ಪಂಚಭಾಷೆ ತಾರೆ ದಿ.ನಟಿ ಸೌಂದರ್ಯ ಓದಿದ ಶಾಲೆಗೆ ಹೊಸ ಕಳೆ ಕೊಟ್ಟ ಪ್ರಗತಿ ಚಾರಿಟೆಬಲ್ ಟ್ರಸ್ಟ್

ಪಂಚ ಭಾಷೆ ತಾರೆ ಎಂದು ಹೆಸರಾಗಿದ್ದ ಕನ್ನಡದ ದಿವಂಗತ ನಟಿ ಸೌಂದರ್ಯ ಅವರು ಓದಿದ, ಹುಟ್ಟೂರು ಮುಳಬಾಗಿಲು ತಾಲೂಕಿನ ಗಂಜಿಗುಂಟೆ ಗ್ರಾಮದಲ್ಲಿರುವ ಸರ್ಕಾರಿ ಶಾಲೆ ಬಹುದಿನಗಳ ನಂತರ ಕಲರ್ ಪುಲ್ ಆಗಿ ಕಾಣುತ್ತಿದೆ. ಸೌಂದರ್ಯ ದಕ್ಷಿಣ ಭಾರತದ ಖ್ಯಾತ ನಟಿಯಾಗಿ ಬೆಳೆದಿದ್ರು ಕೂಡ ತನ್ನ ಹುಟ್ಟೂರು ಗಂಜಿಗುಂಟೆ ಗ್ರಾಮವನ್ನು ಮರೆತಿರಲಿಲ್ಲ. ಬಿಡುವಿನ ವೇಳೆ ಹುಟ್ಟೂರಿಗೆ ಆಗಮಿಸಿ ಹಲವು ಸೇವಾ ಕಾರ್ಯಕ್ರಮಗಳನ್ನು ನಡೆಸುತ್ತಾ ಬರುತ್ತಿದ್ದರು. ತಾನು ಓದಿದ ಶಾಲೆಯನ್ನು ಹೊಸದಾಗಿ ಕಟ್ಟಿಸಿಕೊಟ್ಟಿದ್ರು, ಆದರೆ ಸೌಂದರ್ಯ ನಿಧನ ನಂತರ ತನ್ನ ಅಸ್ತಿತ್ವ ಕಳೆದುಕೊಳ್ಳತ್ತಿದ್ದ ಶಾಲೆಗೆ ಪ್ರಗತಿ ಚಾರಿಟೆಬಲ್ ಟ್ರಸ್ಟ್ ಸುಣ್ಣಬಣ್ಣ ಬಳಿದು ಶಾಲೆಯ ಕಾಂಪೌಂಡ್ ಗೋಡೆಗಳಿಗೆ ಬಣ್ಣಬಣ್ಣದ ಚಿತ್ರಗಳನ್ನು ಬಿಡಿಸಿದೆ. ಸೌಂದರ್ಯ ಕಟ್ಟಿಸಿದ ಶಾಲೆ ಇದೀಗ ಸೌಂದರ್ಯದಿಂದ ಕಂಗೊಳಿಸುತ್ತಿದ್ದು ಸಾರ್ವಜನಿಕರ ಮನಸೆಳೆಯುತ್ತಿದೆ.