ಮೂವರು ಉದ್ಯೋಗ ವಂಚನೆ ಜಾಲದಲ್ಲಿ ಸಿಲುಕಿಕೊಂಡಿದ್ದರು. 2022 ರಲ್ಲಿ ಅವರು ಲಾವೋಸ್ಗೆ ತೆರಳಿದ್ದರು. ಅಲ್ಲಿ ತಮ್ಮಿಂದ ಅಪರಾಧ ಕೃತ್ಯಗಳನ್ನು ಮಾಡಿಸುತ್ತಿದ್ದ ಜಾಲದಿಂದ ಬೇಸತ್ತು ಮೂವರು ಅಲ್ಲಿನ ಭಾರತೀಯ ರಾಯಭಾರಿ ಕಚೇರಿಯ ನೆರವು ಯಾಚಿಸಿದ್ದಾರೆ.
ಆರೋಪಿಗಳಾದ ಜೇಕಬ್, ಅಲ್ವಾರೆಸ್ ಮತ್ತು ಸನ್ನಿ ಯಾದವ್ ಅವರುಗಳು ಸುಮಾರು 25 ಭಾರತೀಯ ಯುವಕರನ್ನು ಕರೆದುಕೊಂಡು ಬಂದು ಕಾಲ್ ಸೆಂಟರ್‌ನಲ್ಲಿ ಕೆಲಸಕ್ಕೆ ನಿಯೋಜಿಸಿದರು. ಅವರಿಂದ ಯುರೋಪ್, ಅಮೆರಿಕ ಮತ್ತು ಕೆನಡಾದಲ್ಲಿ ನಕಲಿ ಸಾಮಾಜಿಕ ಮಾಧ್ಯಮ ಖಾತೆಗಳ ಮೂಲಕ ಜನರನ್ನು ವಂಚಿಸುವ ಕೆಲಸ ನೀಡಿದರು ಎಂದು ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ.
ಏನೇನೋ ಕಾರಣಗಳನ್ನು ಜನರಿಂದ ಹಣ ಪೀಕಿದ್ದಾರೆ. ಇದರಿಂದ ತಾವು ತಪ್ಪಿಸಿಕೊಳ್ಳಲೆಂದು ಲಾವೋಸ್‌ನಲ್ಲಿರುವ ಭಾರತೀಯ ರಾಯಭಾರ ಕಚೇರಿಯನ್ನು ಸಂಪರ್ಕಿಸಿದಾಗ ಆರೋಪಿಗಳು ತಮ್ಮ ಮೇಲೆ ಹಲ್ಲೆ ಮಾಡಿದ್ದಾರೆ. ಬಳಿಕ ಭಾರತೀಯ ರಾಯಭಾರ ಕಚೇರಿಯ ಮಧ್ಯಪ್ರವೇಶದ ನಂತರ, ಸ್ಥಳೀಯ ಪೊಲೀಸರು ಸಿದ್ದಾರ್ಥ್ ಯಾದವ್ ಸೇರಿದಂತೆ ಮೂವರು ಯುವಕರನ್ನು ರಕ್ಷಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಮೂವರು ಆರೋಪಿಗಳ ವಿರುದ್ಧ ಕ್ರಿಮಿನಲ್ ಬೆದರಿಕೆ, ಅಕ್ರಮ ಬಂಧನ, ಕಳ್ಳಸಾಗಣೆ ಮತ್ತು ವಂಚನೆ ಆರೋಪದ ಮೇಲೆ ಭಾರತೀಯ ದಂಡ ಸಂಹಿತೆ ಮತ್ತು ವಲಸೆ ಕಾಯ್ದೆಯಡಿ ಪೊಲೀಸರು ದೂರು ದಾಖಲಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಪತಿಯ ಕ್ರಿಕೆಟ್ ಬೆಟ್ಟಿಂಗ್ನಿಂದ ಸಾಲಗಾರರ ಕಿರುಕುಳ ಆರೋಪ: ಮನನೊಂದು ಪತ್ನಿ ಆತ್ಮಹತ್ಯೆ - Cricket Betting
