ವಲಸೆ ಕಾರ್ಮಿಕರಿಗೆ 600ಕ್ಕೂ ಹೆಚ್ಚು ರೇಷನ್ ಕಿಟ್​​​​ ವಿತರಿಸಿದ ಟೆಕ್ಕಿಗಳ ತಂಡ!

ಬೆಂಗಳೂರು: ಲಾಕ್​​​ಡೌನ್​​ ಪರಿಣಾಮ ಹಸಿವಿನಿಂದ ಬಳಲುತ್ತಿರುವ ವಲಸೆ ಕಾರ್ಮಿಕರಿಗೆ, 600ಕ್ಕೂ ಹೆಚ್ಚು ರೇಷನ್ ಕಿಟ್​​​​ನ್ನು ಟೆಕ್ಕಿಗಳ ತಂಡವೊಂದು ವಿತರಿಸಿದೆ. ಇದಕ್ಕಾಗಿ ದೇಣಿಗೆ ಸಂಗ್ರಹ ಮಾಡಲು ಈ ತಂಡವು, ಫೇಸ್​​​​ಬುಕ್​​​​​​ನಲ್ಲಿ 100 ಹೆಸರಿನಲ್ಲಿ ಅಕೌಂಟ್ ಸೃಷ್ಟಿಸಿ ಹಣ ಸಂಗ್ರಹಿಸಿದೆ. ಖಾಸಗಿ ಕಂಪನಿಯಲ್ಲಿ ಸಾಫ್ಟ್​​​​​​ವೇರ್ ಇಂಜಿನಿಯರ್ ಆಗಿರುವ ದೇಬಿಯಾನ್ ಮುಖರ್ಜಿ, ಬಡವರಿಗೆ ಸಹಾಯ ಮಾಡಬೇಕೆಂದು ಫೇಸ್​​​​​ಬುಕ್​​​​ನಲ್ಲಿ 100 ಹೆಸರಿನಲ್ಲಿ ಗ್ರೂಪ್ ರಚಿಸಿದ್ದಾರೆ. ತಮಗೆ ಫ್ರೆಂಡ್ ಆಗಿದ್ದ ಸುಮಾರು 900ಕ್ಕೂ ಹೆಚ್ಚು ಸ್ನೇಹಿತರಿಗೆ ತಮ್ಮ ಉದ್ದೇಶ ತಿಳಿಸಿ ತಲಾ ಒಬ್ಬರಿಂದ 100 ರೂ. ನೀಡುವಂತೆ ಮನವಿ ಮಾಡಿದ್ದರು. ಇವರ ಮನವಿ‌ಗೆ ಸ್ಪಂದಿಸಿದ ಸದಸ್ಯರಿಂದ ₹2.50 ಲಕ್ಷ ದೇಣಿಗೆ ಸಂಗ್ರಹಿಸಿ, ಕೂಡ್ಲು ಗ್ರಾಮದ ರಾಮರೆಡ್ಡಿ ಕಾಲೋನಿಯ ನೂರಾರು ವಲಸೆ ಕಾರ್ಮಿಕರಿಗೆ ರೇಷನ್ ಕಿಟ್ ವಿತರಿಸಿದ್ದಾರೆ. ಹಸಿದವರ ಹೊಟ್ಟೆ ತುಂಬಿಸಿರುವ ಈ ತಂಡದ ಸದಸ್ಯರು ಈಟಿವಿ ಭಾರತನೊಂದಿಗೆ ತಮ್ಮ ಕಾರ್ಯದ ಹಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.