ಬೆಂಗಳೂರು : ಕರಿಯಾ ಎಂದಿದ್ದಕ್ಕೆ ವರ್ಣಭೇದ ಅಂತ ದೂರು ಕೊಡಲು ಹೇಳಿ, ಚನ್ನಪಟ್ಟಣ ಚುನಾವಣೆ ಮೇಲೆ ಪರಿಣಾಮ ಬೀರಲ್ಲ ಎಂದು ಹೆಚ್ಡಿಕೆ ಬಣ್ಣದ ಬಗ್ಗೆ ಜಮೀರ್ ಹೇಳಿಕೆ ಕುರಿತು ಡಿಸಿಎಂ ಡಿ. ಕೆ ಶಿವಕುಮಾರ್ ಪ್ರತಿಕ್ರಿಯಿಸಿದ್ದಾರೆ.
ಸದಾಶಿವನಗರ ನಿವಾಸದ ಬಳಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಕುಮಾರಸ್ವಾಮಿ, ಜಮೀರ್ ಗಳಸ್ಯ - ಕಂಠಸ್ಯ. ಕುಮಾರಸ್ವಾಮಿ ಅವರದ್ದು ಯಾವ ಚಡ್ಡಿ ಅಂತ ಜಮೀರ್ ಹೇಳ್ತಾರೆ. ಅವನದ್ದು ಏನಿದೆ ಅಂತ ನಾನು ನೋಡಿದ್ದೆ ಅಂತ ಅವರು ಹೇಳ್ತಾರೆ. ಅದು ಅವರವರ ವಿಚಾರ. ಕುಮಾರಸ್ವಾಮಿ ಏನಾದರೂ ಮಾತಾಡಿದ್ರಾ ಇದರ ಬಗ್ಗೆ?. ಹಾಗಾದ್ರೆ ಅವರನ್ನೇ ಮಾತನಾಡೋಕೆ ಹೇಳಿ. ಕರಿಯ ಅಂತ ಕರಿದಿರೋದಕ್ಕೆ ಮಾತನಾಡೋಕೆ ಹೇಳಿ. ವರ್ಣಭೇದ ಅಂತ ದೂರು ಕೊಡಲು ಹೇಳಿ ಎಂದು ಒತ್ತಾಯಿಸಿದರು.
ನಾನು ಡಿಫೈನ್ ಮಾಡಿಕೊಳ್ತಿಲ್ಲ. ನಾವು ಮಧ್ಯಸ್ಥಿಕೆಗೆ ಹೋಗೋದು ಸರಿಯಲ್ಲ. ಬಿಜೆಪಿಯವರು ಅದನ್ನೇ ರಾಜಕಾರಣ ಮಾಡ್ತಾರೆ. ಬಿಜೆಪಿ ಮಾಡಿರುವ ಟ್ವೀಟ್ ಲೆಕ್ಕಕ್ಕೆ ಬರಲ್ಲ. ಅದು ಅವರ ಸ್ವಂತ ವಿಚಾರ. ನಾನು ಕೆಲವೊಮ್ಮೆ ಹೋಗೋ ಬಾರೋ ಅಂತೀನಿ. ಕೆಲವರನ್ನು ಸಾಬ್ರೇ, ಹೇ ಗೌಡ ಬಾರೋ ಇಲ್ಲಿ ಅಂತೀನಿ. ಏನೋ ಕೆಲವರು ಪ್ರೀತಿಯಿಂದ ಕರೆಯುತ್ತಾರೆ. ಹಾಗಂತ ಎಲ್ಲರ ಮೇಲೆ ಪ್ರೀತಿ ತೋರಿಸೋಕೆ ಆಗುತ್ತಾ?. ಕುಮಾರಸ್ವಾಮಿ ಮೇಲೆ ಜಮೀರ್ಗೆ ಬಹಳ ಪ್ರೀತಿ. ಅವರು ಇವರನ್ನ ಕುಳ್ಳ ಅಂತ ಕರೆಯುತ್ತಾರೆ. ಇದು ರಾಜಕಾರಣನಾ?. ಇದು ಚನ್ನಪಟ್ಟಣ ಎಲೆಕ್ಷನ್ ಮೇಲೆ ಪರಿಣಾಮ ಬೀರಲ್ಲ. ರಾಜಕಾರಣ ಮಾಡಬೇಕು, ಸೋಲ್ತಾರೆ ಅಂತ ಟ್ವೀಟ್ ಮಾಡಿದ್ದಾರೆ. ಟ್ವೀಟ್ ಬೇಡ, ಬೇಕಾದ್ರೆ ಅವರೇ ಬಣ್ಣ ಹೊಡೆದುಕೊಳ್ಳಲಿ ಎಂದರು.
ಬಂಡೀಪುರ ರಾತ್ರಿ ಸಂಚಾರದ ಬಗ್ಗೆ ಚರ್ಚಿಸಿ ನಿರ್ಧಾರ : ಬಂಡೀಪುರ ರಾತ್ರಿ ಸಂಚಾರಕ್ಕಾಗಿ ಎರಡು ಸರ್ಕಾರದ ಅಧಿಕಾರಿಗಳೊಂದಿಗೆ ಚರ್ಚಿಸಿ ಪರಿಶೀಲಿಸುತ್ತೇವೆ ಎಂದು ತಿಳಿಸಿದರು.
