ತುಂಬಿ ಹರಿಯುತ್ತಿರುವ ನದಿಯಲ್ಲಿ ಮಕ್ಕಳ ಚೆಲ್ಲಾಟ- ಶಾಕಿಂಗ್​ ವಿಡಿಯೋ

ಗುವಾಹಟಿ(ಅಸ್ಸೋಂ): ಅಸ್ಸೋಂನಲ್ಲಿ ಮುಂಗಾರುಮಳೆ ಶುರುವಾಗಿದ್ದು, ನದಿಗಳಿಗೆ ನೀರು ಹರಿದು ಬರುತ್ತಿದೆ. ಸೋನಿತ್​​ಪುರ ಜಿಲ್ಲೆಯ ಗಬ್​ಹೋರು ನದಿ ತುಂಬಿ ರಭಸವಾಗಿ ಹರಿಯುತ್ತಿದ್ದು, ಅದರಲ್ಲಿ ಮಕ್ಕಳು ಈಜಾಡುತ್ತಿರುವ ಶಾಕಿಂಗ್​ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ನೀರು ವೇಗವಾಗಿ ಹರಿಯುತ್ತಿದ್ದರೂ ಮಕ್ಕಳು ನದಿ ದಡದಿಂದ ನೀರಿಗೆ ಹಾರಿ ಖುಷಿ ಪಡುತ್ತಿರುವುದು ಅಪಾಯಕ್ಕೆ ಆಹ್ವಾನ ನೀಡಿದಂತಿದೆ. ನೀರಿನ ಸೆಳೆತಕ್ಕೆ ಸಿಲುಕುವ ಭಯವಿಲ್ಲದೇ ಮಕ್ಕಳು ಆಟ ಆಡುತ್ತಿರುವುದು ನೋಡುಗರಲ್ಲಿ ಭಯ ಹುಟ್ಟಿಸುತ್ತದೆ.