ಬಂಡೀಪುರದಲ್ಲಿ ರಾತ್ರಿ ಸಂಚಾರ ಬ್ಯಾನ್ ವಾಪಸ್ ಚಿಂತನೆ ವಿಚಾರವಾಗಿ ಪ್ರತಿಕ್ರಿಯಿಸಿ, ಬಂಡೀಪುರದಲ್ಲಿ ಅಧಿಕಾರಿಗಳ ಜೊತೆ ಮಾತನಾಡಿದ್ದೇವೆ. ಎರಡೂ ಸರ್ಕಾರದ ಅಧಿಕಾರಿಗಳ ಜೊತೆ ಚರ್ಚಿಸುತ್ತೇವೆ. ಇಬ್ಬರಿಗೂ ಅನುಕೂಲ ಆಗಬೇಕು. ಜನರ ಹಿತ ಕಾಪಾಡಬೇಕು. ಪರಿಶೀಲನೆ ಮಾಡುತ್ತೇವೆ ಎಂದು ಹೇಳಿದ್ದೇವೆ ಎಂದು ಸ್ಪಷ್ಟಪಡಿಸಿದರು.
ಮೀಸಲಾತಿ ಬಗ್ಗೆ ಯಾವುದೇ ಪ್ರಸ್ತಾವನೆ ಇಲ್ಲ: ಗುತ್ತಿಗೆಯಲ್ಲಿ ಮುಸಲ್ಮಾನರಿಗೆ ಮೀಸಲಾತಿ ವಿಚಾರವಾಗಿ ಮಾತನಾಡಿ, ಅವೆಲ್ಲವೂ ಸುಳ್ಳು. ಎಲೆಕ್ಷನ್ ಟೈಂನಲ್ಲಿ ಹೊಸ ಪ್ರಚಾರ ಮಾಡ್ತಿದ್ದಾರೆ. ಯಾವ ಪ್ರಸ್ತಾವನೆಯೂ ಇಲ್ಲ. ಶೆಡ್ಯೂಲ್ ಕಾಸ್ಟ್ ಬಗ್ಗೆ ಪ್ರಸ್ತಾವನೆ ಇತ್ತು. ಈಗ ಯಾವ ಮೈನಾರಿಟಿಗೂ ಕೂಡ ಇಲ್ಲ. ಮುಸ್ಲಿಂ ಅವರಿಗೂ ಇಲ್ಲ. ಅದರ ಬಗ್ಗೆ ಯಾವ ಚರ್ಚೆಯೂ ಆಗಿಲ್ಲ. ಬಿಜೆಪಿಯವರು ಒಂದಕ್ಕೆ ಎರಡು ಕ್ರಿಯೇಟ್ ಮಾಡ್ತಾರೆ. ನಾನೇ ಹೇಳ್ತೇನೆ ಯಾವ ಪ್ರಸ್ತಾವನೆಯೂ ಇಲ್ಲ. ಎಲೆಕ್ಷನ್ ಸೋಲ್ತೇವೆ ಅಂತ ಏನೇನೋ ಮಾಡ್ತಾರೆ. ಬೆಳ್ಳಿ ಬಟ್ಲು, ತಟ್ಟೆ ಲೋಟ ಕೊಡ್ತಿದ್ದಾರೆ. ಮಂಜುನಾಥ ಸ್ವಾಮಿ ಅರಿಶಿಣ ಕುಂಕುಮ, ಹಂಚುತ್ತಿದ್ದಾರೆ. ಸೋಲ್ತೇವೆ ಅಂತ ಸುಳ್ಳಿನ ಕಂತೆ ಹೇಳ್ತಿದ್ದಾರೆ. ಅವರು ಮಾತನಾಡೋದು ಎಲ್ಲವೂ ಸುಳ್ಳೇ ಎಂದು ಮೈತ್ರಿ ನಾಯಕರ ವಿರುದ್ಧ ವಾಗ್ದಾಳಿ ನಡೆಸಿದರು.
ಡಿಕೆಶಿಯನ್ನು ಬಿಜೆಪಿ ಹಿಟ್ಲರ್ಗೆ ಹೋಲಿಸಿದ ವಿಚಾರವಾಗಿ ಮಾತನಾಡಿ, ಸದ್ಯ ಹಿಟ್ಲರ್ ಹೆಸರು ಆದ್ರೂ ಕೊಡುತ್ತಿದ್ದಾರಲ್ಲ. ಅದನ್ನ ನಾನು ತೆಗೆದುಕೊಳ್ಳುತ್ತೇನೆ. ಬೋರ್ಡ್ ತಂದು ನಮ್ಮ ಮನೆ ಮುಂದೆ ಹಾಕೋಕೆ ಹೇಳಿ ಎಂದು ಟಾಂಗ್ ನೀಡಿದರು.
ಇದನ್ನೂ ಓದಿ : ಹೆಚ್ಡಿಕೆ - ಜಮೀರ್ ಗಳಸ್ಯ ಕಂಠಸ್ಯ, ಹೆಚ್ಚು ಚರ್ಚೆ ಅಗತ್ಯವಿಲ್ಲ: ಸಚಿವ ಜಿ.ಪರಮೇಶ್ವರ್
